Fare Machib ko Sul Bayay
Yesus e fith mad ni gu manged wernga’en rok, ni ngad muruwel gaed rok ni momaw ni nge yag e gapas u fayleng.
Bin tumur e April, President Russell M. Nelson e ke weliy rogon e machib u rogon kamawa’en ni ngan fol ko motochiyal ni ngan t’ufeg Got nge t’ufeg boch e girdii. Mu tiyan’um ko murwel rom nib mangil fanum tabab i fol ko profet rodad ko biney e welithin, dam soen nag boch kanawa’en. Mu timog nga ma’ran ngam nung nga powche’en e picha’ ni btuf e ayuw rorad. Dam tal’eg e ayuw ni ngam lemnag ko mang pig’pig’ e ngam rin, fa’an e gabe gagyeg nag e yalen nib moem ni kan fil ngodad, paer ni gab ki’kiy ko gelngin e priesthood, mu gayed fare Kan Thothup ni nge pow’iy daed, dabin mulgaed.
Biney e kadbul e gube athapeg ni gu non boch ni marnga’gan tirog banen ni machin e gathi murwel, dani mu’on e rran ko mo’olung ngay, nge dariy rogon ni ngam mog ma kemus u tharmiy. Gu weliy ta’areb kanawo’en nib moem.
Grant Morrell Bowen e ma muruwel nib gel, langin nge chitamangiy nib yul’yul, ni bo’ed boch e gidii’ ni ma murwel ko fare bina’ew, gafgow ko salpiy napan ni fapi milay ko kamut ni ke magawon. Ir nge bpin rok, Norma, fekew reb e murwel, ni ranow nga reb e dongoch, mar tabab gow biyay i i’liy e salpiy. Machane, ba kireb e wal, Brother Bowen e ke kirba’en nib gel napan e mo’lung rok ko temple recommend, fare bishop e dani michaen’ ni Morrell e ma pi’ e milgach rok ni gubin ngiyal.
Danug nang ko bin bu’uw e gal pumo’on ney e mata’aw e galifan nem, machane gumnang ni Sister Bowen e ke yan nga wa’en ni ke yag e temple recommend rok nib be’ech, ma Brother Bowen e ke yan nga wa’en ni ke damumuw ni rayag ni nge palog nag ir ko fare galasia ni 15 e duw.
Dan tinuy ko mini’ e ba mat’aw ko fare marnga’gan e milgach, rogon ni gube sap ngay e yow l’agruw Morrell nge fare bishop e kar pag talinew fare thin ko Tathapeg ni “Matinum ko fare lumel nib tumgin”1 nge thin Paul e yog ni “ma dab mpired ni gimed ba damumuw nge polo’ reb e rran..” 2 Fare nen nib kireb riy e dar ug niged ni nge paer Brother Bowen nib damumuw ni gubin e rran, nge fan e murwel, nge duw, ni ba’adag nib riyul’ ni ke dag e pi Roman nib kakarom ni ga’ar “Damumuw, fan e da yilow’, gubin ngiyal ni bay ni bo’or e [kireb] ni fare mad’ad e ir e ba tabab nag.”3 Machane fare ma’ang’ang u tabang e bay ni gubin ngiyal rodad, nge t’ufeg ko pi tabab rok nge fare Galasia ni manang nib riyul, Morrell Bowen e ke yin biyay nga galasia ko pinen ni yibe rin. Mu soen ni ngog ngom nib fel rogon ni urgon ni ke boch.
Bitir ku Brother Bowen i Brad e fagar romad nib mangil mab sobt’an ko Area ko Medlip i Ragag nibe pigpig u southern Idaho. Brad e ba 11 e duw rok e binem e ngiyal ko biney e n’en ke buch, nge 15 e duw nibe yaliy e taliw ko chitamangin nibe buchuw e sobt’an, nge micheg ko n’en ni ke boch ko biney e tabina’ew nib machane dani pluw i lemnag rogon fare milgach. Boch e niyal ma btu’f ni nge ma’. Napan fare rran ko magar u napan 1977, Brad, 26-e duw- rok ni batir ko Brigham Young University; nge bpin rok, Valerie; nge batir rok nib achig nib pagael, Mic, dariy e chugum rorad nib tolang pulwan, nge machane be pi polwon fare school, ni nge yan, Motana. Kar dol’ ko snow nib chugur na West Yellowstone machane ni yad e tabinaw rok ni yad be machib nag Brother Bowen Sr.
Kar taw gad ni polo, Brad nge walagan nib bpin Pam e ke yog ko ni ngar nonod e chitamangin read. “Gur e kam mang rib e papa nib mangil.” Me tabab Brad i weliy amthun, “ni gamed manag ni gubin ni ngiyal e tufig rom ngomad. Machane bay banen nib kireb, ni ke n’uw napan. Ni machane kam amith tab’yay, mara’ tabina’ew ney ni ga’angin e kar amith gaed reb e duw. Kug kirbaen gad, ni yigo gur e rayog ni ngam ayuweg mad. Wineg, urgin e pin’ey, rayog ni ngam gay u gumicha’em ni ngam ta’ nga urel e n’en ni ke boch romew fare bishop nge ku bayay ni ngam fulweg e ra tabinaew ney ko fare gospel ni boed rogon ni kam rin biyay?”
Bay e gapas. Me Brother Bowen e sap nga lang ngorow, mini’ e yil ko yil rok nge yilach ko yilach rok,4 me yog nib achig laman, “rayog. rayog, bay gu rin.”
Munguy machane falfale’an ko fare fulweg danug lemnag, Brad Bowen nge tabina’ew rok e ra yaliyed e pumo’on nge chitamangraed ni karanoed ko bin chiney e bishop u fithik e kan thothup ni kan faleg e tin nib mat’aw ko yafos rok. Fulweg rok nib mat’aw ko biney e athamgil e danang ni ngan yan guy, fare bishop, ke pining biyay Brother Bowen ni ke sul, me yun pa’ ngak Morrell nge mag e yibachbach ngak nib n’uw napan, kol nib n’uw napan.
Ma tomuren buchuw e wik, Brother Bowen e ke sul ko mam’an e Galasia bayay nge fal’eg rogon ni nge be’ech bayay ni nge sul nga temple. Dan nuw napan ma ke yag e murwel ngak ni nge preside ko branch nib achig nibe magawon ni 25 ea gidii’ riy me yan nge pag 100. Gubin e pin’ey e ke thil ko tin kakrom, machane fare ngongol ko bitir rok nib pagael nga bpin ni machib nigew e chitamangrow ma chitamangrow e tay u lanyan ni nge nag fan mang i monoeg nga mon ko fare denen ko girdii’ ni rayog e tawa’ath riy ni ke yib ngak fare tabina’ew ko Bowen.
Walageg ni pumo’on nge bpin, Yesus e fith ni ngad “pared u tabang u fithik e tufig”5 ni “dariy e tugthin u fithik med”6 “Cha’ ni bay fare lem ko togopluw rok e gathi gamow,” ke kuruf e thin ko fare Nephites.7 Riyul, be thil nib mangil, rogon dad ngak Kristus nib mat’aw- ara ngongol-rogdaed ngodaed.
“Fa’an gur ... adaged ni ngambaed ngog,” me yoeg, “me yib ngaen’med walagmed ni ke rin’ banen nib togopluw ngomed-
“Ma ngam maroed ngak’ walagmed, ko somm’on ngam fal’eged e puruy [ngak] , ma arame ngafinim baed ngog ni polo’ i gumirca’med, ma gura fekmed. ”8
Riyul rabagdaed ma rayog ni nge fal’eg rogon ni ngan dagiy e mad’ad rodad ni kafram nge gafgow nge amith ko pin’en ni gaed manang ko yingal ney nib ma’awaer ni fare gapas u gumicha’en be’ ara tabinaew fa bugulyiror. Demtrug ni kad pi’ed e amith ara falngin riy, pi mad’ad e btuf ni nge fas ni nge yoeg e yafos e ra yag e tawaath riy rogon ni ke pi Got. bo’ed e gan u lan e refrigerator ni fak fakan e yaed ma yaley nib fel rogon ngom, pin’en ni ke n’uw napan e ra taw ko ngiyal riy ma ke kireb. Wineg dam ta’ e tin nib falel u thil mew e ya’el nge n’uw napan. Ni boed ni yog e Prospero ngak Alonso u fithik babyor ni Nifeng, “Dab kin gafgow niged e pin’en ni gadaed manang ni tomal ni ke ma’.”9
N’ag fan, ma yira n’ag fan rom,”10 Kristus e machib u Sermon u dakaeb fare burey. Nga lan e rran rodaed, “Gag, fare Somoel, e bay gunag e denen ko cha’ ni bay gunag e denen rok, machane gur e btuf ni ngam nag e denen ko gubin e gidii.”11 Machane, ke ba ga’ fan ngomed ngam pired ko tin nib riyul e gafgow ni ngan loy ko mang e dani yog. Dani yog, “Ni dam thamiy e amith nib riyul ara gafgow ko fare amith ni gamnang u lan paa’ boch e gidii’.” Ma dani yog, “u rogon ni ngan nagfan rom ni gangin ni nge ulul ikireb nag rogon ara sul nge thinthin’en, kanawo’en nib momaw.” Machane dabi magawon riy demtrug e pin’en nib momaw nibe yib, rayog ni ngad saiy gaed nga lang ni amith rodaed e ngiyal ni gadaed ra tay daed nga bu’ut ko kanawo nib riyul ni ma fasag. Fare kanawo e fare n’agfan ni t’areb ni yima yan riy ni Yesus u Nazareth, mini’ e ma pinning daed nga wan, “moy, mu’un ngog.”12
Ko piney ni yibe pinningem ngay ni ngam mang reb galchalpen nge kam gay rogon ni rin’ e n’en ni ke rin, Yesus e fith mad ni gu manged wernga’en rok- ni ngam mang- “Toygang ku Krsitus” ni “fare machib u tabang,” ni boed rogon ni weliy Paul ko fare gidii’en Korinth.13 En Fasag ko gubin e mad’ad, cha’an ni manang e gubin e kireb, e fith daed ni ngad muruwel gaed rok ni momaw ni nge yag e gapas u fayleng dabin patag u bang.
Ere, boed ni yoloy Phillips Brooks: “Gur e gabi kireb nag rogon e weliy ni be yan ko reb e duw nga reb, ra reb e rran ma yira fal’eg rogon; gur e gabe k’aring e wagay ni nge paer ni bachane ni dabiyog ngam gagyeg nag e tafney rom ni daba’ e rran ni ngam milgach nag e uf’uf’ nge [fal’eg] rogon; Gabe thil gaed e gidii’ u kanawo, damur non ngoraed nib fel’ rogon …; Gube dugey...[bee’] nibe kireb gum’ircha’en ko thin rom ara gafgow, ni boed rogon ni ngam pi’… borran, ...m’an e chiney ngam rin e pin’en ni dabiyog ni ngam rin’ biyay.”14
Pi walageg nib pumo’on nge bpin nib ntuf rog, gube micheg ni ngam n’agfan nge chuweg e domumuw, nib n’uw napan ara be’ech, ir e lukungun fare mangil ko fare Tabiyul rok Yesus Kristus. Gube micheg ni tumuran e ra yib e Kan Thothup ko tabiyul rodaed, cha’ ni ke gur’gur’ ko ayuw “ko faseg u p’un.”15 Gube pining e magaer ngak, nge Chitamangdaed ni ke pii’, fulweg nge gargaleg biyay, mag gapas nga m’on e gafgow ni kakrom nge kireb ni kafaram, e dani yag ni machane kan mu’ i fek nge thang ko malfith nib yip fan fare richa’ ko fare tathapeg ni ke m’ap.
Ko pi gelingin e gilchapen e kar pi’ed ngog yib rok fare Tathapeg ko fare fayleng, Gube micheg ni gapas u ta’abang ngak Got nge gadaed f’an ni gadaed ra fek e sobta’an nge athamgil nib gel ni ngam un ngay. “Dam gafgow niged gamed.”16 F’an e gamed manang e pi mad’ad ni kafram, fal’gin, mu ayuwegmed ko t’ufeg.
Pi fagar rog nib btuf rog, michib rodaed u ta’abang gube yog ngomed ni ngam manged gapas. Kug fal’eg u dakaen fithngan fare Pilung ko Gapas, ni manang gubin banen nge “mad’ad u lan e na’un [rok] e fagar,”17 machane mini’ e ra pateg gilngin ni nge n’agfan min pag talin—nge gol nag—ni fare Somoel Yesus Kristus, amen.