Maen Nga Somm’on
Fare muruwel ko Somoel ba yaen nib fel.
Pi walageg nib t’uf rog, ba gel e flaflaen’ ningu un ngomed nap’an e 190th Semiannual General Mo’lung ko fare Galasia ku Yesus Kristus ni fan e Gidii’en Got ko Tin Tomur e Rran. Gube a’dag ningu un ngomed u pi tabinaew fa demturug e mfen romed, ngad motoyilgaed uta’abang ko pi milwol ko pi profet, tathogthog, ma tayi’iy ma reb e tiyugang’ ko Galasia.
Gadadba faflaen’ ni fan e technology nibe bing e wo’en ngodaed ningad uned e mo’olung ko fayleng ko pi gachalpen Yesus Kristus. Fa binem e general mo’olung ko April ke guyed bo’or e gidii’ ko reb e yay, ma gadadba lemnog nira buch bayay.
Nap’an fapi pul ney u faram, e m’ar ko fayleng, pi nifiy nib gaa’, ma reb e tin magothgoth ke chelchel e fayleng. Gube un e kirebaen’med ko e gidii’ kar m’aed e bee’ nib t’uf nap’an e ningyal’ ney. Gube meybil nifan ko gubin gidii’ nibe gafgow.
Machane, fare muruwel ko Somoel ba yaen nib fel. Udakaen e social distancing, pi face mask, nge mo’olung ko Zoom, kug fileg ningad rrin’ed boech e ban’en nib thil nib fel’. Thilyeg e ningyal ra yoeg e taw’ath nib thil.
Pi missionary nge tiyugang’ e mission ba gel e bugwaenraed, puwaen’raed, nib gaa’angin. Arragon pi missionary thingar piry’eged reb e rogon nib be’ech, ningar rrin’ed e muruwel roraed, boech e mission kar yoeged i yaed ba fil bo’or u somm’on.
Thingar ni kug ning boech temple ko chinyal’, make ta’leg boech e toey ko chingyal, machane chiney yaedba toey bayay. Nap’an e duw ko 2020, kug tababdaed e toey ko 20 e temple nib be’ech!
Muruwel ko family history ke gaa’nag. Kan yarmiy bo’or e ward nge stake nib be’ech. Kug falflaen’ ningu yoeg fare Galasia ke ayuweg e m’ar udakaen ko humanitarian aid ko 895 fapi muruwel u 150 pi nam.
Biy’eg ko gospel u tabinaew ka yoeg e mich nib gaa’ nge gelnog e tha’ ko tabineaw. Reb e nina’ ke yoloey: “Gadad thamiyed e t’ufeg ko bitir nge bitir ko bitir roraed napan ngad mukungaed uta’abang ko Zoom urngin e Madnom. Urngin ra yoeg lem roraed ko Moy, Mu Lekeg. Pi meybil ni fan e chongin e tabineaw ke thilyeg bachane gadadba nang fan e tin t’uf roraed.”
Gube meybil ni gadad gubin ra ngongoliy e ningyal’ ney ningad ilalgaed ko tin ya’el. Kad baed nga fayleng ningan sikenogdaed, ningan guyed fa’an ngad folgaed ngak Yesus Kristus, kalgaedngaen’daed, filed, mon’ogdaed. Pi ya’el rodad ba’adag ningar gaa’nag. Ngad rrin’ed nib fel’ rogon nap’an ngad folgaed e kanawo’ ko micheg.
Ufithik pi’ney, Chitamangdaed u Tharmiy nge Fak, Yesus Kristus, yowba’adagdaed! Yowba t’ufeg daed! Yow nge pi angel Rorow ba matangiyed daed. 1 Gu manang nib riyul’ e binem.
Nap’an ngad mo’olungaed ningad motoyilgaed ko pi thin rok Somoel ke pii’ ngak tapigpig Rok ningar oeged, Gube pinningmed ningam lemnog marunga’agen e micheg ke fi’leg Somoel. Ke yoeg ni “piʼin ni baʼadag ni nge chichiʼiy ir ko fare thin ku Got, nib fos mab gel, niʼir e ra wereg gubin fapi sasaliyeb nge wup nge sabaenbaen … ko fare moʼoniyanʼ, me powiʼiy e piʼin gidiiʼ rokʼ Kristus u lan ba kanawoʼ nib wuʼinʼin mab achichig radan.” 2
Gube meybil ningam me’leg ningam chichi’iy fare thin ku Got woed nira yoeg nap’an e general mo’olung ney. Nge gube meybil ningam thamey t’uf nib machalbog rok Somoel nifan ngom, 3 udakaen e fithingan nib thothup ni Yesus Kristus, amen.