Bin ni Rib Fel’ e Tawa’ath ko fare Fak
Udakaen ni Yesus Kristus ra ngad chew ni fapi gafgow rodaed e rayag ni ngan chuweg, ma tin ni gadaed be gafgow riy ko biney e yafos e ran thilyeg.
Napan ni gube be’eg fare Babyor ku Mormon ni fan e Come, Follow Me ba lesson ko bin ba’aray e summer nike thumer, ke gin owcheg ngay ngak Alma ko napan ni tomilangaen’ ko fapi denen rok, ma “dakuriy banʼen ni arfini kireb mab moʼoy ni woed e pi amith ni [kug] tay.” 1 Kug nangfan e biney ni arfini ba amith nib alamrin ni bachane m’ar rog ko malang nibay ko add rog ni ga’ngin e woed medlip e milimiter. Dariy reb e mo’on nike buch rog ni arrogon u “dakean e tin” ni “baʼachig mab moem banʼen” e yima “muguʼuliy e tin nib gaaʼ banʼen riy”. 2
Ke gin owcheg ko rogon e thin rok Alma ni bachan fare bugi thin ni kanoeg e rib fel’ ulan fare babyor ko thin nu merican be weliy’ woed ni rib fel’ ya’an fa banan ni rib falel’. Ku woed, Joseph Smith ni guy angel Moroni nib chuw nga mad “ni rib felʼ raʼen e wechwech riy,” ni rib wechwech “ni dariy banʼen u fayleng” ni ke guy ni aram rogon. 3 Machane ni rib fel’ e rayag ni ngan fanany ko thin ni nge weliy banan ni rib gel e kireb riy. Arame Alma nge fapi dictionaries ni th’abi tolang e chagliy fare thin ni rib fel’ ko “gafgow ni dabim’ay,” “gechig,” nge “madaʼ nga ba dodow” ni ke “magafaenʼ ko gechig.” 4
Rogon e tafney ku Alma e m’ug nra taw nga bangiyal’ riy, ma ri gadaedra thamiy urngin fapi denen ni kad rrin’ed. Justice e dabiyog ni ngan gatheay ma fGot dabiyong ni nge thilyeg. 5 Napan ke puguran Alma ni “gubin” e denen rok—woed ni e ngongol rok nike gathy nag e mich rorad boch e gidii’—bay amith rok nib ga’, nge ke lemnag ni nge sakiy chugur ngak go ke pii ngak “tamdag ni dabiyog i weliy rogon.“ Keba’adag ni nge tamdag ni dabiyog i weliy rogon “m’ay e ya’el rog nge dagur rog nga bayang.“ 6
Machane, banan ni tabab nge thil rok Alma ko chingiyael’nem, ni ga’ar, ko “ma kiyib nganʼug” ko “fare wub rokʼ beeʼ ni Yesus Kristus, … ni nge bayul nag e gidiiʼ nu fayleng ko pi denen roraed,” me “ma yoer nag i yoeg u lan [gumʼirchaʼen]: O Yesus, ni gur Fak Got, murnguyeg.” Ma kemus ere n’en ni yoeg ko tafney rok me wenig nag, min “suguy” Alma ko “falfalaen’ nib gel ni woed fini gel e amith [nug] tay.” 7
Dabda pagtalindad e fan e kalngaen’ e ngan fek e tin nike kirbaen’uy ngay ngan thilyeg ko tin nib falfalaen’ banan. Ke magar “falʼngin,” 8 ma chi ngiyal’ nem ni yira sul ngak fare Tathapeg nibay e mich rodaed ma kad kalngaen’gaed, tomalngin fapi denen rodaed e arame bayi chuw rodaed nge yaen Ngak. Biney ma buch bachaen ni Ke n’um e rran ko fare cap nib mo’oy ni dariy’ e denen rokfare cap “nib mu’un urngin mit” 9 e denen ko fayleng ko pifak nike sunmiyraed—ba cap ni rib mo’oy ma rib gel e tomal riy ni po’og e racha’ u downgin nga but’. Udakaen e tin fil rok, fare Tathapeg ma yoeg ngodad, udakaen ebabiyor nib thothup daba’, dabda nanged “arfini kireb“ e “gafgow“ ra mang fa’an dabda kal’ngaen’dad. Machane, gelngin e tu’ufeg rok ni darda nanged gelngin “Ere musap gaed, I gag, Got, ni kug gafgow ni fan ngak gubin e gidii’, ni dab kar gafgow gaed ni fa’anra yaedra kalngaen kalngaen’raed.” 10 —rogon ko kalngan’uy ma pii’ rogon ni ngad “thapeg“ fare “falfalaen’ ni fini gel“ ni woed Alma. 11 Bachane biney e m’ag, “I stand all amazed.” 12 Ku arrogon, ni gube falfalaen’ ngay, ya Kristus e ki pii’ boech nib yo’or ngay.
Boech i ngiyal’ ma amith ni arfini fel’ e gathi be yib ni bachane e denen machane bachane n’en ni kan rrin’ nde puluw, ngongol ko boech e gidii’, fa boech banan ndariy gelngindaed riy. Napan nra buch e biney, sana gadaedra yoer ni woed fare mo’on ni kanoeg i Psalmist ngak ni yoer:
“Ku gu rus: doguwen e yam’ e ke dil’iyeg.
“…Ya gu be da’da’ ku gum’ ko morus.
“… Yigi yib pog ni bod e arche ni dove! nggu changeg nga bang, nggu pir’eg e gapas.” 13
Taflay ko science ngay, mo’olung ko counseling, fa mo’olung ko aam e rayag ni nge ayuweg e tin ni gadaed be gafgow riy. Mu ngaged, gubin e tin fel’—woed biney—ma yib ko fare Tathapeg. 14 Demuturug ko mang e ke buch ni kari kirbaendaed ngay fa ke kirebnag gum’ircha’andaed, falay ni nge chuweg e biney e amith e kab ta’ab rogon: i Yesus Kristus. Kemus ni yigo ni bay gubin e gelingen ko gol ni ir e rayag ni nge fal’eg nge fel’ gubin e mal’fath, mat’aw nag gubin e kireb, fal’ag e togan nge fel’, me pi’ fapi tawa’ath nibe son nge yib. Woed rogon u lane chep nib thothup, gube micheg ni “fare priest ni th’abi ga’ e gathi reb e prist ni dabi kireban’ ngodad nga fadad me’waer,” 15 machane ba Tabayul ni chuw u gul’il’ungun nge yib “ni be gafgow ko pi amith nge kirbaenʼ nge pi lumel ni gubin mit … ni nge yog … ko rogon ni nge ayuweg e gidiiʼ rokʼ.” 16
Ngak bee’ e daba’ ni bay e amith rok ni rib gel fa bthil ma dariy bee’ nrayag ni nge nangfan, sana gimed ba mat’aw. Sana dariy bee’ u lane tabinaew rom, tafagar, fa tiyugang’ ko priesthood—demuturug rogon gelngin e ayuw ni yaed be pi’ ngom—ni gamaed manang rogon e n’en ni gabe thamiy fa ba’aray e thin nrayag ni nge ayuwgnem nge gol nigem. Machane ba’aray banan ni ngam nang: bay bee’ ni ri manang ko mang e be buchbuch rom, ya ire “bagael ko fayleng ni gaʼangin.“ 17 ma bee’ “rayag rok ni nge maruwel nge pag rogon ko tin kad wenig niged ngak, ara ke taw e leam rodad ngay.” 18 Biney nra buch e be yan u rogon kanawo’en nge rogon ko ngiyal’ nibe tafneynag, machane Kristus e gubin ngiyal’ ma ke fal’ag rogon ir ni nge fosagnem.
Napan garam pag ni nge rrin’ ni arram rogon, ma gara guy ni fapi gafgow rom e bay fan. Weliy mornga’agen fare Bible nge gidii’ riy nib ga’fan nge pi kirbaen’ roraed, fare Apostle Paul e ga’ar “Got … ya bay e tin ni kabfel’ ban’en ni kem’ay i leamnag ni fan ngodad, ni ngad cheaggad ngorad nge fel’ rogodad riy.” 19 Kam guy, tonom rok Got e ke ngongliy nibay e gidiiʼ ni nge yog e falfalaenʼ ngoraed, 20 machane dabiyag ni ngaed polo’gaed ni fa’an dabni sikeng nagdaed, boechi ngiyal’ ma yibe sikeng nagdaed ni rib alamrin. Woed rogon ni yoloey Paul, fare Tathapeg e bee’ nibay e yafos rok ni manemus “nib polo’ [make mu’nag ] fapi gafgow.” 21 Thingarda daamiiteg nagmed ko sanonnon rok mo’oniyan’ ni fa’an gur bee’ ni gab mangil, e woed ndani tu’uf ni ngan sikeng nigem.
Thingar mu siyeg fapi ban ni pi n’en ni gabe gafgow riy e nge tem nga wuru’ rok Got ko tin gidii’ ni kan mel’eg, ni woed ya’an ni yibe tawa’ath nagraed ni bo’or yay. Ma susun, ni ngam guyem ni i gur John fare ta Yi’iy ni guyem ko fare yi’iy nin thogthog nag ngak ko pi rran rodaed. Ya guy John “mu gguy e girdi’ nike mu’ulung ni pire’ ni pire’, ndariy be’ nrayag ni nge theegrad, nra bad u gubin e nam, nge ganong, nge gubin mit e girdi’, ngu gubin e thin, ni [kar] sak’iygad u p’eowchen tagil’ Got nge fare Fak e Saf, ni karon’ed e mad nib wechwech, … [miyad] non ni ba ga’ lamrad, ni be lungurad, Kanawo’en ma gamad thap ngak Got.” 22
Napan nin fith, “Mini’ e pi girdi’ nem ni karon’ed e mad nib wechwech? mu uw e karbad riy?” Min thapeg e fulweg John “Pi cha’nem e fapi girdi’ ni kar thapgad ngaray u fithik’ fare gafgow ni ba ga’ ntay ngorad, kar luk niged e mad rorad kar wechwech niged nga racha’en fare Fak e Saf.” 23
Pi walageg, gafgow nib mat’aw era ayuwgnem ngam mang bee’, gathi nge lufem ko, tin gidii’ nike mel’eg Got. Ma tin ni kan michegnag ngoraed e kan michegnag ngom. Ni yoeg John, “gathi bay ki yib e bilig ara balel ngorad bi’id; ma dab kur m’ad nga gowalngin e yal’ ara gowelngin ban’en. Ya fare Fak e Saf ni bay u lukungun i tagil’ e ir e bay i gafaliyrad ni bod e en nma [gafaliy] e saf, me [pow’iyrad] ko fapi alublub: ni bay n’ag Got e lu’ u [owcherad].” 24
“Ma aram e dab ku unim’, ma dabki i kireban’uy, ma dab ku un yor, ma dab ku un amith.” 25
Gube michegnag ngom udakaen e fel’ rok ni Yesus Kristus nge bayuliy nib manechubog rok, ra ngad cheweg fapi gafgow rodaed ma tin ni gadaed be gafgow riy ko biney e yafos e ran thilyeg. U tan pa’ nibe gagiyegnag, rayag ni ngayag ngom fare falfalaen’ ni th’abi fel’—ba falfalaen’ ni rib alamrin mab thil ngom, fapi “awat“ rom ra mang e ya’an inb fel’ ko “tin nu fayleng banan.” 26 Ngam ri’ lamen ere falfalaen’ ney me suguy gum’ircha’em ni manemus, gube piningem ni ngam rrin’ ni woed rogon nike rrin’ Alma: mu pag e tafney rom nge guy ni arfini felʼ fare tawa’ath ko fare Fak Got nikan dag ko fare gospel Rok u lane, Galasia rok nib riyul’. U dakean fithngan Yesus Kristus, amen.