Boed Ir

Yib rok Elder Scott D. Whiting

Ko fare Medlipi Ragag

Ra bay e ayuw fare Somoel ma rayog ni ngad boeded Ir.

Ra ngan sap ko rogon e yafos nge machib rok Yesus, thin rok fare Tathapeg ni “ngan boed Gag“ ¹ e boed ni ba thin ni rob momaw’. Sana gimed boed gag— ga manang e tin kireb rom nge tin dani fal’ rom, ere kam guy nib moem rogon ni ngam man ko kanawo’ ni damur farteg nga talang ni dani mangil. “Riyul’, biney nikan fil e dani riyul’ ni dani fal’,” gadaed baen ni gadaed be mel’eg e kanawo’ ni dani momaw’, ere yibe chuweg e tin kireb ni rib boech’uw.

Machane fa’anra “ngan boed [Ir]” e dani baen, u lan rogon e yafos rodaed? Fa’anra, boed ni, u lane biney e yafos, arrogon, ni ngeyog ni yiba’ Rok biyay? Fa’anra “boed gag” e ri aram rogon nike yoeg fare Tathapeg? Ma arame mang? Mang e gadaed ra rrin’ ni ngan pag gelngin nge yib nga lane yafos rodaed ya ngeyog ni ngad thilyeg ned rogon daed?

Elder Neal A. Maxwell ke fil: “Napan ni gadaed ra leam nag e n’en nike yoeg Yesus ni ngan boed, ma gadaed guy ni tin momaw’ rodaed e chiney reb ni gathi gadaed ba kireb, machane, ba, achig e tafney rodaed ko tirok ban’en— ni ku fan ngodaed, boech! Gadaed be tay fan machane dan boeded Ir.” ² Charles M. Sheldon, nib padrey, e weliy nib chugur rogon ngay ni ga’ar: “Kristiano rodaed e kan ba’ada ko tin nib moem ban’en ni darni rrin’ e tin nib momaw’ ban’en.” ³

Machane, gubin e gidii’ ma kan noeg ngak ni ngan boed Ir, ni boed Yesus Kristus ke mang ni boed fare Chitamangiy. ⁴ Napan ni gadaed ra man gil i gan, me fal’ rogon daed, ni kad man gil gaed, ma karin boeded. ⁵ Biney e machib e gathi ke yib ko reb e taliw machane ke yib Rok fare Masta. Iraray rogon ni ngan rrin’ u lane yafos, thin ni ngan tafney nag, nge tha’ ni nge mangil. Riyul’, dariy reb e kanawo’ ninge fal’eg rogon e tha’ nike kireb fa rogon e gidii’ ma kemus ni ngad ta’aborogon gaed ko fare Pilung ko Gapas. ⁶

Ngad leam niged rogon ni ngad tabab gaed ko leam nib mangil, ni ngan rrin’, ni bay e tafney rodaed riy ni ngan boeded Yesus Kristus.

Fal’eg rogon fal’eg Rogon man Rrin’

Bukun e duw kafram, ma gomow sak’iy e bpin rog u dakean e bin tha’abi tolang e burey u Sapan, fare Mount Fuji. Napan ni gadaed ra sap ko binem ni gadaed palog riy ma gadaed leam nag ko rayog ni ngad thap gaed ngaram.

Napan ni ra fal’ rogon daed, ma biking, nge sowed nibe mith, nge tin kireb e ra yib ngodaed. Machane, m ra ga’fan ngodaed ni ngad tiyan’ gaed ko bin migid e kanawo’, Gadaed ra ga’ar, “Rayog ni dabgu taw nga lang nib papay, machane rayog ni nggu furuy e bin migid.” Boech nga m’on ma fapi sikeng nib Momaw e ran thapeg — tatabiyay.

Bin Somm’on e kanawo’ ni ngan feek e ngan boed Yesus Kristus e ngan adag ni ngan rrin’. Mangil ni yi manang fan nib ga’fan ni ngan boed, machane re nang fan nem e baga’ fan ni ri yi ba adag ni ngan thil daed, tata biyay, nge thil rogoy. ⁷ Ra ngan adag, ma ngarin nanged ko Yesus Kristus mini’. Ngarin nanged ban’en ko miti mang gidii’ Ir, ⁸ ma ngarin sap gaed nga lane babyor nib thothup, gin ni yima pigpig riy, nge kuboech yi yang nib thothup. Napan ni gadaed ra tabab i nang, ma gadaed ra guy ni rogon e ra m’ug rok boech e gidii’. Biney e ra ayuweg daed ko birodaed e wo’, ya fa’anra rayog, rok boech e gidii’ ni nge boed Ir ma ku rayog rodaed.

Fa’anra gadaed dabi baen ngodaed, fare Tomliang rok Kristus ⁹ u fithik daed e ra kathkath nge yoeg palfangin e gin ni gadaed bay riy nge gin ni gadaed ba adag ni ngad boeded Tathapeg. ¹⁰ Yul’yul’ e ba tu’uf fa’anra ngad boeded Ir. Arrogon, yul’yul’ e boed Ir.

Chiney, pi’in rodaed nib ta athamgil e rayog ni nge leam nag nge yoeg ngak bee’ nib pagan’ ngak u lane tabinaew, la’ngin, fagar, fa toygang’ ko mang e ba tu’uf rok ninge boed Yesus Kristus—ma gadaed fal’eg rogdaed ko fulweg roraed! Boech ngiyal’ ma boed ni gadaed be yaliy ya’an daed u lan ba na’un nib sug ko therek ko bin ni riyul’ ni gadaed.

Tafagar nge tabinaew nib pagan’ daed ngoraed e rayog ni nge ayuweg daed ni ngad guyed e bin riyul’ i gadaed, machane kus ngoraed, ni yaed ba shg ko tu’ufeg ma yaed ma ayuw, e ku rayog ninge guy e tin nib kireb. Ere, baga’ fan ni ka gadaed ra fith e Chitamangdaed nu Tharmiy nib sug ko tu’ufeg ko mang e ba tu’uf rodaed nge yw e ngad tiyan’ gaed riy. Fal’ rogon e sap Rok ngodaed ma ba adag ninge dag ngodaed e mo’owaer rodaed. ¹¹ Sana gara fil ni ba tu’uf boech e athamgil ngom, sobutan’, tu’ufeg, adag, athap, tafney nib gel, fa fol. ¹²

Dani n’uw napan, napan ni gube gay ban’en Napan ni yoeg ba toygang’ ngog ko Galasia nib tu’uf boech e ayuw ngog nib gel. Ke non u fithik e tu’ufeg. Re neap nem, mug weliy ngak e bpin rog. Rib sug ko tu’ufeg napan ni yoeg ni ba adag e n’en nikan noeg. Fare Kan ni Thothup e ke yoeg ngog ni thin rorow e ke yib rok e Chitamangiy nu Tharmiy nib sug ko tu’ufeg.

Kab mangil ni ngan murwel ko fare babyor nikan noeg e Machib nag e Gospel Rogni ngan mu’ nag fare gin nibe weliy mornga’agen rogon Kristus. ¹³

Napan ni gara farowliy nib fal’ rogon ni ba’ an’um riy ni ngam tabab mag i farteg e burey, ma ba tu’uf ni ngam kalngan’um. President Russell M. Nelson e ga’ar ufithik e tu’ufen: “Napan ni gadaed kalngan’uy, ma dugliyed ni ngad thil gaed! Gadaed ma pag fare Tathapeg ni nge thilyeg daed ngad mangil gaed. Gadaed ma mel’eg ni ngad gel gaed ni thothup man thapeg e falfalen’—falfalen’ ko bayul Rok. Nap’an ni gadaed ra kalngan’, ma gadaed be mel’eg ni ngad boeded Yesus Kristus.” ¹⁴

Yesus Kristus ni ngan boed e ba tu’uf ninge thil gumircha’ey nge laniyan’ daed, arrogon, rogon daed, ma kemus ni rayog rodaed u dakean fare garathia rok Yesus Kristus. ¹⁵

Rogoy nge Mithmith

Chiney nikam thil ma kam Ning e ayuw u lane meybil, ma gabe tafney nag nib fal’ rogon, ma sana Gabe Ning e ayuw rok boech e gidii’, ma ba tu’uf ni ngam mel’eg reb e n’en nib mangil ni ngam gay rogon. Rib tu’uf ni ngarim tiyan’um ngay ni ngeyag ni nge mangil rogon. Tiney nib mangil e dabi yib nib moem rogon man tumgin, machane dakean e garathia Rok ma ra yib u fithik e athamgil.

Rogon Kristus e tawa’ath rok e Chitamangiy nu Tharmiy ni nge tawa’ath nag daed nge pi’in nib lyeg daed. Ere, athamgil rodaed ni ngad thapeged e pinn’ey e ba tu’uf nibay gumircha’ey riy nibe wenig nag e ayuw Rok. Napan ni gadaed ra gay e pi tawa’ath ney ni ngan pigpig ngak e gidii’, ma ra tawa’ath nag daed. Tawa’ath rok Got ni yibe gay rogon ni ngan thapeged u fithik e kireb e ran as nga fithik e kirbaen’ nge chalban.

Ran tiyan’uy ko reb ni ngan gay rogon, ma napan ni gara athamgiliy e binem, me yah boech ngom ni yo’or. Rangan ni cha’an nibe gay rogon e tu’ufeg nib machalbog ni nge sug ko tu’ufeg nge sobutan’? Rangan ni cha’an nibe athamgiliy ni nge fol ni nge thapeged e athap nge tafney nib gel? Athamgil rom ni ngam thapeg reb e n’en njb mangil e ra mang e n’ew nibe mithmitheg gubin e booch u lane pantuun.

Yoloey man Tay Riy ni Rogon

Baga’ fan ngog ni napan ni gura gay rogon ni nggu boed Ir ni nggu yoloey e tin nibe buch rog nge n’en ni gube fil. Napan ni gura fil reb u lanin’ug, fapi babyor nib thothup e ma bi’ech rogon ngog ya gube guy mornga’agen e n’en ni gube fil ko fanow Rok, nge machib Rok, nge pi gachalpen. Sap rog e ke mangil ni gube guy e tin nibe mangil rok boech e gidii’. Kug guy bukun e gidii’ ko Galasia nge pi’in ni dani mang ko Galasia ni bay e tin mangil roraed nib l’agruw Ngak. Fal’ rogon e wo’ roraed ko pin’ey ni rayog ninge m’ug ko gidii’ u dakean s garathia Rok.

Ra ngan guy nibe fal’, ma bad tu’uf ni ngam athamgil. Boed e burey ni yibe farteg nib Ga’fan ni ngam fal’eg rogoy um’on nge athamgil napan ni yi be farteg, ere ku ta’aborogon ko biney e kanawo’ nib tu’uf e athamgil nge miligach riy. Kristiano nob riyul’, ni gadaed be gay rogon ni ngad boeded e Masta rodaed, e gubin ngiyal’ ma ba tu’uf e athamgil riy. ¹⁶

Chiney gube gog e thin ngom. Fare motochiyel ni ngan boed Ir e gathi nge n’anggin nem ngam kirkireb, ni danum mangil, fa danum tu’uf. Yafos rodaed i go’ mornga’agen e kanawo’ ni yibe feek, ni yibe gay rogon, ma yibe mul, ma be fal’ rogoy. Demtrug gelngin ni gomow ba adag e bpin rog ni nggu binge owchen mow ma karug yib nga tangin e burey, gathi aram rogon e rogon e yafos.

Gab mangil, gab tu’uf, machane gathi karum ma’ang’ang. Bay e murwel ni ngan rrin’ u lane e biney e yafos nge bin migid. Ra bay e ayuw Rok ma rayog ni ngad boeded Ir.

Ngiyal’ ney napan ni, “gubin ban’en ma [ma boed] nike wagagay; ma … murus [e boed] nike as nga dakean gubin e gidii’,” ¹⁷ falay riy, ayuw riy, e ngan athamgil ngan boed fare Tathapeg, ¹⁸ fare Tabiyul ¹⁹ rok gubin e gidii’, Tamilang ko Fayleng, ²⁰ man gay e cha’an nike ga’ar, “Gag e kanawo’.” ²¹

Gu manang ni be mang ni boeded Ir u dakean e ayuw Rok nib thothup nge gelngin e e rayog. Fa’anra danga’, ma dabi pi’ e biney e motochiyel ngodaed. ²² Gu manang e biney—ni bachane gu guy boech rok oren i gimed. Gu be micheg e pinn’ey u dakean fithngan Yesus Kristus, amen.