Guyed Rogon Ngan k’adedan’mad Nge Mada’ ko Tomur Ndab Mmulgad man Leam ni Bfel’ Wa’athay
Napan ni gadaed ra gapas, me gel e mich rodaed. Napan ni ra gel e mich rodaed, miki gel e falfalen’ rodaed.
Ke yan l’agruw e duw, nike yim’, Chad, ni cha’an tha’abi bitir ni walageg. Napan ni yim’ me paer ba loew u lan gumircha’en e bpin rok, ni Stephanie, nge l’agruw i faak row, ni Braden nge Bella, ni ku aram rogon ko tabinaew. Ku pir’eg ned e gapas ko thin rok Elder Neil L. Anderson napan e general conference u lan e re wik um’on nike yim’ Chad: Fithik e sikeng u lane yafos, man athamgil ngan yaen nga m’on, ma gelngin fare Tathapeg e ra pi’ e tamilang ngom, ningam nang fan u fithik e tamilang, gapas nge athap” (“Wounded,” Liahona, Nov. 2018, 85).
Bay e mmich rodaed ngak Yesus Kristus, gadaed manang ni gamaed ra guy Chad biyay, machane ir ni gidii’ nike moy roamed e rib amith! Bo’or e gidii’ e ke yim’ bee’ roared. Momaw’ ninge yag e gapas man soen nag e ngiyal’ ni gadaed ra guy raed biyay.
Re duw nem nike yim’, ma woed nike aw ba magoleng nib lumor nga dakean maed. Gu gayed e ayuw u lane babyor nib thothup ni gamaed be bi’eg, gamaed be paer nag e meybil, ni gamaed be yaen nga temple nib yo’or yay. Thin ko biney e tang e ke kan nga gumircha’en maed ko ngiyal’ nem: Be yib e yal’ ngalang, be od e fayleng, be chuw e magoleng nib lumor(“The Day Dawn Is Breaking, Hymns, no. 52).
Tabinaew rog nge gag e gu dugliyed ni 2020 e ba duw ni ra thil! Gamaed be bi’eg fare babyor nikan noeg e Moy, Mu Lakeg u lane Bin Bi’ech e M’ag ko babyor rok James napan e November 2019 napan nike m’ug reb e thin ngomaed. James guruy 1 ko vers 2 nibe ga’ar, Pi walageg ni girdi’en Kristus! Mu leam niged gimed ni bfel’ wa’athmed ko ngiyal’ nra yib urngin mit e sikeng riy ngomed (Joseph Smith Translation, James 1:2 [in James 1:2mornga’agen a Gamaed ba adag ni nggu tabab niged e duw, nib bi’ech, ko falfalen’, ma gamaed dugliy ni 2020 e gamaed ra leam ni bfel’ wa’athay. Karug thamiyed mornga’agen ko fare Baynaag nike thimur ni kug pi’ed e kenggin ko walag maed nibay e thin riy nibe ga’ar leam ni bfel’ wa’athay. Re duw ko 2020 e ra mang e ra duw ko falfalen’.
Ere, ku taw gaed ngaray—2020 machane ke yib nag fare m’ar nikan noeg e COVID-19 ngay, gidii’ ni dabun raed, boech reb e kirebnag ko feylang, nge am nike wagagay rogon. Sana be pi’ e Chitamangdaed nu Tharmiy e ngiyal’ ni nggu leam niged fare gapas ma gamaed nang fan ma gamaed mel’eg e falfalen’.
Fare babyor ku James e ke ayuweg maed. James guruy 1 vers 3 nge 4 e be ulul nibe ga’ar:
”Gimed manang, ni fa’anra gelnagmed e michan’ romed ko pi sikeng nem ni aram rogon ma wenegan nra yib ngomed e aram e ke yag romed ni ngu’um k’adedan’med.
”Machane ngam guyed rogon ngam k’adedan’med nge mada’ ko tomur ndab mmulgad, nge yag ni mmarod mu pired ni kam yal’uwgad, ni aram e ke yan i mus nga rogomed ndakuriy ban’en nda mu gamangad riy.”
Napan ni gadaed be gay rogon ni ngad pir’eg ned e falfalen’ u fithik e sikeng rodaed, ma gadaed pagtilin ni lanin’uy nib gapas e rib ga’fan ni ngan pag e pi sikeng nem ninge murwel ni fan ngodaed.
Pilung ni Benjamin ke fil ngodad ni ngad me pag e fekyath nge manged “reb i gidii’en u dakean fare bayul rok’ Kristus ni ir Somoel, me boed bee’ nib bitir, ni ma fol, mab muding, mab gumud, mab gum’aen’ mab sug ko murnguy, mab m’agaen’ ngay ni nge fol u gubin ban’en” (Mosiah 3:19
Guruy ni 6 ko Preach My Gospel be fil marung’agen pi’ ngongol thingarda rin’ed ni woed Kristus: ”Gapas e gelngin ni ngan athamgiliy e tin nib sag’al, nge gafgow, nge togopluw, fa gafgow ni dabin domomow, nge chalban, fa kan gurgur. Rogon ni rayog ni ngan rrin’ e murwel rok Got man pagan’ ko ngiyal’ ni nge mithmith. Napan ni gara gapasen’ nigem, meyog ni ngam gel ko mo’oniyan’ nib munguy rogon me paer e athap rom” (Preach My Gospel: A Guide to Missionary Service, rev. ed. [2019], 126).
Rogon e gapas e ku bay u lane yafos ko reb gachalpen Kristus ni kakrom, i Simon nib Canaanite. Zealots e ulungi gidii’ ko Jew ni dabun raed e motochiyel ko Roman. Mithmith ko Zealot e ba kireb ko Roman, nge fapi Jewish nib ga’ roraed, nge pi Sadducess ni yaed be gay ban’en ni ngar ayuwegned giyaed (muguy ko Encyclopedia Britannica, “Zealot,” britannica.com). Simon nib Canaanite e ba Zealot (muguy ko Luke 6:15). Tafney nag Simon nibe gay rogon ni nge tawasor nag fare Tathapeg ni nge feek talne e chaam, ni nge powi’iyeg e salthaw, fa ka’aring e oloboch u Jerusalem. Ke ga’ar Yesus:
”Ma rafelʼ waʼathan e piʼin muding, ya yaedra tafnaʼ e fayleng. …
”Ma rafelʼ waʼathan e piʼin nib sug ko murnguy, ya ra wureng anʼuy ngoraed. …
”Nge felan’ e pi’in yad ma guyrogon ni nge aw e gapas u thilin e girdi’, ya ra yog Got ni yad pifak” (Matthew 5:5, 7, 9).
Simon e rayog ni ri ba adag e tirok e llowan’, machane fapi babyor nib thothup e be weliy rogon e mithmith rok fare Tathapeg, me thil rogon e sap rok. Ke tiyan’ ni nge mang gachalpen Kristus.
Napan ni gadaed ra ngongliy e pi m’ag ngak Got ma gadaed fol riy, ma rayog ni nge ayuweg daed fare Tathapeg ni ngad thingar ni gargeleg raed bayay; arragon, ngar manged fak Got, ni kar chuw gaed ko falwok nu fayleng nge rangi dodow ni gafgow, ngar thap gaed nga bangi dodow nib matʼaw, ni ke bayuliyraed Got, ma kar manged pagael nge ppin ni fak (Mosiah 27:25).
Fithik e gidii’, nge taliw, nge rogon e am ko rran rodaed, ma gadaed pag ni gachalpen Yesus Kristus e nge mang e n’en ni ngad tiyan’ gaed ngay. Ya gin bay e falaʼab romed riy, e ireram e gin ni ku bay e gumʼirchaʼ romed riy (Matthew 6:21). Dabin pagtilined ni tomuren nikan mang gachalpen ma kan rrin’ e murwel rok Got, ma [kab] tu’uf e gapas (Hebrews 10:36
Woed e mich ni gadaed ni yibe sikeng nag ninge paer e gapas rodaed, napan ni gadaed ra gapas, me gel e mich rodaed. Napan ni ra gel e mich rodaed, miki gel e falfalen’ rodaed.
Fare March ni kafin thimur, me Emma, ni faak mow, ni woed oren e missionary ko galasia, e ke paer rok ni go’ir. Oren e missionary e ke sul nga tabinaew. Oren e missionary e be soen ni ngan thapeg reb e pigpig. Oren e dar thapeged e tawa’ath roraed u lane temple um’on ni kar raned ko mission roraed. Kamagar, o elders nge sisters. Gimed ba tu’uf romaed.
Emma nge cha’an ni yow ni yow bay u Netherlands e woed nike n’uw napan u lane bin somm’on wik—u fithik e lu’. Dani yo’or e gidii’ ni yibe guy ma ga’thi ban’en ni yibe yaen nga waen, me gel e pagan’ rok Emma ngak Got. Gamaed ma un ngak ko meybil u online man fithik ko rogon ni nggu ayuw gaed. Me yoeg ngodaed ni nggu non gaed ngak e pi’in nima machib nag u online!
Me tabab e tabinaew rog i yan nga online, ta’ra be’, ko gubin e fagar rok Emma u Netherlands. Gu pining raed ni ngar uned ngomaed u online, ni gubin e wik, ko tabinaew rog ni nggu filed mornga’agen fare Come, Follow Me. Floor, Laura, Renske, Freek, Benjamin, Stal nge Muhammad e kar manged e fagar romaed. Boech e fagar romaed u Netherlands e kar raned nga lan fare garog nib wuninʼ (3 Nephi 14:13). Boech e kan dag ngoraed e fini wuʼinʼin fare paʼ i kanawoʼ, nge fini achichig langan fare garog, niʼir e yaedra yaen riy (2 Nephi 31:9). Yaed e walagen maed rok Kristus. Ra reb e wik ma gamaed leam ni bfel’ wa’athay napan ni gamaed be murwel u ta’abang ko kanawo’ nib mat’aw romaed.
Ku guyed rogon ngan k’adedan’mad nge mada’ ko tomur ndab mmulgad (James 1:4) ni daryog ni ngan mada’ nga ta’abang. Machane ku ted nib falfalen’ nike gel e mich ko tabinaew romaed dakean e technology nge fare fil ko fare Babyor ko Mormon ufithik Moy, Mu Leked.
President Russell M. Nelson ke micheg, “Ul’ul’ nge athamgil ni gabe tay—nib mu’un e ngiyal’ ngay ni gabe thamiy ni damur mon’og—era thilyeg e yafos rom, nge tabinaew rom, nge fayleng” (“Go Forward in Faith,” Liahona, May 2020, 114).
Gin ni gadaed ma ngongliy e m’ag ngak Got—fare temple—e kan ning. Gin ni gadaed ma fol ko pi m’ag ngak Got—ni tabinaew—e ba mab! Bay kanawo’en ngodaed u tabinaew ni ngad filed ma gadaed leam nag e pi’ m’ag ko temple. Mus ni daryog ni ngarin yaen ko gin ni rib thothup, gumircha’en[daed] … e ra falfalen’ ko pi tawa’ath ni yira pu’og (Doctrine and Covenants 110:9
Oren e gidii’ e dakuriy e murwel roraed, boech e gidii’ e dakuriy e gin ni nge sap ngay. Machane, gadaed be falfalen’ u to’bean President Nelson, ni kaffini ga’ar: Fast nibe pi’ e gidii’ ko galasia rodaed e ke yo’or, ni ku ta’aborogon ko salpiy ni yibe pi’ ni nge ayuweg e gidii’. … Gadadra gelong ko ningyal’ ney ni bay pi magawon. Ra tawa’ath nigem Somoel napan ni gabe yul’yul’ fal’eg wa’athan boech e gidii’ (Facebook page rok Russell M. Nelson, ke post nag ko Aug. 16, 2020, facebook.com/russell.m.nelson).
Nge pagan’med e thin ni keb rok Somoel, gathi ngan rus (Matthew 14:27).
Boech ngiyal’ me chalban maed napan ni gamaed be leam nag ni ngad rrin’ urngin nib mat’aw ma dagur thapeged e pi tawa’ath ni gamaed ba adag. Enoch e fol rok Got u lan 365 e duw um’on ni nge yan e gidii’ rok nga tharmiy ni dar m’ad. 365 e duw ni yibe athamgil ni ngan rrin’ gubin ban’en nib mat’aw me arame buch! (Muguy ko Doctrine and Covenants 107:49
Chad ni walageg nike yim’ e buch ni yan in e pul ko tomuren nikan pag mow e bpin rog ko Mission u Utah Ogden. Rib falel’ napan ni gu pirew u Southern California, ni 417 urngin e mission ni rayogn in gan pi’ ngomow u lane re duw nem ko 2015, ma kan pi’ mow ko bani ni lel’uch u Utah. Tabinaew ko mission e ba 30 urngin e ment ni ngan yan nga tabinaew rok Chad. Ni tafley nag e cancer rok Chad ke buch ko tomuren niku thapegew e murwel ko mission romow. Mus nib momaw rogon gubin ban’en, ma gomow manang ni bay e Chitamangdaed nu Tharmiy ni be guy mow ma be ayuweg mow ni nggu pir’eg new e falfalen’.
Kuguy e tabiyul, miligach, nge sobutan’, nge gelngin e falfalen’ rok fare Tathapeg ni Yesus Kristus. Kuguy ni napan ni gadaed ra meybil ngad e Chitamangdaed nu Tharmiy u dakean fithngan Yesus, ma ra fulweg e meybil rodaed. Kuguy ni napan ni gadaed ra rung’ag, ma gadaed motoyil, man fol ko lungun Somoel nge profet rok, ni President Russell M. Nelson, ma rayog ni ngad guyed rogon ngan k’adedan’mad nge mada’ ko tomur ndab mmulgad man leam ni bfel’ wa’athay U dakean fithngan Yesus Kristus, amen.