Ba T’uf Rok’ Somoel
Ngiyal’ ni yibe yaen u fithike gafgow nge kribaen’ e dar thil rogon e sap rok Somoel napan nibe yaliy daed, nibe tawa’ath nag daed.
Ta’ e rran bo’or e duw kafram, napan kug e missionary ni kug muruwel’ dakaen e donguch nib achigchig ko Amami Oshima, Japan ni bay e branch nib achigchig, gag nge companion kug falfalen’ gow napan kug nangew ni nge yib President Spencer W. Kimball nga Asia ma gubin e gidii’ ko galasia nge missionary u Sapan e kan pining raed ni ngar baed nga Tokyo ni ngan motoyil ko profet. Gidii’ ko fare branch, nge gomow e fagar rog e gu tabab gow i ngongliy e tanam, 12 e awa ni ngan yaen u booech ni ngan tha’eb yu East China Sea ngan thap ko bin ga’ e naam u Sapan, ngki peth ko 15 e awa n’umngin napan ni ngan yaen u train ngan taw nga Tokyo. Machane, fithik e kirbaen’, ni gathi aram rogon; Me yoeg e mission president romow ngomow, ni bachane roffen ni ngan tay nge palog, ma dabyog ni nggu unew ko fare mo’olung ko Tokyo.
Napan fapi chonggin ko branch rog ni kar ranoed nga Tokyo, kug soen. Bin migid e rran e boed ni dariy bee’ nibe non ma rib kirbaen’. I go’ gomow ni gu warow nga misa nggu fekew e sacrament, napan ni bay e gidii’ nge pi missionary u Sapan ni yaed be un ko fare mo’olung.
I gel e kirbaen’ ngog mus ni gube falfalen’ ni gube motoyil ko gidii’ ko fare branch ni kar suloed ni yaed be weliy mornga’agen fare mo’olung ni ke yoeg President Kimball ni ngan toey e temple u Tokyo. Ri sug gaed ko falfalen’ napan ni yaed be weliy gelngin ni ke buch e n’en ni yaed be athapeg. Ri weliyed mornga’agen, napan ni ri rung’aged mornga’agen fare temple, me wayway e gidii’ ko galasia nge missionary nib gel ya dakir yag ni dabri daged gelngin e falfalen’ roared.
Yan bukun e duw, nge kugu manang gelngin ni ug kirbaen’ ni dani yag ni nggu un ko fare mo’olung nib ga’.
Fare in e pul ni thimur ni kug leam nag e biney nike buch, ma napan ni kuguy e kirbaen’ u owchen boech e gidii’—nib gel ko birog napan ni gub missionary—nike yib ni bachan fare COVID-19.
Tabolngin e biney duw, napan ni tabab fare m’ar, me yoeg e Bin Somm’on e Presidency ni ”Galasia nge gidii’ riy e ngad manged e gidii’ u lane binaew rodaed nib mangil,“1 man ”murwel u fithik e sag’al.”2 Ere, kad guyed e tal’eg ko mo’olung ko Galasia u dakean e fayleng, missionary ni kar sulef nga tabinaew roared, nge temple ni gubin nikan ning ni ga’angin yang ko Galasia. Bukun mira’ay i gimed e be fal’eg rogon ni nge yan nga temple ni fan ko gam’ing—nib mu’un e chiyliy ngay u temple. Boech i gimed e ke mu’ nag e mission rok nib tumgin fa kan pag ku kun noeg ni nge yaen nga biyang.
Ngiyal’ ney, ma am nge chonggin e skul e kan ning e skul—nike kireb nag rogon e graduation ma kan taleg e pin’en ko gosgos, sabathin, ngongol ko naam, nge reb e pin’en be rrin’ u skul. Oren i gimed e be fal’eg rogon ni nge yan nga biyang ko gosgos ni kan taleg fa dan rung’ag ba’nen ni mornga’agen riy.
Bukun e gidii’ nike yim’ e gidii’ roared ko ngiyal’ ney; oren e dani yag ni ngar gam’eyag gaed ara ni mukun nga ta’abang ni rogon ni yaed ba adag.
Ra ngan ngoch nag, ma oren, oren i gimed e be yan u fithik e kirbaen’, nge tafney nike mulan’. Ere urogon ni ngad gol gaed, ni ngad athamgil gaed, ni ngad dared nga m’on napan e pin’en nibe kirebnag?
Fare profit Nephi ke tabab ni nge yoloy fapi plate nib achigchig napan ke mang e pumo’on. Napan ni sap ko yafos rok nge pigpig rok, me yoeg ban’en nib ga’fan, ni bin somm’on e vers u lane Babyor ku Mormon. Vers nem e baga’ fan ni ngad leam niged ko rran rodaed. Tomur biney e thin rok e ga’ar, ”I gag, Nephi, e gargelegeg e gallabthir rog ni yow ba gol … ,” e be yoloey, “ma bayoʼor e kirbaenʼ ni kug guy u lan e pi rran rog, aram rogon machane, ri gub tʼuf rokʼ Somoel u langgin urngin e pi rran rog”3
Gadaed be fil mornga’agen e Babyor ku Mormon, ma gadaed manang bukun e gafgow nibe weliy Nephi. Machane tomuren nike weliy gelngin e gafgow rok, me yoeg Nephi rogon e sap rok ni Somoel e ke tu’ufeg u lane yafos rok. Ngiyal’ ni yibe yaen u fithike gafgow nge kribaen’ e dar thil rogon e sap rok Somoel napan nibe yaliy daed, nibe tawa’ath nag daed.
Gag nge Lesa kug mo’olung u computer ni ku dawori n’uw napan ngak ni gamaed e missionary u New Zealand ni bay 600, nge bo’or thingari paer ulaen e pi singgil rorad bachange e COVID-19, ni ma muruwel’ ulan a na’un roraed. Kad leam niged e gidii’ u lane Bin Bi’ech e Ma’g, nge fare Babyor ku Mormon, nge Doctrine and Covenants nike fal’eg Somoel wa’athan raed napan ni yaed be gafgow. Yaed gubin ma kan ayuweg raed Somoel kar rrin’ed e n’en ni dabyog roared napan ni yaed be yan u fithik e gafgow.
Gadaed be bi’eg ni Paul nge Silas, e napan ni kan kalbus nag row mar, meybil gow, ngar tang gow, ngar fanow gow, ngar michegew—mus ko gidii’ u kalbus ma kar tawfe nigew raed.4
Biyay ni mornga’agen Paul, u Rome, nikan tay u lane na’un ni l’agruw e duw, napan e ngiyal’ nem ma ulul nibe ”micheg ornga’agen gil’ilungun Got,”5 nibe machib nag mornga’agen Somoel ni Yesus Kristus.”6
Mornga’agen Nephi nge Lehi, pifaak Heleman, ni tomuren nikan gafgow nag raed ma kan noen’ raed nga kalbus ma yib e nifiy nge liyeg raed nibe ayuweg raed napan ni yib ”balam nib sumunguy mab achig … ma be rich nga laniyaenʼ raed [e pi’in nikar kalbus niged raed].”7
Mornga’agen Alma nge Amulek u Ammonihah, ni ri pir’eg new ni oren e gidii’ e ”ke michaenʼ … mar tabab gaed ko kalngaenʼ, mar biʼeged fapi chep nib thothup,”8 mus ni ku un kak’ring row ni dariy e gaan rorow, raen, fa maad, ma kan m’ag pa’ row kan kalbus nag row.9
Ma arame Joseph Smith, u fithik e gafgow u Liberty Jail, ni thamiy ni go’ ir nibe mith Somoel, e kan micheg nag ngak ni, ”Pinn’ey … e fan ngom”10 ma ”ra paer Got rom nib manemus.”11
Gubin pin’ey ni manag ko e tin ke nang ni Nephi: ma bayoʼor e kirbaenʼ ni kad guyed u lan e pi rran roraed, ri gub tʼuf rokʼ Somoel u langgin urngin e pi rran rog.
Ku rayog rodaed ni gidii’ nge galasia ma nanged fan bochi rogon ni kad tu’ufeg daed Somoel napan ni gadaed be gafgow ko fapi pul nike thimur. Napan ni gura yoeg e pi thin ney, ma gimed pag nge gel nag e mich rom ngak e profet rodaed, nike fal’eg rogon e kanawo’ um’on nige buch e m’ar, nibe ayuweg daed ngad athamgil gaed u fithik e sikeng ni ke yib.
Bin somm’on ngan gel u tabinaew nge Galasia man ayuw.
L’agruw e duw nike yan, me President Russell M. Nelson ea ga’ar: “Gadaed be lemnag ni ’galasia’ ea ban’en ni be buch u lane ea tafen ea liyor rodaed, min ayuweg ko tin ni be buch u tabinaw. Ba t’uf ea thil ko re rogoy ney. … Ea Galasia nib Ga’fan e tabinaew riy, ni n’en nibe buch u lane … na’un rodaed e n’en nibe ayuweg.”12 N’en nike yoeg e profet nike buch! Gospel ni yibe fil u lane tabinaew e ke fal’eg rogon daed napan nikan ning e galasia. Mus ni ra fal’ rogon biyay e gubin ma gadaed sul nga galasia, ma ka gadaed ba adag ni ngad ted e tabinaew rodaed ni bang ni ngan fil e gospel riy napan nibe buchbuch ban’en.
Bin migid e susun ni nge tu’ufegey Somoel e ngan pigpig ko wo’ nib ga’fan ma ba thothup.
U lane 2018, me yoeg President Nelson mornga’agen e pigpig ko ”rogon ni gadaed be tu’ufeg gadaed.”13 N’en nibe buch e chiney e ke dag bukun kanawo’en ni rayog ni ngad pigpig gaed. Pi walageg nibe pigpig, pagael nge rugod, nge kuboech e gidii’ nibe pi’ e ayuw u lane yoror, gaan, thin, nge gam’ing ni yibe pi’ ko pi’in nib tu’uf roraed. Galasia e kube pigpig ngak e gidii’ ko ngiyal’ ney ni yibe pi’ e gaan, nge gin ni nge paer e pi’in ni dariy e na’un roraed riy, nge ayuw ni yibe pi’ ko gidii’ ni dani bee’ u roy u mariken nge kuboech ban’en ni yibe rrin’ ni ngan ayuweg e pi’in ninke yim’ ko bilig u dakean e fayleng. Bpin ko Relief Society nge tabinaew roraed e kar ngongliyed e pin’en ni ngan fal’eg pi million mask ngan pi’ ko pi’in nibe murwel ko aspital.
Bin tomur, ni nge tu’ufeg nigew Somoel, u fithik e gafgow e ngan pir’eg e falfalen’ ko pi gam’ing ko temple.
Biney e ba fal’ rogon i weliy u lan reb e n’en nike buch. Napan ni thapeg Sister Kaitlyn Palmer e mission rok ko fare April ni kaffini thimur, ma kari falfalen’ ni kan pining ni nge mang e missioanry machane ke thamiy nib ga’fan ni nge yan nga temple nge thapeg e endowment rok me ngongliy e pi m’ag. Napan ni kan mu’ i ngonliy e ngiyal’ ni nge thapeg e endowment rok, man noeg ni ngan ning gubin e temple ni bachane e m’ar nibe buch u dakean e fayleng. Napan ni nang e biney, me nang ni ra yan ko missionary training center (MTC) u tabinaew rok. Demtrug gelngin e kirbaen’ rok, me tiyan’ Kaitlyn ni nge paer nib falfalen’.
Lane fapi pul, ma damra mul e athap rok Sister Palmer ni nge un nga temple. Tabinaew rok kar fast gaed mar meybil gaed ni ran bing e temple u m’on ni nge yaen. Kaitlyn e baga’ nima tabab nag e MTC rok u tabinaew ni kabdul nibe ga’ar, ”Daba’ e rran ni gadaed ra thapeg e ma’ang’ang nge temple ni nge bimg biyay?”
Napan e August 10, me yoeg e Bin Somm’on e Presidency ni temple rok Kaitlyn e ran bing biyay ni fan ko pi gam’ing ko pi’in nib fos ko re rran ni nge yan ko mission rok. Dabyog ni nge yan nga temple miki yan u sukiki ni ta’ab ngiyal’. Bachane daryog, me kol e tabinaew rok nag Michael Velinga nib temple president ni ngan guy fa’anra ra buch e n’en ni kar meybil niged. Ke fulweg e fapi meybil nge fast roraed!
Napan l’agruw e clok ni tani rran, bukun e awa um’on ninge yan u sukuki, me yan Sister Palmer nge tabinaew rok, ufithink e yoer, e bay fare president nib falfalen’ nibay u langan e maab ko fare temple nibe soen nag raed, me non ni ga’ar, ”Mangil e kadbul, o tabinaew rok Palmer. Kamagaer gaed ni kam maed ko temple!” Napan ni mu’ nag e endowment rok, man noeg ngoraed ni ngar gurgur gaed ya bay e bin migid e tabinaew nib soen u langan e maab ko temple. Mar raned nga sikoejo ni fal’ e ngiyal’ ni kar taw gaed ni nge yan ko mission rok.
Pi gam’ing ni dani yag roamed nike bukun e pul e boed ni rib falel’ ko chingiyal’ nem napan ni kan bing biyay e gubin e temple u dakean e fayleng.
Napan ni nggu museg e thin rog, wenig mu motoyil ko thin ko athamgil, nge falfalen’, nge thin nib munguy ni keb rok fare Profet Joseph Smith, Dariy bee’ ni rayog ni nge tafney nag nike yoloey napan nibe gafgow ni go’ ir, nikan kalbus nag ulan e na’un u Nauvoo, nibe rus rok e pi’in ni yaed be gay rogon ni ngar li’ed:
”Chiney, mang e gadaed be rung’ag u lane gospel ni kad thapeged? Lungun e falfalen! Lungun e runguy nibe yib u tharmiy; lungun e tin riyul’ nibe yib u fithik e buut; tin falfalen’ ni fan ngak e pi’in nike yim’; lungun e falfalen’ ni fan ko pi’in nib fos nge pi’in nike yim’; falfalen’ nib gel. …
”… Dabin athamgil gaed ko n’en nib ga’fan? Yan nga m’on gathi tomur. Athamgil. … i yan, yan nga m’on ni ngan gel! Mpag gumircha’em ni nge falfalen’, mari sug ko tin falfalen’ ban’en. Mpag e but ni nge tang”14
Pi walageg, mich u wun’ug ni ra boran, ma ra bigmed ma ra sap nga tomur ko ngiyal’ nikan taleg ban’en nge kirbaen’, lanin’uy nike mul, nge ngiyal’ nikan thamiy ni go’gur rom ko napan e m’ar mag guy e tawa’ath riy nike gel e mich rom. Mich u wun’ug ni lane eyafos ney nge bin migid e yafos ra yib, ma momaw’ rom, Ammonihah rom, nge Liberty Jail rom, e yira tay ni fan ngom ni kam gel riy.15 Gub meybil, ni woed Nephi, ni ngad nanged ni ufithik’ e gafgow nge magawon, rangad nanged ni gadag gubin ba t’uf nib ga’ rok’ Somoel.
Gube ning ko mich rok ngak Yesus Kristus, nima nang e gafgow nge ni bochi yang ko Biyul Rok ni ke pired u but’ u lan gubin miit e ban’en.16 Ni manang e gafgow, amiith nge ba’adag rodad. Ir e Tathapeg, Tabiyul rodaed, athap rodad, be fel’dad nge Ta pii’ rodad. Ko pin’ey ni gube micheg u dakan fithingan ni thouthup, ni Yesus Kristus, amen.