Maen nga Mm’on u Fithik e Mich
Nggu pi’ e gapas ngom me ga’ e mich rom ngak Somoel.5
Pi walageg nib tu’uf rog, napan nibe chuchgur ninge m’ay ere conference ney, gamaed be og nag e magar ngak Somoel. Fapi musik e rib mangil, ma fapi mulwol e ke yib ni yibe thogthognag.
Napan e biney e conference, ma bo’or banan nike buch ni rib ga’fan. Pi walageg nib tu’uf rog, irraray fare proclamation nifan ko fayleng nibe weliy mornga’agen fare Sulyarmen ko fare gospel rok Yesus Kristus nike polo’ ga’ngin.
Kad tedfan fare Sulyarmen nib mu’un fare Tolulnag Hosanna ngay.
Kandag ngodaed reb e pow nib be’ech nibe yipfan fare mich rodaed ngak Somoel Yesus Kristus ma ki yira fanay ko tin ba’aray banan nib mil suwon ko Galasia.
Kug pininged e gidii’ u dakean ga’ngin yang u fayleng ningan blaynag e abich min meybil, ni fare m’ar nibe garar u fayleng e bayi fal’ rogon, min ayuweg fapi togta, min gelnagnag e fayleng, me sul rogon e yafos nge woed rogon ni somm’on. Biney ni ngan blaynag fare abich e bay nrrin’ ko Friday, April 10. Ra mangil ere Friday ney!
Bin migid e Madnom ngay e fare Madnom ko Easter, ni kagdaed ra tayfan biyay fare Bayul nge fare Sulyarmen rok Somoel Yesus Kristus. Bachan fare Bayul Rok, fare tawa’ath ko foskoyam’ nitay era yib ngak urngin e gidii’ ni’i moy nib fos. Ma fare tawa’ath rok ko yafos ni gubinfen era yib ngak gubin e gidii’ ni’i ayuweg fapi gum’ing nge motochiyel ni ngongliy ulan fapi temple Rok nib thothup.
Bo’or banan nib thothup ko biney e general conference ko April 2020—nge biney e wiik nike tabab e chiney—nrayag ningan achignag ninge mang l’agruw bugithin ni rib ga’fan mab thothup: “telmed ngak.” 1 Gamaed be meybilnag ninge par e Chitamangiy nibay u Tharmiy u wun’um, nike yoeg e pi thin ney, nge fare Fak ni rib Tu’uf Rok, Yesus Kristus, nra ga’ ko ningaen’ rom gubin e pin’ey ningan thogthognag. Gamaed be meybilnag ningam thil nriyul’ ningam rung’ag, mag telim, mag motoyil ko thin rok fare Tathapeg. 2 Gube micheg nra achig e murus ma aram nra ga’ fare mich.
Kamagargaed ni gamaed ba’adag nikam ted lane tabinaew romed ni’ir tigil’ fare mich, nibay fare Thothup rok Somoel nibe par riy. Fare gospel ni gadaed be fil mornga’agen ko, Come, Follow Me, era ul’ul’ nge yibliy lane yafos rom. Ul’ul’ nge athamgil ni gabe tay—nib mu’un e ngiyal’ ngay ni gabe thamiy ni damur mon’og—era thilyeg e yafos rom, nge tabinaew rom, nge fayleng. Ma ran gelnagdaed ko napan ni gadaed be gay rogon ningaed manged gachalpen Somoel, ni gadaed be sak’iy ngalang ni gadaed be non nifan, ni demuturug ko gin ni gadaed bay riy.
Ere chiney, e ngaed weliyed mornga’agen fapi temple. Bay 168 e temple nikan mu’ i yibliy u dakean ga’ngin yang u fayelng. Ma boech e fin ni yibe toey ma yibe ngongliy rogon. Napan nra noeg ningan toey reb e temple nib be’ech, ma aram nike mang bang ko fare murwel rodaed nib thothup chippin.
Woed nib thil e chiney ni bayn noeg boech e temple nib be’ech napan gubin fapi temple makan ning.
Ra’ay nge boech e duw kafram, President Wilford Woodruff e guy boech e pin’ey nibe buch rodaed e chiney, nikan yoloey ngalan fare babyoren e meybil napan nin yibliy fare Temple u Salt Lake, ko 1893. Boechi gimed e sana ke mu’ i guy mornga’agen ere meybil ney ko social media.
“Ma napan pi gidii’em e dabyag ningar uned boech ngalan ere na’un ney nib thothup … make yilegraed e gafgow …ma yaedra sul ko re na’un rom ney nib thothup miyaed fith ningam pagraed, ningan ayuwegraed, ningam pii’ gelngim nifan ngoraed, niyaed be wenignag Ngom, ningam sap ngoraed u tharmiy nga but’ u fithik e murnguy … mag motoyil ko fapi yoer ni yaedbe tay. Fa pifak pi gidii’em, ko boech e duw ni bayi yib nga mm’on, ni bayni kii’egraed u but’, ndemuturug ko mang, ko ragin’ey, … ma bayri yoergaed u fittik e gafgow nge amith ningam ayuwegread, ma gamaed be wenig nag ngom … motoyil nga laman e yoer ni yaedbe tay, mag pii’ ngoraed fapi tawa’ath niyaed be ning.” 3
Pi walageg nib tu’uf rog, napan e ngiyal’ nib gel e gafgow rodaed ma fapi temple e kan ning, krayag ninge yib gelngim ko fare endowment nge fapi m’ag nikam tay u temple ni gabe tayfan. Wenig ngom mu fanay e ngiyal’ ney nikan ning fapi temple ningam ul’ul’ ngam par ni gab thothup, fam fal’ag rogom ni ngeyag ningam maen nga temple.
Weliy mornga’agen e temple ngak e tabinaew rom nge pi tafagar rom. Bachan Yesus Kristus e ir lukungun urngin banan ni gadaed ma rrin’ ulane temple, napan gara tafnaynag e temple ni bo’or yay ma aram ni gara tafneynag ni bo’or yay. Fil mag meybil ningam fil boech nib bo’or mornga’agen fare gelngin nge llowean’ nikan endow nigem ngay—fa bayni endow nigem ngay.
Daba’ kug falflaen’ ningu oeged bay aningeg e temple nib be’ech ngan toey u pi nam ney:Bahía Blanca, Argentina; Tallahassee, Florida; Lubumbashi, Democratic Republic of the Congo; Pittsburgh, Pennsylvania; Benin City, Nigeria; Syracuse, Utah; Dubai, United Arab Emirates; and Shanghai, People’s Republic of China.
Ulan aningeg e nam ney, pi architect ko galasia ra muruwel ko tiyugang’ ko nam ningad pii’ e na’un nib fel’ ko binaw nem.
E yarmiyr ko temple u Dubai ke yib u dakaen e pinning nib fel’ mug thapeged riy’.
Nib t’uf ningu weliy’ marunga’gen fare kanawo’ ko Shanghai Ko la’agruw e decade, chongin nib mat’aw ulane fare People’s Republic of China kar uned e temple u Hong Kong China. Machane u July 2019 ke ning fare temple ko e be’echnag nge fel’rogon.
U Shangai, a tafen ra ayuweg e chongin u China ningar un e gam’ing ko temple—ulane fare People’s Republic of China—ni fan raed nge gidii’ roraed. 4
Ulane urngin e nam, fare Galasia ba fil ngak pi chongin rok ningar liyoergaed, folgaed, mar ayuweged e motochiyel. 5 Gamadba fil e tin t’uf ko tabinaew, ninge mang e glabthir nib fel’ nge gidii’ ko nam. Bachan gadadba liyoer fapi motochiyel nge yalen ko fare People’s Republic of China, the Church dani pii’ e missionary ko machib ngaram; ma dad rrin’ed chiney.
Gidii’ u wuru e nam nge gidii’ nu China ra mo’olunggaed nib kii’. Rogon e Galasia ko motochiyel ngaram dani thilyeg. U somm’on e ningyal’ ko na’un, ngan maen ulangin ko appointment yigo’. Fare na’un rok Somoel u Shanghai dani thapeg e gidii’ ko reb e nam.
Ma re meruki temple ney nib be’ech era tawa’athnag e yafos ko gidii’ nib bo’or ulan l’agruw yang raba’ fare veil ko yam’. Fapi temple e kabiyang nib ga’fan ko fare Sulyarmen ni ga’an fare gospel rok Yesus Kristus. Bachan Got e bee’ nib gol, be fek fapi tawa’ath ko temple i yib nibe chuchgurnag ngak pifak ko gubinyang
Napan nibe ul’ul’ fare Sulyarmen, gu manang ni Got e bayki ul’ul’ nge dag boech banan nib mangil mab ga’fan ko gil’ilungun nibay u roy u feyleng. 4 Biney e gil’ilungun e ir Fare Galasia ku Yesus Kristus ni fan ko Gidii’en ko Tin Tomur e Rran.
Pi walageg nib tu’uf rog, gamaed btu’uf rog. Ko biney e ngiyal’ ndan nang ko bang e bayi buch, gube pii’ ngomed fare mat’wog nikan pii’ ngog, ni guba’adag ni nggu pii’ ngomed ba tawa’ath nikemus ni yigo apostle e ma yib rok.
Nggu pi’ e gapas ngom me ga’ e mich rom ngak Somoel. 5
Nggu yibliyem ningam adag ningam kalngaen’ mag gay rogon ni ngam boed Ir ni gabe gay rogon ni gubin e rran. 6
Nggu yibliyem ningan nang ni fare Profet Joseph Smith e ir fare profet ko fare gospel nike Sulyarmen rok Yesus Kristus nike polo’.
Ma fa’anra bay bigmed nib m’ar fa bay bee’ rok nib m’ar, ma gube yibliy ninge gol, nibe yaen u gelngin Somoel.
Ma nggu yibliyem, ko fare tu’uf rog ngomed ni gubin, u dakean fithingan Yesus Kristus nib thpothup, amen.