Ta’areb Gad ko Mugu’uliy e Muruwel rok Got
Dem turug fa’ani u tabinaw fa ko muruwel e Galasia, bin fel rogon ni ngan mugu’l pin’en rodad e ngan ta’ab gad, nib tawath riy’ ko gelingin nge matawon fare priesthood Rok u thilin e pin’en rodad nib thil mab t’uf riy.
Pi walageg, rigub falfalen’ ni gubay romed. Demuturug e nam rom, Gube pii’ e gumuchmuch ngak e walageg ngu rugrug p’aa e walageg. Gadaed be un ko murwel rok fare Got ni Gubin ma Rayag Rok.
Napan gadadma lemnag marunga’agen Adam nge Eve, som’on e tafney rodad e bingyal’ ko yafos rorad nib machalbog u Millay ku Eden. Gu lemnag gubin ngiyal b’fel’ e yafang—gathi gawal nge gathi garbeb riy’—nge bo’or, nib fel’ lamen e wa’amngin nge woldug ke ba’ ni ngan kay nag riy’ gubin ngiyal’. Bachan re fayleng ke bi’ech nagrow, bay yo’or pin’en ni ngan pirieg, ere gubin e rran ab thil riy’, napan kar mada’ nigew pi gaman’man min sap gow ko tin ni ba’ rad. Ke pii’ pi motochiyel ni ngar fol gow riy’ ma ke thil rogrow ni kar motoyil nagrow riy’, nike pag e murus nge wagagaey ko som’on.1 Machane napani mel’eg pin’en ni ke thiliyeg pi yafos rorow nib manechubog, kar rilew rogon ni ngar muruwliy gow nga ta’abang mar ta’ab gow nrogon kar mugu’uliyew pin’en ni fan Got ngorow—nge gubin e bitir Rok.
Ya lemnag ko picha’ney u wuru’ fare millay. Kar t’uf ni ngar muruwel gow ni fan ko gaan, boech e gamanman ke lemniged yow gaan, ma ke mom’aw ban’en ni ra gel nagrow riy kemus nu dakaen e meybil nge puruy nigew nga ta’abang. Gu lemnag ni bcchi e ngiyal’ ba’ thil’thil’ e lem row ko nrogon ni ngan gel nag pin’em. Machane, ufithi’ fare Mul, kar filew nrib t’uf ni ngar ta’ab gow ko muruwel nge adag. Ganop ni kar thap row ku tafen ni thothup, ke fil ngorow fare tunom ko thap nge pi kenggin e gospel ko Yesus Kristus nibe muruwliy re tunom nem. Bachan kar nangfan gow ni fan e yafos nge tin ni ba’adag u tharimy e ta’ab rogon, kar falfalan’ gow ni ngar filew rogon ni ngar muruwliy nu fithik e adag nge mataw nga ta’abang.
Napan ni ke fakew e bitir, Adam nge Eve kar filew nagrad fa pin’en kar skool gow rok pi angel. Ke m’ag u wun’row ni ngar aywegew pifakrad nang fan min koel chilan pi kenggin nem nra ayuwegrad falfalan’ ko yafos ney, min sulwegrad ngak pi labthir nu tharimy tomuren kar cheag gad ko yafos mar fol gad Got riy’. Ireram e ulung ko ngongol riy’, nge Adam nge Eve kar fil rogon row ni ngan falfalan’ gow ko tin nibe thil row riy’ mar ayuweg bagyow ngak bagyow ko muruwel rorow.2
Napani yaen biyor nge biyor e duw, n’en nib tamilang rok pi pum’on nge ppin ma muruwel nga ta’abang ni ngan mon’og e fayleng riy’, ke manileng nag nge keb e ma’athuk riy’. Chirofen fare Millay ku Eden nib fel’ mada’ ko chiney, fare mo’oniyaen’ ke sasalap ni ke pag e gidii’ ni ngar fek yathin rad pi pum’on nge ppin ni ngan gelnag e pi ya’el rodad. Lucifer ma nang ni fa’anre rayog ni nge gathay nag fare ta’ab gow ko pum’on nge ppin, fa’anre rayog ni nge pag dad ni ngad iyooran e pulwon’dad nge muruwel rodad, irra gathay nag pi tabinaw rorad, ni yad baga’fan e ulung nib manemus.
Mo’oniyan’ ma lumelaen’dad ni ngad ta’areb nagdad ngak gidii’ ni ngad thamiy sobutaen’ ngorad, nibe miith riy’ ni pin’en nib thil ko ppin nge pum’on e kan yarimy Got riy’ ma yow be ta’ab pulwon riy’. Ke gay rogon ni ne lich nag fan e ppin ngak tabinaw ngak pi am rodad, nibe lich nag e matawon rorad ko tin fel’ ban’en. Fan rok e ni ngan togopluw e gidii’ riy, ni gathi madnom nag pin’en nib thil mab fel’ u thilin pi pum’on nge ppin nibe ayuwegrad riy’ min ayuweg e ta’reb ngorad.
Ere, kakrom mada’ ko chiney nge u langab e fayleng, e llowaen’ nib polo’ ko pi tawath nge muruwel nib thil’ mab t’uf ko pi ppin nge pum’on ke wagaey. Pi ppin u bo’or e yang ko fayleng kar manged e sib ko pi pum’on rorad, gathi cha’ nib chagil ngak, nib chig radan pin’en nrayog i muruwel nagrad riy’. Mon’og ko tin thothup ke sasagal ko chirofen nem talimar; riyul, buchuw e tamilang nu Kan Thothup ma bing e laniyaen’ nge gum’ircha’ey nib m’ag riy’ ko yalen nib kalbus riy’.
Ma finey ke aw e tamilang ko gospel nib fulweg chilan rogon “nib gal rama’enrow ko yal’“3 napan i Got en Chitimangiy nge Fak, Yesus Kristus, kar m’ug gow ngak fare pagael i Joseph Smith u lan e duw ni 1820 u fare gerger nib thothup u New York. Ren’ey ke tabab bo’or ngo bo’or e yi’iy nu tharimy u tiney e rran. Somm’on e n’en ko Galasia rok Kristus nu kakrom kan sulweg nib chilan rogon e matawon e priesthood rok Got. Napani ul’ul’ fare Sulweg nib Chilan Rogon ke ul’ul’, pi pum’on nge ppin kar nang gow nib ga’fan ni ngar muruwliy gow nib ta’abang, nib yarimy nge ayuweg riy rok Ir.
U 1842, napan pi ppin ko fare Galasia nib chig riy kar ba’adag rad ni ngar sunmiy e ulung ni ngar ayuweg ko fare muruwel, President Joseph Smith ke thamiy nib t’uf ni ngan yarimy nag rad u tangin fare priesthood nrogon e wok rok fare priesthood.4 Me yoeg “ni ra pii’ fare key ngorad u fithingan Got; ni re rran nem e som’on ko pi rran nib fel’ nga m’on riy’.“5 Ma tomuren i chel fare key nem, ke bing e rogon ko pi ppin u bang ko fayleng, nibe un ngay e skool, lung ko am, nge salipiy.6
Re ulung nib be’ech ko pi ppin e Galasia, kan noeg e Relief Society ngay’, ke thil rogon ko yug pi ulung nib ppin nu kakrom bachan ke yarimy ko profet nibe muruwliy ko matawon e priesthood me pii’ ngak pi ppin e matawon, gelingin, nge tagil e lung nga lan fare Galasia, ni gathi palog riy’.7
Pi rran nu Joseph Smith mada’ ko chiney, fare sulweg nib chilan rogon e ke tamilangaen’dad ko nrogon fare gelingin nge matawon e priesthood mra ayuweg pi ppin nge pum’on ni ngan mugu’uliy e muruwel rorad nu tharimy. De n’uw napan ke fil ngodad ni pi ppin kan yibliy nag u tangin pa’ cha’ nibay e priesthood key riy’ ma muruwily ni ba matawon e pristhood rorad ko pi calling rorad.8
U October 2019, President Russell M. Nelson ke fil rogon ni pi ppin kan endow nag ko temple be thapeg e gelingin ko priesthood u lan e yafos rorad ma lan pi na’un rorad napan i koel chilan pi m’ag kan tay rorad ngak Got.9 Ke welthin ni “tharmiy e mab ko pi ppin ni kan endow nag ko gelngin Got nu pi m’ag rorad kan tay ko priesthood ni ta’abrogon ko pumo’on ni ba’ fare priesthood rok’.” Me fonow nag urngin e ppin ni ngan “thapeged ni bo’or fare gelngin fare Tathapeg ni ngam ayuweged e tabinaw romed nge ku gidii’ nib t’uf romed.”10
Ere mang fan ko gur nge gag? Uragon e ganop ko matawon e priesthood nge gelingin riy’ ma thil’ dad e yafos? Kengin e llowan riy’ e ni ngan nang fan fini ta’ab gow pi ppin nge pum’on riy’11gadad ra gel nag boech ko fini gadad rodad riy’. Fan rodad ma ayuweg dad, gathi ma togopluw. Ya pi ppin e dani yibliy nag ko office ko priesthood, woed ni kugog, fapi ppin mrayog ni ngan thapeg e pi tawath ko priesthood nib gelingin riy’ napan ni ngar koel chilan pi m’ag rodad, min ngongoliy matawon e priesthood fini kan yibliy nag ko calling rodad.
Reb e rran nu August nib fel’ i yan, ke tawath nigeg nggu paer nga but’ rok President Russell M. Nelson ko fare na’un rok Joseph nge Emma Smith u Harmony, Pennsylvania, nib chugur riy’ ko tafen i sulweg fare Aaronic Priesthood ngay u tiney tomur e rran. Ufithik e non romow, President Nelson me yoeg marunga’agen fare matawon niba’ ko pi ppin u fare Sulweg nib Chilan Rogon.
President Nelson: Ta’areb e ban’en nib gaa’ Ngu pugurran nap’an bay Gub nga mfen ney ko Sulyarmen ko Priesthood i’ir muruwel ni kan pii’ fapi ppin ngak e Sulyarmen.
Nap’an Joseph ke tabab ninge pilyeg fare Babyor ku Mormon, mini’ ke yoloey fapi thin? Ere, ke yoloey buch, machane gathi bo’or. Emma ke tabab ninge yoloey.
“Mug lemnog marunga’gen boeche gak’iy ni ke meybil Joseph ngay u chuchgur ko tabinaew roraed u Palmyra, New York. Mang yaen ningan? Ke yaen nga fithik fare Paan nib Thothup. Mang fan ke yaen ngaram? Bachan i’ir mfen e nina rok ke tay e meybil rok ngaram.
“Bayi la’agruw e ppin kar muruwelgow nib gaa’fan ko fare Sulyarmen ko Priesthood nge Sulyarmen ko Galasia. Arragon, rayog ningad oeged e pi le’enged i yaed gaa’fan ko muruwel daba’ n woed rogon u somm’on. Arragon, i’ir riyul’.”
Woed Emma nge Lucy nge Joseph, gadad e rib cheag gad napan gadad ba’adag ni ngad fil bagdad rok bagdad min ta’ab gad ni ngad manged pi gachalpen Yesus Kristus min ayuweg picha’ nga lang fare kanawo’.
Ke fil ngodad riy’ ni “priesthood ma tawath nag pi yafos ku pifak Got nib yo’or rogon riy’. … U pi calling [ko Galasia], gam’ing ko temple, tha’ ko tabinaw, nge ayuweg nib mocho’ riy’, pi ppin nge pum’on u tinney e rran ma ranoed i yaen ni ba’rad e gelingin nge matawon fare priesthood riy’. Re t’uf u thilrow pi pum’on nge ppin ni ngar mugu’uliy e muruwel rok Got udakaen e gelingin Rok e kengin e gospel ku Yesus Kristus kan sulweg udakaen fare Profet Joseph Smith.”12
Ta’ab nag e rib t’uf ni ngan mugu’uliy e muwel kan pinningdad riy’, machane dani buch ni yigo ir. Ma t’uf e muruwel nge ngiyal ni ngan puruy nagdad nga ta’abang—ni ngan motoyil gad ngodad, nang fan dad, min welthin rodad—machane ren’ey e puruy ma fekey e llowan nu tharimy ni ngan ngongoliy dad nib fel rogon riy’. Dem turug fa’ani u tabinaw fa ko muruwel e Galasia, bin fel rogon ni ngan mugu’l pin’en rodad e ngan ta’ab gad, nib tawath riy’ ko gelingin nge matawon fare priesthood Rok u thilin e pin’en rodad nib thil mab t’uf riy.
Mang e be yip fan riy’ ko pi ppin nib thothup dabay? Aygi weliy fan.
Alison nge John yow ba’ e tha’ nib thil rorow. Kar ride gow e rhat ni ba’ l’agruw e chiya nge pedals riy u pi race nib ngoch mab n’uw. Ni ngan cheag nag ko binem e rhat, yow ’ngariy ta’ab gow ko pedals rorow. Ngariy paer nga barba’ nib ta’ab rogon row. Reb e dani gel nag reb, machane ’ngariy non nib tamilang mab muruwel gow nga ta’abang. Fare captain, u’mon, ba’ matawon ko brake nge we’in ngan sak’iy gow ngalang. Cha’ nib stoker riy’, e ngariy sap ngorow min ga’ nag e gelingin fa’anre ke sasagal fa lich nag riy’ fa’anre be chugur gow ngak reb e rhat riy’. ’Ngariy ayuweg yow ni ngan mon’og gow min cheag gow ngay’.
Ke weliy fan Alison: “U somm’on, facha’ nib capitan mra yoeg ‘Sak’iy’ napan ke t’uf ni ngan sak’iy nge ’Tal’eg’ napan ke t’uf ni ngan tal’eg e pedals. Tomuren boech ngiyal’, facha’ nib stoker ke fil rogon napan rani sak’iy fa tal’eg facha’ nib capitan, dani t’uf ni ngan non. Kug filew rogon nrogon ni ngan sap gow ngomow min nang fan napan ke waer bag mow ma [richey] ra ga’ nag bag mow e gelingin riy’. Riyul’ ba marunga’agen e pa’gaen’ nge ta’ab gow nga ta’abang.”13
John nge Alison kar ta’ab gow gathi kemus nga dakaen e rhat rorow, machane kar ta’ab gow ko mabgol nagrow. Bag yow ke adag e falfalan bagyow rok; mar sap gow ko tin nib fel’ bagyow riy’ mar muruwliy gow ni ngan gel nag pin’en ni dani fel’ row yow. Kar thiliyeg gow tagil’ e lung mar muruwliy gow nib gel napan bagyow ma wagaey. Bagyow ma tolung pulwon’ bagyow ko n’en kar muruwliy gow mar piri’eg pi fulweg e magowan rorow napan kar ta’ab gow fa pin’en nib cheag go riy. Riyul’ kar m’ag irow yow udakaen e adag rok Kristus.
Ni ngan un fare tang nib ta’abang nib muruwel nib ta’ab rogon b’tuf ni ngan digey fare yalen e “gag-som’on” ni u barba’dad dabay. Ba’ ko pi ppin pi tawath nib thil, mab yibliy nag tharimy riy’14 ma kan pii’ ngorad e muruwel ni yigo yad, machane fa pin’en e gathi ga radan—fa chig radan riy’—ko pi tawath nib pum’on nge muruwel rorad. Gubin e kan yarimy ma b’tuf riy’ ni ngan mugu’uliy tunom e Chitimangdad nu Tharimy ni ngan pii’ ngak pifak Rok gubin ma rayog rok ni ngad mon’og e paer rodad.
Dabay, “nrib t’uf pi ppin ni ba’ rad fare gelbugwaen nge gonop ko Chitingin Eve rodad”15 ni ngan ta’ab gad ko pi pum’on rorad ni ngan pinning pi ya’el ngak Kristus.16 Pi pum’on ma t’uf ni ngan sak’iy ngalang min chagil gad riy’ nib riyul’, gathi “kemus bingyal” napani muruwel fapi ppin bo’or riy’. Pi ppin ma t’uf ni ngar “sak’iy ngalang [min] fek tafen [rorad] nib t’uf ngay”17 min chagil gad riy ni dabi lemniged nib t’uf ni ngar muruwliy gad ni yigo’ yad fa soen ni ngan non bee’ ngorad fa pin’en nib t’uf.18
Ngan tay pi ppin nib ta’ab rogon e gathi marunga’agen fal’eg e “yalen nib bi’ech” machane ni’ir ni ngan nang fan e machib nib riyul’ riy. Dariy fan ni ngad fal’eg e program ni ngan ta’ab nagdad riy, ya rayog ni ngad muruwliy gad ni ngad tay pi ppin nib tolang pulwon’ woed rogon Got: ni yad chagil gad riy ko muruwel ko thap nge manemus.
Ke fal’eg rogdad? Ra ul’ul’ gad ni ngad chel oren pi ya’el nu kakrom ma thapeg fare ya’el nu tharimy nge pi ngongoliy kan toey nga dakaen e gospel? President Russell M. Nelson ma pinning dad ni ngad dared nib pa’ tabang ko muruwel nib thothup ney … [min] ayuweg re fayleng fal’eg rogon ko Bin L’agruw e Wub rok Somoel.”19 Napan gadadma rin’ed riy, ra filed rogon ni ngad liyor gad pi tawath e gidii’ min mugu’uliy e muruwel rodad nib fel rogon riy’. Ra thamiy e falfalan’ nib ga’ ko urngin mit’ e falfalan’ rodad.
Aygi mel’eg dad gubin ni ngad ta’ab gad nrogon kanawo’en Somoel ni ngan mon’og e muruwel Rok. U dakean fithngan Tathapeg nib t’uf rodad, Yesus Kristus, amen.