General Conference
Rogon fare Priesthood nibe Yibliy e pi’in nib Fal’yangren
April 2020 General Conference


Rogon fare Priesthood nibe Yibliy e pi’in nib Fal’yangren

U dakean fare priesthood, rayag ni ngead mon’og gead. Priesthood e ma pi’ e tamilang ngalan e donop.

Gub falfalaen’ ngay ni gubay u roy e daba’. Napan ni kug nang ni gura non ngom e daba’, ma kari gu falfalaen’ machane t’abochingiyal’ riy ma kari sobut’aen’ e tafney rog. Bo’or e ngiyal’ ni kug tafney nag ko mang e nggu weliy mornga’agen, ma gube athapeg ni fare Thothup e bayi non ngom u fithik e mulwol rog.

Ulane fare Babyor ku Mormon, Lehi e tawa’ath nag pifaak ni pumo’on u m’on ninge yim’ ni ayuwegread ningar guyed gelinginread miyead guy fal’nginread. I gag e bin ni mereb u fithik e pi walageg ni bitir, biney e duw nike thumur e bin somm’on yay ni kug magay u tabinaew ni yigogag. Dariy pi walageg nib chugur ngog nge gathi e bee’ nib chugur ngog ni nggu sabathin gow e rib momaw’ ngog. Bo’or e blayael’ ni rib gel e kirbaen’ rog. Ri gub falfalean’ ko galibthir rog, ni yow ma ayuwegneg nib gel. Reb kanawo’en e biney e og nag e chitamag ninge pi’ ngog fare tawa’ath ko priesthood ninge ayuwegneg ko ngiyal’ ni rib gel e mo’owaer rog. Tomren ni yibliyeg, dariy banan ni thil ko chingiyal’ nem, machane gu thamiy e gapas nge tu’ufeg rok e Chitamangig nibay u Tharmiy nge chitamag. Gub tawa’ath nibay e chitamag nib be’ech nrayag ninge pi’ ngog fare tawa’ath ko priesthood ni demuturug ko ngiyal’ nib tu’uf rog nima ayuwgneg ni ngguy gelingig nge fal’ngig, ni woed rogon ni rrin’ Lehi napan ni yibliy gubin pifaak.

Demuturug ko tin nibe buchbuch rom, rayag ninge yag ngom fare tawa’ath ko priesthood. Nibe yib rok be’ ni gathon fare tabinaew, pi tafagar, fapi brothers nibe pigpig, tiyugang’ ko priesthood, nge Chitamangiy nibay u Tharmiy ni dariy bi’id mara digeyem, rayag ningam thapeg fare tawa’ath ko priesthood. Elder Neil L. Andersen said: “Fapi tawa’ath ko priesthood e bagel gelingin ndarmamus ngak e cha’en nibe pi’ fare tawa’ath. … Woed ni fa’anra gadead be’ech, fapi gam’ing ko priesthood era mon’og nag e yafos rodead.”1

Dam soen ningam fith fare tawa’ath napan nib tu’uf rom ni ngan powi’iyem. Ngiyal’ ni th’abi gel e mo’war rodead e ngiyal’ ni th’abi tu’uf fare Thothup ni nge ayuwegdead. Dariy be’ nib polo’, ma gadead gubin ma gadead be yaen u fithik e gafgow. Boech i gadaed e bay e m’ar rok ko m’agfaen, kirbaen’, macham ko ngongol nib kireb, fan thamiy ni darda gaman gead u wun’dead. Fare tawa’ath ko priesthood e rayag ninge ayuwegdead ni ngead gelgead ko pi mo’war ney magdead thapeg e gapas ni ngead mon’og gead nga mm’on. Gube athapeg ni gadead ra ul’ul ngead pired ni gadead be’ech ni ngead thapegned e pi tawa’ath ney.

Reb kanawo’en e tawa’ath ko priesthood e be yib ko fare tawa’ath ko patriarchal. Kug fil ni guma sap ko tawa’ath ko patriarchal rog ni demuturug ko ngiyal’ ni gub kirbean’ fa gub malog. Fapi tawa’ath rog e ma ayuwegneg ni ngguy fal’ngig nge tin murwel nike dugliy Got ngog. Ma pi’ e gapas ngog me ayuwegneg ni ngguy e tin nib tu’uf ni nggu rrin’ ko tin ba’aray ni woed rogon e sap ko fayleng. Ma pugoran ngog fapi tawa’ath rog nge tin tawa’ath ni gura thapeg ni fa’anra gura fol mug par ni gub be’ech. Ma kuma ayuwgneg mug thamiy e gapas ni Got era fulweg e duwer rog me bing fare mab ngog ko ngiyal’ nike tu’uf e ayuw rog.

Tawa’ath ko patriarchal e ma ayuwegdead ningaed suled ngad pired rok e Chitamangiy nibay u Tharmiy. Gu manang ni fare tawa’ath ko patriarchal e ma yib rok Got ma rayag ninge ayuwegdead nge thilyeg e tin ni gadead be mo’war riy nge mang gelngiy. Tiney gathi pi mulwol nike yib rok be’ nima “yoeg e tin ninge buch nga mm’on”; pi tawa’ath ney e ma yoeg ngodead e tin nib tu’uf ni ngead runga’aged. Woed fare Liahona ni fan ngodead. Napan ni gadead ra man’ag Got nge mich rodead Ngak, mara ayuwegdead u fithik e pi mo’war rodead.

Woed rogon ni tawa’ath nag Got i Joseph Smith ko fare priesthood ninge yag fare tawa’ath ninge sul yarmen fare gospel biyay, rayag ningead thapaged e pi tawa’ath ney ko gospel ulane yafos rodead u dakean gelingin fare priesthood. Gubin e wiik ma kan pi’ ngodead ni ngead feked fare sacrament. U dakean e biney e gam’ing ko priesthood, rayag ninge par fare Thothup rodaed ni gubin ngiyal’, nrayag ninge be’ech nag dead me pogfay nag dead. Fa’anra ni ngam thamiy nib tu’uf ni ngead chuwegned banan ulane yafos rodead, mu ning e ayuw ngak e tiyugang’ nrayag ninge ayuwegnem ningam sul biyay ko fare pi’ i kanawo’ nib mat’aw. Pi tiyugang’ rom e rayag ninge ayuwegnem ningam thapeg ga’angin gelingin fare Bayul rok Yesus Kristus.

Falfalaen’ug ko priesthood, ni krayag ningead thapeged e tawa’ath ko gam’ing ko temple. N’umngin napan ni kayag ni nggu wan nga temple, kug dugliy ni nggu wan ni gubin ngiyal’. Bachan ni kug dugliy e ngiyal’ mug gay rogon ni ngu chuchugur ngak e Chitamangig nibay u Tharmiy ulane a na’un Rok, kan tawa’ath nigeg ko yi’iy nike ayuwegneg ulane yafos rog.

U dakean fare priesthood, rayag ni ngead mon’og gead. Priesthood e ma pi’ e tamilang ngalan e donop. Elder Robert D. Hales ke yoeg: “Ra dariy fare tawa’ath ko priesthood,‘fare ga’angin fare donop e m’ay fan’ (mu guy ko D&C 2:1–3). Ma dariy e tamilang riy, ma dariy e athap riy—makemus nib sug ko tilmor.”2

Got e be pi’ e athamgil ngodead. Ba’dag ningead suled Ngak. Manang daed ni gubin. Manangem. Gadead ba tu’uf Rok. Gubin ngiyal’ ma be guydead ma be tawa’ath nagdead ma boech i ngiyal’ e gadead be thamiy ni susun ndabin pi’ ngodead e tiney e tawa’ath. Manang ko mang e ba tu’uf rodead nge ngiyal’ nib tu’uf rodead.

“Mu ninged, min piiʼ ngomed; mu gayed, ma gimed ra pirʼeg; mu tugtuguyed e mab, min bing ngomed:

“Ya gubin e piʼin ni yaedra ning, e yira piiʼ ngoraed; ma enra gay, e ra pirʼeg; ma enra tugtuguy e mab, e yira bing ngak (Matthew 7:7–8).

Fa’anra dawri yag ngom fare mich ko priesthood, gube pi’ e athamgil ngom ni ngam meybil mag fith nifan ngom ko fare gelingin, mag bi’eg fapi thin nib thothup ningam runga’ag fapi thin rok Got. Gu manang ni fa’anra gadead ra athamgiliy ningan thamiy fare gelingin fare priesthood rok Got ulane yafos rodead, ma ran tawa’ath nagdead. U dakean fithngan Yesus Kristus, amen.

Babyoren Ayuw

  1. Neil L. Andersen, “Power in the Priesthood,” Liahona, Nov. 2013, 92.

  2. Robert D. Hales, “Blessings of the Priesthood,” Ensign, Nov. 1995, 32.

Print