Gelngin fare Babyor ku Mormon u Thilyeg

By Elder Benjamin M. Z. Tai

Ko fare Medlipi Ragag

Fare Babyor ku Mormon pii’ yoobuung nib ya’el, pii’ e tanam, nge ba uluuliy nagdad ngak fare Kan ni Thothup.

Tomuren kug guy fare cheping ko togta, kug fil ni gu ba t’uf thilyeg ban’ u lane yafos rog. Ni ayuwegeg, togta rog pii’ ngog e tanam ko abich nge muruwel, ni, fa’anra gu ba mel’eg ni ba fol nag, ra ngael’eg e cha’ nib mangil.

Fa’anra gadad gubin ba guy e togta nib thothup, mang gadad ba fil mornga’agen gadad? Mang e tanam ko togta nib thothup rodad pii’ ngodad? Ni gadad ba mang e cha’ ni mini’ gadad ba t’uf, ni ba ga’fan ni nang mang ngad rin’ed nge rin mang gadad nanged.

Yesus Kristus e fare Togta nib Masta.¹ U dakean bayul Rok, Ir ba gol nag ma’ad’ad rodad, fek dakeanen m’ar rodad, gol nag gum’irchadad nib kireb.² U dakean murnguy Rok, tin nib waer rodad rayog nib gel’ nag.³ Ir ba adag dad ni fol Ngak⁴ u dakean fil mornga’agen Ir, rung’ag thin Rok, nge yan u fithik e sobut’an ko Ya’el Rok.⁵ Ke micheg ni ayuwegdad⁶ u lane ngiyal ko thilyeg, ni ba thilyegdad nge pii’ e falfalan’ nib manechubog.⁷

Fare Taathapeg ni ke pii’ ngodad fare Babyor ku Mormon e talin nib gel ni ba ayuwegdad u thilyeg. Fare Babyor ku Mormon pii’ yoobuung nib ya’el, pii’ e tanam, nge ba uluuliy nagdad ngak fare Kan ni Thothup. Ke yoley ngodad,⁸ ni bay e thin ku Got u langgin⁹ u fithik moem10nge yog ngodad mornga’agen gadad mini’ nge fan rodad.¹¹ Ni fare Bible, fare Babyor ku Mormon ba mechig ku Yesus Kristus¹¹ nge fil urogon rayog ni ngad nganed tin nib riyul nge bo’ed gad Ir.

siasing/Llecheklel

Brother Saw Polo

Brother Saw Polo ni 58 e duw rok nap’an ke fil mornga’agen for gospel nib sulweg ku Yesus Kristus. Nap’an kug mada’ gow, ke pigpig nag ko branch president ko boech duw, machane kug fil ni de be’eg fare Babyor ku Mormon machane dariy u thin Rok ko Burmese. Nap’an kug fith urogon ir ba nang fare babyor nib riyul fa’anra de be’eg ir, ke non ngog ni ke fil fare Yat ko Babyor ku Mormon babyor ko sasing gubin e rran, ir ba use nag e dictionary ni pilyeg fare thin ku English, nge yoley e tin ni ke fil. Ke weliy, “Gubin ngiyal kug fil, gu ba meybil mornga’agen mang kug fil, nge thamiy gapas nge falfalan’, tafinay rog e sug ko gapas, nge gum’ircha’eg e munguy. Kug thamiy fare Kan ni Thothup michegeg ni ba riyul. Mich u wan’ug ni fare Babiyor ku Mormon e thin rokʼ Got.”

Woed Brother Saw Poloe, rayog ningad biy’eged fare Babyor ku Mormon u rayog rodad. Nap’an gadad ba’adag ningad michaen’daed ngad lemniged e fil ko gum’racha’daed, rayog ningad fithed ngak Got ufithik e mich f’an e filed riy’ nib riyul’.¹² Fa’an ngad yul’yul’gaed ningad nanged fan ningad folgaed riy’, Irra fulweg e duwer rodaed u gum’racha’daed udakaen fare Kan ni Thothup. Ma dakean gelingin fare Kan ni Thothup e rayog ni ngam nanged riy e tin nib riyulʼ ni morngaʼagen gubin banʼen.¹³ Nap’an ningad thapeged e m’ag nib thothup ko fareke Babyor ku Mormon, gadadra fil udakaen ta’abrogon e gelngin ni Yesus Kristus i’ir Tathapeg ko fayleng, ni Joseph Smith i’i profet Rok, nge Fare Galasia ku Yesus Kristus ni fan e Gidii’en Got ko Tin Tomur e Rran.¹⁴

Nap’an i gag e pagal nge tabab e pigipig rog ko mission, kug wan nga Australia u dekean sikokii. Kug thamiy ni yigo’ gag, rus, nge dabiyog ni ngu rin’ muruwel rog machane gu ba adag pigpig nag, kug t’uf ni ngu nang fa’anra mang kug mich u wun’ug e ba riyul. Kug meybil nge be’ig fapi scripture bo’or, machane ke yan e sikokii, kug thamiy rus nib gel’ nge kug thamiy e m’aar. Tomuren kug malu’ag ko bo’or e awa, e cha’ ni ba muruwel u daken e sikokii ke yan u fithik e kanawo nge ke tal chuchuguy gag. Ke fek fare Babyor ku Mormon ni kug bi’eg ko pa’ rog. Ke sap ngak fare babyor nge ke yog, “Ni’ir e babyor nib mangil!” bin magid ke pii ngog fare babyor nge ke yan. De guy ir bayay.

Kug rung’ag thin rok bayay nge bayay u lane e liig rog, kug rung’ag nge thamiy u lane gum’ircha’eg “I gag ara, nge Gu ba nang bu’uw gur. Ngam rin’ tha’bi mangil rom, nge Gu ba rin’ u polo’.” U dakean sikokii nem u dakean Day nib Pacific, ke pii’ ngog e mich u dakean kug fil fare Babyor ku Mormon nge fare thin ku fare Kan ni Thothup ni Taatahpeg rog nang mini i gag nge fare gospel nib riyul.

Elder David A. Bednar ke fil: “Ni ba nang fare gospel nib riyul ni ta’ab rogon ko mich. Fol nag e gospel gubin ngiyal’ e ta’ab rogon e thilyeg.”¹⁵ U lane thilyeg thingar dad “rin’ed ko fare thin, nge kemus rung’aged.”¹⁶ Fare kanawo rok Somel ngodad—fare machib ku Kristus—ke machib u moem u lane fare Babyor ku Mormon.¹⁷ U lan:

Bin somm’on, bay mich ni Yesus Kristus ko pagan Ngak, fol motochiyel Rok, nge ma nanged Ir ra ayuwegdad.¹⁸
Bin la’agruw, kalngan gubin e rran ko kireb rodad nge bay yib e falfalan’ nge gapas nap’an Ir ba n’agfan dad.¹⁹ Ko kalngan thingar dad n’agfan boech gidii’²⁰ nge ayuweg dad wan. Fare Taathapeg ke micheg ni ir ra n’agfan dad nap’an gadad kalngan.²¹
Bin dalip, fal’eg nge fol m’ag ngak Got u dakean gam’ing ni ta’ab rogon taufe. Biney re ayuweg dad wan u dakean e kanawo nib m’ag ni powi’iy dad Ngak.²²
Bin aningeg, bay yib fare tawa’ath ko Kan ni Thothup. Biney e tawa’ath pi’ ngodad fare fagar ni bay ngodad gubin ngiyal’ ni ir ra gapas nagdad nge powi’iy dad.²³
Bin lal’, athamgil nga mada’ ko tomur u dakean fil u fithik e miyuluy ko thin ku Kristus gubin e rran.²⁴ U dakean fil ko fare Babyor ku Mormon nge fol machib rok, rayog ni ngad gel nag ko pi lumel nge bay yib gagiyeg nge ayuw u yafos rodad.²⁵

Nap’an gadad ba fol fare machib ku Kristus u lane yafos rodad, ngad gel nag tin ni tal e thilyeg nge rus ni ke tal ngodad. Bay yib e thogthog ngodad, ko fare Kan ni Thothup “ra dag ngom gubin ban’en ni thingar mu rin’,”²⁶ nge “fare thin ku Kristus ra non ngom gubin ban’en ni thingar mu rin’.”²⁷

Ko riliw’ e duw, Walageg Huang Juncong ke lu’ag ko beer, lugut, nge gambling. Nap’an ke fil mornga’agen Yesus Kristus nge gospel ni ke sulweg, Walageg Huang ba adag thilyeg ko tabinaw rok. Tin nib mo’maw rok e thoey e lugut. Ir a thoey e lugut bo’or, ke try nag ni tal bo’or ngiyal’. Ta’areb e rran, ke lem nag e pi thin ney ko fare Babyor ku Mormon: “e l’agaen’ u gum’ircha’ey, u fithik e yul’yul’.”²⁸ Ni de tal umon, ke thamiy sana rayog ni ir ba thilyeg ni bay ayuw ko Chitamangiy nu Tharmiy nge Yesus Krsitus.

Fapi missionary kar chaaglliy gow mich rorow ngak rok nge pii ngak e kanawo, nge ni bay bo’or e meybil nge fil fare thin ku Got. U fithik l’agaen’ nge yul’yul’, Walageg Huang ke rin pin’ey u fithik a yul’yul’ nge ke fil nap’an ke lem nag mornga’agen e ban’en ni ir ba adag, e fil fare Babyor ku Mormon, de lem nag mornga’agen tin ni dabun.

Ke lem nag mornga’agen e ngiyal 15 e duw kafram, ke yog, “Da gu nang wi’in kug tal e thoey e lugut, machane nap’an kug try nag ni ngu rin e tin ni pining e Ya’el Rok Someol u lane yafos rog nge rin bayay, dabug e lugut.” Ni fol e machib ko fare Babyor ku Mormon, yafos rok Walageg Huang ke thilyeg, nge ir ba e figir nge papa nib mangil.

siasing/Llecheklel

Huang Juncong nge tabinaew rok

President Russell M. Nelson ke micheg: “Nap’an ga ba fil fare Babyor ku Mormon u fithik e meybil gubin e rran, ga ra mel’eg e mangil—gubin e rran. Gu ba micheg ni nap’an ga ba lem nag mornga’agen ni kam fil, fare winda ko tharmiy ra bing, nge bay yib a fulweg ko duwer rom nge pii’ kanaow ko yafos rom. Gu ba micheg ni bi’eg fare Babyor ku Mormon gubin e rran’, dam fol fare lumel ko fare rran, ni ta’ab pornography fa boech e lumel nib kireb.”²⁷

Pi fagar, fare Babyor ku Mormon e thin ku Got, nge ngad chuchugur gad ngak nap’an gadad ba bi’eg it.³⁰ Nap’an gadad ba fol e thin rok,³⁰bay yib e micheg ni ir ba riyul’. Nap’an gadad ba fol e machib rok,31ni dabun rin’ed e tin nib kireb.³² Gum’ircha’dad nge yaya’an rodad ra thilyeg³³ni boed e Taathapeg. Gu ba pii’ e micheg ni Yesus e fare Kristus, Taathapeg, Tabayul, nge fagar rodad. U dakean fithngan Yesus Kristus, amen.