Be Yaen ni Bay u M’on Rodaed
Fare Somoel e reb ga’ laniyan’ ko Galasia Rok. Ma nang ea tin ni nge yib nib flont rogon. Be piningem ngam ’un ko fare muruwel.
Pi walageg nib t’uf rog, kug falfalaen’ ni Annual General Conference ko Fare Galasia ku Yesus Kristus ni fan ko gidii’en rok’ ko Tin Tomur e Rran. Fa’ani pining daed ni ngaed lem niged rogon ni ke towa’ath nagdaed nge cha’an nib t’uf rodaed fare fulweg ni taey Somoel ko Galasia Rok’ ko biney ea mfen ni tour, ma ke micheg President Russel M. Nelson ni ngongol rodaed ea gathi kemus ni ra paer u wun’daed, machane ku dabni pagtalin.
Ke gaa’ u wun’ug ea birog ea ngongol, ni gube lem nag ni boed rogmed. Ra gaa’ u wun’daed fa danga’ ea be yib rodaed. Ba gaa’ fan ngag, ya ke thilyegeg ea ngongol rog ni dabgu pagtalin ni kug fal’eg rogog ko biney ea conference ni rogon ni guba adag ni nge paer. Ngu weliy.
Ke fekeg ea ngongol rog ni kug fal’eg rogog ko fare chipin ea ban’en u lan fare Sulyarmen. Kug bi’eg ni bo’or ea yay, machan ea ke paer u lanin’ug binem ea chipin ea mo’olung nib gaa’ fan ni ’un ngay Joseph Smith, ni’ir fare profet ko fare Sulyarmen. Machane biney ea yay, mug guy ea chipin ko rogon ni be powiydaed Somoel, ni gadaed Gachalpen, u lan ea Galasia Rok’. Kug guy ko mang fan ngodaed ni be powiydaed fare Tathapeg ko fare fayleng, i fare Tasunmiy - Ni ma nang gubin, ni kakrom, chiney, nge m’on. Be fil ngodaed ni buch’uw nge buch’uw me powiydad, ni gathi gel rogon.
Fare mo’olung ni gu be weliy ea be paer ni ngiyal’ nib gaa’fan u nap’an ea Sulyarmen. Binem ea mo’olung ko Madnom ni ke buch ko April 3, 1836, u lanea temple ko Kirtland u lan ea Ohio, ni ke yaen medalip ea raen u tomurean ni kan thothup nag. Ke weliy rogon Joseph Smith ea rea buch nib gaa’ u lan chipin ea fayleng ney, ni chirogon. Chipin ni yol ea yoloey u lan ea Doctrine nge Covenants ni guruy 110:
“Ke misiw’, mug ayuweg ea Presidents ni gadaed be pii’ ea sacrament ko fare Galasia, ni be fek iyib ko fare Ragag nge L’agruw, ni muruwel riy e ngar pii’ed ea daba’. Tomuren ni kug rin’ ea muruwel ney ko walageg, mug waen nga fare pulpit, ni kan ning ea veil, mug boregew loelugmow, i Oliver Cowdery, ni gamow be meybil ni dariy lungmow. Tomuren ni kug sakiygow ko meybil, me mab ea changer ngomow.”1
“Kan fek ea veil ko tafnay romow, ma owchen ea nang fan romow ea kan bing.
“Kug guyew Somoel ni be sakiy u dakean ea pulpit, u p’oewchmow; ma bay u tangin ay ea ba ngongol ko gol, ni boed ya’an ea amber.
“Owchen ea boed ea nifiy; fare piyen loluge ea ke wechwech ni boed ea snow nib bi’ech; Ya’an ea be pu’oeg ea tamilang nib gel ko yaal’; me lungun ea boed lingan ea rran nib gaa’ ni be yaen nib papay, ni binem lungun ea Jehovah, ni be ga’ar:
“I gag ea som’on nge tomur; I gag ea ir ni be fos, i gag ea ir ’ ni kan lii’; I gag ea advocate rom ko fare Chitimangiy.
“Musap gow, denen romew ea kan n’aeg fan romow; gimew be paer nib bi’ech u p’owcheg; ere, mu pugew lolugmew nga lang ngam falflaen’gow.
“Mu pagew ni nge falflaen’ gumircha’en ea pi walagmew, mag pagew ni nge falflaen’ gumircha’en ea gidii’ rog ni gubin, ni ke fal’eg, u gelingraed ni polo’, biney ea na’un nga fan fithingag.
“Ya musap, kug thapeg biney ea na’un, ma nge paer fithingag aray; ma baygu dageg iyaen ko gidii’ rog u fithik ea runguy u lan ea biney ea na’un.
“Arrogon, bay gu m’ug ko tamuruwel rog, ngu non ngoraed u lungug, ni fa’anra fol gidi’i rog ko pi motochiyel rog, ma dab ra alit nag biney ea na’un nib thothup.
“Arrogon gumircha’en yu biyu’ nge yu ragag i biyu’ ea bayi falflaen’ nib gel ni bachane ea towa’ath ni bayni pu’og nga waen, ma ku fare endowment ni ngan pii’ ko tamuruwel rog u lan ea biney ea na’un.
“Ma bayi wer ea rir ko biney ea na’un iyaen ko nam nib palog; ma biney ea tabolngin ea towa’ath ni bayni pu’og nga dakean lolugen ea gidii’ rog. Arrogon. Amen.
“Tomuren ni ke man biney ea vision, fare tharmiy ea ki mab ngomow; me m’ug Moses ngomow, me pii’ ngodaed fapi kiys ko fare makun ko Israel iyib ko fa aningeg ea yang ko fayleng, nge ku ngan powiy fare ragag i lung iyib ko nam ni bay u lol’oech.
“Tomuren ea biney, me m’ug Elias, me pii’ fare mfen ko fare gospel ku Abraham, ni be yoeg ni u langimaed nge pifakdaed, ma gubin ea mfen ni ra yib ea rani towa’ath nag.
“Tomuren ni ke maen biney ea changar, ma kureb ea changer nib gaa’ mab ma’ang’ang ea ke mab u p’owchmow; ya Elijah ni fare profet , ni kan fek iyaen nga tharmiy ni de yim’, me sakiy u p’owchmow, ni be ga’ar:
“Musap gow, arrogon ni keyib ea ngiyal’, ni kanoeg mornga’agen ko lungun Malachi - ni be micheg ni’ir [Elijah] ea thingarni l’oeg, um’on ko fare rran nib gaa’ mab yargael ni nge yib -
“Nge cheleg gumircha’en fapi chitimangiy iyaen ko fapi fak, ma ku nge cheleg pifak iyaen ko fapi chitimangiy, ni dab ni kirebnag fayleng -
“Ere, fapi kiys ko biney ea mfen ea yibe pii’ iyan nge paa’mow; ma arrogon ni rayog ni ngam nang ni ba chuchugor fare rran nib gaa’ mab yargael ko Somoel, ni bay ko mab”2
Ere chiney, gu bi’eg binem ea chep ni bo’or ea yay. Ke micheg ngog fare Kan ni Thothup nib riyul re chep nem. Machane fa’an gu bi’eg gu meybil ngu fal’eg rogog ko biney ea conference, ma kayog ni ngu guy kuboech ni gelngin Somoel ni ngan powiy Gachalpen u fithik ea tin achichig u lan ea muruwel Rok’.
Medalip ea duw u m’on ni pii’ Moses ngak’ Joseph fapi kiys ko mukun ko Israel u lan fare Temple nu Kirtland, “Ke fil Jospeh iyib ko fare babyor ko fithingan ko fare Babyor ku Mormon ni fan ea nge ‘nge dag ngakʼ e piʼin ni ke magaey ko gidiiʼ ku Israel … ngar nanged fapi mʼag rokʼ fare Somoel,me siy ni ngan tharbograed ni dariy nʼumngin i napʼan.’ Lan ea 1831, me yoeg Somoel ngak’ Joseph ni fare makun ea Israel ea ra tabab u Kirtland,‘ma urom [Kirtland], pi’in ni ra yaen nga fithik gubin ea nam … ni ko Israel ea bayi thap, ma bay gu powiy’”3
Yug amrogon ni muruwel ko missionary ea yibe t’uf ni nge mukun yu Israel, me fil iyaen Somoel ngak’ fapi Ragag nge L’agruw, ni mang ea missionary rodaed ni kakrom, “Mu taey u wun’maed, ni dab maroed iyaen nga fithik ea pi nam, nge mada’ ko ngiyal’ ni ngam thapeg ea endowment romed.”4
Boed ya’an nib gaa’ fan fare Temple nu Kirtland u lan ea plan ku Somoel ni buchu’uw nge buch’uw ni l’agruw fan: Som’on, soen Moses nge mada’ ni kemu’ ea fal’eg fre templ ni ngan fulweg fare kiys ko fare mukun ko Israel. Ma bin l’agruw, President i Joseph Fielding Smith ea ke fil iyaen ni “motochiyel Somoel ni ra fal’eg fapi Gidii’en Got ba temple [fare Kirtland Temple] ni rayog ni nge pii’ fapi kiys ko mat’awon riy ma ku rani endow nagraed fapi apostles riy man fal’eg rograed ni ngar chathowoliyed a malay rok’.”5 Yug amrogon ni fare endowment ko temple ni gadaed ma nang ea daba’ ea dani pii’ u lan fare Temple nu Kirtland, ma be mugu’uliy ea prophecy, ma gam’ing ko fare temple ea be teaba ni yibe pii’ aram, ni ku bay ea m’ag ko tin nu tharmiy ni ayuweg ea pi’in n kan piningraed ngar ranoed ko mission ni kan micheg ea endowment ko “gelngin tharmiy”6 ni ke yib nag ea mukun nib gaa’ ni bachan ea muruwel ku missionary.
Tomuren ni fapi kiys ko fare mukun ko Israel ea kan pii’ ngak’ Joseph, me pii’ nga laniyaen’ Joseph ni nge l’oeg chongin ea ulun ko Fapi Rage nge L’agruw ngar ranoed ko missions. Fa’an gu fil iyib, me yib tamilang nga lanin’ug ni ke fal’eg rogon Somoel ni chirogon ea wo’ ko fapi Ragag nge L’agruw ngar ranoed ko missions nga palog ko gin ni kan fal’eg rogon ea gidii’ ni nge michaen’raed ngoraed ngar pired nib mangil u laniyan’raed. Tomuren ea time, me yib yu biyu’, ni bachraed, iyaen ko fare Galasi ku Somoel ni kan fulweg.
Be yoeg ea chipdaed, ma kan lem nagni gonpon 7,500 nga 8,000 ea ke tawfe u nap’a Kar tay’ed e dayif ko muruwel ko missionary u Europe. Ke fal’eg rogon ea biney ko muruwel ko missionary u Europe, ma ke mus ea bin 19 ea century me 90,000 ea gidii’ ni yib nga Merika ni be yib ea bo’or nu Ingland nge Scandanavia.7 Ke pii’ Somoel Tamilang nga Joseph nge ku pi missionaries ni yaen ngar muruwel gaed nem ni ngar mugu’uliyed ea tagbey ni gowa’ nib kaygi mo’maw. Machane Somoel, ni bay ea change nge fl’eg rogon nib flont rogon, ea ke yog nag.
Ka gimed ma nang fapi thin nib pidorang mab chi rogon nu Guruy ni 110 ko fare Doctrine nge Covenants:
“Musap gow, arrogon ni keyib ea ngiyal’, ni kanoeg mornga’agen ko lungun Malachi - ni be micheg ni’ir [Elijah] ea thingarni l’oeg, um’on ko fare rran nib gaa’ mab yargael ni nge yib -
“Nge cheleg gumircha’en fapi chitimangiy iyaen ko fapi fak, ma ku nge cheleg pifak iyaen ko fapi chitimangiy, ni dab ni kirebnag fayleng -
“Ere, fapi kiys ko biney ea mfen ea yibe pii’ iyan nge paa’mow; ma arrogon ni rayog ni ngam nang ni ba chuchugor fare rran nib gaa’ mab yargael ko Somoel, ni bay ko mab”8
Gu be micheg ni guy Somoel iyaen nge m’on nib palog ma rogon ni Ra powiydaed ni ngad ayuweged ngan mugu’uliy ea fan rok u nap’an tin tomur ea rran.
Fa’an gu muruwel ko fare Presiding Bishopric ni faram, min dugliyeg ni ngu gaa’ ko ulung ko puruy nge muruwel ni ke fal’eg bin ni gadaed be pining FamilySearch. Gube yoeg ni kug “gaa’” ko sum riy, ma gathi “motochiyel” riy. Bo’or ea gidii’ ni chuw ea muruwel roraed ngar baed ngar fal’eged ea tin ni ba’adag Somoel.
Ke tay bin Som’on ea presidency ba goal ni ngan buch’uw urngin ea gam’ing ni l’agruw riy. Bin gaa’ ea lem roraed ea dabiyog ni ngan nang ko kan rin’ ea gam’ing ko bee’ fa danga’. Ke bo’or ea duw - ara gowa’ ni ke bo’or ea duw - me fitheg fabin Som’on ea Presidency, “Wi’in ea ra mu’?”
Bay ea meybil, athamgil, nge maligach ko pi gidii’ nib salap, me mugu’uliy ea muruwel. Ke yib buchuw ko buchuw. Bin som;on ea ngan fal’eg ea Family Search nib mom-ko-gidii’ ni be fanay ni de gapas ko computa. Ke yib ku boech ea thil, ma gu ma nang ni ka ra yib, ya ra dared ngad mu’ ed reb ea magagowan, ma ra da binged ea mab ko kuboech ea tamilang ko mon’og ni kuba gaa’ fan ma daworni guy. Daba’, ma FamilySerach ea be mang ea bin nib t’uf rok’ Somoel ni fan ko Sulyarmen Rok’ - m gathi kemus ni fan ni ngan siyeg ea l’agruw ea gam’ing.
Be pagdaed Somoel ni ngad mon’ong niged ni ngad ayuweged ea gidii’ ngar thapeged ea thamtham ko gapas nge ku t’uf ko gidii’ roroaed ngar mugu’uliyed ea gam’ing roraed. Chiney, ni boed ni nang Got ni ra buch, ma fel’ yangren ea be paer ni be ayuweg ea gallabthir nge chongin ea ward ko computa. Gubin ea ke pir’eg ea falflaen’ ko biney ea muruwel.
Fare ya’al ko Elijah ea be thilyeg ea gumircha’en ea fel’ yangren nge labthir, fak nge gallabthir, bitir nge labthir. Be pii’ temples ea taym ko tawfe nge kuboech ea gam’ing nib thothup. E tiyaen’daed ningad pigpignog e gidii’ rodad ningar m’ag paa’dad nga labthir nge bitir roraed ra gelnog.
Ke guy Somoel ni gubin ni nge yib. Ke tunom nag, ni buch’uw nge buch’uw, ni boed ni rin’ ko thil u lane Galasia Rok’. Ke chibiy nga lang i fal’eg rogon ea gidii’ nib athamgil ni dugliy ni ngar rin’ed ea tin mo’mow nib fel’ rogon. Ke athamgil ni gubin ngiyal’ ni be ayuwegdaed ngaed filed “bayilʼ nga dakean bayilʼ, nib yalen nga dakean yalen, ni buchʼuw aray nge buchʼuw aram.”9 Be gel ko tayming ko muruwel Rok, machane Be muruwel ni maligach ea ma fek iyib ea towa’ath ni dad guyed.
Gu be man ni gube yoeg e magr rog ngak’ Somoel - Cha’n ni pii’ tamilang ngak’ President Nelson nge piningeg nug pii’ maligach ngu fal’eg rogog ko biney ea conference. Gubin ea ’awa nge gubin ea meybil u nap’an ea fal’eg rogog ea ke fek iyib ea towa’ath.
Gu be pining gubin ni be runguy biney ea mulwol be bi’eg tiney ea thin ni nge michaen’raed ni be powiy Somoel fare Sulyarmen ni be tay ea Gospel nge Galasia Rok’. Be yaen nibay u m’ondaed Ma nang ea tin ni nge yib nib flont rogon. Be piningem ngam ’un ko fare muruwel. Be ’un ngom. Bay rok’ ea tunom ni fan ngom ko muruwel rom. Ma ra mu pii’ed ea maligach, ma ra falflaen’med ni ra mu ayuweged ea gidii’ ngan fal’eg rograed ko wub Rok’.
Gube pii’ e m’ag rog ni Got en Chitamangiy ba fas. Yesus e Ir Kristus. Ireray e Galasia Rok. Manangem ma gab tu’uf Rok. Manangem. Bay rok’ ea tunom ni fan ngom ko muruwel rom. U dakean fithngan Yesus Kristus nib thothup, amen.