Tolulnag e Hosanna
Ere chiney, o pi brothers nge sisters rog, napan ni gadaed be madnom nag fare bin Somm’on e Yi’iy ku Joseph Smith ko fare Chitamangiy nge fare Fak, kug thamiyed nrayag ningaed falfalaen’gaed u ta’abang ningaed uned ko fare Tolulnag e Hosanna.
Bin Somm’on nin tolulnag nib thothup e buch ko biney e mfen napan nin yibliy fare Temple u Kirtland ko March 27,1837. Arame chiney e ngan pii’ ko gubin e temple ni yibe yibliy. Ba thothup e ran’ey ni yibe pii’ ngak e Chitamangiy nge fare Fak, nibe yipfan fapi gidii’ ni pire’ napan ni yib fare Tathapg ngalan u Jerusalem. Ma kube micheg biyay ko n’en ni buch rok Joseph ulan farengi Luway nib Thothup—nrib ga’ ni, fare Chitamangiy nge fare Fak e yow l’aguw niyow ba Thothup ni irraram e gali cha’en ningaed tedfan min pigpig Ngorow.
Erame chiney e nggu dag rogon ningan Tolulnag fare Hosanna. Ma napan ni gura rrin’, ma baygu wenignag ngak fapi gidii’ nibe murwel ni paa’ e media ningar faked ya’an e ran’ey ni yibe saluk ngay ma yibe tayfan.
Gubin e gidii’ nibe un ko biney mu fek bang e hangkerchif nib wechwech, mag kol reb fare tabthung riy, magdaed tining pa’daed ngalan u ta’abang, “Hosanna, Hosanna, Hosanna ngak Got nge fare Saaf,” min sul u dakean ni dalipyay, min noeg “Amen, Amen, nge Amen.” Fa’anra dariy rom farengi mad ni woed e hangkerchif nib wechwech, ma rayag nikemus ningam tining pa’am ngalang.
Brothers nge sisters, ere chiney e gube piningmed ningam saki’ygaed ngam uned ko fare Tolulnag Hosanna, min mu’ min yin’ e tang ko fare Anthem ko Hosanna nge “The Spirit of God”1.
Napan nibay ni gu’ facha’ nibe fekdaed ko tang, wenig mu uned ngaed yin’ed e “The Spirit of God.”
Ni yibe og e hosanna Ngak, fare Saf nge fare Got!
Ni yibe og e hosanna Ngak, fare Saf nge fare Got!
Ni yibe og e hosanna Ngak, fare Saf nge fare Got!
Amen, Amen, nge Amen.