Moy Ngam Un
Gamadba pinning urngin e bitir rok Got ulongob e fayleng ningar uned e muruwel nib gaa’ ney.
Gubin ea wik, ma be liyor chongin ea Galasia Ku Yesus Kristus ni fan ko Gidii’en Got ko Tin Tomur ea Rran ea Chitamangdaed nu Tharymiy, Got nge Pilung ko fare Universe, nge ku Fak ni T’uf Rok’, i Yesus Kristus, ni bay ea gidii’ u bo’or ea yang nu falyeng. Gadaed ma lem nag ea yafos nge machib rok’ Yesus Kristus—ni’ir ea ya’al ni de oloboch, ni’ir ea Saaf ku Got ni dariy ea oloboch. Ma thap ngodaed fare sacrament ni gdaed be tay u waen’daed ea maligach Rok’ nga kud nanged ni’ Ir kengin ea yafos rodaed
Ba t’uf rodaed magaed ma liyor ngak’. Bachane t’uf Rok’ nib gel ma dabi mus, me gafgow i yim’ ni fan ngodaed. Ke bing fapi garog ko yam, i bangbangeg ea rungrung ni ki’eg ea fagar nge gidii’ nib t’uf,1 me fek iyib ea athap ko cha’an ni dary ea athap, gol ko cha’an ni m’ar, i chuweg ea cha’an nu kalbus.2
Gadaed be pii’ ngak’ gumircha’daed, yafos rodaed, nge mich rodaed ni gubin ea rran. Ya arfan ni,“gamaed be weliy morngaʼagen Kristus, gamaed be falfalaenʼ rokʼ Kristus, [ma] gamaed be machib ni morngaʼagen Kristus, gamaed be prophesy ni morngaʼagen Kristus, … ni nge yog ni nang pifakmaed e re ginnʼen ni ngar sap niged e manʼaegfan ko pi denen roraed ngay.”4
Ngongoliy ea Ngongol ko Gachalpen
Machane, yibe paer ni gachlpen Yesus Kristus ea bay riy ku boech ko yibe non nge machib nag Kristus. Ke fulweg fare Tathapeg ea Galasia Rok’ ni fan ni nge ayuwegdaed u daken ea wo’ ni ngad pired ni boed Ir. Fare Galasia ku Yesus Kristus ni fan ko Gidii’en Got ko Tin Tomur ea Rran ea kan yarmiy ni nge yog nag rogon ni ngan ngongoliy fapi machiben ea gachalpen. Bay u dakean ea ma’un rodaed u lan fare Galasia, ma gadaed be fil ni ngad nanged ngad ngongol gad ko fapi thamtham ko fare Kan ni Thothup. Ngad fal’eged ea gafaerig ni gadaed be ayueweg ea gidii’ u fithik’ ea gole nge runguy.
Biney ea muruwel ea yafos nap’an, ma ba t’uf riy ea ngongol.
Pi athlete nib yargael ea ma pii’ bo’or ea awa’ ni yaed be ngognoliy kengin ea sport roraed. Nurses, networkers, nuclear engineers, ma Guba liith u kitchen ko Harriet nib t’uf ningu muruwel ningu salap ko muruwel romaed.
’Ug paer ni airline kaptin, mug fil iyaen ko pilots ni gamaed be fanay ea flight simulator—ba masin ni ngongoliy ea changeg. Fare simulator ea gathi kemus ni ma ayuweg fapi pilots ni ngar filed kengin ea changeg; ki pagraed ni ngar ’uned ngar ngongoliyed ko ngongol ni dabni lemnag ni ra buch ngoraed ni ra changeg nieg ea sikoekii.
Ba ta’abrogon ko Gachalpen Yesus Kristus.
Yibe ’un ko Galasia ku Yesus Kristus nge ngiyal’ riy nib gaa’ ea bayi ayuwegdaed ni ngad fal’eged rogdaed nib fel’ rogon ko rogon ea yafos nib thil, ni demetrug ko mang. Gadaed chongin ea Galasia, ma yibe yoeg ngodaed ni ngad motoyil gaed ko fapi thin ku Got ni pii’ u dakean ea pi profet Rok’, nib kakrom ma bay ea daba’. Dakean meybil nib yul’yul’ mab sobutaen’ iyaen ko Chitimangdaed nu Tharmiy, ma gadaed be fil ni ngad nangaed lungun fare Kan ni Thothup. Gadaed ma thapeg ea pining ni ngad pigpig gaed, ngad filed iyaen, ngad ayueged, ngad muruwel gaed. Biney ea ngiyal’ e ma pag ni ngad gaa’ gaed nu rogon ea ya’al, tafenay, nge rogdaed.
Bay ra ayuweged gadaed ni ngad fal’eged rogdaed ni ngad fal’eged ea m’ag ngad fol gaed riy ni ra tawa’ath nag daed u lan ea biney ea yafos nge yafos ni nge yib.
Mu Baed, Mukun Ngodaed!
Gamadba pinning urngin e bitir rok Got ulongob e fayleng ningar uned e muruwel nib gaa’ ney. Moy Ngam Guy! Nap’an ea ngiyal’ nib mo’maw ko fare m’ar ni Coronavirus, mu ’un ngomaed ko online. Mu mada’nag ea missionaries romaed ko online. Mu fil ngom mornga’agen gubin ko biney ea Galasia! Ra yaen biney ea ngiyal’ nib mo’maw, mu ’un ngomaed u lan ea tibinaw romaed nge lu lan ea gin ko liyoer rodaed!
Gamaedbe piningem ni ngam mub ngam ayuweg! May ngam pigpig romaed, ngam pigpig iyaen ko bitir ku Got, ni gabe lek fare Tathapeg, ngam bucheg biney ea fayleng ni nge fel’.
Moy Ngam ’Un! Ga ra gel nag maed. Ma ku bay mu mangil, ngam gol, ngam falfaen’. Bayi to’aer ea mich rom nge gel boech—ni ga ba salap boech ni ga ra gel ko gafgow nge mo’maw ni dab mu lem ni nge buch ko yafos.
Bu’uw rogon ni ngam tabab? Bayo’or rogon.
Gamaed be piningem ni ngam bi’eg fare Babyor ku Mormon. Fa’anra dariy ea birom, ma rayog ni ngam bi’eg u dakean ea ChurchofJesusChrist.org4 ara ngam download nag fare app ko fare Babyour ku Mormon. Fare Babyor ku Mormon ea ma paer ni yug reb ea M’ag ku Yesus Kristus ma rayog ni ngan ’uneg ko Tin Kakrom mab Bi’ech ea M’ag. Gadaed ba’adag gubin ea pi babyor nib thothup ney ma gadaed ma fil riy.
Gamaed be pining med ni ngam spend nag ea taym ko ComeuntoChrist.org ngam filed ko tin ni ma fil gidii’en ea galasia ma michaen’.
Mu pining ed fapi missionaries ni ngar visit niged gur ni online fa lan ea tabinaw rom ni fa’an rayog—bay ea mulwol roraed ko athap nge gol. Biney ea missionaries ea pifakmaed ni ppin nge pum’on nib t’ur romaed ni ma muruwel u lanea gin nu fayleng ni ra pii’ed pulwon ko taym roraed nge salpiy roraed.
Lan ea Galasia ku Yesus Kristus, ma ga ra pir’eg ea tabinaw ko gidii’ ni gathi thil rom. Ga ra pir’eg ea gidii’ nib t’uf roraed ea ayuw rom ma ba’adag ni ngar ayuweged gur u nap’an ni gabe gay rogon ni ngam mang ea th’abi mangil rogom—cha’an ni sunmiy Got ni ngam mang.
Rayog ngodaed ni gubin ea koelkoel Rok’
Sana’ Ga be lemnag, “Kug ngonogliy ea oloboch u nap’an ea yafos rog. Dab gu lem nag ni rayog ni ngu thamiy rogon ni rayog ni ngu ’un ko fare Galasia ku Yesus Kristus. Dabi adag Got bee’ ni boed rogog.”
Jesus ni fare Kristus, ni yugg amrogon ni Ir fare “Pilung ko Pling,”5 fare Messiah, ni Fak Got ni be fos,”6 ba t’uf Rok’ ni gel gubin nge urngin ea bitir ku Got. Ba t’uf Rok’ ni demetrug ko liw ko bee’—nib wiin fa gafgow, ara flont fa mangil. Nap’an ea yafos u fayleng Rok’, me pigpig fare Tathapeg nge gubin: iyaen nag pi’in ni falflaen’ nge mugu’ul, pi’in ni kan kireb nag nge malog, nge ku pi’in ni dariy ea athap roraed. Bo’or ngiyal’, ma gidii’ ni pigpig ngak’ me ayuweg ea gathi gidii’ nib gaa’ fan, ba fel’ ya’an, fa ba wiin. Bo’or ngiyal’, fapi gidii’ ni puw nga lang ea bay buch’uw ni ngar pii’ed, machane magar, gumircha’ nib sobutaen’, ma m’agaen’ ni ngan michaen’.
Fa’an ra ke pii’ Yesus ea yafos Rok’ ni ke pigpig ngak’ “gidii’ nib sobut,”7 ma Dabi t’ufegraed ea daba’? Gathi bay ea gin u lan ea Galasia Rok’ ko gubin ea bitir ku Got? Ku arrogon ko pi’in ni be thamiy ni de mat’awrograed, kan pagtalinraed, fa dariy bee’?
Dariy urngin ea flont nin t’uf ni ngam mugu’uliy ni ngam yog nag ea murnguy ku Got ngom. Meybil rom ea de t’uf ni nge gaa’ lingan ara flont ara dariy ea oloboch ko thini ni nge taw nga tharmiy
Ba riyul, Got ea dar ma dag ea tin ni th’abi adag8—tin nib gaa’ fan ko fayleng ea daeriy fan Rok’. Ma nang gumircha’em, mab t’ufegem ni demetrug ko nguchol, wiin, ara urngin ea gidii’ ni ma lekey ko Instagram.
Ra da pii’ed gumircha’daed ngak’ Chitimangdaed nu Tharmiy ngad chugur gaed Ngak’, ma bay da thamiyed ni Be chugur ngodaed.9
Ri gadaed e Pifaak nib t’uf Rok’.
Ku arrogon ko gidii’ ni wadul nag.
Ku arrogon ko gidii’ ni, boed rogon ea bitir nib gel yuwaen, mab balyang, ni be damomuw ngak’ Got nge Galasia Rok’, ngar kunuyed ea chugum roraed ni rogon ea ya’al, mar ranoed ngae waen niyaed be yoeg ni yaed be yaen ma dbkur suloed.
Fa’ani mil ea bitir u tabinaw, ma sana’ ra guy ni be sap ngak’ ea galabthir rok’. Nib munguy gumircha’row , ma yow be sap ko fak ni ppin fa pumo’on ni be yaen—ni yow be athap ni fak nib t’uf rorow ea ra fil ban’en ko biney ea ngongol nib kirebaen’ nge guy ea yafos ko oechey nib bi’ech—nge sul nga tibinaw borran.
Arrogon ko Chitimangdaed nu Tharminy ni ba’adag daed Be soen nag ea sul rodaed.
Tathapeg rom, ni bay ea lu’ ko t’uf nge murgnuy u oewchen, e be soen nag ea sul rom. Ku ngiyal’ ni ga be thamiy ni ga ba palog ko Got, ma ra guyem; Bay ea murnguy ngom nge mil ni nge kol em.10
Moy Ngam ’Un
Ma pag Got ni Ngad filed ko Oloboch Rodaed
Gadaed ea tamilekag ma gadaed be yaen u daean wo’en ea yafos u fithik ea sap nib gaa’ ko fan nge riyul’. Boechngyial’, ma gadaed be guy yigo’ wo’ ni bay u m’on nib chuchugor—dabiyog ni ngad guyed ea gin ni ra yaen ea wo’. Chitimingdad nu Tharmiy ni Ba’adagdaed ea de pii’ ngodaed ea fulweg ni gubin. Ba t’uf Rok’ ni gadaed ra fil ea bo’or ni yigo’ gadaed. Ba’adag ni nge michaen’dad—ni ku fithik ea ngiyal’ nib mo’maw ni ngan rin’.
Ba’adag ni ngad ki’ki’iyeg poen’daed ngad fal’eged ea athamgil—boech ea keru’—ngad daroed nga m’on.
Arrogon ni gadaed ra fil ngad gaa’ gaed.
Ba riyul’ni ga ba’adag ni gubin ea rani fal’eg rogon ni fan ngom ni chirogon? Ba riyul’ni ga ba’adag ni rani fulweg ea duwer? Nang urngin e taw ko map?
Ba michaen’ug ni bo’or ea gadaed ma gadaed ra malmal ni bachane ea biney ea chigon nu tharmiy. Gadaed ra fil ea tin nib gaa’ fan ni bachane ea ngongol ko yafos rodaed. Ngad filed ko oloboch rodaed. Ngad kalngaen’ed ngad nanged ni tagan ea gathi falflaen’.11
Ke yim’ Yesus Kristus, ni Fak Got, ni fan ni dabi pufthin nagdaed nge tileg ea monog rodaed. Bachan Ir, ma rayog ni ngad kalngan gae, ma ra paer ea oloboch rodaed ni wo’ ni yaen ko rir nib gaa’ boech.
Gathi t’euf ni ngam rrin’ e biney ni go’gur. De pag dad Chitimangdaed nu tharmiy ni ngad dared ufithik e lumor.
Arfan ni, u lan ea spring ko 1820, Me m’ug ni ’un Fak ngak’, i Yesus Kristus, ngak’ ba pumo’on nibe fel’ yangren, i Jospeh Smith.
Mu leam nag boech e binem! Facha’ ni Got ko fare universe ea ke m’ug ko gidii’!
Biney ea bin som’on ea mada’ ni ke ’un Joseph ngay ku Got nge ku boech ea gidii’ nu tharmiy. Bo’or ea fapi thin ni yoeg pi gidii’ nib thothup ney ngak’ ea kan yoloey u lan fapi babyor nib thothup ko Fare Galasia ku Yesus Kristus ni fan ko Gidii’en Got ko Tin Tomur ea Rran. Ba moem rogon ni rayog ni ngan bi’eg. Gubin ea gidii’ ni rayog ni nge bi’eg nge fil iyib ngak’ ni fare mulwol ni bay Got ngodaed u lan ea rran rodaed.
Gamaed be piningmed ni ngam filed ni fan ngomed.
Ke fel’ yangren Joseph Smith ni fa’ani thapeg tiney ea yi’iy. Bo’or ea tinem ea ke yib ngak’ ni dawori 30 ea duw rok’.12 Ke chu’uw ea ngongol rok’, ma ba paer u laniyaen’ boech ea gidii’, ni susun ni deyog rok’ ni nge paer ni profet ku Somoel.
Ni be fol rogon Somoel—ni rayog ni ngad pir’eged u lan fapi babyor nib thothup.
De soen nag Got ni nge pir’eg bee’ nib flont ni nge fulweg fare Gospel.
Fa’anra ke soen, ma susun ni ka be soen.
Boed rogdaed Joseph. Arrogon ni ke ngongoliy ea oloboch, machane ke fanay Got ni nge mugu’uliy fan Rok’ nib gaa’.
President Thomas S. Monson ea ke yoeg ea pi thin ney ni bo’or ea yay: “Cha’an ni pining Somoel, me yog nag Somoel”13
Ke weliy fare Apostle i Paul ngak’ fapi Gidii’en Got ni bay u Korinth:“Mu lem niged ea birom ea muruwel, pi walageg ni ppin nge pumo’on: gathi bo’or ea gimed nib llowaen’ ni rogon ea gidii’; gathi bo’or nib yargael; gathi bo’or ni kan gargeleg ko pilung.”14
Got ea ma fanay ea pi’in nib waer mab chirogon ni nge yibnag ea pi fan Rok’. Biney ea riyul’ eama paer ni mich ni gelngin Got, gathi birok’ ea gidii’, ni ma mugu’uliy ea muruwel Rok’ u dakean ea fayleng.15
Motoyil Ngak’, Mag Lek
Fa’ani m’ug Got ngak’ Joseph Smith, me dag Fak, Yesus Kristus, me yoeg, “Motoyil Ngak’.”16
Ke paer ni polo’ ea yafos rok’ ni be motoyil Ngak’ ma be lek.
Boed ea Joseph, ma rogdaedko gachalpen ea ba tabab ni gadaed be mel’eg ni ngad motoyilgad ko fare Tathapeg.
Fa’anra gimed ba’adag ni ngam leked, ma ngam kunuyed ea mih romed, ngam feked nga dakeanmed ea kruth Rok’.
Gimed ra pireg ni arrogon ni gimed be un u lan ea Galasia Rok’—ba gin ni bay ea gowal ma yibe piningeyni rayog ni ngam ’uned ko fare muruwel nib gaa’ ko gachalpen nge falflaen’.
Be paer ni athap rog ni, nap’an ea biney ea duw ni ke yaen l’agruw i ra’ay ea duw ko Bin Som’on ea Changar, ma nap’an ni ngad lemniged ngad filed mornga’agen fare Sulyarmen ea Galasia ku Yesus Kristus, ma bay da nanged ni gathi kemus ni buch nib kakrom. Ba gaa’ fan ea muruwel romed u lane biney ea yat nib gaa’, ma ka yibe rin’.
Mang ea biromed nge birog ea muruwel?
Biney ea ngad filed mornga’agen Yesus Kristus. Ngad filed iyib ea thin Rok’ Ngad leked ngad ’uned ko biney ea muruwel nib gaa’. Gu be piningmed ni ngam baed ngam ’uned ngay!
Gathi ba t’uf ni ngam flont gaed. Kemus nib t’uf ni bay romed ea m’agaen’med ni ngam ngongoliy ea mich romed ngam chugur gad Ngak’ ni gubin ea rran.
Muruwel rodaed ea ngad t’ufeged ngad pigpig niged Got ngad t’ufeged ngad pigpig niged pi bitir ku Got.
Rad rined, ma ra liyegmed Got ko T’uf Rok’, falflaen’, nge pawo’ u nap’an ea biney ea yafos, ni fithik’ tin th’abi mo’maw ea ngiyal’, ma ku tomuren.
Gu be micheg ea biney, ma gu be pag ea blessingn rog u fithik ea magar nib to’aer nge t’uf ngomed ni urngimed, u dakean fithingan Yesus Kristus, amen.