Weliy Mornga’agen fare Sulyarmen nge Foskoyam’
E Fulweg nib fanay ko fayleng, milwol rok nib gaa’fan ko daba’
Napan e re general conference ma kug noned ma kun noen’ e tang nib falfalen’ ni mornga’agen “gubin ban’en nikan fulweg,”1 nike feek “gubin ban’en nga ta’abang ngak Kristus,”2 nge mornga’agen fare gospel nikan fulweg, nge priesthood, nge Galasia rok Yesus Kristus nga dakean e fayleng, ni gubin ma kad yoeged e “Sulyarmen” ngay.
Machane Sulyarmen e gathi kemus ni fan ngak e pi’in rodaed nib falflaen’ ngay e daba’. Fare Bin Somm’on e Vision e gathi kemus ni fan ngak Joseph Smith machane be pi’ e tamilang nge riyul’ ngak e cha’an nibe “gay e gonop.”3 Fare Babyor ku Mormon e fen gubin e girdi’. Pi gam’ing ko priesthood ni fan ko thap nge falfalen’ e kan fal’eg rogon ni fan ko gubin e girdi’, nib mu’un e pi’in ni kar m’ad. Fare Galasia rok Yesus Kristus ni fan ko Gidii’en Got ko Tin Tomur e Rran nge pi tawa’ath e fan ngak gubin e pi’in ni ba’adag. Fare tawa’ath ko fare Kan ni Thothup e fan ngak gubin e girdi’. E Fulweg nib fanay ko fayleng, milwol rok nib gaa’fan ko daba’
“Ere, rib ga’fan ni ngan guy rogon e pinn’ey nge nang e girdi’ u fayleng, ni nge yog ni ngar nanged ni dariy bee’ nra yog ni nge paer ko gin bay Got riy, ma kemus nu dakean e ngongol nib mat’aw, nge wurengaen’, nge murnguy rok’ fare Messiah nib Thothup, ni’ir e piiʼ e pogofan rok’ u lan e biney e dowef, me fek bayay u dakean gelingin fare Kan ni Thothup, ni nge yognag fare foskoyam’ ko pi yam’, ni bachan e ire cha’ ni somm’on nra fos.”4
Re rran ni Samuel Smith, ni walagen fare profet, e suguy e kabang rok ko bukun e Babyor ku Mormon ni kaffin print nag me yaen ni nge weliy mornga’agen fare babyor nib tothup nib bi’ech, fapi Girdi’ e ni murwel ni dan tal “ni ngan noeg e tiney ko gubin e girdi’ u fayleng.”
Lane 1920, Elder David O. McKay ko fare Ulung ko fare Ragag nge L’agruwi Apostle, e tabab nag e milekag ko fapi mission ko Galasia. Napan e May 1921, ma be sak’iy ko bochi taliw nib achig u Fagali’i, Samoa, u pow’chen dalip e malang rok e bitir, bpin nge l’agruwi sar pagael ni faak Thomas nge Sarah Hilton. Pi dalip i bitir ney—cha’an nib ilal e l’agruw e duw rok—e ri m’ad napan nibe pigpig Thomas nge Sarah ni kab fal’ yangren row u lane 1800.
Um’on ninge chuw u Utah, me micheg Elder McKay ngak Sarah, nike yim’ figirngin e chiney, ni ra yan ko taliw rok pifaak u Samoa ya dakiryag ninge sul ngaram. Elder McKay e yol ngak ni ga’ar, “Pi faakam, o Sister Hilton, e kab fal’ rogon raed … mu ulul ko pigpig rom nike chugur ninge gaman guyey e duw.” Me ulul nge uneg boech e thin rok ngay:
Lan pa’ay u fithik e tu’ufeg me man owchen raed,
Lan pa’ay ma kan ki’yag,
U pa’ boech e girdi’ ma kan ayuweg e malang roraed,
Girdi’ ni dan nang e ri tayed fan, ma girdi’ ni dan nang e ri yoer gaed.5
Biney e yaat reb ko bukun e biyu’, mira’ay i biyu’, ni weliy e ngiyal’ riy, tin falel’ riy, nge yafas ni mus nike yan 200 e duw ni ngan weliy mornga’agen fare Sulyarmen. Athap rodaed ni ngan thap ko gubin e naam, tabinaew, thin, nge girdi’ e dawori mus e daba’ ni rogon nib pag 68,00 urngin e pumo’on, nge bpin, nge mabgol ni kar guyed ni yaed be pigpig ko mission, chonggin e Galasia ni yaed be yoeg e n’en nike yoeg Philip nibe pong ni ngan nib ngan guy;6 ma bukun e milyon e salpiy e yibe murwel ngay ni ngan rrin’ e binem e murwel u dakean e fayleng.
Pong rodaed e dariy e towasor riy, ma gadaed be athapeg ni ra sap e girdi’ ngay ni rib ga’fan. Ninge yoeg, Gube michuwaen’ nibe t’uf delip e ban’em: bin somm’on, t’ufeg rom; bin la’agruw, e fol rom; nge bin delip, e ngongoliy rom ko Babyor ku Mormon.
Somm’on, ma pong rodaed e gathi ban’en ni gadaed ba’adag; machane, ngari yib u fithik e tu’ufeg, ni ba tu’ufeg ni ra “chuweg e murus.”7 Biney e tu’ufeg, e kan noeg e tu’ufeg nib machalbog ngay, fare adag rok’ Kristus nib machalbog, e fadaed ni ngad ninged. Kan pining daed, ma kan noeg ngodaed, ni ngad “mmeybil gaed ngak’ e en Chitamangiy u polo’ i gelingin gumircha’[dad], ni nge yog ni [ngad] sug gaed ko re adag ney.”8
Reb nib chugur ngay, e nggu weliy mornga’agen e n’en nike buch rok Sister Lanett Ho Ching, nibe un ko pumo’on rok ko pigpig, i President Francis Ho Ching, ni yow ba ko Samoa Apia Mission. Sister Ho Ching e ga’ar:
“Bukun e duw kafram, me yib e tabinaew rog ngan paer u lan boechi na’un nib achig u Laie, Hawaii. Gin nima paer e karo riy e kan toey ke mang na’un ni paer ma mo’on riy nikan noeg Jonathan ngak. Jonathan e i paer u to’ben maed ko bang kafram. Ku thamiy ni bay fan nike tay Somoel maed nga ta’abang, ma gomow weliy boech mornga’agen e tin ni yiam rrin’ ko Galasia rodaed. Ba adag Jonathan ni gamaed fagar ma ba’adag nima un ko tabinaew romaed. Ba’adag nima fil mornga’agen fare gospel, machane dabun ni nge un ko Galasia.
“Ta’boch riy, ma pifaak mow e ri tunguyed fithingan Jonathan ni ’Uncle Jonathan’. Napan ni ga’ e tabinaew romaed, ma ba’adag Jonathan ninge nang ko mang e be buch romaed. Gamaed pining ko abich ko holiday, tanchiyubi, nge gosgos u Galasia ni yibe tay ni fan ko tabinaew nge tawfe ko bitir.
“Reb e rran mug thapeg e kol rok Jonathan. Ba tu’uf e ayuw rok. Ke m’ar ko diabetes ma ke adaw’ tunguni ay nib tu’uf ni ngan tha’eb ay nge mul ninge dabi yim’. Tabinaew rog nge girdi’ ko ward ni bay u to’ben maed e ni ayuweg ko tomal rok. Gamaed ma guy nga aspital, ma kan yibliy ko fare priesthood. Napan ni bay Jonathan u aspital, ma bpin u lane Relief Society e ri pi’ed e ayuw, ngan yarmiy tafen. Pumo’on ko priesthood e ri toeyed e gin ninge yag nge thap nga na’un rok u langan e maab rok nge wasey ninge koel u lane klosis rok. Napan ni sul Jonathan nga tabinaew, ma ri falfalen’.
“Tabab Jonathan i motoyil ko missionary biyay. Fare wik um’on ko Bin Bi’ech e Duw, me kol nigeg me ga Gu pogran ngak mornga’agen e abich. Machane, me ga’ar, ’Gu ba’adag ni ngam mub ko awfe rog! Gu ba’adag ni nggu tabab nag e biney e duw nib mangil.’ Gaman 20 e duw ko ’moy ngam guy,’ ‘moy ngam ayuw,’ nge ’moy ngam paer,’ biney e ya’el e ke fal’ rogon ni ngan tawfe nag.”9
U lane 2018, napan nikan pining mow ni nggu mang mission president niba’ e bpin rog rog u Samoa, me ubchiya’ Jonathan. Gu wenig gaed ngak ninge gel nag ir nge soen nag mow. I paer chugur nge gaman ta’areb e duw, machane Somoel e be fal’eg rogon ni nge sul nga tabinaew. Ke yim’ u fithik e gapas ko April 2019. Pifaakag nib bpin e ri uned ko gam’eyag rok ‘Uncle Jonathan’ mar yoen’ed ta’ab tang ni ku yoen’ed ko tawfe rok.”
Gube yoeg reb e kanawo’ nib ga’fan ni ngan fal’eg rogon i weliy mornga’agen fare Sulyarmen ko biney e duwer: mange mangil nag rogon e thin rom ngak bee’ ni ngam pining? Gathi gur, rogon e mithmith rom u lane yafas rom? Oren e pi’in nike rung’ag ma ke thapeg mornga’agen fare Sulyarmen e yaed ba’adag e n’en ni yaed be guy ko chonggin fare Galasia rok Yesus Kristus. Rayog ni rogon ni yaed be sap ko girdi’, pin’en ni kar yoegned ara dar yoegned, athamgil ni yaed be dag napan nike momaw’ rogon ban’en, fa kemus ni rogon ya’an raed.10
Demtrug ko mang, ma dabyog ni ngad mil gaed ko n’en nib riyul’ nib tu’uf ni ngad nanged fan ma gadaed fol ko mornga’agen fare gospel nikan fulweg gelngin ni rayog rodaed ni fan ngodaed ni ngad pininged boech e girdi’. Chiney e baga ni yima yoeg ban’en ngay nib mangil. Faanra bay fare tu’ufeg rok Kristus u fithik daed, ma ra nang boech e girdi’ ni tu’ufeg rodaed ngoraed e ba riyul’. Fa’anra be m’ug fare Kan ni Thothup rodaed, ma ra mat nag fare tamilang rok Kristus roraed.11 N’en ni gabe murwel ni ngam pining boech e girdi’ ni ngan nib ngan nang e falfalen’ ko fare gospel rok Yesus Kristus.
Bin dalip ni gura yoeg e rogon e thin ni gadaed be murwel ngay u fithik e sabathin nike fal’eg Somoel ni fan ko biney e dispensation ni tomur, fare Babyor ku Mormon. Ba pow nib gel ni mornga’agen e murwel rok Joseph Smith nib profet nib pow nib riyul’ Yesus Kristus nib Foskoyam’. Mornga’agen e wo’en e bayul rok e Chitamangdaed nu Tharmiy rib falel’ ko gubin ban’en. Napan ni gara weliy mornga’agen fare Babyor ku Mormon, ma kam weliy fare Sulyarmen.
Napan ni kab fal’ yangren Jason Olsen, ma tabinaew rok nge boech e girdi’ e ri og gaed ngak ni dabi mang e Kristiyano. Machane, bay l’agruw e fagar rok, ni yow chonggin Fare Galasia rok Yesus Kristuus ni fan ko Gidii’en Got ko Tin Tomur e Rran, ma baga’ ni yaed ma weliy mornga’agen e taliw. Gal tafagar rok, Shea nge Dave, e yow ma ayuweg Jason ko togpluw nima yibe ngak Jason ni mornga’agen e mich ngak Yesus Kristus. Tomur riy, mar pi’ed reb e Babyor ku Mormon ngak, nibe ga’ar, “Re ke babyor ney e ra fulweg riy ko duwer rom. Wenig mu bi’eg. Me feek fare babyor me tay nga lane kabang rok, ni paer ni bukun e pul. Dabun ninge digey u tabinaew ni ra guy e tabinaew rok, ma dabun ni nge kireb nag e tafney rok Shea nge Dave ninge fulweg. Ma arame, me leam nag ninge urfiy fare ke babyor.
Reb neap, niba’ e layta u barba’ pa’ nge fare Babyor ku Mormon nga barba’ pa’, baninge urfiy fare babyor napan ni runga’ag laman bee’ ko tafney rok ni ga’ar, “Dam urfiy e babyor rog.” Ke gin’, me tal. Me, leam nag ni sana yug be leam nag yug ban’en, me yan biyay ni nge afweg fare layta. Biyay, me non fare laman bee’ ko tafney rok: “Man nga senggil rom ngam bi’eg e babyor rom.” Ta’ Jason fare layta nga orel, me sul nga senggil rok, nge bing fare Babyor ku Mormon, me tabab i bi’eg. Ulul u lan reb e rran nge reb, ni baga’ nima mada’ ko tani rran. Napan ni taw Jason ko tomur me meybil, “Dakean loelgeg nge mada’ nga eg e sug ko fare Kan Thothup. … Ku thamiy e tamilang. … Ban’en nib falel’ nike buch u lane yafas rog ni rib falel’. Adag ninge tawfe me ta’aboch riy me mang e tamachib.
Ra dariy e tu’ufeg nge yul’yul’, ma bukun e girdi’, fa in, e dabin pag daed ni ngad weliyed mornga’agen fare Sulyarmen. Machane mu tafneyem ko biney: gubin e girdi’ ma rayog ni ngan pining—“gubin girdi’ ma ta’aborogon u owchen Got”;13 falfalen’ Somoel ko gubin e athamgil ni gadaed be rrin’, demtrug rogon; cha’an ni dabun e gathi ke museg e fagar rodaed; ma bee’ ni dabun e rayog ni borran ma ra adag. Demtrug rogon, ma tu’ufeg romaed e dawori thil.
Dad pagatalingaed e Fulweg ke yib udakaen e tin kirebaen’ nge maligach. Machane biney ir e parable e fan reb e rran. Gadadba faflaen’ ni fan pi wompngin e Fulweg, reb e gelngin ningan m’ag paa’ u fayleng nga tharmiy.13 President Gordon B. Hinckley ke yoeg boech e duw, “fa’an dariy’ reb e ban’en ke yib ko urngin e kirebaen’ nge miith ko fulweg ko e gelngiy e m’ag paa’ ko priesthood nib thothup ko tabinaew nib manemus, nib fel’ rogon.”14
Micheg ko fare Sulyarmen e thap u dakean Yesus Kristus. Yesus Kristus nike Foskoyam’ e pow ni Ir, e riyul’, niba’ gelngin ni nge ayuweg gubin e pi’in ni ra yib Ngak—ayuweg raed ko kirbaen’, pufthin ni dani puf rogon, nge denen, nib mu’un e yam’ ngay. Daba’ e Madnom ko buuth, ra m’ay e biney w wik ma Easter. Ngad tafneyed gadaed, ma gubin ngiyal’ ma ngad tafneyed gadaed, ko gafgow ni tay Kristus me yim’ ni nge bayul nag e denen rodaed, ma gadaed be falfalen’ ko rran ko Madnom, rran rok Somoel, nike fos ko yam’. Bachan Yesus Kristus nike Foskoyam’, ma bay fan fare Sulyarmen, ma yafos rodaed e ke ga’fan, ma gadaed ni gadaed baay u roy e baga’ fan.
Joseph Smith, fare profet ko fare Sulyarmen, e be pi’ e mich ni fan ko rran rodaed ni mornga’agen Kristus nike foskoyam’, ma ke fos.14 Kad guyed ir, arragon ke sak’iy u mat’aw paa’ Got.”15 Gube uneg e mich rog ngak Joseph nge gubin e pi apostle nge profet nib m’on rok nge gubin e pi apostle nge profet
Gamaed be micheg fapi thin ni “pi gidii’ nira meybil me fil mornga’agen fapi mulwol ko fare Sulyarmen me rrin’ ni woed rogon fare mich e ran tawa’ath nagraed ni ngeyag ngoraed e biroraed e mich mafan e biney e nge fal’agin rogon fare fayleng ko fare bin Migid e Wub ni micheg fare Somoel nge fare Tathapeg, Yesus Kristus.”1 Kristus nike Foskoyam’ e ke riyul’ nag e micheg Rok. U dakean fithngan Yesus Kristus, amen.