Ayuw e Pufthin nib Riyul’ ni Bay Yib

Keb rok Elder James R. Rasband

Ko fare Medlipi Ragag

T’uf ni nge fal’ig pufthin nib mataw, e maligach nib bayul Rok Taathapeg ra gol nag e tin nib amith nib ya’el.

Fare Babyor ku Mormon ma Fil e Machib ku Kristus.

Bin tomur e October, President Russell M. Nelson ke fith ngodad ni ngad lem nag mornga’agen fare thilyeg u yafos rodad fa’anra “ke chew e llowan’ ni kad thapeged ko fare Babyor ku Mormon.”¹ Kug lem nag mornga’agen ea duwer rok, ni ta’ab rogon kam rin’ed. Kug lem nag ta’areb e ban’en biyay nge biyay—ni dariy e Babyor ku Mormon nge thin rok mornga’agen fare machib ku Kristus nge maligach ni bayul Rok, bu’uw ni ngu chel ko gapas?

Fare machib ku Kristus—ni bay fare kenggin nge gam’ing ko mich ni Kristus, kalngan’, taufe, fare tawa’ath ku Kan ni Thothup, nge athamgil nga tomur—ni ke machib bo’or ngiyal u lan gubin pi thin nib thothup ko fare Fulweg machane ke machib u gelngin u lan e Babyor ku Mormon.² Fare machib ni tabab ko mich nu Kristus, nge gubin e bang ba t’uf e pagan’ u lane maligach ni bayul Rok.

Woed ke fil President Nelson, “Fare Babyor ku Mormon ba pii’ ngodad e gonop nib polo’ ko fare Bayul ku Yesus Kristus.”³ Fare boech ni gadad ba nang mornga’agen fare tawa’ath Rok fare Taathapeg, gadad ra nang fan, u lane tafney nge gum’ircha’dad,⁴ ni fare thin ko President Nelson nib riyul’ ni “bay e gelngin ko gol’, sulweg, ayuw, gel, non, nge falfalan’ e ya’el u lan fare machib ko fare Babyor ku Mormon.”⁵

Bayul rok Somoel ma Fulweg Urngin e Pin’en ko Justice

Rib ga’ fan nge ma pii’ e gapas ko fare Babyor ku Mormon ba ayuwegdad nang fan ko fare Bayul Rok fare Taathapeg e fare machib ni maligach nib runguy ba sug gubin e bang ko lungun e justice. Ni ke weliy Alma, “Got e piiʼ ir ni bayul ni bachan e pi denen ko gidiiʼ nu fayleng, ni nge yog ni yog fare woʼen murnguy, ni nge ayliy lungun e justice, me yog ni paer nib Got nib machalbog, mab Got nib matʼaw, ma kub Got nib sug ko murnguy.”⁶ Fare wo’en ko murnguy rok Chitamangiy⁷—mang fare thin ku Got ba pining fare wo’en e falfalan’⁸ fa fare wo’en e thap⁹—ni dabi polo’ fa’anra de polo’ gubin bang ko lungun e justice.

Mang e “lungun e justice”? Lem nag ko tin ku Alma. Mu puguraen e pagal, Alma ke yan ni ba “kireb nag fare galasia.”¹⁰ Riyul’, Alma ke non ngak fak ni Helaman ni ke “gafgow riy ko gechig ni amith nu infierno” bachane ni ke “thang e pogofan ko bitir rok’ [Got] nib yo’or” u dakean ke powi’iy “iyaen nga orel nga fithik’ e gafgow.”¹¹

Alma ke weliy ngak Helaman ni gapas ke yib ngak nap’an ni ke “koel e tafnay” rok u dakean e machib rok chitamang “mornga’agen fare yib ko … Yesus Kristus … ni nge bayul nag e giddii’ nu fayleng ko pi denen rorad.”¹² Alma nib kalngan’ ke fith ko murnguy ku Kristus¹³ nge ke thamiy e falfalan’ nap’an ke nang fan ni Kristus ke bayul ko denen rok nge sug gubin e lungun e justice. Bayay, mang e justice ke fith ku Alma? Alma ni ke machib taboch, “Dariy ban’en nib alit ni rayog ni nge tafnay gil’ilungun Got.”¹⁴ Ere, bang ko gapas ku Alma e ni dariy e murnguy, justice ra tal ir ni ba sul ni ba par ku Chitamangiy nu Tharmiy.¹⁵

Fare Tathapeg ma Gol e Tin Kireb ni Dabiyog ni Ngad Gol

Machane fare falfalan’ ku Alma kemus ko ir— ko dariy e gechig rok nge rayog ni ir ra sul ngak Chitamangiy? Gadad ba nang ni ke kireban’ ko gidii’ ni ke powi’iy ko tin nib riyul’.¹⁶ Machane dabiyog Alma mi nge gol nag nge sul gubin e gidii’ ni ke powi’iy e kireb. Dabiyog ni ba pii’ gubin e gidii’ ney e ngiyal’ ni yad ba fil fare machib ku Kristus nge bay yib e tawa’ath nap’an yad ba fol kengin rok. Dabiyog ni fas ko yam e gidii’ ni ke yim ni dar nanged machib rok nib kireb.

President Boyd K. Packer ke machib: “Fare ban’en ni ke ayuw Alma … e biney: Sulweg ni dabiyog ni ga ba sulweg, gol e ma’ad’ad ni dabiyog ni ngam gol, fal’eg e tin nib kireb nge dabiyog ni ngam fal’eg e fan ko fare bayul ku Kristus.”¹⁷ Fare tin nib riyul nib falfalan’ ni Alma ke “nang fan” ni kemus ir ra bi’ech nag machane gubin e gidii’ ni ke kireb nag rayog ni ngar gol nag.

Fare Maligach rok Tathapeg me Ayuw e Pufthin nib Riyul’ ni Bay Yib

Bo’or e duw umon Alma ke kalngan’ u dakean e machib ney, Pilung ni Benjamin ke fil mornga’agen e gol ni ra yib ko fare maligach e bayul ku Taathapeg. Pilung ni Benjamin ke yog ni “mangil ni ma pii’ e falfalan’” ke pii’ ngak “ko angel Rok Got.”¹⁸ Ufithik e pi’nen nima pii’ falfalan’ ni bay e tin riyul ni Kristus ra gafgow nge yim’ ko denen rodad ere fare “pufthin nib riyul ra yib ngodad e bitir ku pum’on.”¹⁹

Mang bat’uf e “pufthin nib riyul”? U lane bin magild e verse, Pilung ni Benjamin ke weliy ni bay e pufthin nib riyul, fare racha rok Taathapeg ke bayul ko “ko fapi denen rok’ e pi’in ni kar mul gaed ni bachan e denen rok’ Adam” nge ko gidii’ “ni kar m’aed ni darnanged laniyaen’ Got ngoraed, ara cha’ ni denen ni darnang.”²⁰ Pufthin nib riyul ba t’uf, nike fil, ni fare “racha’en Kristus bayul nag nifan ko ”pi denen ko bitir.²¹

Fapi scripture ba fil e machib nib mangil: fare malagich nib bayul ku Tathapeg ba gol, e tawa’ath ni dariy paluw, nagk gidii’ ni ba denen ni darnag, u thin ku Jacob, “dariy a motochiyel.”²² Kan nang ban’en ko denen e ba t’uf ko fare magal ni ke pii’ ngak nge fa’anra gadad ba mel’eg.²³ Gadad ma nang biney e ba’nen nib riyul nib gapas bachane fare Babyor ku Mormon nge boech e scriputre ku Sulweg.²⁴

Ere, fa’an ni bay e motochiyel, gadad ba nang mang pi’nen ba’adag Got, bung rogon i pufthin nagdad. Ni Pilung i Benjamin ke yog: “Machane gafgow, gafgow ngakʼ e chaʼ niʼir e manang ni be togopluw ngakʼ Got! Ya fare woʼen e thap e dabiyog ngakʼ beeʼ ni aram rogon ya kemus ni rayog riy u dakean e kalngaenʼ nge mich, ngakʼ fare Somoel i Yesus Kristus.”²⁵

Biney ir reb e tin nib mangil ko fare machib ku Kristus. Gathi kemus fare Taathapeg ba gol nge sulweg gidii’ ni kar denen gad ni de nang fan, machane, gidii’ ni ba denen ni ba nang fan e magal, fare Taathapeg ra pii’ gol nap’an yad ba kalngan’ nge bay e mich rorad Ngak.²⁶

Alma ni ke “nang fan” gali tin nib riyul’. Rayog Alma nike thamiy ea ba’nen woed nike weliy e “falfalaen’ nib riyul”²⁷ fa’an ni ke lemnag ni Kristus ayuw ir machane dabi ayuw e gidii’ ni ke kireb nag? Danga. Ni Alma ba thamiy e gapas nib polo’, gidii’ ni ke kireb nag bay e ngiyal’ ni ba gol nagrad.

Machane urogon e rayog roraed—fa gidii’ gadad ba kireb nag—ba gol nagraed? Ni dabda nanged gubinfen marunga’agen urogon fare maligach nib bayul Rok Taathapeg gol nge sulweg, machane gadad ma nang ni bay e pufthin nib riyul, fare Taathapeg ra gol nag e tin nib amith nib ya’el.²⁸ Ir ba micheg ni gubin e bitir ku Got ba thapeged e ngiyal rorad, ni ngar mel’eged ma leak Ngak nge thapeg fare wo’en nib falfalan’.²⁹

Fare Tathapeg ma Gol Uringin Ban’en ni Kad Kirebnag

Binem e pi’nen nib riyul ni ke pii’ gapas ngak Alma. Nge pi’ney nib riyul ni ra pii gapas ngodad ni ta’abrogon. Ni pum’on nge ppin nib fayleng, gadad ba kireb nagdad. Ni gubin e galabthir ba micheg, fare mithmih ni bay yib ko denen e gathi kemus fare rus ko gechig romad, machane fare rus ni kam kireb gad nagrad bitir romad ko falfalan’ fa kireb nagrad ni yad ba nang fan e tin nib riyul’. Fare mich ko fare maligach nib bayul ku Taathapeg e ni u rogon e denen ko galabthir, De kireb nag e bitir romad, nge micheg gol nagrad.³⁰ Nge nap’an yad ba denen nap’an yad ba nang e magal—ta’ab rogon gadad ba rin’—Ir ra pii’ e murnguy ngodad³¹ nge ir ra bayul nagrad fa’anra yad ba sap Ngak nge par.³²

Ni bay e gelngin rok Taathapeg ni mangil nag tin ni dabiyog ni gadad ba mangil nag, Ir ba motochiyel ngodad ni gadad ba rinn’ gubin ni rayogdad nap’an gadad ba kalngan’.³³ Denen rodad kireb nag ngiyal ngak Got nge ngiyal ngak boech gidii’. Boechngiyal nap’an gadad ba gol nge sulweg e nap’an gadad bo yog a siro’, machane boeachngiyal gadad ba t’uf e kalngan’ ko bo’or e duw u fithik e sobutan’.³⁴ Machane,nifan bo’or e denen nge oloboch rodad, dabiyog ni ngad gol nag e gidii’ ni kad kirebed nagrad. Fare micheg ni pii’ gapas ko fare Babyor ku Mormon nge fare sulweg ko gospel ni fare Taathapeg ra mangil nag gubin kad kirebed nag.³⁵ Nge Ir ra mangil nagdad fa’anra ngad chel gad Ngak u fithik e mich nge kal’ngandad ko tin ni kad kirebed nag.³⁶ Ir ra pii’ la’agruw e tawa’ath ney machane Ir ba adag dad nib machalbog³⁷ nge machane Ir ba adag ni bay e pufthin nib riyul ni ba pii’ justice nge murnguy. Gube micheg nib riyul’ u dakaen fithngan Yesus Kristus, amen.