Machib nu Tharmiy
Napan ni gara gay rogon e mich rom ngak Somoel nge fare priesthood Rok,, ma salapmed ni nge thap ngomed re machef ko tin nu tharmiy ney ni yog Got ngomed e ra gaa’.
Kamagar ko bin ba’aray e profet romad nib be’ech. Nap’an kug sakiy’gaed ngad yin’ed fare tang, “We Thank Thee, O Got, for a Prophet,” Keb la’agruw e lem ngog. Bin somm’on ko fare Profet Koseph Smith, fare profet ko mfen ney. T’ufeg rog ngak ba gelnog urngin e rran. Bin la’agruw e lem keb ngog nap’an Kug sap nga le’engig, pi bitir rog nib ppin, bitir ko bitir rog nib ppin, nge bitir ko bitir ko bitir rog nib ppin. Kug lemnog ni gamed gubin i yaed chongin e tabinaw rog.
Ke yan boech e pul, me tomuren e session ko temple endowment, kugog ko ppin rog ,“Gu be athapeg ni ma nang fan pi walag ni ppin fare machef ko tin nu tharmiy ni rayog ngorad u lane fare temple.” Piwalageg ni ppin, gube pir’eg ni boechngyial’ ni gube lemnagmed, ni ku arrogon ko ngiyal’ ni l’agruw e pul faram nap’an ni Wendy nge gag e gamow be yan nga Harmony u Pennsylvania.
Yanem ea bin l’agruw ea yan romow ngaram. Yow l’agruw ea yay me yib thamtham nib gel ngomow u nap’an ni gu warow u dakean e but’ nib thothup. Lane Harmony me m’ug John facha’ ni ma tawfe ku Joseph Smith me sulweg fare Aaronic Priesthood.
Ba’aram ni m’ug fapi apostles i Peter, James, nge John, ra sulweged fare Melchizedek Priesthood.
Lane Harmony ni pigpig Emma Hale Smith ni’ir e Cha’an som’on ni be yol ko pum’on rok u nap’an ni fare Profet i Joseph Smith e pilyeg fare Babyor Ku Mormon.
Ku Lane Harmony ni yib ku Joseph fare yi’iy ni dag fiti laniyan’ fare Somoel ku Emma. Fare Somoel e chiyliy ku Emma ni nge weliy fapi chep nib tothup, nge chiyliy ko fare Galasia, nge thapeg fare Kan ni Thothup nge pii’ ea tayiim rok ni “be fil e yo’or.” Ku’un chiyliy ngak’ Emma ni nge pag e tin nu biney e fayleng nge gay e tin nu falyeng nib fel’,” nge kol nib gel ko m’ag rok’ ku Got. Fare Somoel e mu’ nag e fonow Rok’ ko pi thin ni pii’ gelngiy ney : “Biney e lungun ni yan nga gubin.”1
Gubin ban’en ni buch u lane Harmony e bay e fonow nib fel’ ko birom e yafos . Fare sulyamen fare priesthood, ni ku bay fare fonow ku fare Somoel ni yan ku Emma, e rayog ni nge powiymed nge tawa’ath nagmed. Arrogon ni gu be athapeg ni ngam nanged fan ni fare sulyarmen ko fare priesthood e ba gaa’ fan ngomed ni gimed e ppin ni bod nib gaa’fan ko pumo’on Bachane fare Melchizedek Priesthood e kan sulyarmen, ma yow l’agruw ni ppin nge pumo’on ni be kol e m’ag e rayog ngoraed “gubin fare towa’ath ko tin nu tharmiy ko fare galasia,”2 ara’, sana’ gadad ra yog, gubin ea machef ko tin nu tharmiy ni bay Somoel ni fan ko Bitir Rok’.
Gubin e ppin nge gubin e pumo’on ni fal’eg e m’ag ku Got me kol e tinem e m’ag, me ’un nib mat’aw ko gam’ing ko priesthood, e rayog ngorad gelngin Got. Pi’in ni thapeg e endowment u lane tafen fare Somoel e ra thapeged e towa’ath ko gelngin priesthood bachane e m’ag roraed, ni ku bay e towa’ath ko llowaen’ ni ngan thapeg e gelngin nem.
Tharmiy e mab ppin ni kan endow nag ko gelngin priesthood ni ta’abrogon ko pumo’on ni bay fare priesthood rok’. Gu be meybil nag ni tin riyul’ e ra yib ko gum’ircha’med ni bachane be michaen’ug ni ra thilyeg e yafos rom. Piwalageg ni ppin, rayog ngomed ni ngam thapeged nibo’or fare gelngin fare Tathapeg ni ngam ayuweged e tabinaw romed nge ku gidii’ nib t’uf romed.
Sana’ ga be yog ngom, “Rib mangil e biney, machane uwrogon e ngu rin’? Uwrogon ni ngu thapeg gelngin fare Tathapeg nga lane yafos rog”
Dab mu pir’eged biney e wo’ ni kan weliy u lan e babyor. Fare Kan ni Thothup e ra par ni biromed e tafonow u nap’an ni gimed be gay ni ngam nanged fan ko tin ni fare Somoel e ba’adag ni ngam rin’ed. Biney e wo’ e gathi papay fa moem, machane arrogon ni ma pii’ gelngin. Mang e rayog ni nge pii’ e falflaen’ nib gel ko muruwel ni bay fare Kan ni Thothup ni ngan nang fan gelngin fare priesthood-ni Gelngin Got?
Rayog ni ngu gog ngom ni yira thapeg gelngin Got e ba t’uf e ta’ban’en ni chiyliy fare Somoel ni nge rin’ Emma ngam rin’ed.
Ere, gu be piningmed ni ngam filed ni gimed be meybil guruuy’ 25 ko fare Machib nge M’ag ngam pir’eged ko mang fare Kan ni Thothup e ra fil iyan ngomed. Biromed e milekag nib tothup e ra yib nag e falflan’ ngomed ni u nap’an ni ngam thapeged, ngam nanged fan, ngam fanyed gelingmed ni kan pii’ ni towa’ath ngomed.
Bayang ko re milekag ney e ra t’uf rom ni ngam tayed nga raba’ fapin’en nib bo’or ko biney e fayleng. Boech e ngiyal’ ma gimed be non nigo’ buch’uw angin e yan rodad nga palog ko fare fayleng ni bay e togopluw, lumel, nge yi’iy ni gathi riyul’. Machane ba riyul’ ni yibe rin’ mab t’uf romed ni ngam fal’eged i lemnag e yafos romed nib t’oaer nge bo’orngiyal’. Nap’an ni ngam rin’ed ni arrogon, ma fare Kan ni Thothup e ra yog ngomed ko mang e daki t’uf romed, ma daki fel’ ko tayim romed nge gelingmed.
Nap’an ni gimed ra miithmittheg e lem romed iyan nga orel ko tin nu fayleng ban’enm ma pin’en ni gowa’ nib gaa’ fan ngomed e chiney e ra achig fan. Ba t;uf ni gimed ra yog e danga’ ko boech e n’en, ni yug aram rogon ni gowa’ yad dariy e malngin. Nap’an ni gimed be ’un ngay gimed be ’ul’ul ko biney e wo’ nib nap’an e yafos ni gimed be thothup nag e yafos romed ku fare Somoel, ma fapi thil ko owchmed, thamtham romed, nge gelngin e ya’el romed e ra gin oewchmed!
Ere chiney, aray e ba thin ko ta’amagran Bay e pi’in ni gomanga ngar warniged salap romed ni ngam thapeg gelngin Got. Bay e gidii’ ni ba’adag ni ngam maerwar u wun’med gimed ngam achig niged gelngin e ya’el romed ni rib fel’ ni gimed e ppin nib mat’aw.
Ri arrogon, ni fare to’ogor e dabuy ni ngam nanged fan fare m’ag ni kam fal’eg ko tawfe, far fare towa’ath ko llowan’ nge gelingmed ni kam feked ara ngam feked u lane fare templee—fare na’un Fare Somoel. Ma Mo’oniyan e dabuuy ni ngam nanged fan ni gubin e yay ni ga be muruwel ga be liyoer u lan fare temple, ma ga ra chuw ni bay rom gelngin Got ma bay e angel Rok’ ni yaed be ”matangiy” em.3
Mo’oniyan nge taayuw rok e be fal’eg e tin ni tilegem ni gubin ngiyal’ ni ngar tilegm ni dab mu nag fan fare towa’ath ko tin nu tharmiy ni kayog ngom ma rayog ngom. Be kireb, machane boech e tin ni tal’eg e ra bucheg e tagan yug bee’. Be yib nag e kireban’ ni ngu lem nag ni bagmed e kam thamiy ni kan dariy fan nigem ara de michan’ ngom e gaa’ rom ni bay fare priesthood, ara kan amith nigem ke kireb nigem e pum’on rom, chitimangim fa fagar rom. Gu be thamiy e kireban nib to’aer ni bagimed e ke thamiy ni ke tay nga orel, kan dariy fan nag, ara kan lem nag ni de mat’aw rogon. Pin’em nib kireb e dariy gil’ u lan fare gil’ilungun Got.
Yug amrogon, ma be pii’ e flan’ ngog ni nap’an ni gu be fil ko gaa’ ni bay fare priesthood e be gay e ayuw ko ppin u lane war nge stake councils. Be yib e athmagil ngog ko urngin e pum’on ni be dag ni bin th’abi gaa’ fan e muruwel rok’ e nge ayuweg e Ppin rok’.4 Gu be pii’ e magar ko fare pum’on ni be tay fan e salapen ppin rok’ ni nge tahpeg e yi;iy nge pii’ ko mabgol rorow ni ta’abrogrow.
Nap’an ni nang fan e pumo’on falngin nge gelngin e ppin Gidii; en Got ko Tin Tomur e Rran, nib mat’aw, be ga, min endowed, ma ba ma’ang’ang ni be thamiy fare pumo’on ni nge sakiy u nap’an ni ra taw fare ppin nga fare singgil?
I yib ko tabolngin e tayim nge mada’ ko chiney, pi ppin e kan tawa’ath nag ko ba compass ko moral—fare gelngin ni ngan ki’eg ea tin nib mat’aw nge tin nib gilay. Biney e towa’ath e nge gel u lane pi’in ni be fal’eg ma be kol ko m’ag Ma be war u lane pi’in ni siyeg fapi motochiyel ku Got.
Gu be papay ni ngu yigey ni dagur pag nga but’ e pum’on u barogon iyaen nga oral ko bin nib t’uf rok’ Rok ni fan ku ngoraed ni ngar ki’eged e tin nib mat’aw nge tin nib gilay. Machane pi walageg ni ppin nib t’uf rog, gelingmed ni ngam ki’eged e tin riyul’ ko oloboch, ngam pired ni gimed e matanag ko tin yal’uw u daken e fayleng, e ba gaa’ fan u e tiney e rran ko tomur. Ma gimed ba t’uf romad ni ngam filed iyan ko gidii’ ni ngar rined ni amrogon. ’Am pag ni ngu non nib chirogon: fa’anra pag biney e fayleng fare gelngin e yal’uw ko pi ppin riy, ma dabki gol fare fayleng.
Gadad e gidii’en Got ko tin tomur e rran ni gathi gidii’ nu faayleng; gadad e gidii’ nu Israel ko fare m’ag. Kan piningdad nin ngad fel’eged rogon e gidii’ ni fan ko fa Bin L’agruw e Wub ko fare Somoel.
Chiney e ngu weliy ku boech e n’en ni l’eg rogon ko ppin nge fare priesthood, Rani yibliyem ni ngam pigpig u lan reb a liw ni yibliyem bee’ ni bay e priesthood keys rok’—ni boed e bishop fa stake president rom—yibe pii’ ngom mat’awon priesthood ni ngam muruwel u lan e liw nem.
Boed rogon, u lan fare temple nib thothup, min pag ni ngam ngongoly ngam gaa’ u lane gam’ing ko fare priesthood ni gubin ngiyal’ ni ga be un’ ngay. Birom e Endowment ko fare temple e ke fal’eg rogom ni ngam rin’ e binem.
Fa’anra kam endow machane dawor mu mabgol ko reb e pumo’on ni bay fare priesthood rok’ me yog ngom ea bee’ “Sirow ngom ni demoy fare priesthood u lane na’un rom,” ’am nag fan ni pi thin ney e de riyul’. Rayog ni demoey- bee’ ni bay fare priesthood rok’ u lan e na’un rom, machane kam ngongliy em’ag nib thothup ngak Got u lane temple Rok. Ma yib ngodad e gelingn ko priesthood ko re pi micheg ney. Mag tay nga wun’um, ni fa’an ra yim’ e pumo’on rom, me gur e gaa’ ko tabinaw rom.
Gur e ppin nib mat’aw, min endow nigem me gur ppin ni Gidii’en Got ko Tin Tomur e Rran, ma gabe non gabe fil iyaen ni bay gelnngin nge mat’awon Got rom. Dakean e fonow fa sabathin, mab t’uf romaed e lungum ni be fil iyan fare machib ku Kristus. Ba ’tuf e thin rom u lan e puruuy’ ko tabinaw, ward, stake. Ngongol rom e rib t’uf ma gathi nunuw.
Pi walageg ni ppin nib t’uf rog, gelingmed e ra ga’ ni nap’an ni ngam ayuweged e gidii’ Meybil romed, balay nag abich, tayim ulane fapi scriptures, nge muruwel u lan e temple nge chepin e tabinaw e ra bing tharmiy ngomed.
Gube chiyliymed ni ngam filed ufithik e meybil gubin e tin riyul’ ni rayog ni ngam pir’eged ni mornga’agen gelngin priesthood. Rayog ni ngam tabab gaed ko Doctrine nge Covenants ko pi guruy 84 nge 107. Pi guruy nem e ra waliymed ko kuboech e guruy. Fapi scriptures nge machib ko profet, tathogthog, nge tayi’iy ko tiney e rran e ba sug ko pi riyul’ ney. Nap’an ni be gaa’ nag fan romed ngem gelniged e mich roemd ulan fare Somoel ko re gelngin priesthood nem, ma salapmed ni nge thap ngomed re machef ko tin nu tharmiy ney ni yog Got ngomed e ra gaa’. Nap’an ni ngam rined ni amrogon, ma gimed ra pir’egmed nib gel’ boech ni ngam fal’eged e tabinuw nib manechubog nib ta’ab, mab seal u lan fare temple ku fare Somoel, mab sug ko t’uf ko Chitamangdaed nu Tharmiy nge ku Yesus Kristus.
Uringin e rogdad ni ngad ayuweged gadaed, ngad doeged mornga’agen fare gospel, ngad mon’og niged gidii’en Got, nge biyuliyed e gidii’ nib kakrom rodaed e be ta’ab u lan fare temple nib thothup. Chiney e bay e 166 pi temple rodaed u langab ea fayleng, ma ra yib ku boech.
Gimed ma nang ni fare Temple nu Salt Lake, Temple Square, nge fare gil ni bay u charen fare Church Office Building e ra bi’ech nag u lan e muruwel ni ra tabab ko tungun e re duw ney. Biney e temple nib thothup e ba t’uf ni ngan ayuweg ngan fal’eg rogon ni nge pii’ tamilang nge laniyaen’ e pi fen ni nge yib, ni boed rogon ni ke pii’ tamiling nga laniyaen’ daed u lane biney e fen.
Nap’an ni be gaa’ fare galasia, ma rani fal’eg ku boech e temples ni fan e rayog ko ku boech tabinaw bin th’abi fel’ e tawa’ath, ni bin ni yafos nib manemus.5 Gadad ma tay reb e temple ni na’un ni bin th’abi thothup ko Galasia. Gubin e yay ni yoeg ni ngan fal’eg kureb e temple, ma be par ni ba gaa’ fan ko chepdaed. Boed ni kan weliy ko biney e nap’, gimed walag ni ppin e ba gaa’ fan ko muruwel ko fare temple, ma fare temple e gin ni nge thap ngomed th’abi tolang e machef nu tharmiy.
Wenig ngom ngam motoyil nap’an Gura weliy’ marunga’agen merub e temple nib be’ech. Fa’anre gube yoeg e temple ra yib ko tafen nib chugur ngom, wenig mu pii’ e meybil nib mocho’ laman nga lan gum’ircha’em. Gamaedba falflaen’gaed ningad oeged ngan toeyed e temple u tafen ko:Freetown, Sierra Leone; Orem, Utah; Port Moresby, Papua New Guinea; Bentonville, Arkansas; Bacolod, Philippines; McAllen, Texas; Cobán, Guatemala; nge Taylorsville, Utah. Kammagaer, pi walageg nib t’uf rog. Gamadba pinning a magaer ngomed ni fan e muruwel ney nge fulweg rom nib liyeor ngay.
Ba tomur, me gu ba’adag ni ngu pii’ e towa’ath nga dakenmed, ni yugum nanged fan fare gelngin priesthood ni kan thap ngomed ma gimed ra fanay e gelnginy nem u nap’an ni gimed ra gel nag e mich rimed u lanegelingin fare Somoel.
Pi walageg nib t’uf rog, ni bay e liyor rog nge magar, gube yoeg e t’uf rog ngomed. Gube micheg nib fos Got! Yesus e Ir Kristus. Ireray e Galasia Rok. Gube micheg ni arrogon u dakean fithngan Yesus Kristus nib thothup, amen.