Maath Rok’ Fare Tathapeg
Nap’an ni gadaed be yib Ngak’, ma bay yib Got nge ayuwegdaed, nge gol nag daed ara nge pii’ gelingdaed ni ngad gel gaed ko gubin ea ban’en.
Chugur ko lagruw i biyu’ ea duw faraam, me yib fare Tathapeg nga buut’ u burey ni mu’ i fil iyaen fare Beatitudes nge kuboech ea machib ko fare Gospel. Nap’an ni yaen, me yib ngak’ ea pum’on nib ma’ar ko daraaw. Pumo’on nem ea dag ea liyoer u nap’an ni ragbug u p’oewchen Kristus, ma be gay ea gol ko m’ar rok’. Rib moem e n’en ni fith: “Somol, fa’anra mm’agan’um ngay, mrayag rom ni ngam b’ech nigeg.”
Me k’iyag Jesus pa’ nga, math ngak, me ga’ar, “Bma’agan’ug ngay; aram e ngam be’ech.”1
Ere arame gadaed be fil iyib, ni Tathapeg rodaed ea ba’adag ni nge towa’ath nagdaed. Boech ea tawa’ath ea ra yib ni rib papay, ma yug boech nib sasaga’al, ma ku yug boech ea sana ra yib u tomurean ea re yafos ney, machane yug amrogon ma bay yib ea tawa’ath ko ngiyal’ ni nge yib.
Ri boed fare pumo’on ko daraaw, ma rayog ni ngad pireged gelingdaed nge gapas ulan ea biney e yafos nap’an gadaed ra pag ni ngad fol gaed ko fitilaniyaen’ nge nanged ni ba’adag ni nge tawa’ath nagdaed. Rayog ni ngad pir’eged ea gelingdaed ni ngad gelnag demtrug e mo’maw, magdaed nangfan min athamgiliy ea pin’en nibe mo’moaw rodaed. Arrogon, u nap’an ea th’abi mo’maw ulan e yafos Rok’, ma gelngin fare Tathapeg ni nge athamgil ea ke gel u nap’an ni ke yoeg ngak’ ea Chitaman, “Me ere mu rin’ e tin nib m’aganum ngay.”2
Fare pum’on nibay ea daraaw rok’ ea de fith ngak’ u fithik e towasor. Pi thin rok’ ea ke dag rogon nib sobut’aen, nib gaa’ ea laem rok’, machane ku bay ea athap nib riyul’ ni ngan rin’ fiti laniyaen’ fare Tathapeg. Ireray ea susun ko fare rogon ea laemm nib t’uf ni ngad baed ngak’ Kristus riy. Thingar da baed ngak’ ni gaded ma nang ni athap ko fare Thathapeg ea th’abi mangil ni fan ko yafos nu fayleng nge ku yafos ni dabimus ni ku aramrogon ni manemus. Bay ea lowaen ni fel’ngin ni dariy rodaed. Thingar da baed ngak’ Kristus nib riyul’ athap rodaed ni fitilaniyaen’daed ea ra ’un ko fitilaniyean ea Chitamangiy, ni boed rogon e Birok’.3 Bayi fal’eg rogdaed ea biney ko yafos ni manimus.
Rib mo’maw ni ngan lem nag ea amith ea dowef nge thamtham ni paer ko fare pumo’on nib m’ar ni yib ko fare Tathapeg. Daraaw ea ma kireb nag ea ngichey nge yiloech, ma be bucheg ea ya’an ea dowef nib kireb. Nib u’ul’, me kireb nag rogon ea lem u lane binaw. Bee’ ni bay ea daraaw rok’ ea chuuw ko pi’in nib t’uf rok’ nge paer kemus ir nib palog ko gidii’ ko binaw. Gidii’ ni baey ea daraaw roraed ea yib lem nag ni yaed ba alit, ni rogon ea dowef nge ku rogon ea ya’el. Ar fan ni, fare motochiyel ku Moses ea ke t’uf riy ni nge chuw ea gidii’ ni beay ea daraaw roraed ko mad nib t’aer mar roeged ni ga’ar, “Alit!” nap’an ni ranoed.4 Ba m’ar nib kireb, gidii’ ni baey ea daraaw roraed kar pired u tafen ni dakuriy bee’ fa loew.5 Gathi mom’aw ni ngan lemnag ni fare pumo’on ni bay ea daraw rok’ ni yib ku fare Tathapeg ea kireb rogon.
Boech e ngiyal’—nibe yan u rogon—ma rayog ni ngad thamiyed ni kan kireb nagdaed, ni bachane rogon ni dabiyog ni ngad thilyeged. Ulan ea pi ngiyal’ ney, rayog ngad tayed fiti’ laniyaen’daed nga Paa’.
Boech e duw kafram, Zulma, ni gamow ta’areb, e taw e mulwol ngak’ ni kirbaen’ ni l’agruw e wik u m’on ko fare m’ag pa’ rok’ reb i fak mow. Bay ea kancer ulan k’angan, ma be gaa’ nib papaay. Oewchen ea tabab i thow, mab tu’uf ni ngan taflay nag ni rib papaay. Bo’or ea laem ni yib nga laniyaen’ me tomal nag gum’ircha’en. Re kancer ney e baga’? Bu’uw rogon ni nge gol? Nge mugutgut owechen? Uw gelngin ea amith riy? Ra par ea faath u owechen? Ra sul fare kancer ko tomuren ni kan chuweg? Rayag ni nge un ko fare m’ag pa’ rok’ fak mow nib pagal? Nap’an ni paer ulan fare singil ko aspital, ke thamiy e kirbaen’.
Ulan ea chingyal’ nem, me kathkaath fare Kan ni Thothup ngak’ nib t’uf ni nge thapeg fiti’ laniyaen fare Somoel. Ma aram ni dugliy u waen’ ni nge pagaen ngak’ Got. Me thamiy nib gel ni demuturug ko mang era buch, gafarig Rok’ e aram e bin th’abi mangil ngak’. De n’uw nap’an me mol.
Taboech riy, me yoloy nga lane ea babyor rok’: “Udaken ea tabel ku togta ku ragbug, mug rrin’ ni tin ni lanin’um, mug mol. Kug nang ni gomanga yog ni ngu sul ngom, ni kug nang ni dabiyib ea kireb rom.”
Ke pir’eg gelngin nge gapas nap’an ni war fiti laniyaen’ ko birok’ ea Chitamangiy. Ka rran nem, ke tawa’ath nag Got nib gel.
Demotrug rogon ea yafos rodaed, ma rangad ngongoliyed ea mich rodaed ni ngad baed iyib ngak’ Kristus nge pir’eged ba Got ni rayog ni nge pagaen’daed ngak’. Woed rogon ni yoloy reb i fakag:
Be yoeg fare profet, p’oewchen Got e be mat rame’en nib gel ko fare yael’
mab wechwech piyen lolugen ko snow
mab gaa’ Laman ni boed ba luul’ nib papay.
ma dariy be’ ni woed Ir. …
Gube thamiy nib kireb nap’an kug nang ni gub dariy.
Ma yigo’ ngiyal’ nem ma gube yib nib mo’maw ko bee’ ni got ni rayog ni nge pagaen’ug.
Ma ku yigo’ ngiyal’ nem ea gu be pir’eg fare Got ni rayog ni nge pagaen’ug.5
Ba Got nrayag ni nge pagaen’dad ngak’ e ke pi’ e athap ngodaed ko gubin ban’en. Rayog ni nge pagaen’daed ngak’ ya ba’adag daed ma ba’adaed ea tin ni th’abi mangil ni fan ngodaed ko gubin ngiyal’.
Ke yib fare pumo’on ni bay ea daraaw rok’ ni bachaen gelngin ea athap. Fare fayleng ea de pii’ ea ayuw, ma gathi gapas. Arrogon, maath ku fare Tathapeg ea sana ni thamiy ni boed ea maath nib ba’ud ko ya’el rok’ nib polo’. Ke mus ni rayog ni ngad lem niged ea thamtham nib to’aer ko magar nni ke yib ko fare mo’on ni baey ea daraaw rok’ ni nap’an ni maath fare Tahtapeg ngak’, ma kari amrogon ko ngiyal’ ni ke rung’ag fapin thin “Bay gu rin’; ’Am paer ni ga ba gol.”
Be yoeg fare yaat’ ni “kachingiyal’ nem me chuw e daraw rok’.”6
Ku arrogon ngodaed ni rayog ni ngad thamiyed fare maath nga paa’ Fare Tathapeg ni be t’ufeg ma be gol nag. Mang falflaen’, athap, nge magar ko ya’el rodaed ni nap’an ni ngad nanged ni Ba’adag ni nge ayuwegdaed ni ngad bi’echdaed! Nap’an ni gadaed be yib Ngak’, ma bay yib Got nge ayuwegdaed, nge gol nag daed ara nge pii’ gelingdaed ni ngad gel gaed ko gubin ea ban’en.
Ra thapeged ea fitilaniyan—gathi birodaed—ma ra ayuwegdaed ni ngad nanged fan rogon ea paer rodaed. Dariy ban’en nib kireb ea rayog ni nge yib ku Got. Ma nang ko mang ea th’abi mangil ni fan ngodaed. Sana dabi chuweg ea mo’maw rodaed ea chiney. Boechngiyal’ ma Rayog ni nge ba’ud nag ea mo’maw rodaed, boed ni ke rin’ ngak’ Alma nge gidii’ rok’.8 Bachane ea m’ag, mo’maw ea bay ni chibiy nga lang,9 ulan ea yafos ney fa fare Fas ko Yam’.
Ba adag nib riyul’ ni ngan rin’ ea Fiti laniyaen, ma ku ba nang fan yalen fare Tabiyul nib thothup, ea ma ayuwegdaed ni ngad gel gaed ea mit ea mich rodaed ni dag fare pumo’on fare ko daraw ni fan ni ngan bi’ech nag. Yesus Kristus ir e Got ko t’uf, Got ko athap, Got ko gol, ba Got ni ba’adag ni nge tawa’ath nagdaed nge ayuwegdaed ni ngad bi’ech gad. Ba’adag ea binem u m’on ko wub nga fayleng fa’ani yoeg ni nge ayuwegdaed nap’an ni ngad aw gaed nga fithik ea denen. Bineem ea Ba’adag ulan ea Gethsemane nap’an ke thamiy ea amith ni dabiyog ni ngad nanged u nap’an ea amith ko pii’ pulwon ea denen. Bineem ea Ba’adag ea chineey ni Be wenig ni fan ngodaed u p’oewchen Chitamangiy.9 Arfan Be yoegngubin ningyal’: “Mired ngog, ni gimed gubin e pi’in ke aw parowmed i fek e n’en nib tomal ni gimed be fek, mu gu’ pi’ e toffan ngomed.”4
Rayog ni nge gol nagdaed nge chibiydaed nga lang ni bachan ea Bay gelngin nrayog rok’. Ke fek nga Dakean amiith ni gubin ni amith ko dowef nge ya’el ni fan ni nge sug ngorngoren ko murnguy ni fan ni nge ayuwegdaed ko gubin ea ban’en nge gol nagdaed nge chibiydaed nga lang.11 Fapi thin ku Isaiah, ni yoeg Abinadi, ni yoeg nib fel’ ya’an me pii’ e athamgil:
“Rriyulʼ ni i gafgow i thamiy amthun e kirbaenʼ rodaed, nge malngin i chibiy e pi gafgowaenʼ rodaed. …
“… Machane ni madʼad ngakʼ ni bachan e pi ngongol rodaed nib kireb, ma i bech doew ni bachan e pi denen rodaed; Gafgowen e gapas rodaed e aw nga dakean; nge pi dumow ni un tay ngakʼ e ke thapegdaed riy.”12
Ta’ab rogon yibe fil ko tiney e ney:
“O Karprenter nu Nazareth,
Re gum’ircha’, nib kireb ni dabiyog ni ngan fal’eg,
Re yafos ney, ni kan t’aer nib chugur ko yam’,
O, rayog ni Ngam fal’eg, Karpenter?”
Ma dakean Paa’ nib gol ma ka fal’eg rogon,
Yafos Rok’ nib athibthib ea kan luum’
U dakean ea yafos rodaed nge mada’ nge sak’iy
Sunmiy nib Bi’ech—“ba bi’ech gubin ea ban’en.”
“Fayu [yang] ni ka t’aaer ko [fare] gum’ircha’,
M’agaen, adag, athap, nge mich,
Mu thilyeg ko ba yang nib machalbog,
O, Karpenter nu Nazareth!“13
Fa’anra ga be thamiy u gubin rogon ni damur bi’ech, kan kireb nigem, wenig mu nanged ni ngam bi’ech nigem, ngan fal’eg nigem, ni bachan gab t’uf Rok. Pagaen’ ni dariy ban’en nib kireb ea rayog ni nge yib Rok’.
Bachan ea Ke “aw nga tangin gubin,”15 Ma yog nag ni gubin ea ban’en nib kireb ko yafos rodaed ea nge fel’, ma arrogon ea rayog ni ngan biyuliydaed ku Got. Dakean min biyuliy gubin ban’en,ni ban’en nu falyeng nge ku ban’en ni baey u tharmiy, ni be fal’eg ea gapas u dakean ea racha’ ko kuruth rok’.”15
Gadad be baed ngak’ Kristus, ni gadaed be rin’ ea pin’en nib t’uf. Nap’an ni ngad rin’ed, me paer ea lem rodaed ni reb ni be yoeg, “Somoel, fa’an ga ra rin’, ma rayog ni ngam gol nigeg.” Fa’an gadaed ra rin’ ni arrogon, ma rayog ngodaed ea maath ni ma gol nag ko fare Masta, ni kubaey lingan Lungun nib athibthib: “Bay gu rin’; ’Am paer ni ga ba gol.”
Fare Tathapeg ea Got ni rayog ni ngad pagaen’ gaed. Ir ea Kristus, Facha’ ni kan Gapgep nag, fare Messiah ni gube micheg u dakean fithingan nib thothup, Yesus Kristus, amen.