Fare Bin Migid Ngay ko Motochiyel
Falflaen’daed bay yib udakaen e ayuw ko walagdaed.
Pi walageg, kamagar gaed ni gubin ko pi ayuw ni gamed be tay ni yibe kunuy pi u Isreal ko l’agruw yang ko fare veil, ni gabe gel nag e tabinaew rom, ma kag be ayuweg e gidii’ nib tu’uf e ayuw roraed. Kamagar ni gabe par nib riyul’ ni gabe lek Yesus Kristus.1 Gam mnang mab t’uf rom fagli motochiyel Rok’, thangri t’uf rom Somol nge thangri t’uf rom e en ni buguliyoror rom.2
Ko re nel’ i pul ney nike thumur, Gag nge Sister Nelson e ku mada’ nigew bbiyu’ gidii’en Kristus ma kug unew nga Lukungun yu South America, fapi nam u Pacific, nge in e nam nu Mariken. Nap’an ni gamow be milekag, gamow be athpeg ni ngu ga’ nigew e mich rom. Machane gubin ngayal’ ni gamow ra sul ma kan gel nag fare mich romow ko fapi gidii’en e galasia nge tafagar ni ku mada’ nigew. Rayag ni ngu weliy dalip ban’en nib ga’fan nike buch romow ni dawri n’uw nap’an?
Nap’an e May, I gag nge Sister Nelson e gu milekag gaed Elder Gerrit W. nge Sister Susan Gong ko fagin ni Yumuch ko Pacific. Nap’an ni gamaed bay u Auckland, New Zealand, kug mada’ niged l’agruw i padrey ko Maslam ulan fare Christchuch, New Zealand, ni l’agruw e pul nga m’on, gidii’ nibe meybil u galasia e ni pistor nagraed.
Gadaed be og nag e murnguy ngak’ e pi walagdaed ney nib thil e mich roraed ngodaed magdaed ul’ul ko pi tiliw rodaed nbay mat’won.
Ma kad pe’ed boech e gidii’ ni nge murwel ndariy pilwon nge salpiy ni nge ayuweg ni ngan toy bayay fare galasia roraed. Mu’ulung romaed ngak’ e pi tiyugang’ ko Maslam ney ab sug ko tu’ufeg nbay ko walag.
Nap’an e August, Elder Quentin L. nge Sister Mary Cook, Sister Nelson nge gag e gu mada’ niged boech e gidii’ u Buenos Aires, Argentina—oran i yaed ab thil e mich roraed ngodaed—nike thil e yafos roraed ni bachan fapi wheelchairs nike pi Gidii’en e Galasia ngoraed. Kan thogthog nag ngomed nap’an ni yaed be og nag e magar ni bachan ni kayag ni yaed be mithmith bayay u butt’.
Bin dalip ni buch e buch u roy u Salt Lake City in e wik kafram. I yib ko bangi babyor nug thapeg rok’ ba nib ppin nib fal’yangren ni bay gu pining Mary Ngak’—14 e duw rok’.
Mary e ke yoloy mornga’agen e tin nbay romow nib chuchgur rogon: Bay ragag e bitir romaed. Gama thin nu Mandarin. Medlip e bitir ulan e tabinaew rog, gub mu’un ngay, e kan pof mad u China, ere Mandarin e bin somm’on e thin romaed. I gur e togta ko gum’ircha’. Walageg ni ppin e kan bing gum’ircha’en ni ngan [taflaynag]. Gaba’dag e misa ni l’agruw e awa riy. Gamaed ba’dag e missa ni l’agruw e awa riy. Ba gel pa’am, Ka arrogon e walageg nib pagal. Mab ma’aw ni woed gag.”
Thin ku Mary e ri chub u gum’ircha’eg, gathi kemus ni be dag fare thothup rok’ nib gel ma ka be dag fare galibthir rok’ nib thothup.
Gidii’en Got ko tin Tomur e Rran, ni woed gidii’en nibe leak Yesus Kristus, e ba gay rogon ni gubin ngayal’ ni ngar pe’ed e ayuw, ni ngar ayuweged, min tu’ufeg e gidii’. Pi cha’ ni yaed ba’dag ni ngan pining raed ni gidii’en Somol “m’agaen’med ngay ni ngam ayuweged gimed, … kirbaen’med ngak’ e pi’in nibe kirbaen’; … mi gimed [fal’eg] laniyaen’ e pi’in nib t’uf rok’ ni ngan fal’eg laniyean’.”3
Riyul’ ni yaed be gay rogon ni ngar fol gaed ko fagli motochiyel nib ga’. Nap’an ni gadaed ra tu’ufeg Got u polo’ i gum’ircha’endaed, ra thilyeg gum’ircha’endaed ko tin nib ga’fan ngak boech e gidii’ nib fal’ ya’an, mab mangil.
Rib momaw’ ni ngan the’eg urngin mit e ayuw nike pi’ Gidii’en e Galasia u dakan ga’ngin yang u fayleng ko gubin e rran nge gubin e duw, machane i’ir e rayag ni ngan the’eg urngin mit e tin nib fel’ ni fare Galasia woed fare ulung nibe rrin’ ni be tawa’ath nag e pumo’on nge ppin—pagal nge bulyol—nib tu’uf e ayuw roraed.
Fare ayuw nima pi’ e Galasia e kan ngongliy ko 1984. Ma Galasia ni ga’ngin yang u fayleng e balay nag e abich mi yaed mukun salpiy ni nge ayuweg fapi gidii’ ni dakriy e rran roraed u eastern Africa. Gidii’en e Galasia e ra mukun salpiy gaed ni $6.4 million ulan ta’boron.
Min pi’-Elder M. Russell Ballard nge Brother Glenn L. Pace nga Ethiopia ni ngar guyew rogon nrayag ni ngan fanay e pi salpiy ney nikan kunuy nib fel’ rogon. Tiney e murwel e irraray e bin somm’on ko n’en ni kanog e Ayuw ko Gidii’en Got ko tin Tomur e Rran ngay.
Nap’an e ngayal’ ney, Ayuw ko Gidii’en Got ko tin Tomur e Rran e ke pi gonpa’an l’agruw billion e salpiy ni nge ayuweg e gidii’ u dakan e fayleng. Pi ayuw ney e yima pi’ ngak’ urngin mit e Galasia, nib thil e nam roraed, gin kar ilal gaed riy, fa chon mini’, ppin fa pumo’on, fa tin ko government.
Machane gathi kemus ni aram urngin. Ngan ayuweg gidii’en e Galasia rok’ Somol nibe gafgow, ngaed ted fan fare pag e abich ni woed kakrom.4 Ngaed paged e abich ni ngayag ni ngaed ayuwegned e gidii’ nibe yim’ ko mik’iy. Ta’abyay ulan ta’areb e pul, pag fare abich min kunuy e biney e salpiy ko ggan (nge ku boech) ni ngan ayuweg e gidii’ nibe gafgow.
Dabgu pagtalin fare milekag rog ko gin ni Ngael u Africa ko 1986. Fapi gidii’en Kristus era bad ko fare mu’ulung romaed ni yaed bo’or. Dariy fan ni oran ni yaed e de yo’or ban’en rok’, kar bad ni kar chuw gaed nga mad nib wechwech mab be’ech.
Kug fith ngak’ fare stake president ko uw rogon nibe ayuweg fapi gidii’ nde yo’or ban’en rok’. Me fulweg ni ga’ar bisof roraed e manang e pi gidii’ ney nib fel’ rogon. Fa’an nrayag rok’ fapi gidii’en e galasia pilwon l’agruw e ggan ulan ta’areb e rran, me de tu’uf e ayuw. Ma fa’an rayag roraed pilwon ta’areb e ggan fa buchu’uw—nib mu’un e ayuw ko tabinaew ngay—fapi bisof e bayi pi’ e ggan, nibe yib ko fapi fast offerings. Me uneg ni ga’ar: fast-offering ni yaed ma kunuy e baga’ pilwon ko tin nbay roraed. Ma tin nike magay ko fapi fast offering e yima pi’ ngak’ e gidii’ u bayang nib gel e gafgow roraed ngoraed. Pi gidii’en e Galasia u Africa e kar filed ban’en ngog ni mornga’agen gelngin fare motochiyel nge fare thothup ko fare pag e abich.
Pi gidii’en e Galasia, gadaed ma thamiy e murnguy ngak’ e pi gidii’ nibe gafgow.5 Woed gadaed e fak Got, ma gadaed gubin ma walag. Bay ko Bin Kakrom e M’ag: “Mu pithiged pa’med riy ngam pi’ed ngak, fapi gafgow, nge gidii’ nib tu’uf e ayuw rorad.”6
Ma kagdaed be gay rogon ni ngaed pired ni woed rogon fapi michib rok Somol Yesus Kristus ni kan yoloy mornga’agen ko Matthew 25:
“Gum’ ko bilig, mi gimed pi’ ganag: ma gum’ ko belel, mi gimed pi’ e garbod ngog: gu be’ nda mu nanged wocheg, mi gimed fekeg nga tabinaw romed:
“Dariy e mad ni nggon’, mi gimed pi’ e mad ni nggon’: gu m’ar mi gimed taliliy nigeg. …
“… Yu ngiyal’ ni um rin’ed e pin’ey ni fan ngak bagayad e pi cha’ney nth’abi sobut’ u fithik’ e picha’ ni pi walageg ney e kam rin’ed ngog.”10
Ngu weliy boech rogon nima rrin’ e Galasia nibe laek wo’en e pi michib rok’ fare Tathapeg.
Ayuweg e gidii’ nibe yim’ ko bilig, fare Galasia e bay 124 e nu’un ko ggan nbay ko fapi bisof u dakan e fayleng. Urngin raed, gonpa’an 400,000 e ggan ni yima pi’ ni gubin e duw ngak’ e gidii’ nib tu’uf e ayuw rok’. Yu yang ndariy e nu’un ko ggan riy, fapi bisof fa branch presidents e yaed ma luf fare salpiy ko fare fast-offering ko Galasia ni nge ayuyweg e tin nib tu’uf rok’ fapi gidii’en e galasia.
Machane, yim’ ko bilig e gathi kemus ni be buch u Galasia ma be gel i yan u dakan e fayleng. Mornga’agen fare Tathapeg ko Fayleng. Bay babyor ni yib ko United Nations ni be dag ba numba ko gidii’ u dakan e fayleng nibe yim’ ko bilig nike gaman e 820 million—fa woed ni ta’areb ko mereb u dakan e fayleng.8
Rib gel e kirbaen’ ko biney! Ri gamaed be pining e magar ngom ko pi ayuw rom. Kamagar ko ayuw rom nib ga’, million e gidii’ u dakan e fayleng e bay ni pi’ e ggan ngoraed, mad, nu’un, wheelchairs, falay, rran nib be’ech, nge ku boech, ngak’ million e gidii’ nib tu’uf e ayuw roraed.
Bo’or e m’ar u fayleng ni bachan e dani be’en fare rran. Ko ngayal’ ni tabab, fare ayuw nfan e Galasia e ke ayuweg me pi’ e rran nib be’ech ngak’ bo’or e binaew ulan 76 e nam.
Ba murwel u Luputa, ko Democratic Republic ko fare Congo, e reb kanawo’en. Urngin e gidii’ riy e 100,000, ma fare binaew e dariy e ran riy. Gidii’ ko fare binaew e ngar milekag gaed ngar ranod nib n’uw yang ko gin nbay e ran riy nib be’ech. U taban e burey ni gonpa’an 18 miles (29km) e bay e ran riy, ma gidii’ ulan fare binaew ab momaw’ ni ngayag ngoraed e pi rran ney ni gubin ngayal’.
Nap’an ni nang fapi missionaries nima pi’ e ayuw e ran’ey, kar murwel gaed fapi tiyugang’ u ta’abang u Luputa ni nge yib e ran ngalan fare binaew. Fapi gidii’ nu Luputa e murwel ni dalip e duw ni yaed be ker e low ni ta’areb e miter riy nga’ar u fthik’ e malang nge loway. Murwel u ta’abang, fare rran nib falfalaen’ e yib nap’an ni taw e ran nib be’ech, ngalan fare binaew.
Galasia e kama ayuweg e gidii’ nib refugees, demturug ko cham ko nam, tin nike buch ko nam roraed, fa cham ko tiliw. Bo’or ko 70 Million e gidii’ nikan chuweg raed u tabinaew roraed.9
Nap’an e 2018, Galasia e ayuweg nge pi’ e chugum ngak e refugees ko 56 e nam. Nib mu’un, bo’or gidii’en e Galasia ni pi’ e ayuw nge ayuweg e gidii’ nib refugees nge pire’eg e tabinaew. Gamaed be pining e magar ngomed ni gubin ko ayuw rom ni kam pi’ ngak’ e gidii’ nibe gay e tabinaew ni nge par riy.
Tin ni yibe pi’ nga Deseret Industries u Mariken, bo’or e mad ni yibe yan u fithik ni gubin e duw. Fapi bisoph e yaed ma fanay e pi chugum ney ni nge ayuweg e gidii’ nib tu’uf e ayuw roraed, tin nike magay ni falel’ ko pi chugum ney e yima pi’ ngak boech e ulung ko ayuw u dakan e fayleng.
Bin ba’aray e duw nike thumur, Galasia e pi’ nfan owchey ni nge ayuweg 300,000 e gidii’ ko 35 e nam, bitir nib achichig nge mitin ko 39 e nam, nge wheelchairs ni fan ngak’ 50,000 e gidii’ nib thil e nam roraed.
Fare Galasia e yim nang ni’ir e bin somm’on nima pi’ e ayuw nap’an nike buch ban’en. Woed somm’on ni bayi yib e yiko’, tiyugang’ ko Galasia e be guy rogon kanawo’en nrayag ni nge pi’ e ayuw ngak’ e gidii’ ni bayi aw fare yiko’ ngak’ nib gel.
Bin ba’aray e duw nike thumur, fare Galasia e pi’ gonpa’an 100 e project u dakan e fayleng, ni nge ayuweg e gidii’ ni ke aw e yiko’ ngoraed, nifiy, flath, duruq, nge ku boech e magawon. Ngayal’ nrayag, gidii’en e Galasia e be pi’ e ayuw ngak’ e pi cha’en ni kar gafgow gaed ni bachan fare mad’ad. Tiney e ayuw, e bo’or i gimed nibe rrin’, ni’ir aray fare michib.
Pi walageg, tin ba’aray ni kug weliy mornga’agen e ri buch’uw ko pi n’en ni ma pi’ Fare Galasia ku Yesus Kristus ni fan ko Gidii’en Got ko tin Tomur e Rran e ayuw riy.10 Ma gur e gamed be ligin e pin’ey ninge buch. Ni bachan e ngongol rom nib mangil, nge gum’ircha’em nib mangil, nge ayuw ni gabe pi’, ni array fan ni nam nge tiyugang’ ko government e yad be og nag e magar ngom.11
Nap’an ni kug mang President ko Galasia, ke gin owcheg ngay ko urngin e pi presidents, prime ministers, nge ambassadors nike pining e magar ngog ni bachan e pi ayuw rodaed ngoraed. Ma yaed be pining e magar ko gelngin e mich rodaed ni gadaed be pi’ ko nam roraed, gadaed be pi’ e ayuw nib mangil.
Ma ke ggin owcheg ngay ni tiyugang’ e ke guy mad e Bin Somm’on e Presidency ma yad be yog ni yaed be athapeg fare Galasia ni ngan toy ko nam roraed. Mang fan? Nib bachan e yaed manang ni Gidii’en Got ko tin Tomur e Rran e ra ayuweg ngan tay e tabinaew nge binaew nib gel, me fal’ rogon e yafos nfan ngak’ boech e gidii’ ni demtrug yang ni yaed be par riy.
Demtrug ko ggin ni gadaed be par riy, gidii’en e Galasia e yaed ma tay fan ni Chitamangiy Got nge gidii’ e bugi walag. Arragon, falfalaen’ nib gel nra yib ngodaed nap’an ni kad ayuwegned fapi walagdaed, demturug ko gin ni yaed be par riy u fayleng.
Ayuweg e gidii’—ngan gay rogon ni ngan tu’ufeg boech e gidii’ fa bgel nga rogon ni gadaed be tu’ufegdaed—iraram e falfalaen’ rodaed. Ni rib ga’ ni ngayal’, ngug uneg ngay, ni dabundaed fa ngayal’ ni dan macham gaed ngay.. Fol ko fare bin migid e motochiyel e iraram fare kiy ni ngan mang gachalpen Yesus Kristus nib riyul’.
Pi walageg, gamed e fapi ya’an e fanow ko fare wa’amngin nima yib nap’an ni yima fol ko fapi michib rok Yesus Kristus. Gube pining e magar ngom! Guba’dag med!
Gu manang nib fos Got. Yesus e Ir Kristus. Fare Galasia Rok’ e ke sulyarmen ko tin tomur e rran ni nge rrin’ fapi murwel nfan. Gube micheg u dakean fithngan Yesus Kristus, amen.