Ni par ko Mʼag
Ni ngan taʼareb ngak Got mag daed yan u tʼabang ko fare paʼ i kanawoʼ Rok ko mʼag i ir e taʼawath.
Pi walageg, reb e bitir ko Primary e be fil rogon e meybil. “Ke magar ko fare letter A, nge letter B, … fare letter G.” Fare meybil ko fare tir e be ulʼul, “Ke magar fapi letter X, Y, Z. Chitamangiy nbay u Tharmiy, kamagar ko fare nambar 1, fare nambar 2.” Fare sensey ko Primary e be laem machane me soen. Me gaʼar fare tir, “kamagar ko fare nambar 5, fare nambar 6—ma kamagar ko fare sensey rog ko Primary. Kemus e chaʼen nike pegeg ko muʼnag e meybil rog.”
Chitamangiy nbay u Tharmiy e ma motoyil ko meybil rok gubin e bitir. Ko tʼufeg rok ndarmamus, ke piningdaed ni nge michuwunʼdaed magdaed par ko fare mʼag.
Biney e fayleng ab sug ko tin nde riyulʼ, balyangaenʼ, nge tin nde matʼaw. Boʼor banʼen nibe mʼug nde riyulʼ nge dariyʼ gelingin. Napʼan gadaed ra chuweg fare yaʼan de riyul, min guy, e tin ndbuy nge tin ni yibaʼdag, ma gadaed baʼdag boech, fa kemus ntin ngonglan e fayleng banʼen. Rib mangil, nbay kanawoʼen ko fapi duwer nib gaʼfan.
Napʼan ni gadaed ra yib ngak e motochiyl rok Got nib gaʼ ni ngan Tʼufeg nge gidiiʼ nbay u chrendaed, gathi gadaed e gidiiʼ ni malekag machane woed ni bitir Rokʼ u tabinaew.1 Fare morngaʼagen rogon e duw e riyulʼ. Napʼan ni gadaed ra pag pangindaed u fayleng ko fare mʼag, gadaed ra periyʼeg ni gadaed ra mang e gidiiʼ nib manechubog2falʼ rogon, fos, mab riyulʼ—me dag e bin riyulʼ e thaʼ rodaed. Npar ko mʼag e kan falʼeg nge fol fapi micheg ngak Got nike piʼ ko yalen ni kan micheg nge tay chiylen ngak Got nge ngodaed nra fek gelngin fare runguy rok nge flaʼab nglan e yafos rodaed.3 Napʼan ni gadaed ra mʼag gubin rodaed, ma rayag rodaed boʼor banʼen. Npar ko mʼag ma piiʼ ngodad e tofen, rogon, nge gelngin ni nggu mang. Ra falʼig e mich ko yafos nge thapeg.4
Ma pi mʼag e ra gel nag fare tʼufeg ko nge ngak Got ni aram rogon ngak e gidiiʼ. Got, ni Chitamangiy nbay u tharmiy, e gadaed be tʼuf rok nib gel ma mnangdaed nib gel ngodaed. Mich ngak Jesus Kristus nge ngongol ni yibe thilyeg (kalʼngaenʼ) era fek e tʼufeg, murnguy, nge kalnganaenʼuy. Tiney e ma ayuweg e gidiiʼ nib kirbaenʼ, yigo ir rok, nge tin nde yag ngoraed e justice. Got Chitamangdaed nbay u Tharmiy e baʼdag ni ngad thapegned fare tawaʼath rokʼ ni thʼabi gaʼ—falfalaenʼ Rokʼ, fare yafos rok ni manemus.5
Got rodaed e Got ko mʼag. Ko rogon beʼ, Ir “ma tay chiylen fapi mʼag ma dag e murnguy.”6 Mʼag Rok e ma athamgil “ara faʼanra [rinʼ], u nʼumngin i napʼan ni bay e tayim, ara bayi paer e fayleng, ara nʼumngin i napʼan ni bay beeʼ u dakean ni ngan thapeg.”7 Gathi kadbad nga fayleng ni dariy e naʼab ma kadbaed ni ngad falfalanʼgaed magdaed fol ko fapi mʼag “nib fel ko fare gaf ko yamʼ”8
Pi motochiyel nge yalen rok Got e rayag ni nge rrinʼ gubin e gidiiʼ nrayag rok. Ku Got, gubin e gidiiʼ u gubin ngyang nge duw e rayag ni nge thapeg e tiney e yalen. Puf rogon i dugliy—rom e mil fan ngom ko ngam thapeg e pi yalen ney fa dangaʼ. Yalen ku Got e ma falʼeg kanawoʼen fapi mʼag Rok. Gadaed ma yog ni fare tonom rok Got ni ngan fek pi fak nga tabinaew e kanog e kanawoʼ ko thap ngay, kanawoʼ ko bayul, nge kanawoʼ ko falfalaenʼ. Tabayul, thap, nge falfalaenʼ ni manemus e rayag ni bachan Yesus Kristus “ni falʼag rogon fare Bayul nib poloʼ.”9
Ni ngan taʼareb ngak Got mag daed yan u tʼabang ko fare paʼ i kanawoʼ Rok ko mʼag i ir e taʼawath.
Sommʼon, mʼag rodaed e nge par nbay u lukngun Yesus Kristus niʼir “fare mʼag nib beʼech.”10 Gubin banʼen a rayag rodaed nib mangil napan ni ngad “biʼech nag u dakean Kristus … fare mʼag rokʼ e en Chitamangiy.”11 Gubin banʼen nib mangil nga fapi tawaʼath era yib ngak e pi gidiiʼ nib yulʼyulʼ nge madaʼ ko tomur. Fare “falfalaenʼ rokʼ e piʼin ni yaed mafol ko fapi motochiyel rokʼ Got” e ran “tawaʼath nagraed u fithikʼ gubin banʼen, ni tin u fayleng nge tin u tharmiy,” ma “yaedra paer rokʼ Got u fithikʼ … e falfalenʼ ni dariy nʼumngin i napʼan.”12
Napʼan ni gadaed ra liyor i mʼag rodad, rayag ni gadaed ra thamiy ni gadaed bay u charen fapi angel. Nra buch—pi gidiiʼ ni gadaed ba tʼuf roraed ma ke tawaʼath nagdaed ko barbaʼ fare veil nge ku boech e gidiiʼ ni gadaed ba tʼuf roread ma ke tawaʼath nagdaed ko barbaʼ fare vail.
Dawri nʼuw napʼan gag nge Sister Gong e kug giyew beʼ u aspital. Ba matam nib felʼ yangran nib tʼuf e aad ngak. Gidiiʼen e tabinaew rok e yaed be yor, meyil, nfan ni ngayag ngak e aad. Napʼan ke taw e thin ni kan perʼeg reb e aad, figirngin e gaʼar, “Gube athapeg ni biney gathon e tabinaew e kab felʼ rogonraed.” Ni ngan par ko fare mʼag e, thin rok fare Apostle Paul, “ra felʼ rogomed ko michanʼ rog era felʼ rogog ko michanʼ romed.”13
Kanawoʼ ko yafos, rayag nra moʼowar e mich rodaed ngak Got, ma Ir e darma chuw e michaenʼ Rokʼ ngodaed. Ni woed rogon, fare magal ko langan e mab rok e gubin ngayalʼ ma be matʼ raʼen. Ke piningdaed ni ngad bad fa ngad suled ko fapi mʼag nibe yan ko fare tonom Rokʼ. Be son nagdaed ni nge yibochboch nagdaed, ndemtrug ko gadaed “ma aram me sakʼiy nge sul.”14 Gadaed ra sap nga owchendaed ko rogon e ngongol, sap, fa rogon e tin ni ke buchbuch ulan e yafos rodaed, rayag ni nangad guyed fare murnguy rok nge athamgil, nib bagaʼ nu fithik fapi mowʼar rodaed, kirbaenʼ, nge gafgow, ni ku woed rogon e falfalaenʼ. Boʼor yay nma tun aydaed, faʼan gadaed ra ulʼul i yaen Ngakʼ, ra ayuwegdaed, ni buchʼuw ni buchʼuw.
Bin migid, fare Babyor ku Mormon e pow riy nrayag ni ngad koled nga paʼdaed fapi mʼag. Fare Babyor ku Mormon e ba talne murwel nibe micheg nran kunuy pifak Got ko reb e mʼag nib beʼech.15 Napʼan ni gadaed ra beʼeg fare Babyor ku Mormon, kemus rodaed fa ngak boech e gidiiʼ, demtrug ko ba achig lamandaed fa bagaʼ, rayag ni ngad fithed ngak Got “u fithikʼ e lʼaganʼ u gumʼirchaʼey, u fithikʼ e yulʼyulʼ, nib michanʼuy ngakʼ Kristus,” thapeg fare gelngin fare Kan ni Thothup ni miches Got ni fare Babyor ku Mormon ab riyulʼ.16 Biney ab muʼun ngay ni Yesus Kristus e ir fare Thathapeg rodaed, Joseph Smith e ir fare Profet ni fulweg yarmen e galasia, ma fare Galasia rok Somol e yibe pining ni fithngan—Fare Galasia ku Yesus Kristus ni fan ko gidiiʼen Got rokʼ ko Tin Tomur e Rran.17
Fare Babyor ku Mormon e bay e thin riy ni kakrom nge mʼag nfan ngom ni gur e pi fak Lehi, “gimed pifak fapi profet.”18 Pi chitamanginmed ni kakrom e kar thapegned e pi mʼag, gur pifak, ni garam nang langan e thin u lan fare Babyor ku Mormon.19 Fare lam ni gabe rungʼag e mich riy ni gur fapi “gimed e bitir ko fare mʼag”20 me Yesus e ir fare Saf nib Mangil.
Fare Babyor ku Mormon e be piningdaed, ulan fare thin ku Alma, ni ngadbad “falʼeged ba mʼag u thilmed [fare Somoel], ni [gimed] ra pigpig ngak mi gamed fol ko pi motochiyel rokʼ, ni ngey yog ni nge piiʼ e Kan ni Thothup rokʼ nga [dakeandaed].”20 Napʼan ni gadaed ra aʼdag ni ngad monʼog gaed—ni ta beʼ, “ntal i thamiy min gay rogon ngan par ni yib falfalaenʼ”—ma aram ni ran powiʼiydaed, ayuweg, min gel nigey. Rangad falʼegin e mʼag ngak Got nge michanʼdaed, rayag ni ngad thapegned fapi tawaʼath nbay ulan fapi machib rok Kristus22chiney.
Priesthood ni kan fulweg ni ngan yibliy gubin e pi bitir Rok e ir e bin dalip e mʼag. Biney e ngayalʼ, John fare Baptist nge fare Apostle Peter, James, nge John e kar bad ni yaed e fek e thin rok Got ni ngan sulweg fare gelngin e priesthood.23 Priesthood rok Got nge fapi yalen Rok e ma munguy nag e thaʼ u fayleng me piʼ motwon e thaʼ ko mʼag ni nge gel u tharmiy.24
Priesthood e rayag ni nge yibliy e bitir nib madway madaʼ ko ngyalʼ nike yimʼ—ko ngayalʼ ma piiʼ e fithingan ko bitir nge yibiliy ko malaang ea yamʼ. Tawaʼath ko priesthood e rayag ni nge fosag, me piʼ e gapas, me fanow. Ba matam e ke alanʼ ngak fak ni pagal nge madaʼ ko ngayalʼ chitimangen nike piʼ ngak fare priesthood blessing. Kemus ni yigo ir e chongin e galasia ulan gathon fare tabinaew rok, re pin ney e be marwar e tafney rok ko morgaʼagen e tʼufeg rok Got nge madaʼ ko ngayalʼ nike thapeg fare yibily ko priesthood. U dakan e fayleng, be nima piʼ e patriarch blessing e falʼegin rogon nib thothup ni nge piʼ fare tawaʼath. Napʼan nra tay fachaʼ nima piʼ fare patriarchal blessing paʼ nga dakan lolgem, ra thamiy me weliy ngom fare tʼufeg rok Got ngom. Me yog ko bin thaʼ e gabay riy u Isreal. Me piʼ e tawaʼath ni kab rok Somol. Mangil e biney e tafney, ppin rok beʼ nima piʼ e patriarchal blessing e yog ngog ni ir nge tabinaew rok e ra pinngew fare Thothup ko ngayalʼ nibe piʼ e papaʼ rorow fare patriarchal blessing.
Bin tomur, fare tawaʼath ko mʼag nbay napan ni ngad leaked fare profet rok Somoel nge falfalaenʼgad u dakan e mʼag ko mabgol Mʼag ko mabgol e manemus napʼan ni gadaed ra turguy ni ngad ted e falfalaenʼ rok figirngindaed nge pi gathon e tabinaew rodead u mʼon ko tirodaed. Napan “gag” ra mang e “gadow,” ilaal u taʼabang. Plibthir gow u taʼabang; achichig gow u taʼabang. Napʼan ni gadaed ra tawaʼath nag e yafos ko gidiiʼ magdaed pagtalin niged gadaed, ma gadaed ra perʼeg e athap nge falfalaenʼ, ko ngayalʼ riy nge manechubog.
Boʼor banʼen nib thilthil, napʼan ni gadaed ra rrinʼ urning nrayag rodaed, gelngin nrayag rodaed, magdaed fith ngak ni nge ayuwegdaed, fare Somol e ra powiʼiydaed, ko ngayalʼ rok, rok fare Kan ni Thothup.25 Mʼag ko mabgol e kan mʼag nga taʼabang ko nʼen ni ke dugliy faglichaʼ u taʼabang—poguran Got nge tayfan ko fare melʼeg nge fare tawaʼath ko ayuw rok napʼan ni gadaed ra gay.
Waʼamngin e mʼag e bay ulan e tabinaew rog ni bukum e duw ni kug thamiyed ulan e tabinaew romaed nge gumiʼirchaʼenmaed. Wenig mu dag ngomed udaken a susun rog u yafos rog
Napʼan Sister Gong nge gag e be felʼ e thin romow ma ban ni ngu mabgol gow, kug fil morngaʼagen e turguy nge melʼeg rog. Bay bangyalʼ, ni gamow be par nib thil e nam romow. Iraray fan ni yag ngog e PhD ko international relations.
Napʼan ni kug fith, “Chitamangiy nbay u Tharmiy, ngu langʼiy Susan?” Kug thamiy e gapas. Machane kemus ni ngayalʼ ni kug nang rogon ni ngu meybil u fithik e michaenʼ, “Chitamangiy nbay u Tharmiy, rib tʼuf Susan rog ma gu baʼdag ni ngu langʼiy. Gube micheg nag ni gara mang e matam nge figirngin nib mangil”—napʼan ni kug rrinʼ me dugil e tafney rog, fin aram e kug thamiy fare thothup nib alarmin.
Chiney ea Gong nge Lindsay FamilySearch ko tabinaew, yat, nge sassing e ke ayuwegmew kug perʼegnew, kug puthuyew, nga taʼabang ulan e yafos rok pi gidiiʼen daed ni kakrom.26 Fan ngodaed, tayfan ab muʼun e:
Thing-Taw Alice Blauer Bangerter, ning paʼ ni dalip yay ulan taʼboran, ni taʼaboch riy me fith ngak e pumoʼon rok ni nge ayuweg ya nge yag ni nge wupmad falʼig e maad nge biʼeg e babyor utaʼabong.
Thing-Tuw Loy Kuei Char ni kokoʼnag pifak nge chugum roraed u dakan ba donkey ngar bad nge Big Island Hawaii. Boʼor e duw ni fare gathon e tabinaew ko Char e bagel e gafgow ni karted nike tawaʼath nag e tabinaew romaed e dabay.
Titaw Mary Alice Powell Lindsay ke par titaw ni laal e bitir nbay rok nib achig napʼan ni yimʼ figirngin nge bin ilalʼ i fak nib pagal nge palog thalin Ndariy figirngin ni 47 e duw, Titaw e chugliy e tabinaew rok nib muʼun e ayuw rok e tiyugangʼ ko galasia. Napʼan e tinem e duw ni kakrom, Titaw e micheg nag ngak Somol ni faʼan nra ayuweg, ma dariy biʼid nra dur. Fare Somol ke ayuweg. Dariy biʼid ni dur.
Pi walageg, micheg ko fare Kan ni Thothup, gubin banʼen nib mangil a bay u lukngun Got, niʼir fare Chitamangiy, nge Fak, Yesus Kristus, nge fare Bayul Rok. Somoel rodad, Yesus Kristus, e ir fare bin beʼech e mʼag. Pi e mʼag ku Yesus Kristus niʼir fare bin fab fare Baybor ku Mormon.27 Ko oath nge mʼag, Got e sulweg yarmen fare gelngin e priesthood nge ayuweg pifak Got, nib muʼun e mʼag ko mabgol ngay, thaʼ ko tabinaew ni kakrom, nge tawaʼath ni tataʼreb.
Fare Tathapeg e gaʼar, “I gag fare Alpha nge Omega, Kristus fare Somol; arragon, I gag Ir, ko tin sommʼon nge tin ntomur banʼen, fare Tabayul ko fare fayleng”28
U sommʼon rodaed, bay rodaed, ko urngin gubin fapi mʼag rodaed, nge madaʼ ko tin ntomur. Gube micheg u dakaen fithingan nib thothup Yesus Kristus, amen.