Pi Tamicheg, Pi Aaronic Priesthood Mo’olung, nge Klass nifan e Young Women

Keb rok President Russell M. Nelson

Pi thilyeg ney kug weliy’ed ra ayuweg e fapi pu’moon nge ppin nib yangren ningar ilal’gaed ko tin rayog roraed ko ya’el roared.

Pi walageg, marib mangil ningu guymed bayay nap’an e general mo’olung ney. Fowplaen’, ke yaen e milwol ngak urngin e chongin Galasia marunga’gen e thilyeg ko mini’ ni nge Tamicheg ko tawfe nge gam’ing ko m’ag. Gube a’dag ningu weliy’ pi milwol ney.

E tawfe nib proxy ni fan e bee’ ni yam’ rayog ninge tamicheg e bee’ nibay e temple recommend rok, nibe un ngay e limited-use recommend.
Urngin e chongin ni kan thapeg e endowment rok nge bay e temple recommend rayog ningar mang e tamicheg ni fan e gam’ing ko m’ag paa, ni fan e gidii’ nib fas nge yam’.
Urngin e chongin Galasia kan tawfe nag rayog ninge mang e tamicheg ko tawfe ko e bee’ nib fas. Biney e thilyeg ma yaen ngak urngin e tawfe u wuru’ e temple.

Biney e thilyeg i yaedma procedural. Fapi kenginn ko fapi machib nge mich’micheg ney dabki thilyeg ni yaed ta’abrogon ni fan urngin e gam’ing. Yaedba ta’abrogon ko urngin e gam’ing. Fapi thilyeg ney ra gel nag e ngongol ko tabinaew ningar uned pi gam’ing ney.

Gube a’dag ninggu non ngomed chiney marunga’agen e thilyeg nib t’uf ko pi gidii’ nib yangren rodad nge tiyugang’ roared.

Ragam pugurran ni Kug pinning fapi gidii’ nib yangren ko Fare Galasia ku Yesus Kristus ni fan e Gidii’en Got ko Tin Tomur e Rran ningar uned e ulungi salthaw ni fel’ yangraed rok Somoel ningar uned e muruwel nib thabi gaa’ u fayleng daba’—e mukun’gaed ko Israel.¹ Gube yoeg e pinning ngak fapi gidii’ nib yangren bachane yaed salapgaed ningar key’ag paa’raed ngak reb mar pii’ed e michaen’raed ngak u rogon nib fel’. Fare muruwel ko mukun i’ir e yang nib t’uf ningan ta’ermedliy e fayleng nge gidii’ riy’ ko fare bin La’agruw i Wub ku Somoel.

Ulan urngin e ward, fare bishop nibe yarmiy fare ulungi salthaw ko youth, i’ir e tapig’pig’ nib michaen’ ku Got. Bin somm’on e muruwel rok ni nge ayuweg ngak fapi pu’moon nge ppin nib yangren ko ward rok. Fare bishop nge pi counselor rok i yaedma powi’iy e muruwel ko fapi ulungi Aaronic Priesthood nge pi klass ko Young Women u ward.

Pi thilyeg ney kug weliy’ed ra ayuweg e fapi pu’moon nge ppin nib yangren ningar ilal’gaed ko tin rayog roraed ko ya’el roared. Gadad ba’adag ningad gelnag fapi ulungi Aaronic Priesthood nge klass ko Young Women ngar thapeged e ayuw ko pi bishop nge reb e tiyugang’ nap’an yadra pigpignag e m’fen ni bay yib.

Elder Quentin L. Cook ra non marunga’agen fatin nira thilyeg ni fan e fapi pu’moon nib yangren. Nge tabuch u nep’, nap’an fare general mo’olung ko ppin, Sister Bonnie H. Cordon, Young Women General President, ra non marunga’agen fatin nira thilyeg ni fan fapi ppin nib yangren.

Fare Bin Somm’on e Presidency nge Ragag nge La’agruw kad ta’areb daed ningad thapeged e rayog roared fapi gidii’ nib fel’ yangraed. Arragon, i yaed rib t’uf ngomaed ngad meybilgaed ni fanraed! I yaed fare “Athap ko Israel, ulungi salthaw ko Zion, fapi bitir ko fare rran nib micheg.“¹ Gadad ba gay e fel’ laniyaen’ ngak pi gidii’ nib yangren rodad ngad pinninged e magaer ngoraed, udakaen e fithingan ku Yesus Kristus, amen. U dakean fithngan Yesus Kristus nib thothup, amen.