Fare Falflaen’ rok Gidii’en Got
Falflaen’ ma yib nap’an ngad fol ko pi motochiyel, be gel ko magawon, nge pigpig ko bee’ ni boed rogon ni Ke pigpig.
Fare profet Enos ulan fare Babiyor ku Mormon, fak ko fak rok Lehi, ke yoloy ta’areb e ban’en ni ke buch ni kafram u yafos rok. Napan ke mokol ni yigo’ ir u fithik ea paen’, me tabab Enos i lem nag fapin’en ni fil ngak’ ea chitamag, i Jacob. Me yoeg, “fapi thin niʼir e bagaʼ ni guma rungʼag ni ma weliy e chitamag u morngaʼagen e yafos ni gubinfen, nge falfalaenʼ rokʼ fapi saints, e ri rich nib toʼaer nga lan gumʼirchaʼeg.”1 Fithik ea bilig ko ya’el ni bay rok’, me ragbug Enos, ni ke meybil, ma ba meybil ni rib mangil ni nap’an ea rran ni polo’ ma nap’an ea nep’, ma ba meybil ni yib nag ngak’ ea yi’iy nib ga’ fan, pi micheg, nge pi michmicheg.
Ba yo’or ni rayong ni ngan fil ko fapin’en ni buch ku Enos, machane be yib ngan’ug ea daba’ fare ke puguran Enos ni ke non chitaman ngak’ nib bo’or ea yay ni mornga’agen “fare falflaen gidii’en Got.”
Ulan e mu’ulung ney dalip e dew faram, President Russell M. Nelson ke non marunga’agen e falflaen’.2 Fithik kubuch, ke yoeg:
“Falflaen’ ni gadaed be thamiy kemus ni buch’uw ni be l’eg rogon ko rogon ea yafos rodaed mab l’eg rogon ko kenggin ea yafos rodaed.
“Fa’an gadaed ra tay tanam ko thapeg ku Got nga kengin ea yafos rodaed … nge ku Yesus Kristus nge gospel Rok’, ma rayog ni ngad thameyed falflaen’ gaed ni demitrug ko mang ea be buch —fa gathi be buch— u lane yafos rodaed. Ma yib ea falflaen’ ni bachan Ir. … Ko Gidii’en Got ko Tin Tour ea Rran, Yesus kristus ea falflaen’!”3
Gidii’en Got ea pi’in ni ke ’un ko m’ag ko gospel u daken ea tawfe ma yaed be gay rogon ni ngar fol gaed Kristus ni yaed Gachalpen.4 Arrogon, ”fare falflaen’ ea gidii’en Got” ea be yip fan ni ngan manged boed rogon Kristus.
Gu ba’adag ni ngu non ni mornga’agen ea falflaen’ ma yib nap’an ni gadaed be fol ko pi motochiyel Rok’, falflaen’ ni ma yib nap’an ni gadaed be gel ko kirebaen’ nge war u dakean Ir, nge fare falflaen’ ni yib u nap’an ni gadaed be pigpig ko bee’ ni boed rogon ni Ke pigpig.
Falflaen’ ko Fol ko pi Motochiyel ku Kristus
Gadaed ma par ko ngiyal’ nib mo’maw ma bo’or ea gidii’ ni dar nang fan ea motochiyel ku fare Somoel fa yaed be siyeg. Bo’or ea yay, ma gidii’ ni ma ’uuf ko motochiyel ko tharmiy ni boed fare motochiyel ku chastity, rogon nib yul’yul nge fare tin nib thothup ko fare Rran ni Madnom ea susun ea yaed be falflaen’ ma rayog ngoraed ea tin nib mangil ko yafos, ma boech ngiyal’ ea bo’or ko gidii’ ni ma gay rogon ni ngar pired ni yaed ba yal’uw. Boech ea gidii’ ea tabab i lemnag ni muruwel nge maligach roraed ea gathi bung. Fapi gidii’ nib kakrom ku Israel ea kar nonnon gaed ni yaed be ga’ar:
“Dariy angin ni ngan pigpig ngakʼ Got: ma mang falʼngin ni ngad ayuweged e pi gamʼing rokʼ, ma ku’udaroed nib kirebaenʼdaed u pʼoewchen fare Somoel ko Yoʼor?
”Ere chiney e gamaed be yoeg ni piʼin nib ʼuf e yaed ba falflaenʼ; arragon, piʼin ma rinʼ e kireb e ba felʼ rograed; arragon, piʼin ni ma wawliy Got ko lumel e riyulʼ ni danur gechig nagraed.”5
Am soen gaed, ea ke yoeg Somoel, mada’ ko “rran nem ni nggu fal’eg ea tirog ni macheaf. … “Ma arame bay … mu suloed ngam pirʼeged e nʼen nib thil ko tin nib matʼaw nge tin nib kireb, u thilin e chaʼ ni ma pigpig ngakʼ Got nge chaʼ ni dar ma pigpig ngakʼ.”6 Giddi ni gathi mat’aw ea “bay ra falfalaenʼ gaed ko pi muruwel roraed u taʼboechingiyal,” machane gubin ngiyal ma ba ngoch nap’an.7 Falfalen’ ko Gidii’en Got ea be athamgil.
Got ea ma guy ban’en ni mat’aw rogon, me dag ea rogoy nem ngodaed u dakean ea motochiyel Rok’, ni kayog ni be powiydaed nib cheefeg ea tin nib kireb ko re yafos ney, ni gadaed be gay ea falflaen’ ni manemus. Fare Profet i Josef Smith ea weliy: “Nap’an ni motochiyel rok’ ea be fil ngodaed ma ba manemus rogon; ya be sap ngodaed Got ni gowa’ dariy tungdaed. Ma par Got ni manemus ma dar ma guy ban’en ni boed rogdaed.”8
Dawor gu mada gow bee’ ni ke pireg fare gospel nib ilal’ ma de athapeg ni kayog ni nge pireg ni kab fel’ yangren. “O, tin nib kireb ni kug dugliy nge ku fapi oloboech ni yugu siyeg,” yaed ra yoeg. Fapi motochiyel ku Somoel ea ra powiydaed ko dugil nib fel’ boech nge paal nib falflaen’. Arrogon, thingar da faflaen’ gaed ngaed moeged ea magar ngak’ ni ke dag ngodaed rogoy ney ni rib mangil boech.
Nap’an ni kab fel’ yangren, Sister Kalombo Rosette Kamwanya nu D.R. Congo, ni be pigipig ko fare Côte d’Ivoire Abidjan West Mission, ea balay nag ea abich me meybil ni dalip ea rran nap’an ni fan ea nge pir’eg rogon ni ba’adag Got ni nge yaen ngay. Ulan ea lik’aay nib m’ang’ang, ma kan dag ngak’ la’agruw e na’un, ea chapel nge ku ban’en ni chiney ea ma nang ni binem ea temple. Ke tabab i gay me ngochngoch nap’an me pir’eg fare chapel ni ke guy u lan ea lik’aay rok’. Ke guy fare sign ni ga’ar, “Fare Galasia ku Yesus Kristus ni fan ko Gidii’en Got ko Tin Tomur ea Rran.” Sister Kamwanya ea tawfe ma arame ku chitinag nge nel’ ea walagen ni pagael. Ke yoeg ea Sister Kamwanya, “Fa’an gu thapeg fare gopsel, kug thamiy ni boed ea ’archea’ ni kan koel ma kan pag nge yaen. Kan suguy gum’ir’cha’eg ko falflaen’. … Kan micheg ngog ni Got ea ba t’ufegeg.”9
Nap’an ea gadaed be fol ko fapi motochiyel ku Somoel ea ma yoeg ngodaed ni ngaed thamiyed ea t’uf rok’ nib moem mab polo’. Kanawo’ nib yal’uw nge achigchig radan ko fapi motochiyel ea ma powiyey iyaen nga fare gakiy ko yafos, nge fare gakiy nge wamngin, bin ni th’abi athibthib nge “thʼabi athap u fithikʼ urngin mit banʼen,”10 ba yip fan fare t’uf ku Got ma be suguy fare ya’el ko“falfalaenʼ ni rib gel.”11 Yoeg fare Tathapeg:
“Fa’an gimed ra fol ko tin kug ning chiylen ngomed, ma gimed ra par ni gimed ba t’uf rog; ni bod rogon ni kug fol ko tin ni ning e Chitamag chiylen ngog gu be par ni ku gub t’uf rok.
“Kugog e re bugithin ney ngomed ni bochan e nge par e falflaen’ rog u fithik’ i lanin’med, nge yan i mus ngarogon e falflaen’ romed.”12
Fare Falflaen’ ni Kan Gel u dakean Kristus
Nap’an ni gadaed be fol ko fapi motochiyel ni gadaed ba yul’yul’, ma bay boech ea tin momaw’ nge tin nib magafaen’ ni rayog ni nge tal’ ea flaen’ rodaed. Nap’an ni gadaed be gay rogon ni ngad gel gaed ko re mo’maw ney ni be ayuwegdaed fare Tathapeg, ma ra ayuweg ea falflaen’ ni gadaed be thamiy ea chiney, nge thamiy ni gadaed be soen nag.” Got e ke yoeg ni, “ U lane fayleng ma thingar mu thamiyed e wagagay: machane ngam falfalan’ gad; kug gel e tin nu fayleng banen.”13 Nap’an ni ngaed chel gaed Ngak’, ngad fol gaed Ngak, ngaed ’m’ag ngak ma mo’maw nge kiribaen’ ney ea ra mang ea falflaen’. Nggu goeg reb ea susun.
Nap’an ea 1989, Jack Rushton ea ke pigpig ni’ir ea president ko fare Irvine California Stake ulan fare United States. Nap’an ea milekag ko tabinaw rok’ u fare dap’ilay u California, Jack ea ke bodysurf me pirdiiy ba n’eew nga ba war u fithik ea day, me t’aer ea ngure’ u l’ugun min kireb nag ea keru’un ni rib gel. Taboech ma ke yoeg Jack, “Chingyal’ nem ni kug taw, ma kug nang ni kug mugutgut”14 Dabiyog ni nge non fa pogo fan nigo’ ir.15
Tabinaw, fagar, nge gidii’en ea stake rok ea kar baed ngak’ nagar ayuweged yow ppin rok’, i Jo Anne, ma, fithik kuboech pin’en, ma kar fal’eged bayang ea tafrow nifan ko wheelchair ku Jack. Jo Anne ea ’i paer ni’ir ea cha’n ni ma ayuweg ni 23 ea duw nge yib. Be non u mornga’agenea yaat ko Fare Babyor ku Mormon ni ke yib Somoel ko gidii’ rok’ u fithik ea kiribaen roraed me ba’ed nag ea mo’maw roraed,16 i yoeg Jo Anne, “Gu be gin nibo’or ea yay nib ba’ud gum’irchaeg u nap’an ni gu be ayuweg ea pum’on rog.”17
Kan thilyeg ko warrun me yog ni nge non, me dawori yan ea duw, me kan pining Jack ni’ir ea sensey ko Gospel Doctrine nge ku patriarch ko stake. Fa’ani yibliy bee’ ko patriarchal blessing, ma kureb ea priesthood holder ea ke tay paa’ Brother Rushton nga lolugen cha’ ni yibe yibliy me dunubiy paa’ u nap’an ni ke yibliyey. Ke yim Jack Rran ni Kirstmas ko 2012, ni ke yaen 22 ea duw ni ke muruwel ni rib gel.
Ta’ ea yay u lan ea interview, ke yoeg Jack ni ga’ar: “Magawon ea bay yib ko gubin ea yafos rodaed; binem ea bayang ko yafos rodaed u dakean ea re fayleng ney. Ma boech ea gidii’ ea be lem nag ni galasia ara mich ko Got ea bayi ayuwegey ko tin nib kireb. Gu be lem nag ni gathi arrogon. Gu be lemnag ni fa’an ra be gel ea mich radaed, ma ra yib ea tin nib kireb, ma bayi buch, ma rayog ni ngaed gel gaed ngay. … De waer ea mich rog, machane yug amrogon ni de yip fan ea binem ni dag kiribaen’. Gu be lem nag ni yan som’on ko yafos rog ma kan pii’eg ko limit rog, me ere kug chel ku Somoel, me yib nga daba’. gu be thamiy ea falflaen’.”18
Yaney ea ngiyal’ ko tin nib kireb e nge yib u dakean ea social media nge powchean bee’ ko pi’in ni be gay rogon ni ngar fol gaed ea motochiyel ku Somoel ko mad, entertainment, nge tin ni gathi darngal. Bo’or ea yay, ma fapi fel’ yangren nge pilal nib fel’ yangren ko gidii’en Got, nge ku piin nge matiin, ea bay roraed fare kuruth ko kuu’ nge moning. Gathi moem ni ngan chibiy nga lang u daken ea tin kireb nem, machane ’am lemniged ea pi thin ku Peter: “ fa’anra nog e thin nib kireb ngomed ni fan e gimed girdi’en Kristus; ya ra arrogon ma fare Kan nib sorok ni aram fare Kan Nthothup rok Got e ke yib nga dakenmed: u lungraed, mar roeged e tin togan u mornga’agen, machane u lungmed ma moeged ea sorok ngak.”19
U lan fare Milaay nu Eden, Adam nge Eva ea ra pirew ko ba dodow ni dariy thibngirow, ”dabiyog ni ngar falfalaenʼ gow, ya dar nangew e kirbaenʼ.”20 Ere chiney, ni gadaed bay thibngidaed, ma gadaed be pir’eg ea flaen’ u daken ea gel ko kirebaen’ ni demitrug ea mit, ni binem ea denen, momaw, ware nge gubin mit ea togopluw ko falflaen’. Biney ea falflaen’ ni gadaed be thamiy ea mon’og u dakean ea kanawo’ ko gachalpen; fare falflaen’ ni “ni ke chuw machaan e pi denen roraed, me gapas laniyaenʼraed”21 fare falflaen’ ni yibe be thamiy ni be gaa’ ea ya’el bee’ nge yibe gaa’ u dakean ea murnguy ku Kristus.22
Fare Falflaen’ ko Pigpig ni boed ea Kristus ma pigpig
Fare Tathapeg ea be pir’eg ea falflaen’ u daken ea yib nag ea yafos ni dabimus nge yafos ni manimus23 Yibe non mornga’agen fare Biyul ku fare Tabiyul, Ke yoeg President Russell M. Nelson ni ga’ar:
“Lane gubin ea ban’en, Yesus Kristus ea wok rodaed, ‘ni fan ea flaen’ ni kan tay nga p’oewchen ma kan kuruth nag’ [Hebrews 12:2]. Mu lemniged ea binem! Fan ni nge athamgily fabin th’abi gel ea amiith ni kan thaniy u dakean ea fayleng, ma Tabiyul rodaed ea lem nag ea flaen’!
“ma mang fare flaen’ ni kan tay nga p’oewchen? Arrogon ni binem ea falflaen’ ni nge bi’ech nagdaed, nge gol nag daed, nge gel nagdaed; fare falflaen’ ni nge pii’ pulwon ea denen ko gubin ni ra kalngaen; fare falflaen’ ni nge yog nag ni ngad suled nga tharmiy- ni gadaed ba bi’ech nge mat’aw- ni ngad pired ko Galibthir nu Tharmiy nge pi chongin ea tabinaw.”24
Boed rogon, fare flaen’ “ni kna tay nga p’oewchdaed“ ea fare flaen’ ni gadaed be ayuweg fare Tathapeg ko muruwel rodaed ko biyul. Gadaed ea pifak nge bitir ku Abraham,25 gadaed be ’un ko ayuweg gubin ea tabinaw ko fayleng “ko fapi towath ko fare Gospel, ni fare towath ko thap, ko yafos ni manimus.”26
Be yib ea thin ku Alma nga lanin’ug:
“Ireray e ʼuf rog, ni sana rayog ni nggu mang talin e muruwel u lan paʼ Got ni nggu fek boech e gidiiʼ iyib ko kalngaenʼ; ma biney ea flaen’ rog.
“Ma musap gaed, napʼan nug guy nib yoʼor i walageg ni riyulʼ ni kar kalgaed ngaenʼraed, marbaed ngakʼ fare Somoel ni Got roraed, ma arame risug dugreg ko falfalaenʼ. …
“Machane dagur falfalaenʼ ko muruwel rog ni ke muguʼul ni yigoʼ gag ngay, ya kar gu falfalaenʼ ni bachan e ke muguʼul e muruwel rokʼ pi walageg, ni yaed e kuʼur moyed ko fare binaw ku Nephi. …
“Chiney, e napʼan ni gura lemnag e muruwel rokʼ pi walageg ni muguʼul ma yaʼel rog e arame kan fek iyaen, nge yaeni madaʼ ko ngiyalʼ ni ke kiiʼ ko dagur, nrogon niʼ immoy, ere rib gel e falfalaenʼ rog.”27
Fapi wa’amngin ea ayuw rodaed ngodaed u lan fare Galasia ea bayang fare falflaen’ ni “kan tay nga p’oewchdaed.” Nap’an ea ngyial’ ko magafaen’ nge momaw, ma rayog ni ngad pigpig gaed ni gadaed be gum’aen’ ni fa’an gadaed ra lem nag fare falflaen’ ni gaded be pii’ ea flaen’ Got ngad pii’ed ea tamilang, ayuw, nge falflaen’ ko bitir Rok’, ni walagdaed ni ppin nge pumo’on.
Nap’an ni yow bay u Haiti fabinem ea pul ni fan ni nge thothup nag fare Temple u Port-au-Prince, ma Elder David nge Sister Susan Bednar ea kar mada’ gaed reb ea ppin nib fel’ yangren ni kan lii’ ea pumo’on rok’ ni ke yaen boech ea rran u lan ea kal nib kireb. Kar yoer gaed u ta’abang rok’. Machane yib ea Madnom me moey ea re ppin ney ko gin rok’ ni’ir ea usher ko fare services ko dedication, ni bay ea saminmin nib munguy ni fan ko gubin ni ke taw ko fare temple.
Ya mich rog ni thabi’ ga’ e “falflaen’ rok gidii’en Got” ma yib bachane ni ngad nanged fare Tathpeg ma wenignag nifan dad,28 “nge dariy bee’ ra nanged e falfalaen’ ni [ra sug nagdad] e e ya’el rodad [napan] ni ngad [rungan Yesus] meybil nifan dad ngak fare Chitimangiy.”29 Ku President Russell M. Nelson, gu be micheg ni falflaen’ ea thowath ko Gidii’en Got nib yul’yul’ “ni ke athamgiliy ea kuruth nu fayleng”30 mar “gayed rogon nib riyul ni ngar pired ni be mat’aw ea yafos roraed,ni boed rogon ni ke fil Yesus Kristus.”31 Nge sug ea falflaen’ romed, Gu be meybil u dakean fithingan Yesus Kristus, amen.