Gelngiy ni yibe Gel’ Ngak fare Mo’oniyan

Rok Elder Peter M. Johnson

Ko fare Medlipi Ragag

Ke urrogon ni ngad pir’eged e gapas, tay u wun’um gur e mini’, nge gel’ nag fare dalip e Ds ko fare mo’oniyan’?

Pi walegeg, kammagar ko gubin ga ba rrin’ ni ga ba, nge ayuweg boech gidii’ ni yad ba, gachalpen nib riyul’ ku Yesus Kristus nge falfalan gad ko fare tawa’ath ko temple nib thothup. Kammagaer ko pi athamgil rom. Gamed ba mangil; gamed ba pidorang.

E meybil rog ni ngad nanged fan fare machaen’ ko fare Kan ni Thothup nap’an ni ngad nanged fan ni gadad e bitir ku Got. “Fare Tabinaew: Thin nib Ga’fan ni fan ko Fayleng” ni ga’ar: “Gubin e gidii’—pumo’on nge ppin—ni kan sunmiy u dakean e ya’an Rok Got. Gubin ma ir reb e pumo’on fa ppin ni fak e galabthir rodaed nibay u tharmiy, nge, ku woed, gubin ma bay fan nga murwel rok’.”¹ Gadad ba “ya’el nib tha’bi mangil ni ke ayuwegdad ko ngiyal’ nib polo’ ni ba ayuw e sunmiy fare dayif ko muruwel ko tin tomur e rran nib tha’bi fel’.”² President Russell M. Nelson ke non: “Nike machib nagmed u fayleng nib ya’el ni ayuwegmed ko gubin ban’en ni ra rrin’ u tomur e rran (mu guy D&C 138:56). Binem e machib ba athamgiliy u romed.”³

Gamed ba fak nib pumo’on nge ppin nib tha’bi fel’ ku Got. Bay e gelngin rom ni ba gel’ nag fare mo’oniyan. Fare mo’oniyan, machane, ba nang ngomed mini’. Ir ma nang tin ni ke buch romed nge ir ba adag ni kireb nag mang rayong ni ngam rrin’ed nib fayleng nge ya’el u deaken ir ba fanay fare dalip e Ds:

Sabanban
Lumel
Muul’an’

Sabanban

Fare mo’oniyan ni ke fanay fare talin ko sabanban u ngiyal’ ku Moses. Fare Someol ke yoeg ngak Moses:

“Musap gad, ga ba fakag. …

Bay e muruwel Rog ngom, … nge ga ba ni ta’ab rogon Facha’ ni Ma’agirag.”⁴

Tomuren biney e lik’ay, Mo’oniyan ke adag ni baen ngak Moses. Fare thin rok e ba ga’ fan: “Moses, fak e pumo’on, liyoer ngog.”⁵ Fare sabanban ni kemus ni ba liyoer ngak Mo’oniyan, machane fare sabanban e thin rok ni ke weliy Moses ni ir e fak ko pumo’on. Mu tay u wun’um, fare Somel ni ke yog ngak Moses ni ir e fak ku Got, ni ke sunmiy ni ta’ab rogon Facha’ ni Ma’agirag.

Fare mo’oniyan de pag nap’an ir ba adag baen ngak Moses, bachane de motoyil Moses, ba yoeg, “Chuwriy, Mo’oniyan, ko biney e ta’areb e Got ni ngu liyoer, e Got nib rir.”⁶ Moses ke nang ir e mini’—e fak ku Got.

Fare think rok Somoel ngak Moses ni ta’ab rogon ngog nge ngom. Gadad ba sunmiy u dakean fare ya’an ku Got, nge ni bay e muruwel Rok ngodad. Fare mo’oniyan ba baen u dakean ngad pagtalin gad gadad e mini’ nib riyul’. Fa’an ra day ma nanged fan gadad e mini’, ni ba momaw ni ngad guyed rayog gadad e mini’ boech rran.

Lumel

Fare mo’oniyan ba use nag e lumel ni ki’eg gaed ko Kristus nge kanawo’ Rok. Elder Ronald A. Rasband e weliy e tin ba’aray: “Fare mo’oniyan ni ba adag ni lumel nagdad ko micheg nib ya’el, machane fare Somel ni ba adag ayuweg nagdad u muruwel Rok.”⁷

U ngiyal’ ney, ni ba bo’or e lumel, ni ba Twitter, Facebook, Instagram, gosgos, nge boech. Tiney e technology e ba mangil, machane fa’an ra dam lem nag, rayog ni ba lumel nagdad ko gelngin ni fal’ngindad. Ni ba use nag u llowan’ rayog ni ba’ gelngin ko tharmiy nge ni bay e ma’ang’ang nap’an gadad ba kunuy pi u Israel ko bin l’agruw barba’ ko veil.

Mu lem nag nap’an gadad ba use nag e technology.⁸ Gubin ngiyal’ ni gadad ba sap ko rogon ni technology ni ba chuchugur nagdad ngak fare Tathapeg nge ayuwegdad rrin’ muruwel Rok nap’an gadad ba ngongoliy ko Bin L’agruw i Wub.

Muul’an’

Bin tomur, fare mo’oniyan ba adag ni gadad ba muul’an’. Sana’ gadad ba muul’an nap’an ngad boeded ngak boech gidii’ fa thamiy rayog ni ngad rrin’ed boech.

Nap’an kug tabab skul ko doctoral, kug thamiy muul’an’. Fare skul ke fel aningeg e student duw nem, nge fapi bitir nu skul nib llowan’. Kad rrin’ed tha’bi mangil ko sikeng rodad nge ni bay bo’or e ngiyal’ rodad ko management, nge kad nanged yad ba mangil. Tomur l’agruw e wik u skul, ke yib e thamiy rog ko muul’an’ nib gel’, ke sug ngog.

Kug mel’eg ni fa’anra ngu mu’ skul ney, ngu bi’eg fare Babyor ku Mormon gubin e semester. Gubin rran nap’ kug bi’eg, kug fil ni fare Taathapeg ra fil gubin ban’en u dakean fare Kan ni Thothup nge ra tay u wun’ug gubin ban’en.⁹ Ke ayuwegeg ni ngu nang fan ni gag e fak ku Got, tay u wun’ug ni dabi boed ngak boech gidii’, nge pi’eg e gel’ u muruwel rog nib ya’el.⁹

Pi fagar rog, wenig dabi pag bee’ ba fek falfalan’ rom. Damur boed nag boech gidii’. Wenig mu tay u wun’um fare thin nib t’uf ko Tathapeg: “Gapas Gu ba pii’ ngom, gapas rog ngu pii’ ngom: dab gu pi’ ngom ni bod rogon nma rin’ e gidii’ nu fayleng. Dabi magafan’med ma dabi wagagey lanin’med, ma dab mu tamdaggad.”¹¹

Urogon ni rayog ngad thapeged e thothup? Ke urrogon ni ngad pir’eged e gapas ney, tay u wun’um gur e mini’, nge gel’ nag fare dalip e Ds ko fare adversary?

Bin somm’on, tay u wun’um ni fare bin somm’on nge tha’bi ga’ e motochiyel ni ba adag Got u gumircha’dad, gelngin, tafiney, nge gel’ rodad.¹¹ Gubin ni ngad rrin’ed ni bachane gadad ba adag Ir nge Fak Rok. Nap’an gadad ba gel’ nag adag rodad Ngorow napan ngad folgad fapi Motochiyl rorow, rayog ni gadad ba adag boech gidii’ nge gadad be gel’. Gadad ba tabab ni pigpig tabinaew nge pi fagar bachane ngad guyed ni ta’ab rogon fare Tathapeg ba guy raed—fapi fak nib pumo’on nge ppin’ ku Got.¹²

Bin l’agruw, meybil ngak fare Chitamangiy u dakean fithingan Yesus Kristus gubin e rran, gubin e rran, gubin e rran.¹³ Ni u dakean e meybil rayog ni ngad thamiy e t’uf ku Got nge ngad daged ngak t’uf rodad Ngak. U dakaen e meybil rayog ni ngad pinning e magar ngak nge fith ko gel’ ni ngad folgad kanaow Rok Got nge Ir ba powiiydad u gubin ban’en.

Gu ba adagmed ni ngam “meybil gad ngak fare Chitamangiy u polo’ i gelingin gum’ircha’med, ni nge yog ni nam sug gad ko re adag ney, … ni nge yog ni ngam manged pi fak nib pum’on [nge ppin] ku Got; ni nge yog u nap’an ni nge yibi m’ug ma kad boeded ir.”¹⁵

Bin dalip, mu bi’eg nge fil fare Babyor ku Mormon gubin e rran, gubin e rran, gubin e rran.¹⁵ Fil rog ko fare Babyor ku Mormon nib mangil nap’an ni bay e duwer rog. Nap’an gadad ba bi’eg nap’an ni bay e duwer rodad, rayog ni bay e yi’iy nge ngad nanged fan ni fare Profet Joseph Smith ke non e riyul’ nap’ ke yoeg, “Fare Babyor ku Mormon [e] ire th’abi mat’aw e thin riy u fithik’ e pi babyor nu fayleng, … ma rayog ni nge chugur be’ riy ngak Got u dakean yalen e paer riy, ni dabiyog ni rin’ yuken e babyor.”¹⁶ Ni bay e think ku Kristus u lane fare Babyor ku Mormon nge ba ayuewegdad tay u wun’dad gadad e mini’.

Bin tomur, mu fek e sacrament u fithik e mich gubin e wik, gubin e wik, gubin e wik. Ni u dakean e pi m’ag nge gam’ing ku priesthood, ere fare sacrament, ni fare gelngin ko got ni bay u yafos rodad.¹⁷ Elder David A. Bednar ke fil: “Fare gam’ing ko sacrament e ba ayuw nib thothup ni ngad kal’ngandad nge bi’ech nag nib ya’el. Ke mus ni ngam fek fare sacrament, ni dabi bi’ech, nag denen rodad. Machane nap’an gadad ba ngonngoliy ko biney e gam’ing nib thothup ni nge rrin’ u fithik m’ingan’ nge kalngan’, ni bay e Kan ni Thothup Rok Somel ngodad gubin ngiyal’.”¹⁹

Nap’an gadad ba fek fare sacrament u fithik e sobut’an, ngad wun’dad Yesus ke gafgow u milaey’ nib thothup ni ke kanoeg Gethsemane nge maligach Rok u dakean e kruth. Gadad ba pinning e magar ngak fare Chitamangiy ni ke pii’ facha’ ni Ma’agirag ni Fak, Tabiyul’ rodad, nge ngad daged ni gadad ba adag ni fol motochiyel Rok nge dagur ma pagtalin gad Ir.¹⁹ Ni bay llowan’ nib thothup ko fare sacrament—e ba chugum, e ba gelngin, nge e ba t’uf.

Pi fagar rog, gu ba micheg nap’an gadad ba adag Got ko gum’ircha’dad nib polo’, meybil u dakean e fithingan Yesus Kristus, fil fare Babyor ku Mormon, nge fek fare sacarament, rayog ni ngad rrin’, u dakean gelngin rok Someol, gel’ nag fapi sabanban rok mo’oniyan, nge buchuw nag fare lumel ni ba kireb nagdad, nge dabi tharmiy fare muul’an’ ni ba momaw nag ni ngad tharmiy gad fare t’uf ko Chitamangiy nu Tharmiy nge Fak. Ngad nanged fan nib polo gadab ba fak nib pumo’on nge ppin ku Got.

Pi walageg, gu ba pi’ ngomed t’ufeg rog nge non ngomed m’ag rog ni gu ba nang Chatamangiy nu Tharmiy ba par nge Yesus e fare Kristus. Gube a’dag row. Fare Galasia ku Yesus Kristus ni Fan ko Gidii’en Got ko Tin Tomur e Rran e ba gil’ilungun Rok Got u dakean e fayleng. Ni bay e muruwel nib thothup rodad ni ngad ngongoliyed fare fayleng ko fare Bin La’agruw Wub ko fare Messiah. U dakean fithngan Yesus Kristus, amen.