Ñambopypukúvo ñane konversiõ Jesucristo-pe
Escritura-kuéra ha ñande kuaapy Tupãgui ha’e umi don, don-kuéra ha’e umi py’ỹieterei ja’éva oĩetémaha. Ñamomba’e umi tovasapy.
Aguyjevete, élder Nielson, ne mensáhe porãitére. Roikotevẽkuri.
Che hermano ha hermana-kuéra pejehayhuetéva, presidente Russell M. Nelson ramoite ñanembo’ékuri, “Tojejapo porã oimeraẽva mba’e oikotevẽ ñeha’ãre. Tojeiko Jesucristo discípulo añetéramo ndaha’éi peteĩ excepción. Fe ha jerovia Hese ñemongakuaaa oikotevẽ ñeha’ãre. Umi rrekomendasiõ ome’ẽva ñandéve apytépe ñamongakuaa hag̃ua ñande fe Jesucristo-re oĩ toiko ñandehegui umi temimbo’e komprometído, tajaike Escritura-kuérape jaikuaa porãve hag̃ua Cristo misiõ ha ministerio. Tojehecha ““Cristo oikovejey; jerovia Hese omomýita umi yvyty,” LiahonaMayo 2021, 103)
Mormón Kuatiañe’ẽme jaikuaa umi Escritura ha’eha peteĩ Lehi familia parte importante, upe Nefi ha iñermanokuéra ojevy jey peve Jerusalén-pe ohuytyhy hag̃ua umi plancha de bronce (tojehecha 1 Nefi 3–4.
Escritura-kuéra omombe’u Tupã volunta ñandéve g̃uarã ojapo haguéicha upe Liahona Nefi ha itúvape g̃uarã. Omopẽ rire hi’árko, Nefi oikuaase moõpa ohova’erã ojuhu hag̃ua tembi’urã. Itúva, Lehi, omaña upe liahónare ha ohecha umi mba’e ojehaiva’ekue. Nefi ohecha umi manesílla omba’apo jojaha fe, kyre’ỹ ha ñeñangareko oñeme’ẽháicha chupe. Avei ohecha jehaipyre hasy’ỹ ojelee hag̃ua ha omyesakãha umi Ñandejára rape. Oikuaa Ñandejára ojapoha tuicha mba’e michĩvéva rupive. Iñe’ẽrendu umi instrucciones ome’ẽvare upe Liahona. Ojupi montáña ári ha ohupyty tembi’u hogayguápe g̃uarã, ohasa’asyetéva’ekue ndorekóire. (Tojehecha 1 Nefi 16:23–31.)
Chéverõ g̃uarã Nefi ha’eva’ekue peteĩ estudiante ojededikáva Escritura-kuérape. Jalee Nefi ojedeleitahague umi Escritura-pe, ojepy’amongeta hesekuéra ikorasõme, ha ohai ita’ýra ha itajyrakuéra oikuaa ha oñevenefisia hag̃ua (Tojehecha2 Nephi 4:15–16).
Presidente Russell M. Nelson he’i:
“Jasegíramo tenonde jajedeleitávo Cristo ñe’ẽme, ha ñañeha’ãmbaitéramo ipahaite peve, … [jahupytýta] tekove opave’ỹva’ [2 Nefi 31:20].
“Jererohory he’iseve upe ñetanteáguinte. Jererohory he’iseve ñeikũmby. Ñaikũmby Escritura-kuéra jaestudiávo peteĩ espíritu orekóvare descubrimiento hetereíva ha ñe’ẽrendu ijojáva. Ñaikũmbýramo umi Cristo ñe’ẽ, opyta oike ‘umi korasõ ro’o tabla-pe’ [2 Corintios 3:3]. Oiko chuguikuéra peteĩ parte integral ñane naturaleza-gui ” (“Vivir según la guía bíblica,” Liahonaenero. 2001, 21).
Mávapa umi mba’e jajapova’erãmo’ã ñane ánga oikũmbýrire umi Escritura?
Ñande taha’e parte upe Israel ñemono’õme mokõive vélo ládope okakuaavéta. Normal ha natural-ta ñainvita ñane familia ha amigokuérape tohendu misionero-kuérape. Ñanderekopotita ha jarekóta peteĩ recomendación vigente jaha hag̃ua témplope py’ỹive ikatuháicha. Ñamba’apóta jajuhu, ñambosako’i ha ñambou hag̃ua umi ñande antepasado-kuéra réra témplope. Ñañongatúta pe rrepóso ára, jahávo opa domingo ñambopyahu hag̃ua ñane konveniokuéra Ñandejárandi japartisipávo dignamente ja’uhápe Santa Cena. Japytaséta konvénio rapére, jaikóvo káda ñe’ẽ osẽvagui Tupã jurúgui (tojehecha Doctrina y Convenios 84:44).
Mba’e he’ise peẽme g̃uarã pe ñaikũmby umi Ñandejára mba’éva?
Ñaikũmby Escritura-kuéra ha’eiteve pe jarekóntegui ñembyahýi ha y’uhéi kuaaapýgui. Nefi oñandu peteĩ vy’a tuichaitéva opa hekove aja. Upevére, avei ombohovái umi dificulta ha ñembyasy (tojehecha2 Nephi 4:12–13). “Upevére,” he’i, “che aikuaa mávarepa ajerovia” (2 Nephi 4:19). Jaestudiavévo jahávo umi Escritura, ñaikũmby porãvéta Tupã plan de salvasiõ ha exaltasiõ, ha jaroviáta umi promesa ojapova’ekue Escritura-kuérape, upéicha avei umi proféta ko’ag̃agua promesa ha rovasapy.
Peteĩ ka’aru, che rembireko ha che roñeinvita peteĩ ore amígo rógape. Ita’ýra siete áño orekóva, David, araka’eve nohendúiva pe historia bíblica David ha Goliat, ha ohenduse. Añepyrũvo amombe’u pe historia, oñeñandu ipy’akyrỹi mba’éichapa David, ife ha Israel Tupã rérape, o’eri ha ojuka pe filisteo-pe peteĩ ónda ha peteĩ itáre, oreko’ỹre espada ipópe. (tojehecha 1 Samuel 17).
Omañávo cherehe umi hesa hũ guasúre, oporandu mbaretévo, “Máva piko Tupã?” Ha’e chupe Tupã ha’eha ñande Ru Yvagagua ha jaikuaaha chugui umi Escritura-pe.
Upéi oporandu chéve, “Mba’e piko Escritura-kuéra?” Ha’e chupe escritura-kuéra ha’eha Tupã ñe’ẽ ha umívape ojuhúta umi historia porã oipytyvõtava chupe oikuaa porãve hag̃ua Tupãme. Ajerure isýpe toipuru Biblia orekóva hógape ha ani oheja David oke olee’ỹre opa peve upe historia Oĩkuri encantado ohendúvo. Escritura-kuéra ha ñande kuaapy Tupãgui ha’e umi don, don-kuéra py’ỹiete ja’éva oĩmbámaha. Ñamomba’e umi tovasapy.
Aservívo peteĩ misión chemitãme, ahecha ambo’évo Escritura-kuéra reheve, heta tekove iñambueha. Aikuaa pu’aka orekóva hikuái ha mba’éicha ikatu omoambue ñande rekove. káda tapicha ñambo’évape Evangelio restaurado ha’e peteĩ persona única hemikotevẽ ambuéva. Umi Sagrada Escritura, hée, umi profecía-kuéra ojehaíva santo profetakuérare, ogueraha chupekuéra Ñandejára fe ha arrepentimiento-pe ha omoambue ikorasõkuéra.
Escritura-kuéra ñanemyenyhẽ vy’águi omog̃uahẽvo inspiración, dirección, angapyhy, ñemombarete ha ñembohovái hemikotevẽkuérape. Heta ijapytepekuéra ojapo umi kámbio hekovekuérape ha oñepyrũ oñongatu Tupã mandamientokuéra.
Nefi ñaneanima ñaikũmby hag̃ua umi Cristo ñe’ẽ, umi Cristo ñe’ẽ ha’e haguére umi he’ítava ñandéve opa mba’e tekotevẽva jajapo. (tojehecha 2 Nefi 32:3).
Poinvita peguerekóvo peteĩ plan permanente pestudia hag̃ua Escritura-kuéra. Eju, chesegiha’e peteĩ recurso tuicháva ñambo’e ha jaikuaa hag̃ua Evanhélio, ñambopypuku ñane konversiõ Jesucristo-pe ha ñanepytyvõ tañag̃uahẽ jajoguave Chupe. Jaestudiávo evanhélio, ndaha’éi jahekánteva información pyahu; uvei, jaheka oiko ñandehegui peteĩ “mitã pyahu” (2 Corintios 5:17).
Espíritu Santo ñandegia añetegua gotyo otestifika ñandéve añeteguáre (tojehecha Juan 16:13). Ha’e ohesape ñane apytu’ũ, ombopyahu ñande kuaapy ha opoko ñane korasõre Tupã rrevelasiõ rupive, opa añetegua fuénte. Espíritu Santo omopotĩ ñane korasõ. Ñaneinspira jaikove hag̃ua añeteguándi ha he’i mbegue ñandéve mba’éichapa jajapova’erã. “Espíritu Santo … penembo’éta opa mba’e” (Juan 14:26).
Oñe’ẽvo umi ñe’ẽ orrevelava’ekuére profeta José Smith-pe, ñande Salvador he’i:
“Ko’ã ñe’ẽ ndaha’éi kuimba’ekuéra ñe’ẽ, ni kuimba’e ñe’ẽ, sino chemba’e; …
“Ha’ére che ñe’ẽpu pe oñe’ẽva peẽme; oñeme’ẽre peẽme che Espíritu rupive … ;
“Upévare, petestifikakuaa pehenduhague che ñe’ẽpu, ha peikuaa che ñe’ẽnguéra.”Doctrina y Convenios 18:34–36
Jahekava’erã Espíritu Santo ñemoirũ. Ko objetivo oguerahava’erã umi ñande decision ha ogia ñapensáva ha jajapóva. Jahekava’erã opa oinvitáva pe Espíritu influencia ha jarrechasa opa mba’e odesviáva ko influencia-gui.
Atestifika Jesucristo ha’eha Tupã oikovéva Ra’y ojehayhuetéva. Ahayhu che salvador-pe Aime agradecido ijescriturakuéra ha iprofetakuéra oikovévare. Presidente Nelson ha’e Iproféta. Jesucristo rérape, Amén.