Jesucristo Evanhélio milagro-kuéra
Che aikuaa Iñevanhélio oguerukuaaha ñandéve esperanza, py’aguapy ha vy’apavẽ, ndaha’éi ko’áĝante, ha katu avei ohovasáta ojeipapakuaa’ỹva tapichakuéra umi generación oúvagui.
Mabuhay! Agueru peẽme Santokuéra hechapyrãva Filipinas-gua mborayhu ha pukavy kyrỹi. Ko arýpe ojapo 60 áño umi misionero peteĩha oĝuahẽ hague Islas Filipinas-pe. Ko’áĝaite oĩ 23 misiones ha mas de 800.000 tupaogua miembro 123 estakakuérape. Ko’áĝa oĩ 7 templo ofuncionáva, oñemopu’ãva térã oñeanunsiáva apytépe. Kóva ha’e añetehápe peteĩ milagro. Jahecha hína oñekumplívo profesía oĩva 2 Nefi 10:21: “Ha tuicha Ñandejára ñeʼẽmeʼẽnguéra umi oĩva islas del mar-pe g̃uarã,”
Ko milagro ha’e avei élder Gordon B. Hinckley profesía kumplimiento, ome’ẽva’ekue peteĩ ñembo’épe Manila 1961-pe. Upe ñembo’épe Elder Hinckley he’i: “Roinvoka Nde jehovasakuéra ko tetãgua hentekuéra ári, taiñamigable, hospitalario, amable ha tomoĝuahẽ porã opavave oúvape ko’ápe, ha taheta, heẽ, Ñandejára, roñembo’e toĩ [heta],heta miles umi ohupytýva ko mensáhe ha tojehovasa hese. Ehovasa chupekuéra peteĩ mente ojepe’áva, peteĩ korasõ oikũmbykuaáva ha jerovia orresivi haĝua, ha py’aguasu ovivi haĝua umi evanhélio principio” (Ñembo’e dedikatório American War Memorial Cemetery, Philippines-pe, Apr. 28, 1961).
Hetave umi miles santokuéra Ára Pahapegua ijeroviarekóva, pe evanhélio ogueru ñemoambue porã pe tetã ha upépe oikóvape. Che ha’e peteĩ testimonio viviente upévagui. Che arekókuri 6 áño che tuvakuéra ojoajurõ guare tupao-pe Sur-gua Isla Mindanao-pe. Uperõguare oĩ peteĩ misión añónte opa pe tetãme ha ni peteĩ estáka. Eternamente che aguyje che tuvakuéra py’aguasu, mbarete ha jesarekóre osegi haĝua pe Salvador-pe. Amomorã chupekuéra ha opavave umi tupaogua pionero Filipinas-pe. Ha’ekuéra ombosako’i pe tape ojehovasa haĝua umi generación oúvape.
Rey Benjamin Mormón Kuatiañe’ẽme he’i: “Ha avei, aipota pehecha pe vyʼapavẽ ha jehovasápe ñeime ohupytýva umi iñeʼẽrendúva Tupã rembiapoukapykuérare. Ha péina ápe, haʼekuéra ojehovasa opa mbaʼépe, tete ha espirituguávape” (Mosíah 2:41).
Javivi ha ñaneñe’ẽrendurõ umi evanhélio principio ha ordenansakuérare, jajehovasa, ñañemoambue ha ñañekonverti ha’eve haĝua Jesucristo-icha. Upéicha ha’ékuri Evanhélio omoambue ha ohovasahague umi Santo filipino-pe, oñeinkluívo che familia. Pe evanhélio ha’e añetehápe tape tekove vy’a ha iporãmbajepévape.
Evanhélio principio peteĩha ha’e fe Ñandejára Jesucristo-re. Heta filipino oreko peteĩ jeguerovia natural Ñandejarape. Ndahasýi oréve rojerovia Jesucristo-re ha roikuaa rohupytykuaaha mbohovái ore ñembo’épe.
Familia Obedoza ha’e peteĩ ehemplo tuicháva upévagui. Hermano Obedoza ha’ékuri che presidente de Rama che mitãrusurõ guare. Hermano ha hermana Obedoza oipotavéva ningo ojesella ifamilia ndie Manila templo-pe. Ha’ekuéra oiko General Santos tavaguasúpe, opytáva 1.000 milla (1.600 km) Manila-gui. Peteĩ familia nueve-guape ĝuarã imposible vaicha oho templo-pe. Ha katu pe mercader-cha ohóva ha ovendepa oguerekomía ojogua haĝua peteĩ perla de gran precio(tojehecha Mateo 13:45–46), ko pareha odesidi ovende hóga opaga haĝua upe viaje rehe. Hermana Obedoza ojepy’apy ndorekomo’ãigui hikuái peteĩ óga ou jey haĝuame. Ha katu hermano Obedoza oasegura chupe Ñandejára oproveetaha.
1985-pe Ojesella hikuái templo-pe familia-icha tiempo ha eternidad-re. Templo-pe ojuhu hikuái vy’apavẽ ijojaha’ỹva—iperla preciosa. Ha he’ihaguéicha hermano Obedoza, Ñandejára oprovee. Ou jeýrõ Manila-gui, ikonocidokuéra iñamabletéva ome’ẽ chupekuéra tenda opyta haĝua ha, tiempo reheve, ojogua hikuái hogarã. Ñandejára oñangareko umi ohechaukávape Ijerovia Hese.
Arrepentimiento ha’e evanhélio principio mokõiha. Arepentimiento he’ise jaheja angaipakuéra ha jajere Tupãme jahekávo perdón. Ha’e peteĩ akã ha korasõ ñemoambue. Presidente Russell M. Nelson ombo’eháicha, ha’e jajapo ha ñañemehora michĩmievo ára ha ára” (“Ikatu jajapo ha jaiko porãveLiahonaMay 2019, 67).
Arrepentimento ojoguaiterei pe havõme. Ha’erõ guare peteĩ ingeniero químico imitãva amba’apo peteĩ havõ frabrica-pe filipinas-pe. Añemoarandu ajapo haĝua havõ ha pe proceso mba’éicha oiko. Oñemesklarõ umi aceite peteĩ base álcali reheve ha oñemoĩve umi agente antibacteriano, ojejapo peteĩ sustancia ipoderósova ojukakuaáva umi bacteria a virus. Pe havõicha, arrpentimiento ha’e peteĩ ñemopotĩ agente. Ome’ẽ ñandéve oportunidad jaheja haĝua ñane mba’e ky’a ha escombro tuja he’e haĝua digno jaha jey haĝua Tupã ndie, mba’eve ipotĩ’ỹva ndaikatúigui ohupyty [Tupã] rreino.” (Alma 11:37).
Arrepentimeinto rupi jagueru Jesucristo pu’aka oporomopotĩ ha oporosantifikáva. Ha’e parte kláve konversiõ proceso-pe. Upéva ha’e oikova’ekue anti-nefi-lehitas ndie Mormó Kuatiañe’͂ẽme. Ha’ekuéra ha’ékuri lamanitakuéra oñekonverti añetéva’ekue ha upevare araka’eve ndojedesviai” (tojehecha Alma 23:6–8). Oñotỹ hikuái hi’arma ñorairõrã ha araka’eve ndopokovei hesekuéra. Opreferive omano ojapyhara rangue upe konvénio. Ha ohechauka upeichaha. Jaikuaa isakrifísio ogueru hague heta milagro; miles umi oñorairõva’ekue ikóntrape omombo hi’armakuéra yvýpe ha oñekonverti. Heta áño uperire, ita’yrakuéra, ojeikuaáva umi jóvenes guerreros-cha, oñemo’ãva pe batalla-pe orekorõ jepe opa mba’e ikóntrape.
Che familia ha heta santos filipinos ohasa avei upeichagua proceso de konversiõre. Jajapyhývo Jesucristo evanhélio ha jajoaju tupaóre, ñamoambue ñande jepokuaakuéra ha ñande cultura jaje’adekua haĝua pe evanhéliore. Jahejava’erãkuri umi tradicción oĩvaíva. Ahecha upéva che ru rehe oñemoarandúvo pe evanhéliope ha oñe’arrepenti. Ha’e opita heta, ha katu omombo umi cigarrillo ha araka’eve ndopokoi jey hese. Oiporavo haguére pe ñemoambue, irundy igeneración ojehovasa.
Pe arrepentimiento ñandegueraha jajapo ha ñañongatu haĝua konveniokuéra umi ordenánsa sagrádo rupive. Pe peteĩha salvasiõ ha exaltasiõ ordenansa ha’e bautismo ñeñapymi rupive angaipa rremisiõrã. Pe bautismo opermiti ñandéve jarresivi pe Espiritu Santo don ha jaike peteĩ konveniope Tupã ndie. Káda semana Ikatu ñambopyahu upe konvenio bautismal japartisipávo Santa Cena-gui. Upéva ha’e avei peteĩ milagro!
Hermano ha hermanakuéra poinvita pegueru haĝua upe milagro pende rekovépe. Peju Jesucristo-pe ha peiporavo pemomba’apo jerovia Hese, peñe’arrepenti ha pejapo ha peñongatu konveniokuéra oĩva umi salvasiõ ha exaltasiõ ordenansakuérape. Kóva ohejáta pejoaju Cristo ndie ha pehupyty pe divinida pu’aka ha jehovasakuéra (tojehecha Doctrina ha Konveniokuéra 84:20).
Atestifika Jesucristo realidagui ha Ha’e oikoveha ha ñanderayhuha peteĩ teĩ. Che aikuaa Iñevanhélio oguerukuaaha ñandéve esperanza, py’aguapy ha vy’apavẽ, ndaha’éi ko’áĝante, ha katu avei ohovasáta ojeipapakuaa’ỹva tapichakuéra umi generación oúvagui. Upévare ha’e pe pukavy porã ha kyrỹi orekóva heta santos filipinos. Ha’e Cristo evanhélio ha docrina milagro. Upévagui atestifika, Jesucristo réra sagradope. amen.