Jakakuaavévo Cristo-pe: Parávola Pendiente rehegua
Ñandejára árape, pe imba’eguasúva ndaha’éi moõpa ñañepyrũ ha katu moõgotyo jaha.
Che mitãme, che areko’akue tuicha aspirasiõ. Peteĩ ára escuela rire, che aporandu, “Mamá, mba’épa oikóne chehegui akakuaa vove: jugador profesional de baloncesto térã estrella de rock?” Ñembyasyrã, Clark, “pe maravilla hãi’ỹva”, ndohechukáikuri mba’eve signo, glória atlética térã músical-va uperire g̃uarã. Ha añeha’ã hetaitérõ jepe, oñenega jeyjey chehegui aike hag̃ua che escuela-gua programa académico avanzado-pe. Upéi che mbo’eharakuéra he’i chéve apytante hag̃ua sala de clase regular-pe. Ara ohasávo, amongakuaákuri hábito de estudio omyatyrõva. Ha katu, ndaha’éikuri che misiõ Japón-pe guive, añanduhague che posibilida intelectual ha espiritual oñepyrũ ojekuaa. Amba’apo mbaretékuri ahávo. Ha katu, peteĩha jave che rekovépe, amoĩ meme Ñandejárape che desarróllope, ha péva ojapo opa mbojoavy.
Hermano ha hermana-kuéra, ko Tupaópe, ñande jaguerovia opa Tupã ra’ykuéra potensial divíno, ha katupyry jaguerekóva jakakuaave hag̃ua Cristo-pe. Ñandejára árape, pe imba’eguasúva ndaha’éi moõpa ñañepyrũ, ha katu moõgotyo jaha.1
Ahechauka hag̃ua ko principio, aiporúta matemática básica. Ko’ág̃a, ani peñemondýi pehendúvo pe ñe’ẽ matemática conferencia general-pe. Ñande facultad de matemática BYU-Idaho-pegua ojeasegura chéve umi oñepyrũramóva jepe ojapyhytaha ko concepto central. Oñepyrũ peteĩ línea fórmula reheve. Pe intercepción, ñande propósitope g̃uarã, ha’e pe línea ñepyrũmby. Pe intercepción ikatu oguereko peteĩ punto de partida ohóva yvate gotyo térã yvy gotyo. Upe línea pediente ikatu ikarẽ positívo térã negatívope.
Opavave jaguereko opáichagua intercepción ko vídape—ñañepyrũ hetachagua tendápe, hetachagua mba’e reheve ñande rekovépe. Oĩ onaséva intercepción yvate reheve, henyhẽva oportunidágui. Ambuéva katu ombohovake mba’e hasyetéva iñepyrũ guive, ha ha’ete iñinhústova.2 Upéi katu japrogresa peteĩ progreso personal pendiente pukúre. Ñande futuro ojedesidi menovéta punto ñañepyrũháre ha hetave ojedesidíta ñane pendiente-re. Jesucristo ohecha pe potensial divíno taha’e ha’éva moõguipa ñañepyrũ. Ohechava’ekue pe mendígore, pe iñangaipávare ha pe hasývare. Ha’e ohechava’ekue pescador-re, cobrador de impuesto-re ha jepeve zelote-re. Taha’e ha’éva moõpa ñañepyrũ, Cristo ohechakuaa mba’épa jajapo pe oñeme’ẽvare ñandéve.3 Pe múndo oma’ẽramo jepe ñane intersección-re, Tupã oma’ẽ ñane pendiente-re. Ñandejára kálkulope, Ha’e ojapóta opa mba’e ikatúva ñanepytỹvõ hag̃ua ñambojere ñane pendiente yvága gotyo.
Ko principio, ome’ẽva’erã angapyhy umi oñeha’ã mbaretévape, ha omopensava’erãumi ha’etéva oguerekopaite ventáha. Pehejami tañepyrũ añe’ẽvo umi tapicha mba’e hasývape oñepyrũvare, ñamoĩvo mboriahu, acceso limitado educación-pe ha situasiõ familiar ijetu’úva. Ambuekuéra ohasa desafío físico, limitasiõ salud mental rehegua, térã umi predisposisiõ henética imbaretévagui.4 Oimeraẽ olucháva hína punto de partida hasýva reheve, pehechakuaáke pe Salvador oikuaaha pende desafío. Ha’e “[ojagarra] hi’ári [ñane] mba’asy, ipy’a [ikatu] hag̃ua henyhẽ poriahuverekógui, … ha’e [ikatu] hag̃ua oikuaa … mba’éicha [ñane] pytyvõ, mba’asy [ñande] jaguerekoháicha”.5
Pehejami takomparti mokõi ñemokyre’ỹ área umi ombohovakévape mba’e hasýva iñepyrũme. Primero, pemoĩ pene enfóke moõ gotyo peho hína ha ani moõguipa peñepyrũ. Oĩvaíta napenáiramo umi mba’e ojehúvare peẽme—umíva ningo añete ha tekotevẽ pehecha. Ha katu, pema’ẽtereírõ peteĩ punto de partida hasývare, ikatu umíva odesidi penderehe, ha ojoko jepe, katupyry peguerekóva peiporavo hag̃ua.6
Ojapo heta ary, che aservihague mitãrusu aty, barrio marginado-guándi, Boston, Massachusetts-pe, ipyahúva gueteri evanhéliope ha pe Tupao oha’arõvape. Ajepy’ara’ãkuri okonfundi hag̃ua che empatía ha jepy’apy isituasiõkuérare, potapy amboguejy hag̃uáre Tupã estandarkuéra.7 Upe rire ahechakuaa ipu’akavéva tape ahechauka hag̃ua che mborayhu ha’ehague, araka’eve namboguejýi umi che ñeha’arõ. Opa mba’e ajapokuaáva reheve, romaña ipotensialkuérare, ha opavave ha’ekuéra oñepyrũ ohupi umi ipendiente. Okakuaa hikuái pe evanhéliope sa’isa’i ha katu kontinuádo. Ko ára, oservíma hikuái misiõ, ojegradua universidágui, omenda témplope, ha ogueraha peteĩ vida personal ha profesional hechapyrãva.
Segundo, pemoĩ Ñandejárape pemopu’ã hag̃ua pene pendiente. Aservi aja BYU–Pathway Mundial presidente ramo, chemandu’a aguapýrõ peteĩ devocional guasu Lima, Perú-pe, Elder Carlos A. Godoy ha’évo pe orador. Oma’ẽvo pe kongregasiõ gotyo, ha’ete ku ojepy’apýva omañávo hetaite estudiante universitario primera generación-gua ijeroviarekóvare. Oiméne ojepy’amongetávo hape teére, umíchagua mba’e hasýva rupive, Elder Godoy akãrakúpe he’i: Ñandejára “penepytyvõvéta araka’eve ikatúvagui peñepytyvõ pendejupe. [Upéicharõ], pemoĩke Ñandejárape ko proceso-pe”. 8 Proféta Nefi ombo’e’akue “grásia rupi rojesalva, rojapo rire opa mbaʼe ikatúva”.9 Jajapova’erã pe iporãvéva,10 oĩháme arrepentimiento, ha katu Ñandejára grásia rupive añónte ikatu jahechakuaa ñane potensial divíno.11
Ipahápe, pehejami takomparti mokõi ñemoñe’ẽ umi orekóvandi punto de partida ijyvatéva. Primero, ikatúpa jahechauka umilda umi mba’e nañamoĩriva’ére ñande jupe g̃uarã. BYU ex-presidente, Rex E. Lee he’iva’ekue iñestudiantekuérape, “Opavave jay’uva’ekue póso jajo’o’ỹvagui, ha ñañembyakuva’ekue tata ñamopu’ã’ỹvagui”.12 Upéi, ohenói iñalumnokuérape omyengovia hag̃ua ha omyenyhẽjey hag̃ua umi póso educativo pionero-kuéra upe mboyvegua omopu’ãva’ekue. Nañañemytỹ jeýiramo umi ñu ambuekuéra oñotỹ haguépe, ha’e ku ñame’ẽ jeýrõguáicha peteĩ talénto ñambotuicha’ỹre.
Segundo, ñama’ẽrõ peteĩ punto de partída ijyvatévare, py’ỹinte ikatu oñanduyka ñandéve jakakuaaha jahávo, ha katu pe ñande ryepegua pendiente ndoku’eite hína. Harvard-gua mbo’ehára, Clayton M. Christensen ombo’e’akue umi tekove ijexitósova ha’e umi iñumildevéva, orekógui hikuái jeroviapy ojekorrehi hag̃ua ha oikuaa hag̃ua oimeraẽvagui.13 Elder D. Todd Christofferson oñemoñe’ẽ’akue ñandéve “torýpe [jajuhu hag̃ua mba’éicha] ikatu ñamoporã ha jepeve jaheka tajajekorrehi”.13 Ohoporãmbarõ jepe hína, jahekava’erã oportunida ñamehora hag̃ua, jajerurévo ñembo’e rupive.
Taha’e ñañepyrũ mba’e hetére térã mba’e hasývare, jahechakuaáta ñane potensial tuichakue, jajapóramo añoite Tupãgui ñaneirũ. Nda’aréi añemongetahague peteĩ mbo’ehára prominente a nivel nacional-ndi, oporandúva BYU–Pathway éxito-re. Ha’e ivale ha iñeporandu añetetékuri, ha katu hesakãite oipotahague peteĩ ñembohovái secular. Akomparti hendive ñane programa de retención ha ñane rembiapo tutoría rehegua. Ha katu che ambopa ha’évo: “Opa ko’ãva ha’e práctica porã, ha katu mba’ére umi ore estudiante añetehápe oprogresa, ha’e rombo’égui chupekuéra ipotensial divíno. Peimo’ãmi opa pende rekove pukukue, oje’éramo peẽme araka’eve ndaperekomo’ãiha éxito. Upéi pehechami impacto orekóva peñembo’éramo peẽ ha’eha Tupã ra’y ha rajykuéra tee, orekóva posibilida divína”. Ha’e apytu’u’imi, ha upéi ombohovái, “Kóva ipu’akapa”.
Hermano ha hermana-kuéra, peteĩ milágro ko Ñandejára Tupaópe, ha’e opavave ñandekuéra ikatuha jakakuaave Cristo-pe. Che ndaikuaái avave ambue organización ome’ẽva imiembrokuérape hetave oportunida, oservi, amyengoviajey, oñearrepenti, ha oiko hag̃ua chugui tapicha porãve. Taha’e ñañepyrũ mba’e hetére térã mba’e hasývare, ñamantenéke ñande resa ha ñane pendiente yvága gotyo. Jajapóramo, Cristo ñanderupíta tenda ijyvatevévape. Jesucristo rérape, Amén.