Ejerovia jey

Élder Gerrit W. Gong rupive

Doce Apóstoles Quórum-pegua

Jajerovia Tupã ha ambuére ogueru yvága rovasapy.

Peteĩ jey, chemitãitépe, apensa’imi ahávo ógagui. Peteĩ mitãicha, añandu avave ndacherayhuiha.

Che sy ohechakuaáva cherendu ha oasegura chéve. Aĩha a sálvo ógape.

Peñeñandu piko sapy’a pehoramoguáicha pende rógagui? Py’ỹi, pe ógagui jeho he’ise upe jerovia oñembyai térã ojekahague: jerovia ñandejehe, ojuehe, Tupãre. Pe jerovia oñemoĩrõ a prueba, ñañeporandu mba’éichapa ikatúta jajerovia jey.

Che mensaje ko aragua ha’e, taha’éva jahárõ ógape térã jajevy ógape, Tupã ou ñanemog̃uahẽ.¹ Hendie ikatu jajuhu fe ha py’aguasu, arandu ha ñemyesakã, jajeroviakuaa jey hag̃ua. Upéicha avei, ojerure ñandéve tañamantene tesape hendýva peteĩva ambuéndi, tañandepy’aporãve ha sa’ive jakrítika ñandejehe ha ambuekuérare, ikatu hag̃ua Itupao ha’e peteĩ tenda ñañeñanduhápe ogapeguáicha, taha’e jajúramo peteĩha jey térã jajevýramo.

Jerovia niko peteĩ fe rembiapo. Tupã omantene ife ñanderehe. Upeichavérõ, pe yvypóra jerovia ikatu oñembyai térã ojeka:

Peteĩ amigo, socio comercial térã peteĩ jajeroviaha nahi’añetéiramo, ñanelastima térã ojeaprovecha ñanderehe.²
Peteĩ cónyuge iñinfiel.
IKatu oñeha’arõ’ỹre, peteĩ jahayhúva ombohovái ñemano, ñeñopũ térã mba’asy.
Ñambohovái peteĩ porandu ñaha’aro’ỹva evangelio-gui, ikatu peteĩ ojegueraháva Tupao historia térã Tupao polítika ndive, ha oĩro he’íva ñande tupaópe oimeháicha oñemokañy térã ndoje’éikuri pe añetegua.

Ambue situasiõ ikatu ndojekuaaporãi ha katu upéichante avei oporoipy’apy.

Ikatu ndajajehechái tupaópe, nañañeñanduporãi, ñañandu jajehusgaha ambuére.

Térã, jajapóramo jepe opa mba’e oñeha’arõva, umi mba’e nosẽporãi gueteri. Jepeve umi ñane experiencia personal Espíritu Santo ndive, ikatu nañañandúi gueteri Tupã oikoveha térã Evanhélio añeteguaha.

Ko árape, heta oĩ oñandúva tuicha oikotevẽha omoingove upe jerovia relaciones humanas ha socieda moderna-pe.³

Jajepy’amongetávo jerovia reheve, jaikuaa Tupã ha’eha peteĩ añetegua Tupã ha “ndaikatúi ijapu.”⁴ Jaikuaa pe añetegua ha’eha peteĩ jeikuaa umi mba’égui ha’eháicha, ha’e haguéicha, ha ha’etaháicha.⁵ Jaikuaa pe rrevelasiõ ha inspirasiõ meme ojogueraha upe añetegua omyi’ỹva ndive umi circunstancia iñambuévape.

Jaikuaa konveniokuéra oñekebrantáva okebrantaha umi korasõ. “Ajapo mba’e vyroreíva,” he’i. “Ikatu piko cheperdona?” Ména ha tembireko ikatu ojojagarra ojopógui esperanza-re ojerovia jeývo. Ambue hendápe, peteĩ préso ojepy’amongeta, “Añongatu rire Palabra de Sabiduría, naimeíva’erãmo’ã ko’ápe.”

Jaikuaa vy’a oĩva Ñandejára konvénio rapére, ha umi llamamiénto jaservívo Itupaópe ha’eha peteĩ invitasiõ ñañandu hag̃ua Tupã jerovia ha mborayhu ñanderehe ha ambuekuérare. Tupaogua miembro-kuéra, oikehápe adultos solteros, oservi meme opa tupaóre ha ñane komunidakuérape.

Inspirasiõ rupive, peteĩ obispado ohenói peteĩ paréha imitãva oservi hag̃ua barrio guardería-pe. Ñepyrũra, ména oguapýnte peteĩ hendápe, ñemomyi’ỹme ha oñemomombyry. Sa’i sa’ípe, oñepyrũ opukavy mitãnguéra ndive. Upe rire, pe paréha he’i ijaguyje. Yma, he’i hikuái, tembireko oipotákuri mitã, ména katu nahániri. Ko’ág̃a, pe servicio omoambue ha ombojoaju chupekuéra. Avei ogueru mitã vy’a imatrimonio ha hógape.

Ambue távape, peteĩ sy imitãva imemby michĩva ha iména oñemondýi ha iñangekói, ha katu o’acepta oñehenóivo oservi hag̃ua barrio-gua Sociedad de Socorro presidenta ramo. Nda’aréi rire, umi tormenta de hielo oikytĩ energía eléctrica, ohejávo umi tienda estantería nandi ha ogakuéra ro’ysã eladéraicha Oguerekógui hikuái electricidad ha calefacción, ko familia mitãite oipe’a marangatúpe hóga heta familia ha tekovépe oaguanta hag̃ua upe tormenta.

Pe jerovia oñemoañete jajapóramo umi mba’e hasýva fe reheve. Pe servicio ha sacrificio omongakuaa kapasida ha ombovevýi korasõkuéra. Jajerovia Tupã ha ambuére ogueru yvága rovasapy.

Ohasa rire cáncer-re, peteĩ hermano fiel ojeatropella peteĩ kóchepe. Oñembyasy rãngue ijehe, oporandu ñembo’épe, “Mba’e ikatu aipe’a ko experiencia-gui?” Pe iñunidad cuidados intensivos-guápe, ojere ohecha peteĩ enfermera ojepy’apýva hína iména ha imembykuérare. Peteĩ hasýva ohasa’asýva ojuhu ñembohovái ojeroviávo Tupãre ha oñemoag̃uivo ambuekuérare.

Peteĩ hermano orekóva problema pornografía-ndi oha’arõ aja iñofisína rovái, peteĩ estáka presidente oñembo’e oikuaa hag̃ua mba’éichapa oipytyvõta chupe. Og̃uahẽ peteĩ impresiõ hesakãva: “Eipe’a okẽ ha eheja toike.” Upe fe ha jerovia Tupã oipytyvõtare, upe sacerdocio líder oipe’a oke ha oñañuã hermano-pe. Peteĩteĩ ñañandu mborayhu ha jerovia oporomoambuéva Tupã ha ambuekuérare. Ñemombarete reheve, pe hermano ikatu oñepyrũ oñearrepenti ha iñambue.

Ñane circunstancia individual jepe ipersonal, Evangelio principio ha Espíritu Santo ikatu ñanepytyvõ jajevýtapa, mba’éicha ha araka’épa jajerovia jeyva’erã ambuekuérare. Jerovia ojekáramo ha oñetraisiona, upe decepción ha desilusión oñemoañete; avei ha’e pe discernimiento remikotevẽ ojeikuaa hag̃ua araka’épe oñemerese fe ha py’aguasu ojerovia jey hag̃ua umi relaciones humanas-re.

Upevére, Tupã ha revelación personal rehegua, presidente Russell M. Nelson o’asegura, “Natekotevẽi peñeporandu mávarepa pejeroviáta katuete.”⁶ Akóinte ikatu jajerovia Tupãre. Ñandejára ñandekuaaporãve ha ñanderayhuve ñande jajekuaa térã jajehayhuhágui ñandejupe. Imborayhu ijapyra’ỹva ha ikuaapy porã ohasava’ekuére, ag̃agua ha oútavare ojapo umi Ikonvenio ha ipromesa-kuéra ta’ikonstante ha seguro.

Ojerovia Escritura-kuéra ohenóivagui “upe tiempo proceso.”{⁷ Tupã jehovasa reheve, pe tiempo proceso, fe ha ñe’ẽrendu meme, ikatu jajuhu resolución ha py’aguapy.

Ñandejára okonsola:

“Tasẽ ikatu hi’are pyhare pukukue, ha katu vy’apavẽ ou pyhareve.”⁸

“Eity umi nde kárga Ñandejára [ári] ha ejerovia iñeñangareko memére.”⁹

“Yvy ndorekói mba’asy yvága ikatu’ỹva omonguera.”¹⁰

Ejerovia Tupã¹¹ha imilágrore. Ñande ha ñande relaciones ikatu ñaneambue. Cristo Ñandejára expiasiõ rupive, ikatu jaipe’a ñandejehegui ñande yo natural egoísta ha oiko ñandehegui Tupã ra’ykuéra, mánso, umilde¹²henyhẽva fe ha jerovia porãgui. Ñañearrepenti, ñamombe’u ha jahejáramo ñande pekadokuéra, Ñandejára he’i naimandu’aveimaha.¹³ Ndaha’éi hesaráiva; uvei ojehechaháicha, ha’ete Ha’e oiporavóva ani imandu’a, ni noikotevẽi.

Pejerovia Tupã inspirasiõre oñemyesakã hag̃ua arandúpe. Ikatu ñaperdona ambuekuérape upe moménto ha oiporãháicha, Ñandejára he’iháicha jajapova’erãha, ¹⁴ha’évo “iñarandúva mbóicha ha imarangatúva pykasúicha.”¹⁵

Sapy’ánte, ñane korasõ oĩ jave ñemomirĩ ha ñembyasy reheve, ñaimeve konsuélo ha Espíritu Santo guía-rã.¹⁶ Pe kondenasiõ perdón-cha avei oñepyrũ ohechakuaa ojavyhague. Py’ỹi, pe kondéna oñemombyte ohasava’ekuépe Upe perdón omaña sãso reheve pe oútavare. “Tupã nomboúi haguére Ita’ýra múndope okondena hag̃ua pe múndope; ha katu pe múndo hese tojesalva.”¹⁷

Apóstol Pablo oporandu, “Mávapa ñandepe’áta Cristo mborayhúgui?” Ha’e ombohovái, “Ni ñemano, ni tekove,… ni ijyvatéva, ni ipypukúva… ikatúta ñandepoi Tupã mborayhúgui, ha’éva Cristo Jesús pe Ñandejára.”¹⁸ Upevére, oĩ peteĩ ikatúva ñaneguenohẽ Tupã ha Jesucristo-gui, ha upéva hína ñande, ñandete. He’iháicha Isaías, “Nde pekadokuéra omokañy hova ndehegui.”¹⁹

Mborayhu divino ha léi divina-re, ñaime responsable ñande decision-kuéra ha umi oguerúvagui. Salvador mborayhu expiatorio niko ”ndopái ha ijapyra’ỹ.”²⁰ Ñaime jave lísto jajevy hag̃ua ógape, uvei “ñaiméramo gueteri mombyry,”²¹Tupã oĩ lísto tuicha poriahuverekóre ñanemog̃uahẽ hag̃ua, oikuave’ẽvo vy’a reheve iporãve orekóva²²

Presidente J. Reuben Clark he’i, “Arovia Ñande Ru Yvagagua osalvaseha peteĩteĩ ita’yrakuérape, … pe ihusticia ha poriahuverekóre ome’ẽtaha ñandéve recompensa tuichavéva ñane rembiapóre, ome’ẽta ñandéve opa mba’e ikatúva, ha ambuéicha, arovia ome’ẽtaha ñandéve péna michĩvéva ikatúva ome’ẽ.²³

Kurusúpe, uvei pe ñande Salvador ñembo’e iporiahuveróva Itúvape ndaha’éi incondicional “Túva, eperdona chupekuéra, “sino uvei “Túva, eperdona chupekuéra; ndoikuaáire ojapóva hikuái.”²⁴ Ñande albedrío ha sãso oreko he’iséva ha’e haguére ñande responsable Túva renonde ha ñane renondetépe mávapa ñande, jaikuaáva ha jajapóva. Po’arã, ikatu jajerovia pe Tupã hustísia perfecta ha poriahuvereko perfecto ohusga porã hag̃ua umi ñane intensiõ ha jajapóva.

Ñambopaha ñañepyrũ haguéicha, Tupã poriahuvero reheve jajevývo ógape Hendie ha ambuekuéra ndive.

Penemandu’ápa pe Jesucristo parávola oñe’ẽva peteĩ kuimba’e mokõi ita’ýrare²⁵ Ita’ýra oho hógagui ha oipurureipa iñerénsia. Ojerrekuperávo, ko ta’ýra oheka ojevy jey hógape. Ambue ta’ýra, oñandu oñangatuvehague mandamiento-kuéra “péina ápe, ko’ã heta áño aja,”²⁶ nome’ẽsei ñemog̃uahẽporã iñermánope hógape.

Hermano ha hermana-kuéra, ikatúpiko pehechakuaa Jesús ojerureha ñandéve tajaipe’a korasõ, ñande entendimiento, poriahuvereko ha umilda, ha tajajehecha mokõiveháicha?

Membykuimba’e térã membykuña ypykuéicha, ikatu javaga ha upéi ñañeha’ã jajevy ógape. Tupã oha’arõ ñanemog̃uahẽporã hag̃ua.

Ambue ta’ýra térã tajýraicha, Tupã ojerure asy tajavy’a oñondive peteĩteĩ ñag̃uahẽramo ógape Hendie. Ñaneinvita jajapo hag̃ua ñane congregacion-kuéragui, quórumes, clase ha actividades abiertas, auténtica ha segura, peteĩ ogapy ambuévape g̃uarã. Py’aporã reheve, comprensión ha respeto mutuo-re, peteĩteĩ ñande jaheka Ñandejárape umilda reheve, ñañembo’e ha ñamog̃uahẽporã umi Evangelio rovasapy oñemoĩ jeýva opavavépe g̃uarã.

Umi ñande rekove viáhe niko peteĩteĩ, ha katu ikatu jajevy Tupã ñande Ru ha Ita’ýra ohayhuetéva jajeroviáramo Tupã rehe, ambuekuérare ha ñandejehe.²⁷ Jesús ojapo séña, “Ani rekyhyje, eroviánte.”²⁸ Ojapo haguéicha profeta José, jajerovia ñañedesanima’ỹre Túva Yvagagua ñeñangarekópe²⁹ Hermano, hermana pejehayhuetéva, amíga pejehayhúva, peheka jey upe fe ha jerovia, peteĩ milagro Ha’e oprometéva ko árape. Jesucristo réra sagrádo ha santo-pe. Amén