![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F0b%2F5b%2F0b5bc10645ed70a7aefbd84390c74b79018d077b%2F0b5bc10645ed70a7aefbd84390c74b79018d077b.jpeg/full/!250,/0/default)
Tupã mborayhu: pe ñane ánga ombovy’avéva.
Tupã mborayhu ndajajuhúi umi ñande rekovépe oikóvapeha katu Ha’e oĩrõñande rekovépe.
Hermano ha hermanakúra, ¿Peikuaápa mba’eichaite Tupã, ñande Ru Yvagaua, penderayhupa? ¿Peñandúpa ra’e Imborayhu pene ánga pypukúpe?
Reikuaa ha reinkũmby vove mba’eichaitépa rejehayhu peteĩ Tupã ra’y ramo, upéva omoambue opa mba’e. Omoambue mba’éichapa reñeñandu ndejehe rejavy vove. Omoambue mba’éichapa reñeñandu oiko vove umi mba’e hasýva. Omoambue mba’éicha rehecha Tupã rembiapoukapykuéra. Omoambue mba’éichapa remaña ambuekuérare ha avei nde katupyry rejapo haĝua pe diferencia.
Elder Jeffrey R. Holland ombo’e: “pe peteĩha tuichavéva mandamiento opa eternidad-gui ha’e jahayhu Tupãme opa ñane korasõ, alma, mente ha mbarete reheve; upéva ha’e pe tembiapoukapy peteĩha; Ha katu pe peteĩha añetegua tuichavéva opa eternidad-gui ha’e Tupã ñanderayhuha opa Ikorasõ, alma, mente ha mbarete reheve.”1
¿Mba’éichapa ikatu jaikuaa ñane ánga pypukúpe upe eternidad-gua tuicha añetegua?
Ojehechaukákuri visiõme proféta Nefi-pe pe Tupã mborayhu rechaukaha tuichavéva. Ohechávo pe yvyramáta tekove rehegua, Nefi ojerure oikuaa haĝua mba’épa he’ise upéva. Ombohováivo, peteĩ ánhel ohechauka Nefi-pe peteĩ táva, peteĩ sy ha peteĩ mitã michĩva. Nefi omaña aja pe Nazaret táva ha Maria, pe sy hekojojávare, oguerekóvo ijyvápe niño Jesús-pe, pe ánhel he’i: “¡Péina ápe pe Tupã Cordero, heẽ, pe Túva Ijapyraʼỹva Raʼy!”2
Upe momento sagrádope, Nefi ontende pe Salvador ñegueronasépe, Tupã ohechaukaha hína Imborayhu potĩ ha paha. Nefi otestifika Tupã mborayhugúi “oñehẽmbáva yvyporakuéra raʼy korasõme.”3
Ñaimo’ãkuaa Tupã mborayhu peteĩ tesapéicha osẽva pe yvyramáta tekove reheguágui, ha oñehẽva opa ko yvy ári yvypóra ta’yrakuéra korasõme. Tupã resape ha mborayhu oĩ opa Ijapopyrépe.4
Sapy’ánte ñapensa, jajavyhápe, ikatuha ñañandu Tupã mborayhu jasegi riréntepe barra de hierro ha ja’u pe yvyramata’agui. Ha katu Tupã mborayhu ndaha’éi ohupytývante umi oúva pe yvyramátape,ha katu ha’e pe pu’akaite ñanemokyre’ỹva jahekahaĝua upe yvyramáta.
“haʼe pe ojeipotavéva opa mbaʼégui.” Ombo’e Nefi, ha pe ángel he’i hatã “Heẽ, ha pe tuichavéva vyʼapavẽ ñane ángape g̃uarã.”5
Ojapo 20 ary rupi, peteĩ ore familiagua miembro ojei pe tupaógui. Oreko heta porandu noñembohováiva. Hembireko, peteĩ konversa, ijeroviareko ijeroviápe. Hatã omba’apo hikuái omboguata haĝua iñemenda umi joavy opu’ãva apytépe.
Ary ohasava’ekuépe, ha’e ohai mbohapy porandu tupao rehegua hasýva chupe oikũmby haĝua ha omondo mokõi paréhape iñangirũva ojapóma heta ary. Oinvita chupekuéra ojepy’amongeta haĝua umi porandu rehe ha okomparti haĝua ijideakuéra osena aja.
Iñangirũnguéra ovisita rire chupe, oho ikotýpe ha oñepyru omba’apo peteĩ proyecto-pe. Umi ñemongeta pyharegua ha mborayhu iñangirũnguéra ohechaukava’ekue chupe oĝuahẽ iñakãme. Uperireve ohai ombopytamanteva’erã hembiapo. Ha’e he’i: “Peteĩ tesape mimbi omyenyhẽ che ánga … Che aikuaa porã upe tesape remiandu pypuku, ha katu ko jave imbareteve araka’evégui ha ipuku heta aravo’i. Aguapy kirirĩ añandúvo, upe antendéva ha’eha peteĩ Tupã mboayhu cherehe jehechauka. … Añandu peteĩ temiandu espiritual he’íva chéve ikatuha aha jey tupaópe ha ahechauka che mborayhu Tupãre umi upépe ajapóvape.
Upéi opensa iporandukuérare. Temiandu oñandúva ha’e Tupã o’onra hague iporandukuéra ha ndoguerekóirõ jepe umi mbohovái hesakãva oho memeva’erã tenonde gotyo.6 Ha’e okompartiva’erãha Tupã mborayhuy opavavendi ojepy’amongeta meme aja. Ojapóvo upe temiandu he’iháicha, oñandu peteĩ afinida José Smith ndie, upe he’iva’ekue ivisiõ peteĨha rire: “Che ánga henyhẽ mborayhúgui ha heta ára aja avy’akuaa tuicha vy’apavẽ reheve.”7
Oimo’ã’ỹre, pokã mese rire, ko familiar ohupyty jey upe llamamiento orekova’ekue voi ojapo veinte año. Oreko ñepyrũme upe llamamiento okumpli’akue hembiaporã peteĩ tupaogua miembro iñe’ẽrendúva ramo. Ko’áĝa chupe ĝuarã ndaha’éi “¿mba’éichapa akumplikuaa ko llamamiento?” Ha katu “¿Mba’éichapa ahechaukakuaa Tupã mborayhu che servicio rupive?” Ko enfoke pyahu reheve, oñandu vy’apavẽ, signifikádo ha propósito opa ojapóva illamamientope.
Hermano ha hermanakuéra, ¿mba’éicha ikatu jahupyty Tupã mborayhu pu’aka ñanemoambuéva? Proféta Mormón ñaneinvita “pejerure Túvape opa pene korasõ mbarete reheve, penerenyhẽ hag̃ua ko mborayhu haʼe omeʼẽvaʼekuégui opa umi haʼévape itaʼýra Jesucristo remimboʼe añete.”8 Mormón ñaneinvita hína ndaha’éi ñañembo’e haĝuánte ñañandu haĝua Tupã mborayhu ambuekuéareha katu tañañembo’e ñañandukuaa haĝua Tupã mborayhu potĩ ñanderehe voi.9
Jarresivívo Imborayhu, jajuhu tuicha vy’apavẽ ñañeha’ãvo jahayhu ha jaservi Ha’e oservihaguéicha, ha’évo Ita’ýra Jesucristo segiha añete.”10
Tupã mborayhu ndajajuhúi umi ñande rekovépe oikóvapeha katu Ha’e oĩrõñande rekovépe. Jaikuaa imborayhúgui jarresivi vove mbarete ohasáveva ñane mbarete tee ha Ijespiritu oguerúvo py’aguapy, comfort ha dirección, Sapy’ante ikatu hasy ñañandu Imborayhu. Ñañembo’ekuaa tañanderesape’a jahecha haĝua Ipo ñande rekovépe ha jahecha haĝua Imborayhu umi Icreación porãnguépe.
Jajepy’amongetávo pe Salvador tekove ha Isakrifísio ijapyra’ỹva, ñañepyrũkuaa ñaikũmby Imborayhu ñanderehe. Ramoite japurahéi umi Eliza R. Snow ñe’ẽ: “Huguy porãite sãsome oñohẽ; Hekove ha’e sãsome ome’ẽ.”11 Jesus ñemomirĩ ohasa’asývo ñanderehe oñehẽ ñane ánga ári oipe’ávo ñane korasõ jaheka haĝua perdón Ipogui ha ñanemyenyhẽvo peteĩ jeikoségui Ha’e oikohaguéicha.12
Presidente Russell M. Nelson ohai: “Tuichaverõ ñane kompromiso ñamodela haĝua ñande rekove imba’e rehe, ipotĩ ha idivinove ñane mborayhu.”13
Ore ra’y omombe’u: “Aguerokóramo guare 11 año. Che angirũnguéra ha che roiporavo rokañytaha ore mbo’eharagui ha Primaria clase ñepyrũmbýgui. Ipahápe roĝuahẽ vove, ore sorpresarã, mbo’ehára oremoĝuahẽ porãnte. Upéi ha’e oñembo’e asy ome’ẽvo aguyje añete Ñandejárape roiporavo haguére orejeheguieteroju haĝua iklásepe upe ára. Nachemandu’ái mba’e reheguápakuri pe lección, ni ore mbo’ehára réra, ha katu ko’áĝa peve, treinta ary rire, opoko gueteri che korasõre pe mborayhu potĩ ha’e ohechaukava’ekue oréve upe ára.”
Ojapo 5 año, ahecha peteĩ mborayhu divíno rembiecharã aĩ aja primaria-pe Rusia-pe. Ahecha peteĩ hermana ijeroviarekóva oñesũvo mokõi mitã renondépe ha otestifika chupekuéra jepe ha’érire hikuái mokõimínte oikovéva upe yvy ári , jepe upéicha Jesús osufri ha omanotahague hesekuéra.
Atestifika Ñandejára ha Salvador añetehápe omano peteĩ teĩ ñanderehe. Ha’ékuri pe Imborayhu ijapyra’ỹva rechaukaha ñanderehe ha Itúvare.
Che aikuaa Ñandejá oikoveha. Mba’e Angapyhy oguerú ko oración! … Ha’e oikoveha [ñande]rovasa haĝua, imborayhu reheve.”14
Tajaipe’a ñane korasõ jarresivi haĝua mborayhu potĩ Tupã orekóva ñanderehe ha upéi ñañohẽ Imborayhu opa jajapo ha ha’évape. Jesucristo réra sagrado-pe. Amén.