Pepyta Tupãme ha pemoĩporã pe pa’ũ
Cristo oguereko pu’aka ñanemoinge haĝua peteĩ mborayhu joajúpe Túva ndive ha oñondivepa.
Ñaikotevẽ ñambopypuku ñande mba’ekuaa ha ñaneñe’ẽrendu Tupã ñande Ru Yvagagua ñe’ẽre. Ñande relación Hendive ha’e mba’e opave’ỹva. Ñande ha’e Ita’ýra ha tajýra jajehayhuetéva ha upéva nokambiamo’ãi. ¿Mba’éichapa ikatu ja’acepta opa ñane korasõ reheve Iñinvitación ñañemo’aĝuive haĝua Hese, ha péicha jaguerovy’a umi jehovasa Ha’e ome’ẽséva ñandéve ko tekovépe ha pe mundo oútavape?
Ñandejára he’íkuri Israel ymaguarépe ha he’i ñandéve: “Heẽ mborayhu opave’ỹva reheve rohayhuva’ekue; upévare, rogueru poriahuvereko reheve.” 1 Pe Túva he’i avei ñandéve: “nde repytáta chepype, ha Che ndepype; upévare, eiko Chendive.”2 ¿Ñakonfia piko Hese japytahaĝuáicha Ipype ha jaguata haĝua Hendive?.
Ñaime ko yvy ári ñañemo’arandu hajakakuaa haĝua, ha pe ñemo’aranduha kakuaa tuichavéva oúta ñande joajúgui ñande Ru Yavagagua ha Jesucristo ndive. Ñande relación jojágui Hendivekuéra jahupyty kuaapy divino, mborayhu, pu’aka ha katupyry jaservi haĝua ñande rapichakuérape.
“Jaguereko responsabilidad ñañemo’arandúvo opa mba’épe Tupã orrevelava’ekue Ijehe.”3 Ñaikumbyva’erã Tupã pe Túva ojapoukahague Ita’ýra Jesucristo-pe ko yvyñande kakuaarã, ñande Ru Yvagagua ome’ẽhague Ita’ýrape ohepyme’ẽ haĝua pe hustísia ojeruréva ñande salvasiõrã, ha Túva sacerdocio pu’aka ha Ita’ýra Tupao añetegua, opa ordenanzakuéra oñeikotevẽva reheve, oñemoĩ jey ñande jehovasarã. ¿Ikatu piko peñandu pe mborayhu pypuku oĩva iñembosako’ípe ñande vy’apavẽ ha kakuaarã?. Jaikuaava’erã ñande Ru Yvagagua plan de salvación ha’e tañaneñe’ẽrendu umi Evangelio ley ha ordenanzakuérare ha tajahupyty vida eterna upéicha ha’e haĝua Tupã ha’eháicha.4 Upéva ha’e pe vy’apavẽ añetegua opave’ỹva ñande Ru Yvagagua oikuave’ẽva ñandéve;Ha ndaipóri mba’evéichagua ambue vy’apavẽ añete ha opave’ỹva.
Ñande desafiokuéra ikatu ñanemomombyry upe vy’apavẽ rapégui. Ikatu japerde ñande conexiõ de confianza Tupã ndive umi prueba ojaporõ jajedistrae ñañemoĩ rangue de rodilla.
Ko’ã verso simple ojerure’asy ñandéve jaiporavo haĝua ñande prioridad:
Oĩ mba’e oimportáva; oĩ mba’e nahániriva.
Oĩ pokã mba’e oiko aréva; hetave katu nahániriva.5
Hermanakuéra, mba’épa umi mba’e iñimportánteva peẽme ĝuarã? Mba’épa ha’e umi mba’e oiko aréva? Peteĩ mba’e ovaléva Túvape ĝuarã ha’e tajaikuaa Chugui, tañañemomirĩ ha tajakakuaa ñahendúvo Iñe’ẽ umi experiencia terrenal rupive. Ha’e oipota ñakambia ñande egoísmo ñeipytyvõ rehe ha ñande kyhyje jerovia rehe. Ko’ã mba’e opave’ỹva ikatu omongu’e ñande rekove ipypykuvehápe.
Ha’e Ko’áĝa, ñande limitación terrenal reheve, ñande Ru Yvagagua ojeruréva ñandéve tajahayhu, jejayhu ha’érõ jepe pe hasyvéva, tajaservi jaserví há’erõ jepe inkonveniente, tajaperdona ñeperdona oĩrõ jepe ñande capacidad mboypýri. Mba’éichapa? ¿Mba’éichapa jajapo umíva? Jaheka meme ñande Ru Yvavagua pytyvõ, Ita’ýra rérape, ha jajapo umi mba’e Ha’e oipotaháicha jajaporangue orgullosamente ñande jaipotaháicha.
Ahechakuaa che orgullo presidente Ezra Taft Benson oñe’ẽrõ guare ñamopotĩva’erãha pe vaso ryepy.6 Añe’imagina che ha’eha peteĩ hárra. ¿Mba’éichapa aguenohẽta umi orgullo rembyre che hárragui? Tajaforsa ñandejupe ñañemomirĩ haĝua ha ñañeha’ã jahayhu haĝua ñande rapichápe ha’e peteĩ mba’e gua’u, nandi ha ndoikóiva. Ñande pekádo ha orgullo ojapo peteĩ pa’ũ ñande ha ñane mborayhu ykua, ñande Ru Yvagagua mbytépe.
Ñande Salvador expiasión añónte ikatu ñanemopotĩ ñande pekadokuéragui ha omboty upe pa’ũ térã tape pa’ũ.
Ñañe’añuase ñande Ru Yvagagua mborayhu ha guía jyva reheve, upévare ñamoĩ raẽ Hembipota ha peteĩ korasõ quebrantado reheve jajerure’asy Cristo toñohẽ ysyry oporomopotĩva ñande harro ryepýpe. Ñepyrũháme ikatu ou tyky tykýpe, ha katu jaheka, jajerureháicha ha ñaneñe’ẽrenduháicha ouhetáta. Upe y oikovéva ñanemyanyhẽta, ha ñanerenyhẽvo Imborayhúgui, ñamboykekuaáta pe harro ha ñakompartíta oĩva ipype ambuéva ndive ijy’uhéiva ñemonguera, jerovia ha pertenencia-gui. Ñande harro ryepy oñemopotĩrõ, ñande relación-kuéra ko yvy’arigua oñepyrũ okuera.
Oñeikotevẽ jasakrifika ñane rembipota personal ñamohenda haĝua Tupã plan eterno. Pe Salvador oñe’ẽva pe Túva rehe ojerure’asy ñandéve: “Peñemo’aĝui Cherehe, ha Che añemo’aĝuíta penderehe.”7 Ñañemo’aĝui Túvare ikatu he’ise ña’aprende Hi’añetegua umi escritura rupive, jasegui pe ñemomarandu profétiko ha ñañeha’ã jajapo porãve Ivoluntad.
¿Jahechakuaa piko Cristo oguerekoha pu’aka ñanemoinge haĝua peteĩ mborayhu joajúpe Túva ndive ha oñondive? Ha’e, Espiritu Santo pu’aka rupive ikatu ome’ẽ ñandéve komprensión oñeikotevẽva ñande relación-kuérape.
Peteĩ Primaria-gua mbo’ehára omombe’u chéve peteĩ experiencia mbarete oguerekova’ekue iklase mitãnguéra 11 añogua ndive. Peteĩ umi mitã apytépe, ahenóitava Jymmy, ha’e peteĩ mitã ha’eño ha ndoipytyvõséiva klásepe. Peteĩ Domingo, pe mbo’ehára, oñandu inspiración oheja haĝua ijyképe ilección ha he’i haĝua mba’érepa ohayhu Jimmy-pe. Oñe’ẽaguyje oñandúva upe mitãkaria’y rehe ha ojeroviaha hese. Upérõ, pe mbo’ehára ojerure clase miembrokuérape he’i haĝua Jimmy-pe peteĩ mba’e ogustáva chupekuéra chugui. Umi clase miembrokuéra he’i aja peteĩ teĩ Jimmy-pe mba’érepa ha’e ijespecial chupekuéra ĝuarã, ha’e omboguejy iñakã ha tesay oñepyrũ osyry hóvare. Upe mbo’ehára ha pe clase omopu’ã peteĩ puente oĝuahẽva Jimmy korasõ ha’eño meve. Pe mborayhu simple ojehechauka añetéva ome’ẽ esperanza ha py’aguasu ambuekuérape. Upévape che ahenói “ñamoĩ porã upe mba’e pa’ũ”.
Ñande rekove peteĩ mundo preterrenal jajehayhuhápe, oiméne omoĩ pe nhelo jaguerekóva jajuhu haĝua ko yvy’ári peteĩ mborayhu añetéva ha oduráva. Ñaime divinamente diseñado ñame’ẽ haĝua mborayhu ha jajehayhu haĝua, ha pe mborayhu ipypykuvéva oĝuahẽ ñañemopeteĩrõ Tupã ndive. Pe Libro de Mormón ñane’invita: “peñemoĩporã [Tupã] ndive Cristo expiasiõ rupive.”8
Isaias oñe’ẽ umi ovivíva tekojojápe pe ayuno ley ha oñekonverti upéicha peteĩ “omoĩporãva upe pa’ũ” iposteridad-pe ĝuarã. Ha’e umi opromete laja Isaias, “omopu’ãta umi ruina ymaguare.”9 Upéicha avei pe Salvador omoĩ porã upe pa’ũ térã distancia oĩva ñande ha ñande Ru Yvagagua mbytépe. Ha’e, Isakrifisio expiatorio guasu rupive oipe’a ñandéve ĝuarã upe tape japarticipa haĝua Tupã mborayhu pu’akágui, ha upéicha ikatu ñamoĩ porã umi “ruina” ñande rekove personal-pe. Ñamonguera haĝua pe distancia emocional oĩva ñande apytépe oñeikotevẽta ja’acepta ñande Ru mborayhu, ojoajúvo peteĩ sakrifisio ñande egoísmo ha kyhyje tendencia natural-gui.
Peteĩ pyharépe ndaykatúiva cheresarái, peteĩ che familiagua ha che roguereko peteĩ joavy tema político rehe. Pya’e ha porã oity yvýre che komentariokuéra, ohechaukávo che jejavy oĝuahẽ haĝuaichaopa familia miembrokuéra apysápe. Añeñandu výra ha desinformada, ha ikatu upeichaite. Upe pyharépe añesũvo añembo’e haĝua, pya’e amombe’u ñande Ru Yvagaguápe mba’éichapa hasy upe che familiagua. Añe’ẽ apyta’ỹre. Ikatu mba’e ajapókuri peteĩ pausa che plagueope ha Espiritu Santo oguereko oportunidad ohenoi haĝua che atención ha che sorpresarã ajejuhu ha’évo: “ Oiméne reipota ahayhu chupe”. ¿Ahayhu chupe? Añembo’ememe ha ha’e : ¿Mba’éicha piko ikatu ahayhu chupe?.Ni ndachegustai ningo. Che korasõ ipy’aro hína ha che remiandu hasy. Ndaikatúi ahayhu chupe”.
Upérõ, Espiritu Santo pytyvõ reheve, aguereko peteĩ pensamiento pyahu ha’évo: “Ha katu nde rehayhu chupe, che Ru Yvagagua. ¿Eme’ẽne piko chéve michĩmi ne mborayhu hese, ikatuhaĝuaicha che avei ahayhu chupe? Che py’aro oñembogue, ahechakuaa peteĩ kambio che korasõme, ha añepyrũ ahecha ko persona-pe diferente. Añepyrũ añandu pe valor ñande Ru Yvagagua ohecháva hese. Isaias ohai: “… tomoĩ Jehova peteĩ venda Itavayguakuéra fractura ári ha tomonguera llaga Ha’e ojapova’ekue.”10
Tiempo reheve, pe pa’ũ oĩva ore’apytépe oñemboty mbeguekatu; ha katu ha’e ndo’aceptairamo jepe che korasõ ñemoambue, ahechakuaa ñande Ru Yvagagua ñanepytyvõha jahayhu haĝua umi ñaimo’ãvape hasy jahayhu, jajerure’asýrõ Ipytyvõ. Pe Salvador expiasión ha’e peteĩ conducto ohasaha rupi pe karidad ou meméva ñande Ru Yvagaguágui. Jaiporavova’erã japyta Imborayhúpe ikatu haĝuaicha jaguereko karidad opavave rehe.
Ñame’ẽrõ ñane korasõ pe Túva ha Ta’ýrape, ñakambia ñande mundo, umi circunstacia oĩva ñande jerére nokambiairõ jepe; ñañemo’aĝui ñande Ru Yvagagua rehe ha ñañandu Hi’aceptación kyrỹi umi ñeha’ã jajapóvagui ha’e haĝua Cristo discípulo añetéva. Ñande ñeikumby, confianza ha jerovia okakuaa.
Mormón he’i ñandéve jajerure haĝua opa ñane korasõ mbarete reheve jahupyty haĝua pe mborayhu, ha upéva oñeme’ẽta ñandéve ijykua guive: ñande Ru Yvagagua.11 Uperõ mante ikatúta ñamoĩ porã pe pa’ũ ñande relación terrenal-kuérape.
Ñande Ru Yvagagua mborayhu opave’ỹva ojeipyso ñandéve, ñandegueru jey haĝua Igloria ha Ivy’ápavẽme. Ha’e ome’ẽ Ita’ýra Unigénito, Jesucristo-pe, omoĩporã haĝua pe pa’ũ ojeipysóva ñande ha Ha’e mbytépe. Pe jotopajey ñande Ru Yvagagua ndive ha’e pe mborayhu opave’ỹva esencia ha propósito eterno. Jajapova’erã pe conección Hendive ko’áĝa jahechakuaa haĝua mba’épa oimporta añetéva, jahayhu haĝua Ha’e ohayhuháicha ha jakakuaa ha’e haĝua Ha’éicha. Atestifika ñande relación joja ñande Ru Yvavagua ha pe Salvador ndive oguerekoha importancia eterna Chupekuéra ha ñandéve ĝuarã. Jesucristo rérape. Amén.