Pende perfectoke peẽ….ára oúvape
Japerserverárõ, pe ñane’rrefinamiento oikopáta ha oñekompletáta en algún momento de la eternidad.
Escritura-kuéra ojehai ñanderovasa ha ñanemokyre’ỹ haĝua, ha péicha ningo. Ñame’ẽ aguije yvágape opa capítulo ha versículo jarekóvare; ha katu,pehechakuaápa sapy’ante oĩha peteĩ pasaje ha’ete ku ñanemomandu’áva nañakumplipaiha hina? Por ejemplo, pe Sermón del Monte oñepyrũ bienaventuranza py’aguapy ha he’ẽva reheve, ha katu umi versículo uperiregua he’i ñandéve, entre otras cosas, ndaha’éi ndajaporojukainteva’erã, ha katu nañandepochyiva’erã. Oje’e ñandéve ndaha’éi ndajajapointeva’erã adulterio, ha katu ndajarekóiva’erãha avei pensamiento ky’a. Ojerurévape ñame’ẽva’erã ñande aho’iha ha pe ñande aperegua avei. Jahayhuva’erã umi ija’e’ỹvape ñanderehe, jahovasa ñane’maldecívape ha jajapo mba’eporã umi ñanderayhu’ỹvare.
Péva ha’éramo ñande estudio de las Escrituras pyharevegua, ha ñamoñe’ẽ rire ko’a peve jaikuaaporãmarõ ndajarekomo’ãiha buena nota ñande libreta de calificación del Evangelio-pe, ko tembiapoukapy paha ojehaíva ndohejamo’ãi duda: “Pende perfectoke peẽ, pende Ru Yvágape oĩva iperfectoháicha”. Upe final imperativo reheve, jahasejey ñande rupápe ha jajaho’i pe ñane’akã. Umi meta celestial ha’e tenda ndaikatúiva jahupity. Upevére, Ñandejára araka’eve nome’ẽmo’ãi ñandéve peteĩ tembiapoukapy Ha’e oikuaáva ndaikatumo’ãiha ñakumpli. Jahechami mo õpa ñande gueraha ko javorái.
Tupaópe ahendu heta olucháva ko mba’endive, he’ívo: “Che ningo nacheguenopái”. “Hetaite mba’e amehorava’erã”. “Araka’eve ndahupitymo’ãi”. Ahendu he’imitãrusu, misionero-kuéra, recién konverso ha miembro heta ary orekóva tupaópe. Peteĩ hermana iñakãporãva Santo de los Últimos Días, hermana Darla Isackson,ohechakuaa, de alguna manera, Satanás ojapókuri umi konvénio ha mandamiento ojogua haĝua maldición ha condenación-pe. Algunope ĝuarã ha’e okonverti umi ideal ha inspiración del Evangelio peteĩ mba’e ombohasa’asy ha omboja’e’ỹvape ijehe.
Pe ko’ãga ha’éva hína nonegái ha mba’evéicha nomomichĩri oimeraẽ mandamiento Tupã ome’ẽva’ekue ñandéve. Arovia umíva Iperfectoha ha aikuaa ñande ha’eha Ta’ýra ha tajyrakuéra en espíritu jarekóva potencial divino Ha’éicha haĝua. Aikuaa avei, Tupã ra’y ha rajýramo, ndovaléi ñaño’menosprecia ha ñañembohory ñandejehe, pe jajekastiga ojapotarõguáicha ñandehegui máva Tupã oipótava ñande ha’e. Nahániri! Jarekóramo deseo ñañe’arrepenti ha ñanepotĩse ñane korasõme, che aha’arõ tañañehã’a ñamehora personalmente jareko’ỹre ulcéra térã anorexia, depresión térã ñambyai’ỹre mborayhu ñandejehe jarekóva. Péva ndaha’éipe Ñandejára oipotáva mitãkuéra Primaria-pe ĝuarã ni mavave tapicha opurahéi añetévape: “Yo trato de ser como Cristo”.
Ñamohenda haĝua ko asunto, ñanemandu’áke opavave javiviha peteĩ mundo ho’apyrépe ha ko’ãga ñande ha’etekove ho’apyréva. ÑaimeRréino Telestial-pe, ojehaíva letra t-pe, ha nhaha’éi c-pe. Presidente Russell M. Nelson ñanembo’ehaguéicha, ko mortalidad-pe, perfección oĩ gueteri“pendiente”.
Ha péicha che arovia Jesús ndoipotáihague pe Isermón kóva ko témare ha’e peteĩ martillo verbal ñandekastigáva ñande debilidad-re. Nahániri, chéve ĝuarã Ha’e oipota péva taha’e peteĩ tributo mávapa ha mba’épa ha’e Tupã, pe Eterno Padre, ha ñande ikatúva jahupity Hendive eternidad-pe. En todo caso, ame’ẽ aguije, umi imperfección che arekóvarõ jepe, por lo méno Tupã iperfecto; por lo ménoHa’e ikatuha, por ehemplo, ohayhu umi Hese ija’e’ỹvape, py’ỹieterei,pe “hombre[térã mujer natural]” oĩvagui ñandepype, che ha peẽ a vece ha’e pe enemigo. Ame’ẽ tuicha aguije por lo ménoTupã ikatuha ohovasa umi hese ojahéivape, porque jaipota térã jaipota’ỹme,oĩ ára opavave jajaheiha hese.Ame’ẽ aguije Tupã iporiahuvereko ha ipy’aguapyhaguére, che aikotevẽgui poriahuvereko ha ko mundo oikotevẽ py’aguapy. Ha péicha ningo, opa mba’eporã Túvare ja’éva ja’e avei Ta’ýra Unigénito-re, ovivi ha omano’akue peteĩchagua perfección reheve.
Ajapura ha’e haĝua, ñama’ẽ pe Túva ha Ta’ýra ojapova’ekuére ñama’ẽrangue umi ñande jajapovaívare, nome’ẽi ñandéve ni michĩmi hustifikasiõ javivi haĝua peteĩ vida sarambikue ni ñamboguejy haĝua umi ñane norma. Nahániri, iñepyrũmby guive pe evangelio ha’eakue, “a fin de perfeccionar a los santos…hasta que…lleguemos…al hombre perfecto, a la medida de la estatura de la plenitud de Cristo”. Che ha’emínte,peteĩ propósito orekóva umi Escritura pasaje térã mandamiento ha’eha ñanemomandu’a haĝua hechapyrãiteha “pe medida de la estatura de la plenitud de Cristo”, ha ñane’inspira jahayhu ha ñamomorãve haĝua Chupe ha tuichave haĝua deseo jarekóva Ha’éicha haĝua ñande.
“Heẽ, peju Cristo rendápe, peñemoĩporamba ipype… ,” Moroni ojerure. “[Pehayhu]Tupãme opa pene ánga, apytu’ũ, ha mbarete reheve, upéicharamo… igrásia rupi[ikatúta] peñemoĩporãmba Cristo-pe”. Pe única esperanza jareko haĝua perfección añetegua ha’e jarrecibíramo peteĩ rregáloramo Yvágagui; ndaikatúi “ñagana”. Upévare, Cristo grásia oikuave’ẽ ñandéve ndaha’éi salvación vy’a’ỹ, pekádo ha ñemanóguinte, ha katu salvación ñane persistente autocrítikagui.
Pehejami taiporu peteĩ Salvador parábola ha’e haĝua péva ambue hendáicha. Peteĩ siervo odevékuri irréipe 10 000 talento. Ohendúvo pe siervo ojerure’asy paciencia ha misericordia, “pe irréi orekógui poriahuvereko…operdona chupe pe deuda”; ha upéi katu, upe siervo noperdonái peteĩ iconsiervo odevévape chupe 100 denarios. Ohendúvo péva, pe rréi oja’o iservo operdonava’ekuépe: “Ndereporiahuverekoiva’erã piko nde avei nerembiguáipe, che roporiahuvereko haguéicha?”.
Oĩ joavy umi ontendéva mbo’ýpa umi valor monetario ko’ápe oje’éva—ha cheperdona amoĩre de rreferncia pe moneda norteamericana—, ha katu ñasimplifika haĝua pe matemática, pe deuda michĩvéva de 100 denario noñeperdonaiva’ekue ha’éramo, ja’e chupe, cien dólar ko’aĝa, péicharõ, pe deuda de 10 000 talento oñeperdonarei’akue, ikatura’e ha’e aproximadamente mil millón de dolar…térã hetave!
Peteĩ deuda personal-rã, péva ha’e tuichapajepéva suma; ikatukuaa’ỹva ñantende. (Mavave Ndaikatúi oho omba’ejogua ha hetaite ogasta!) Ha péina ápe, ko parábola propositorã, oñeha’arõkuritoñentende’ỹ, oñeha’arõkuri oĩ haĝua ñantendekuaa’ỹ haĝuáicha, ha ja’e’ỹ japagakuaa haĝua!Ha péicha ningo péva ndaha’éigui peteĩ ñemombe’u mokõi siervo ojoavýva rehegua Nuevo Testamento-pe; ha’epeteĩ ñemombe’u ñande rehegua, pe familia humana ho’apyre, opa umi deudor, transgresor ha prisionero mortal. Maymáva ha’e deudor, ha pe veredicto ha’ékuri prisión opavavépe ĝuarã;ha japytava’erãmo’ã upépe ndaha’éirire ñande Rréi grasia rupive, ñandejorava’ekue ñanderayhu ha “ñandeporiahuverekógui”.
Jesucristo oiporu ko’ápe peteĩ medida oñehepyme’ẽkuaa’ỹva, pe Hi’expiasiõ ha’égui peteĩ don oñehepyme’ẽkuaa’ỹva oñeme’ẽva kosto oñentendekuaa’ỹvape. Péva, chéve ĝuarã ha’e parte pe he’iséva Jesucristo mandato ñande perfecto haĝua. Ikatu ñande nañademostrakuaái gueteri perfección de 10 000 talento Túva ha Ta’ýra ohupityva’ekue, ha katu ndahetái Chupekuéra ĝuarã ojerure haĝua ñandéve jajoguave’imi haĝua Tupãme umi mba’e michĩvape: ñaneñe’ẽ ha jajapo, jahayhu ha ñaperdona, ñañe’arrepenti ha ñamehora por lo méno pe nivel de perfección de100 denario, ndahasýiva jajapo haĝua.
Hermano ha hermanakuéra, excepto Jesucristo, ndaipóri comportamiento iperfectova ko jeguata terrenal ñaĩháme;ha péicha, ko yvy’ári ñaime aja, ñañeha’ã ñamehora meme ha ani jaipotaite umi científico de la conducta oheróva“perfeccionismo tóxico”. Ndovaléi ñaha’ãro umichagua mba’e ñandejehegui ha ambue tapichágui, ha che ha’eve, umi oñehenoivagui oservi haĝua Tupaópe, ha Santo de los Últimos Días pe ĝuarã he’iséva opavave, maymáva ñañehenóigui jaservi haĝua oimerãe hendápe.
Péva rehegua, Leo Tolstoy ohai’akue peteĩ pa’i rehegua, umi ifeligres ocritikáva hese ndovivígui hekopete, ha péva rupi pe kuimba’e oimo’ã umi principio pe predicador rekovai ombo’éva oĩvaiha avei.
Ombohovái haĝua upe crítica, pe pa’i he’i: “Ema’ẽ che rekovére ko’ãga ha ekompara che rekove upe mboyveguarére. Rehecháta añeha’ãha hína avivi pe añetegua ambo’éva rupi”. Ndaikatúigui ovivi umi mba’e ombo’éva ojerureháicha, pe pa’i he’i ofracasa hague,ha katu he’i’asy:
Chekondená katu, [reipotáramo], chete voi ajapo;ha katu [ani] eataka pe tape aseguíva…Aikuaáramo che róga rape [ha katu] aguata karẽ ipype, ikarẽve piko pe tape chekarẽgui ahávo ipype? …
“…Ani torýpe eguerosapukái, ‘Pema’ẽ hese! …Napépe,otyryry karugua gotyo! Nahániri, ani nderory, ha katu eme’ẽ…nepytyvõ[oimerãe tapicha oñeha’ãva hína oguata tape oho jeývareTupãme]”.
Hermano ha hermanakuéra, opavave ñandekuéra jaipota peteĩ vida más cristiana pe javiviagui. Añetehápe ja’éramo ñañeha’ãha hína ñamehora, nañanerovamokõiri; ñande ha’e humano. Ajeruremi jaheja haĝua umi vyrorei jajapóva yvypóraicha ha umi jejavy kuña ha kuimba’e ñande jeréregua katuete orekóva rupi, ñanembotavy umi verdades del Evangelio reheguáre, pe Tupao añeteguaha, esperanza tenonderãre jarekóva térã divinidad ikatúvare jahupity. Japerseverárõ, ñane’rrefinamiento oikopáta ha oñekompletáta peteĩ ára,eternidad-pe ha péva Nuevo Testamento-pe he’ise perfección.
Atestifika upe gran destino, jahupitykuaáva Ñandejára Jesucristo Expiación rupive, máva oho’akue avei “de grasia en grasia” Hi’inmortalidad-pe orrecibi peve plenitud perfecta de gloria celestial. Atestifika ko’ãga ha opa ára Ha’e oipysoha ñandéve, ipo klávo jekutupyre reheve, péichagua grasia, ñandejagarrávo Ijehe ha ñanemokyre’ỹ, ha oñenegávo opoi ñandehegui ñaime peve a salvo ógape, TuvakuéraYvagagua ñemo’ãme. Aĝuahẽ haĝua upe momento perfecto-pe, añeha’ãnte ahávo; vaivaíramo jepe; ame’ẽnte ahávo aguije upe don perfecto rehe, ndajapóiramo jepe hekopete; ha péva ajapo upe Pefección rérape, Ha’e, araka’eve ndojapovaíri ni hekopegua’ỹva, ha katu ñanderayhúva opavave ñande upéichavape, Jesucristo rérape. Amén