Separados, ha katu oñondive
Tupaope, jepe jajoavy, Ñandejára oha´ârô jajoaju ha jaiko peteî háicha
Junio, 1994-pe, amanehava´ekue rorýpe ahakuévo ógape, che rembiapohágui ahecháhaĝuâ televisión rupive partido oha´âtahápe ore equipo nacional Kópa mundiálpe. Añepyrûvo che rápe, ahechá mombyry guive peteî karai diskapasitádope omanehávo apúrope avei isilla de rueda, ahechakuaáva oguerekoha bandera brasiléra ijehe. Upéicha ahechakuaa, ha´e avei ohótaha hógape ohechahaĝuâ partido!.
Rojohupytúvo, romaña ojoehe, ha sapy´aitemí añeñandú joajúpe pe karáindive. Roho ambue henda gotýo, ndorojoikuaái, ha katu tesakáme ore jeikove ha ore rete ijoavy, ha katu pe pasión ha mborayhu roñandúva futbol-re ha ore retâre ore mbojoaju upe jave. Ndahechavéiva upe karaípe, ha katu Ko árape, aré rire ikatúgueteri ahecha upe karai resa ha añandu che conexión mbarete hendive. Ipaháitépe, ¡rogana pe partido ha kópa Mundial upe arýpe!
Doctrinas y Convenios-pe, ha’e he’i “Peiko peteîháicha, ha nda upéicharô, peê ndaha’ei che mba’”.
Jaikévo peteî Kapíllape térâ témplo-pe ja adora haĝuâ grupo háicha, jahejáva´erâ tapykuépe ñande joavykuéra, ñande rása, posición social, políticas, ñande formación, térâ ñande profesión, umia rendaguépe ñañe konsentráva´erâ ñande objetivos espirituales kuérare, jaguerekóva oñondivepa. Oñondive japurehéi, ñañamindu’u convenios kuérare Santa Cena aja, ja’e ojojapa amén, discurso rire, ñembo’e ha ñehekombo’e opa rire, ha jahechaukávo ñaimehá de acuerdo oje’evare.
Ko´âmba´e ojejapóva oñondivepa ñanepytyvô ñamoheñói haĝua, sentido de unidad congregación-pe.
Upeichavéro, añetehápe omboguapýpa, ombojojáva téra ohundíva pe unidad ha´emba´éicha jaikove ñaimévo mombyry ojoehegui miembrokuéra tupâógua. Opavave jaikuaaháicha, sapy´ante katuetei ñañe’êta ojoehekuéra.
Jaiporávóvo mba´epa ja´eta ojoehekuéra, ñaneñe´ê “[ombojoaju ñane] korasô peteîháicha,” oporohekombo´e haguéicha Alma, umi ha’e obautazava’ekuépe Mormon ysyrýpe, térâ katu ojedestruíta mbeguekatúpe mborauhy, Konfianza ha marangatu jejapose, oikovéva´êra ñande apytépe
Oî ñemongueta ohundíava unidad, techapyrârô jaguereko ko´â ñe´ênguéra: “hee, ha´e peteî obispo marangatu, ha katu rehechámba´e ramo ra´e imitâ aja!”.
Ñe´ẽ iporâvéva ramo´â kuri oje´e ramo péicha: “Obispo imarangatueterei, ha hetáma okakuaa sabiduría há maduréspe arykuéra ohasa aja”.
Vokoieténte jahero tapichakuérape ja´evo mba´e ko´âichagua: Presidenta Sociedad de Socorrogua, ha´e peteî kausa perdida, itérka! Upéva rangue ikatu ja’e: “Presidenta Sociedad de Socorrogua oĩ menos flexible ko’ã ara pahápe, oiméne ohasa’asy hína. ¡Ñaipytyvõ ha jasostenéna chupe!”.
Hermáno ha hermanakuéra, ndajaguerekói derecho ja´evo mba´eve peichagua avavére, ha menos ñande tupâome guáre, peteî producto ojejapo vaívaicha. Ha katu ja’eva ñande rapicháre ohechaukáva’erâ ñande jerovia Jesucrístore, ha iñexpiación rehe, ha hese rupive ikatu ñamboguata ñande rekove
Oî tekovekuéra, oñepyrûva oñemomombyrў ha oñe´e vai tupaogua líderes ha miembrokuérare mba’e reíre.
Upéva ojehu peteî kuimba´e hérava Simonds Ryder-pe, ojebautisáva’ekue 1831-pe. Omoñe´ê rire peteî revelación chupe ḡuarâ, opytâ sorprendido omoñe´ê ha ohecha rire héra ojehai vaíha héra Rider, taí (i) rehe ojehai rangue y rehe. Ireacción upé mba´ere ogueraha chupe okuestionávo profétape, ha peicha hápe ogueraha persecusión José-pe ha avéi oñemomombyry tupâogui.
Avei ikatu jahupytu jekorrehi, ñande líder eclesiástiko kuéragui, umi mba´e, omoîta pruebápe ñande unida hendivekuéra.
Aguereko 11 áñonte, ha katu che mandu’a ojapo 44 ary centro de reuniones rohohápe che familikuéra ndive, oñeremodelápaitéta hague. Oñepyrû mboyve ñemyatyrô, ojejapo peteî aty tuicháva, líderes lócales ha áreagua ohecha haguâ mba´e tembiapópa ojapóta miembroskuéra pe tembiapópe. Che ru, omotenondéva´ekue upe unidad heta ary aja, omombe’u ha´e oimo´âva, he´ivo umi tembiapo ojapóva´erâha tekove oikuaáva, ha nahániri ojaposévante.
Ndaha´ei noñepenàinteva isuherénsiare, ojeja´ovoi katu chupe opavave renondépe upérô. Ha´e kuri ha´e, peteî kuimba´e ojededikáva tupâo-pe, ha ha´e kuri avei, peteî soldado Segunda guerra mundial Európa-pe guare, oîva´ekue akostumbrádo oñorairôvo ilúcha ha oguerovíavare. Ikatu jaikuaase mba’eichapa oreaccionáta upe rire opersistíta iñopinión-pe? Ha osegíta okontraria pe decisón ojejapyhýmava’ekuepe?
Rohecháma kuri oîha familias ikangýva´ekue Evangélio-pe ha ndohovéi reunión hápe, ndaikatúigui oñemantene unido umi tapichakuéra omotenondéva tupâore. Che avei ahecha heta che rapichakuéra primariagua noñemantenéiva’ekue fieles imitâ aja, itúvakuéra ojuhúre manterei falla tapichakuérare tupâome
Upeichavéro, che ru, odesidi opermanesé unido santoskuérare, ha ohasa rire ára ha ára, miembrokuéra oñembyaty oipytyvô haḡua construcción-pe, o invita che famíliape rosegívo centro de reuniones-pe, roñemoî haguâ a disposición roipўtyvô haguâ oñeikotevévape.
Che che pochy. Aporanduse chupe: Che ru, mba´ere piko ñaipytyvôta ko tembiapópe, nde ningo reguerovía miembrokuéra ndojapóiva´erâ hague pe construcción? Ha katu omaña háicha che rehe, chemo kangy aporandu haĝua chupe upéva. Aî porâse rededikasiónrâ. Upémarô adesidi apyta kirîrihápe ha simplemente aipytyvô construccion-pe.
Che ru, ndohupytýi jepe ohecha haḡua pe Kapílla oñe treminávo, omano opa mboyve, ha katu ore familia oñemotenondéva upe guive ore sýre, opyta ojapó iparte opaité-peve. Ha upéva oremantene unido che ru ndive, tupaogua miembrokuéra, líderes, ha iñimportánte véva Ñandejára ndive!
Getesemani pegua jehasakue mboyvemi, oñembo´e aja Ñande Ru –pe opaite ijapóstolkuérare, ha opavávavete ñande rehére he´i “Opave ha’ehaĝuâ peteî, ndéicha, ha nde, che Ru, peteĩnteháicha che ndive ha che nendive.
Hermáno ha hermanakuéra, atestifica, jaikóvo peteì háicha miembros ha lídereskuéra tupâoguá ndive, ñaimévo reunido hendivekuéra ha especialmente ñaimévo separado chuguikuéra, aveí ñañeñandúta perfectamente unido Ñande Ru Yvagagua ha Salvador ndive. Jesucristo rérape, Amén.