Designio divino rupive.
Ñandejára po pendegueraha. “Designio divino” rupive, Ha’e omba’apo umi detalle michĩvévare pende rekovépe, ojapoháicha umi suceso importante-vape.
Hermano ha hermana-kuéra, añembo’ývo ko’ápe, ko inspiradora conferencia general mundial-hápe ha añandu pene mbarete ha pende espíritu, ndaikatúi apensa’ỹ umi apóstol Pedro ñe’ẽre: “[Ñandejára], iporã ñaime ko’ápe”1.
Upéva ndaha’eiete pe he’iva’ekue Alma opredika rire Ammoníah pueblo-pe. Alma oheja pe tavaguasu pueblo iniquidad rehe; Pya’e osẽ chupe peteĩ ángel ha omanda “to [jevy] Ammoníah tavaguasúpe ha [topredika] jey umi upe távape oikóvape”2.
Alma upéva ojapo “pya’e ”, oikévo “pe tavaguasúpe ambue tape rupi”3.
“Ha oikévo pe tavaguasúpe iñembyahýi, ha he’i peteĩ kuimba’épe: Eme’ẽne piko mba’e ho’u hağua peteĩ Ñandejára rembiguái mirĩvape?”
Ha he’i chupe upe kuimba’e: “che ha’e peteĩ nefita, ha che aikuaa nde ha’eha peteĩ Tupã profeta marangatu, nde ha’égui pe kuimba’e pe ángel he’ihaguére chéve peteĩ techaukápe: Nde remoğuahẽta chupe”4.
Pe kuimba’e ha’ékuri Amulek.
Ko’áğa, ¿Ojetopa Alma Amulek-ndi azar rehente? Nahániri, ndaha’éi coincidencia oike pe tavaguasúpe upe tape oguerahávare chupe pe kuimba’e fiel rendápe ha’étava iñirŭ misión-pe.
Élder Neal A. Maxwell omyesakã peteĩ jave: “Ndaipóri ñandeapytépe oipurupáva opa oportunidad umi persona-kuéra oñe’asignáva-ndi ñandéve ñande círculo de amistad ryepýpe. Peẽ ha che ikatu ñahenói ‘coincidencia’ umi mba’e’atýpe; Oĩ porã umi mortales toipuru pe ñe’ẽ, ha katu coincidencia daha’éi peteĩ ñe’ẽ porã ñamombe’u hağua peteĩ Tupã oikuaapáva rembiapo. Ha’e ndojapói umi mba’e ‘coincidencia’ re, ha katu ‘designio divino’ rehe”5.
Ñande rekove peteĩ ajedrez tablero-icha ha Ñandejára ñanemomýi peteĩ tendágui ambuépe; ñaime ramo receptivo umi Espíritu impresión-kuérare. Ñamañarõ ñande atukupépe, ikatu jahecha Ipo ñande rekovépe.
Jahecha peichagua intervención celestial Nefi ojevy ramoguare oheka Labán plancha-kuéra. Nefi he’i “ha chegueraha pe Espíritu, aikuaa mboyve’ỹre mba’épa ajapova’erã6. Nda’aréi rire, Labán oĩ hovake ka’u kevy rehe haNefi ojuka, ojapyhy umi plánchakuéra, ha oñani oho jeývo iñermanokuéra rendápe. ¿Ipo’a piko ojuhu hağua Labán -pe azar rehe? ¿Térã ha’ékuri “designio divino” rupi?
Oĩ acontecimiento significativo ojehúva Evangelio ha Tupaópe omotenondéva pe Reino de Dios yvy ári; ndojehúi accidente-re, sino Tupã plan he’iháicha.Pe ojapova’ekue ko mundo ikatu okalma umi mar Iñe’ẽ rehe, ha ikatu ogueraha Alma ha Amulek, avei Nefi ha Labán-peicha, oĩ hağua tenda indicado upe momento indicado-pe.
Upéicha avei, oĩ ojehúva ha relacion-kuéra oikóva ñande rekovépe peteĩ teĩme omotenondéva Tupã rembiapo ko yvy ári.
Ojehayhuetéva Élder Joseph B. Wirthlin he’i peteĩ jave presidente Thomas S. Monson he’ihague chupe: “Oĩ peteĩ influencia celestial opa mba’e ári. Py’ỹi, ojehúvo umi mba’e, ndaha’éi accidente-re. Peteĩ ára, ñamañakuévo ñande atukupépe umi ojoguáva’ekue coincidencia ñande rekovépe, ñañeme’ẽta en cuenta ikatuha, opa mba’e rire, ndaha’eiha upéicha’”7.
Heta jey, sa’i tekove oĩ oikuaáva ñane rembiapo porã; Ha katu, ojekuaa yvágape. Peteĩ ára, ha’éta testigo umi ñande íntegra dedicación rectitud rembiapópe. Ndaipóri prueba ni mba’evaiete ikatúva omoambue pe Tupã plan felicidad rehegua. Añete, “designio divino”-rupi, “pyharevete oúta vy’a”8. Jesús ombo’e: “Aju mundo-pe akumplívo Che Ru rembipota”9. Pejehayhuetéva hermano ha hermana-kuéra, ñande avei ñakumpliva’erã.
Che experiencia che rekove travesía-rupi, aikuaa Ñandejára ñanemomýi upe ajedrez tablero imaginario ári jajapo hağua Hembiapo. Upe ha’etévaicha peteĩ oportunidad al azar, upéva, ojedirigi hína peteĩ TúvaYvagagua oporohayhukuaávare, ikatúva oikuaa mboy akãraguépa peteĩ teĩ akãme oĩ10. Ni peteĩ guyra’i ho’a yvýpe ohecha’ỹre ñande Ru11. Ñandejára omba’apo umi detalle michĩvévape ñande rekovépe, ha umi ojehúva ha oportunidad ñanembosako’iva’erã jahupi hağua ñane familia ha ambue tekovekuérape ñaipytyvõháicha Reino de Dios ñemongakuaápe yvy ári. Penemandu’a, Ñandejára he’iháicha Abraham-pe: “Aikuaa pe ipahañepyrŭmby guie; upévare, ro’aho’íta che pópe”12.
Ñandejára chemoĩ peteĩ óga oĩháme tuvakuéra ijojáva. Umi mundo estándar-pe ğuarã, ha’ékuri persona común; che ru kuimba’e hekojojáva omba’apokuaáva ha’e peteĩ kamiõkuéra mboguataha; che sy angelical, opyta ógape oñangareko hağua orerehe. Ñandejára chepytyvõ ajuhu hağua che rembireko ahayhuetéva, Melanie-pe. O’inspira peteĩ empresario-pe, oikóva chugui peteĩ amigo ahayhúva, ome’ hağua chéve peteĩ oportunidad laboral. Ñandejára cherenói aservi hağua campo misional-pe chemitarõ gueteri ha upéi presidente de misión ramo, cherenói Cuórum de los Setenta-pe, ha ko’áğa cherenói Apóstol ramo. Atukupépe amañavo, a’entende ndaha’eiha che pe ombosako’íva’ekue ko’ã ñemomýi; ha’e Ñandejára, Ha’e ombosako’iháicha umi ñemomýi importante peẽme ha umi pehayhúvape ğuarã.
¿Mba’épa peñehava’erã peẽ pende rekovépe?¿Mávapa umiTupã milagro-kuéra penemomandu’áva Ha’e oĩha ağui ha he’i: “Ápe aime”?Pepensa umi momento-pe, sapy’ánte oikóva ára ha ára, Ñandejára omba’apohápe pende rekovépe; ha upéi ojapo jey. Pemomba’e umi momentos Ñandejára ohechaukahápe confianza penderehe ha pende decision-kuérare; ha katu peheja chupe tapenembotuichave peẽ ikatuhágui peñembotuicha pendejehegui. Pemomba’e Iparticipación. Sapy’ánte, ñaimo’ã umi kámbios ñane plan-kuérape ñande travesía pukukue ha’eha ñepysanga. Pehecha umi paso ñepyrŭhaicha peime haĝua “Ñandejára rembiapópe”13.
Ojapo mésente, ore ñéta oñe’uni peteĩ imitãva atýndi orrekorre hağua heta umi tenda histórico tupaogua. Pe itinerario paha ohechauka ohasataha pe zona oĩháme iñermano misionero ramo, ore ñéto, ojapoha hína servicio. Ore ñéta ndorekóikuri intención ohechávo iñermáno imisión aja. Ha katu, pe autobús oikékuévo pe táva ojapohápe servicio iñermáno, ohecha mokõi misionero oguatáva hína kállere;Peteĩva iñermáno.
Pe autobús henyhẽ expectación-gui umi emimbo’ekuéra ojejerurévo pe conductor-pe topytami ha’e ikatu hağuáicha omomaitei iñermánope. Peteĩ minuto mboyve, tesay ha ñe’ẽ’asýva rire, iñermáno oho jey okumpli i-debere misional-kuéra. Uperire, roikuaa iñermáno oĩ hague pe kállepe cinco minuto mboyvénte, ohokuévo kóchepe peteĩ cita rire.
Túva Yvagagua ikatu ñanemoĩ umi situación orekóva pe mba’e oipotáva iñakãme. Upéicha ojapo che rekovépe ha pende rekovépe avei, ojapo haguéicha ore ñetokuéra rekovépe.
Peteĩ teĩva ñande Niko ojepresia ha ojehayhu Ñandejárare, ojepy’apýva, oñe’ẽ mbeguemi ha oñangarekóva ñanderehe ha peteĩ teĩre. Ha’e ningo iñarandueteve ha ipoderosove umi kuimba’e ha kuña mortal-gui. Oikuaa ñande reto-kuéra, ñane triunfo, ha umi ñane korasõ potapy joja.
Ojapo peteĩ áño rasami, aguata aja Manzana del Templo-re, peteĩ hermana misionera oñemboja ha oporandu chéve, “¿Nemandu’ápa cherehe? Che Florida-gua”. He’i chéve héra; ha’e hermana Aida Chilan.Heẽ; chemandu’a porã aikuaahague chupe ha ifamiliape. Ipresidente estakapegua osuheri torovisitami familia Chilan-pe; Hesakãporã roĩha upépe imemby, Aida-re, ne’irãva ikarai. Ore visita rire, ha peteĩ áño rasa oñembo’e ha hermanamiento rire, Aida ikarai.
Rojojuhu rire Manzana del Templo-pe, Aida o’escribi chéve peteĩ carta. He’i: “aikuaa opa che korasõ reheve Túva Yvagagua ñandekuaaha peteĩ teĩ ha ojoasaha ñande rape peteĩ razón-re. Gracia ha’e haguére peteĩ che misionero;gracia remyasãi haguére chéve ndepo ha chereka ojapo cinco áño”14. Aida avei ogueruka chéve pe ikonversión historia, omombe’úva umi “divinas coincidencias” ojehuva’ekue hekovépe ha ogueraháv aiñemongaraí ha ikonfirmaciónpe, oservívo peteĩ misión-pe Manzana del Templo-pe, ha iñemenda ramo templo-pe15.
¿Ha’e piko coincidencia-nte presidente de estaca oregueraha hague familia Chilan rógape, térã rojojuhu upéiManzana del Templo-pe? Pe Aida testimonio ome’ẽ fe opa ha’eha Tupã “designio divino” pehẽngue.
Ñandejára ohayhu oime ñanendive; ndaha’éi coincidencia pe, Ijespíritu peñandúvo ha pejapo umi ñe’ẽ mbegue peteĩha he’iháicha, peñandu pe Ha’e opromete’akue: “Aháta pende rova renondépe. Aiméta pende diestra ha pende siniestra-pe, ha che Espíritu oĩta pene korasõme, ha che ángele-kuéra pende jerére, pendejoko hağua”16.
Opavavépe ojehu hekovépe péichagua mba’e avei. Ikatu jaikuaa peteĩvape ha’etévaicha ñandéve familiar, ñañepyrŭ jey ñane relación peteĩ jaikuaávandi, térã jajuhu puntos en común peteĩ extraño ndive. Upéva ojehúrõ, ikatu Ñandejára ñanemomandu’a opavave ha’eha “hermano ha hermana”. Añetehápe ñaime consagrado upe káusape; upe José Smith ohenoiva’ekue “Cristo káusa”17.
¿Ko’áĝa, moõpa ha mba’e tenda oreko pe albedrío “designio divino” ryepýpe? Jareko pe opción jaha térã jaha’ỹ ñande Salvador ha Ilíder-kuéra poravopyre rapykuéri. Pe proceso hesakã porã Libro de Mormón-pe umi nefita-kuéra oñemomombyryrõ guare Ñandejáragui. Mormón oñelamenta:
“Ha ohecha… Ñandejára Espíritu noñongatuvéimaha chupekuéra; heẽ, ojeíkuri chuguikuéra, Ñandejára Espíritu ndoikóigui templo ipotĩ’ỹvape;
“upévare, Ñandejára noñongatuvéima chupekuéra imilagroso ha ijojaha’ỹva pu’aka reheve, ho’águi kuri hikuái peteĩ jeguerovia’ỹ ñeimépe ha tembiapo ñañaitereípe”18.
Ndaopavavéi Ñandejára ojeruréva ñandéve ha’e pe ñande mbaretekue resultado, térã mba’éichate pevepa ñande fiel, ni umi jaikuaávagui. Pekonsiderami Saulo-pe, Ñandejára omombytava’ekuépe Damasco rapére. Ogueraháva hína dirección avy hekovépe; ha upéva ndorekói mba’eve norte térã sur ndive. Saulo-pe ojegueraha manera divina-re. Upéi ojekuaa chupe Pablo ramo; iministerio apostólico ohechauka pe Ñandejára oikuaámava ha’e ikatuha ojapo ha ikatúva oiko chugui, ha ndaha’éi pe ha’e oñepropone’akue ojapo Saulo ramo. Upéicha avei, Ñandejára oikuaa mba’épa ñande peteĩ teĩ ikatu jajapo ha oiko ñandehegui. ¿Mba’e ombo’e apóstol Pablo? “Ha jaikuaa umi ohayhúvape Tupãme, opa mba’e omba’apo jojáta iñeime porãrã, umi ipropositoichaite oñehenóiva”19.
Ñanderekojoja ramo, ñaimérõ dispuesto ha katupyrýpe, jaluchávo ñaime hağua digno ha calificado, japrogresa umi tenda araka’eve ñaimo’ã’ỹva peve ha ñağuahẽ jaiko pe Túva Yvagagua “designio divino” parte ramo. Peteĩ teĩva ñande jareko pe divinidad ñande ryepýpe. Ajerure’asy jahechávoTupã omba’apoha ñande rupi ha ñanendive, tañañeñandu kyre’ỹme, ha avei agradecido upe guía-re. Ñande Ru Yvagagua he’í: “Kóva ha’e che obra ha che gloria: Tojejapo kuimba’e inmortalidad ha vida eterna”20, oñe’ẽ opavave Ita’ýragui; ha nderehete.
Ñandejára po pendegueraha. “Designio divino”-re, Ha’e omba’apo umi detalle michĩvévare nde rekovépe, umi suceso importante-pe guáicha. He’iháicha Proverbios-pe: “Ejerovia Jehová-re opa ne korasõ reheve, … ha ha’e ombojojáta nde veredakuéra”21. Atestifika Ha’e penderovasataha, pendejokóta ha ome’ẽtaha peẽme py’aguapy. Jesucristo réra sagrado-pe. Amén.