Jajere Ñandejára gotyo

Obispo W. Christopher Waddell rupive

Segundo Consejero Obispado Presidente-pegua

Ndaikatúi ña-controla umi ojehúva ñandéve, ha katu jareko control absoluto mba’éichapa ñambohovái umi kámbio ojehúva ñande rekovépe.

Primavera 1998-pe, Carol ha che ikatu rombojoapy peteĩ viaje de negocio vacacione familiare ndive ha rogueraha cuatro ore mitãnguéra, che suegra imenamano ramóvandi, Hawái-pe mbovy ára aja.

Pe pyhare ore vuelo Hawái-pe mboyve, ore mitã cuatro mése orekóva, Jonathon-pe, oñediagnostika infección mokõivéva ijapysápe ha oje’e oréve ndaikatumo’ãiha oviaja ikatu mbohapy térã cuatro ára pukukue. Ro’e Carol opytataha Jonathon ndive ógape, che aha aja familia rembyréndi.

Pe ohechauka raẽvetéva chéve péva ndaha’eiha pe viaje che aimo’ãtava’ekue ojehu roğuahẽ riremínte. Roguata aja peteĩ tape ojehesapéva jasýre ha oñemohembe’ýva palmera-kuérare, peteĩ océano vista-re ore rovái, ajere amombe’u hağua mba’eichaitépa iporãpe isla, ha upe momento romántico-pe, Carol ahecharãngue, ajejuhu amaña che suegra resápe… upe, ikatu ha’e, arekóvare tuicha mborayhu. Ndaha’éintekuri pe che aimo’ã haguéicha. Avei Carol noha’arõi ohasataha ivakasion ha’eño ógape ore mitãra’y hasývare.

circunstancia ivaivéva umi vacacion desorganizada-gui. ¿Mba’éicha ñambohovái umi ojehúva ramo, py’ỹi ikatu’ỹva ñakontrola, omoambuéramo pe tekove ñaplanea térã ñaha’arõvagui.

Imágen – Ta’anga

Hyrum Smith Shumway

Junio 6 1944-pe, Hyrum Shumway, peteĩ subteniente EE. UU. ejército-pegua imitãva, oguejy Omaha Beach-pe invasión del día D parte-icha. Ojapo desembarco mba’eveichagua percance-‘ỹre, ha katu pe julio 27-pe, umi Aliado-kuéra oñemotenondévo, opyta gravemente herido peteĩ mína antitanque okapu jave. Sapy’aitérõ ğuarã, hekove hatenonderã ikarrera médica ajehecha afectada dramáticamente. Heta cirugía rire, oipytyvõva chupe ojerrekupera hağua umi erida guasuetégui, hermano Shumway opyta ohechave’ỹ. ¿Mba’éicha ombohováita?

Ohasa rire mbohapy áño peteĩ hospital-pe rehabilitación-rã, ojevy hógape Lovell, Wyoming-pe. Oikuaa pe ikerayvoty oiko hağua chugui médico ndaikatuvéimaha, ha katu oĩ decidido osẽvo tenonde, omenda ha omantene peteĩ familia.

Ipahápe ohupyty imba’a porã Baltimore, Maryland-pe, rehabilitación consejero ramo ha especialista empleo-pe ohechave’ỹvape ğuarã. Pe rehabilitación proceso imba’évape o’aprendékuri umi ohechave’ỹva ikatuha ojapo hetave mba’e umi ha’e oimo’ãvagui, ha ocho áño aja upe kárgope omoĩ imba’aporãme hetave ohecha’ỹvape oimeraẽva ambue consejero-gui ko tetãme.

Imágen – Ta’anga

familia Shumway

Ko’áğa ojeroviávo ikapasidare oprovee hağua peteĩ familia-pe, Hyrum ojerure hembirekorãme omenda hağua hese, he’ívo: “Nde releévo correo, remohenda media ha remboguata kóche, che ikatukuaa ajapo umi hembýva”. Sa’i ára rire ojesella hikuái Salt Lake Templo-pe ha ipahápe ojehovasa ócho mitãre.

1954-pe, Shumway-kuéra ojevy Wyoming-pe, hermano Shumway omba’apo haguépe 32 áño aja Director de Educación para Sordos ha Ciegos del Estado-ramo. Upe tiempo aja, ome’ẽ servicio siete áño pukukue obispo Barrio Cheyenne 1-pe ha, upéi, 17 áño estáka patriarca ramo. Ijubilación rire, hermano ha hermana Shumway oservi matrimonio misionero ramo Misión Inglaterra Londres Sur-pe.

Hyrum Shumway omano marzo 2011-pe, ohejávo hapykuerépe, legado ramo, fe ha confianza Ñandejárare, oĩ ramo jepe condición hasyetéva guýpe, iposteridad ta’ýra, ñéto ha bisnieto-kuéra tuichapa jepévape¹.

Hyrum Shumway rekove ikatu iñambuékuri ñorairõguasu káusare, ha katu araka’eve ndodudái inaturaleza divina ha ipotencial eterno-gui. Ha’éicha, ñande ha’eTupã ra’y ha rajykuéra heñóiva’ekue espíritu-pe ha “[ñamoneĩ] Iplan upe [ikatuhápe] jajapyhy peteĩ rete físico ha ñagana experiencia terrenal japrogresa perfección gotyo ha ipahápe jahupyty [ñane] destino divino tekove ijapyra’ỹva erederokuéra ramo”². Ndaipóri kámbio, prueba térã oposición ikatúva omoambue pe curso eterno; ñande jeiporavo añónte, jaipurukuévo ñande albedrío.

Umi kámbio, ha desafío-kuéra oguerúva umíva, jajuhúva tekove mortal-pe ou hetaichagua tuichakue ha forma-pe, ha o’afecta peteĩ teĩ ñandéve en forma unika. Peẽicha, che ha’ékuri testigo umi desafío o’enfrentávagui hikuái amigo ha familiar-kuéra :

Peteĩ ojehayhúva ñemano
Peteĩ jueja iróva
Ikatu nojerekóigui oportunidad oñemendávo
Mba’asy térã ñeñopŭ vai
Ha jepe umi desastre natural, umi jahecha ramóvaicha ko mundo-pe

Ha pe lista ohovénte. Káda “ñemoambue” ikatu ramo jepe exclusivo ñane circunstancia individual-pe, oĩ peteĩ elemento común upe prueba térã desafío oútavape: pe esperanza ha py’aguapy oĩ disponible akóinte Jesucristo sacrificio expiatorio rupive. Pe Jesucristo expiación ome’ẽ umi medida correctiva ha ñemongueraite opa rete herido-pe ğuarã, espíritu oñeñopŭva ha korasõ ojekávape ğuarã.

Ha’e oikuaa, avave ikatu’ỹháicha o’entende, mba’épa ñaikotevẽ, peteĩ teĩ, ikatu hağuáicha jaha tenonde gotyo kámbio mbytépe. Ndaha’eiháicha umi ñane amigo ha umi jahayhúva, Ñandejára ndaha’éi ñandeporiahuverekónteva, sino ikatu oreko empatía perfecta, oĩ haguére pe ñaimehápe. Ohepyme’ẽ rire ñande pekadokuéra présio ha osufri hesevekuéra, Jesucristo avei oguata káda tapére, ombohovái káda desafío, ombohovái káda hasýva, físico, emocional térã espiritual, araka’eve jajuhu’ỹtava ko tekove mortal-pe.

Presidente Boyd K. Packer ombo’e: “Pe Jesucristo poriahuvereko ha grásia ndaha’éi umi opekávape ğuarã añónte… , sino omoinge pe py’aguapy opave’ỹva promesa opa umi o’aseptáva ha osegíva chupekuérape…Iporiahuvereko ha’e peteĩ tuicha oporomongueráva, jepeve umi víctima inocente-pe ğuarã”³.

Ko experiencia mortal-pe, ndaikatúi jareko” control opa ojehúva ñandéve, ha katu jareko control absoluto mba’éichapa” ñambohováita umi ñemoambue ñande rekovépe. Péva nde’iséi umi desafío ha prueba ñambohováiva ndorekomo’ãiha consecuencia ni ndahasymo’ãiha ñambohovái térã ña’enfrenta hağua. Nde’iséi ñaimetaha libre ñembyasy térã jeiko’asýgui; He’ise oĩha peteĩ motivo ojereko hağua esperanza ha Jesucristo expiación rupi, ikatuha jaha tenonde ha jajuhu ára iporãvéva, umi ára henyhẽva gozo, tesape ha vy’apavẽgui.

Mosíah-pe jaleeAlma ñemombe’úpe, pe rréi No’e pa’ikue, ha itavagua, umi, “ojejuhuhápe [advertido] Ñandejárare… [,] osẽ hikuái tave’ỹme, ohóvo rréi Noé ehersitokuéra renondépe”. Óchoára rire, “oğuahẽ hikuái… peteĩ tetãme iporãitereíva ha ojevy’ahápe” upe “omoĩ hikuái hoga’aokuéra, ha oñepyrŭ oñemitỹ pe yvy ha oñepyrŭ omopu’ã ogaguasukuéra”⁴.

Isituación ha’ete iporãvétava; o’asepta hikuái Jesucristo evangelio; oñemongaraikuri, konveniore oservitaha Ñandejárape ha ojapotaha Imandamientokuéra, ha “oñemboheta ha oñakãrapu’ã tuicha hikuái upe tetãme”⁵.

Upeichavérõ, isirkunstansiakuéra iñambue pya’éta. “Peteĩ lamanita ehérsito oĩ pe tetã rembe’ýpe”⁶. Mbovy tiempo rire, Alma ha itavaygua oñemoĩ tembiguái guýpe, ha “tuichaitereíkuri ijeiko’asy, oñepyrŭ ojerure’asyTupãme”. Avei, ikaptorekuéra omanda chupekuéra oheja hağua ñembo’e, ‘ỹramo, “ojuhúvape oñembo’e Tupãme ojejukáta”⁷. Alma ha itavaygua ndojapói mba’eve omerese hağua ikondición pyahu. ¿Mba’éicha ombohováita hikuái?

Okulparãngue Tupãme, ojererovia Hese “oñohẽ hikuái chupe ikorasõ”. Ombohováivo ife ha iñembo’ekuéra kirirĩ, Ñandejára ombohovái: “Peñemokyre’ỹ… ambovevýita umi mba’epohýi oñemoĩva pene lomo ári, jepe ndaikatúi peve peñandu pende apére”. Sa’irire, “Ñandejára omombarete chupekuéra ha upéicha oguero pu’aka hikuái imba’epohyikuéra ndahasyi hağua, ha oñeme’ẽ vy’ápe ha ñeha’arõkuaa reheve opa Ñandejára rembipotápe”⁸. Ne’irã ramo gueteri isãso hikuái tembiguáigui, ojerovávo pe Ñandejárape, ha ani imombyry Chugui, ojehovasa hikuái hemikotevẽ ha Ñandejára arandu he’iháicha.

Elder Dallin H. Oaks ombo’e orekoha: “Umi tovasapy oporomongueráva ou heta jeýcha, peteĩ teĩ oje’adapta ñane remikotevẽ individuale-re, oikuaáva Ha’e, ñanderayhuvéva. Sapy’ánte ‘pe ñemonguera’ omonguera ñanemba’asykuéra térã ohupi ñane mba’epohýi; Ha katu sapy’ánte ñanemo ‘nguera’ oñeme’ẽvo ñandéve mbarete, comprensión ha ñeha’arõkuaa ñandepu’aka hağua umi mba’epohýi jaguerahávare”⁹.

Ipahápe, “tuichaitereigui ijerovia ha iñeha’arõkuaa” pe Alma ha itavayguakuéra oñemosãso Ñandejárare, ñandéicha avei ha “ome’ẽ hikuái aguyje… oĩgui hikuái ñeñapytĩmbýpe, ha avave ndaikatúi omosãso chupekuéra ndaha’éi ramo Ñandejára Itupã”¹⁰.

Pe triste ñambyasýva ha’e, py’ỹieterei, yvyporakuéra oikotevẽva ñandéicha oñemombyry pe ipytyvõ fuente porãite añógui: Ñandejára, ha Salvador Jesucristo. Peteĩ ñemombe’u familiar Escrituras-pe “serpiente de bronce”rehegua ñanembo’e ñambohováivo desafío-kuéra jarekoha peteĩ opción. Heta umi Israel ra’y ojeisu’u rire umi “serpientes ardientes voladora-re,”¹¹ oñemopu’ã peteĩ símbolo… umi omañáva hese… oikove hağua; [ha ha’ekuéra oiporavo] ha heta omaña ha oikove.

“Ha katu oĩkuri heta oñemohatã ha nomañaséiva, upévare, omano hikuái”¹².

Umi israelita-kuéra ymaguaréicha, avei ñaneinvita kyre’ỹ hikuái ñamaña hağua Ñandejárare ha jaikove hağua, Iyugo ndahasýigui ha ivevýi Imba’epohýi, ñanemba’e ipohyieterei ramo jepe.

Alma, ta’ýra, ombo’e ko añetegua sagrado he’ívo: “…aikuaa omoĩva ijeroviaTupãre oñesostenetaha ijehasa’asykuérape, ha dificultades ha aflicciones, ha oñemopu’ãta ára pahápe”¹³.

Ko’ã ára pahápe, Ñandejára ome’ẽ ñandéve hetaiterei recurso, ñane “serpientes de bronce”, opa ojejapóva ñanepytyvõ ñama’ẽ hağua Cristo-re ha ñamoĩ ñande jerovia Hese. Ñambohovái umi desafío tekovépe ndaha’éi jahecha’ỹva’erã pe realidad sino moõpa ñañemombyte ha mba’e fundamento áripa jaiporavo ñamopu’ã hağua.

Ko’ã recurso ryepýpe oĩ, ha katu ndaha’éi upévante:

Umi Escritura-kuéra estudio regular ha umi profeta oikovéva mbo’epy.
Ñembo’e ha ayuno py’ỹi ha hi’añetéva.
Pe Santa Cena-pe jepartisipa tekopotĩre.
Templo-pe jeho meme.
Pe sacerdocio rovasapy.
Pe asesoramiento arandu profesional capacitado rupi, …
Ha jepe ñepohãno ha pohã, ojerreseta porãva ha ojeipurúva hekoitépe.

Taha’e ha’éva ñemoambue ñambohováiva tekove circunstancia-kuérape, ha taha’e oimeraẽva pe tape oñeha’arõ’ỹva jaguatava’erãhápe upe mba’éichapa ñambohováita ha’e peteĩ jeiporavo. Jererova Ñandejára gotyo ha jajapyhy Ijyva oñemyasãiva ha’e akóinte ñane opción oĩporãvéva.

Élder Richard G. Scott ombo’e ko añetegua ijapyra’ỹva: “Pe felicidad añete ha opa’ỹva, oñemoirŭva mbaretére, pe py’aguasu ha kapasida jajei hağua umi mba’e ivaivévagui, ojejuhu oñekoncentrávo tekove Jesucristo-pe… Ndaipóri garantía oĩ resultados pya’e sino pe absoluta seguridad, Ñandejárahe’ívo, outaha pe solución, py’aguapy opytáta ha pe nandíva henyhẽta”¹⁴.

Ko’ã añeteguágui ame’ẽ che testimonio. Jesucristo rérape. Amén.