Mba’érepa jaguereko esperanza
Peteĩ testimonio esperanza redención rehegua, ha´e mba´e ndaikatúiva ñamedi terâ jaipapa. Jesucristo ha´e pe esperanza renda.
Ojapo kuri heta ary, che ha che rembireko roho Universidad de Oxford-pe, roheka haĝua umi che séptimo tatarabuelo registrokuéra. Dr. Poppelwell, Director Christ’s College, Oxford-pegua, iñamableterei ojapouka haĝua pe archivador universida-gua togueru umi registro. Pe 1583 arýpe rojuhu che ypykue réra, John Packer.
Pe ary oúvape uperire, rohojey Oxford-pe rome’ẽ haĝua peteĩ juego de libros canónicos oñembojegua porãva regalo-icha Christ’s College biblioteca-pe ĝuarã. Dr. Poppelwell oñesorprende; ha’e oimo’ãnera’e ore ndaha’eiha Cristiano, upévare ohenói Capellan universitario-pe orrecibi haĝua umi libro.
Ame’ẽ mboyve umi escritura Capellan-pe, aipe’a Guia de referencia-pe [inglés-pe] ha ahechauka chupe peteĩ tema: 18 página, ojehaíporãva, tai michîme, ha omombe’úva escritura referenciakuéra peteĩ tema-gui: “Jesucristo.” Ha’e peteĩ escritura referencia aty pe Salvador rehegua, ikompletovéva opa ambue oñembyatýva’ekuégui ko mundo historia-pe : peteĩ testimonio Antiguo, ha Nuevo testamento, Libro de Mormón, Doctrina y Convenios ha perla de Gran Precio-pegua.
“No importái mba´eichapa resegui ko’ã referencia,” Ha’e chupe, “ ágotyo, pégotyo, yvatéguio terã yvýguio, libro por libro, tema por tema, rehechakuaáta ha’eha peteĩ testimonio constante ha armonioso Ñandejára Jesucristo misión rehegua, Iñeheñói, Hekove, Hekombo’ekuéra, Ijekutu kurusúre, Irresurrección ha ijexpiasiõgui.”
Akomparti rire umi Salvador rekombo’ekuéra capellán ndive, pe ambiente okambia, ha ha’e ome’ẽ oréve peteî rrecorrido pe edificio-re, aveí rohecha peteĩ excavación pyahu ohechaukáva murales Romano-kuéra ára peguare.
Umi referencia apytépe, lista Guia temática-pe oĩ kóva Libro de Mormónpegua: Ambue Testamento Jesucristo rehegua: “…ropredica Cristo rehe, roprofetisa Cristo rehe, ha rohai ore profesía rupive, ore ra’ykuéra oikuaa haĝua moõpa ohekava’erã hikuái iñangaipa jora.” (2 Nephi 25:26).
Iñe’ẽtépe, Salvador he’i, “Che ha’e pe tape, mba´e añetegua ha jéikove: avave yvypóra ndoúi Túvape, ndaha’éirõ che rupive” (Juan 14:6).
Ha Libro de Mormón-pe ha’e he’i, “Péina ápe, Che ha’e pe oñembosako’íva’ekue yvóra ñepyrũmby guive arredimi haĝua che tavayguakuérape. Peina ápe, che Ha’e Jesucristo …Che pype opavave yvypórakuéra oguerekóta jeikove, ha upéva opave’ỹva, heẽ, opa umi ogueroviáva che réra; ha ha’éta hikuái che ra’y ha che rajykuéra(Ether 3:14).
Oĩ hetaiterei, referenciakuéra umi escritura kuatia ñe´ê canónico apytépe, oproclamáva Jesucristo rembiapo redentor ramo, opavave heñoiva’ekue terã heñóitava ko yvy apéregui.
Pe Jesucristo expiasiõ rupive, opavave ñande jajerredimi pe yvypóra Je’águi, oikova’ekue Adán ha Eva ho’urõguare pe yva ho’u’ỹva’erãgui pe Jardin de Eden-pe, oĩháicha 1 Corintios-pe: “Adan-peicha opavave omano, upéicha avei Cristo-pe opavave oikove je’ýta” (1 Corinthians 15:22).
Pe Libro de Mormón ñanembo’e: “Tekotevẽgui ojejapo peteĩ expiaciõ …, upéicha’ỹro opa yvyporakuéra omanómanteva’erã; heẽ, opavave oñemohatã; heẽ opavave ho’ákuri ha okañy, ha omanomanteva’erã hikuái ndaha’éiramo pe expiasiõ rupive, …peteĩ jehasa’asy tuicha ha ipaháva” (Alma 34:9–10).
Ikatu ndajavivimo’ãi vidas perfectas, ha oĩta jehavira ñande rembiapovaíre, ha katu jaju mboyve ko yvy ári, ñaime de acuerdo jajejokotaha Iléire ha ja’aceptáta ijehavira jajapyharárõ umi ley.
“Opavave opekava’ekue, ha ho’a Tupã Gloria-gui;
“Ojehustifikávo Igracia rehe pe redencion rupi oĩva Jesucristo-pe” (Romanos 3:23–24).
Pe Salvador ojapo kuri pe expiasiõ, ome’ẽva ñandéve peteĩ tape ñanepotĩ haĝua. Jesucristo ha’e pe Cristo oikoveje’ýva’ekue. Ñande ja’adora ha jahechakuaa chupe pe jehasa’asýre ha’e ohasava’ekue ñanderehe colectivamente ha pe jehasa’asy ha’e ogueropu’akava’ekue ñande rehe individualmente, pe Jardín de Getsemaní-pe ha avei pe kurusúre. Ha’e ogueropu’aka opa mba’e tuicha humilda ha eterno entendimiento hembiapo ha Idivino propósito rehegua.
Umi oñe’arrepentíva ha ohejáva ipekádo otopáta Imisericordia jyva ojepysoha gueteri. Umi ohendúva ha oseguíva Iñe’ẽ ha umi isiervo jeiporavopyre ñe’ẽ, otopáta py’aguapy ha kuaapy jepe umi tuicha jepy’apy ha vy’a’ỹ mbytépe. Pe Isacrificio resultado ningo ha’e ñandejora umi pekádo efecto-gui ha toñembogue pe kúlpa ha ñañandu esperanza.
Ha’e ndojapóirire pe Expiasiõ, noĩriva’eramo’ã redensiõ. Hasyetereiva’eramo’ã jaiko ko mundo-pe ndojeperdonáirire ñandéve araka’eve ñande pekadokuéra, ha ndaikatuírire ñanepotĩ jey ha jaha jey tenonde gotyo.
Jesucristo poriahuvereko ha gracia ndaha’éi umi opekáva, ojapóvo ivaíva terã ndojapóivo iporãvape ĝuarãnte, ha katu pe py’aguapy opave’ỹva promesa ojeipyso opavave oseguíva chupe ha hekombo’ekuérape ĝuarã. Iporiahuvereko ningo ha’e peteĩ pohãnoha ipu’akapáva, jepe umi victima inocéntepe ĝuarã.
Nda’aréi arrecibi peteĩ carta peteĩ kuñágui he’íva ohasa hague peteĩ jehasa’asy tuichaitereíva hekovépe. Peteĩ tuicha mba’e vai, ha’e omencionáva ha katu nomombe’upáiva, ojejapo kuri hese. Ha’e o’admiti oñorairõha peteĩ tuicha temiandu iróva ndive. Ipochýpe ojerure’atã, “Alguien ohepyme’ẽva’erã ko tuicha jejavýre”. Pe tuicha vy’a’ỹ ha ñembyasy jave, ou ikorasõme peteĩ ñembohovái, “Oĩ ohepyme’ẽmava’ekue”.
Ndajahechakuaairõ pe ñande Salvador sacrificio ikatúva ojapo ñande rehe, ikatu jaha ñande rekovére jakargávo ñembyasy jajapo haguére ivaíva, terã ñambopy’arasy haguére ñande rapichápe. Ha katu pe kúlpa ohóva ñande rembiapovaí reheve ikatu ojeipe’a. Ñañeha’ã ramo ñantende Ijexpiasiõ, ñañandúta tuicha reverencia Ñandejára Jesucristo-re, Iministerio ko yvy apére, ha Idivina mision ñande Salvador-cha rehe.
Iglesia de Jesucristo de los Santos de los Últimos Días ojerrrestaura oikuaauka haĝua ko mundo jerére pe Salvador rekove ha hekombo’ekuéra. Ko conferencia oñembohasa 94 idioma-pe satélite rupive 102 tetãme, ha katu avei oĩ disponible internet-pe opa tetãme pe tupâo oĩháme. Jaguereko 3.000 estaca rupi. Ñande misionerokuéra de tiempo completo ohasáma 88.000. ha tupâogua miembrokuéra ohasáma 15 millones. Ko’ã número ohechauka pe “ita oñeikytîva’ekue yvytýgui, ndaha’éi po rupive” ojapajeréi gueteri, omyanyhẽmba peve “opa ko yvy ape” (D&C 65:2).
Upévare, noimportái mba’eichaitépa tuicha pe tupâo organización, terã mboy millónpa miembrokuéra ojoaju ñande listakuéra-pe, noimportái mboy continente ha tetãmepa ñande misionerokuéra oike, terã mboy diferente idiomapa ñañe’ẽ, pe Jesucristo evangelio éxito añete, oñemedíta imiembrokuéra espíritu mbarete rehe. Ñaikotevẽ pe convicción mbaretekue oĩva umi opa Cristo discípulofiel korasõme.
Peteĩ testimonio esperanza redención rehegua ha’e peteĩ mba’e ndaikatúiva ñamedi terã jaipapa. Jesucristo ha’e pe esperanza renda.
Roñeha’ã romombarete umi ipyahúva ha ika’arúva testimonio, ha umi omendáva ha iha’eñóva tetimoniokuéra avei. Tekotevẽ ñambo’e Jesucristo evangelio kuimba’ekuérape, kuñanguérape, ha mitãnguérape, umi opavave raza ha nacionalidaguápe, umi irríkova ha imboriahúvape. Ñaikotevẽ umi oñekonverti ramóvape ha umi ñane miembro ha’éva pionerokuéra ñemoñarépe. Tekotevẽ jaheka umi oñemomombyryva’ekuépe ha ñaipytyvõ chupekuéra ou jey haĝua redil-pe. Ñaikotevẽ opavave arandu ha mbarete espiritual. Cada miembro ko tupâogua individuo-icha ha’e peteĩ elemento iñimportanteitereíva ko tupâópe.
“Pe tete peteĩháicha, ha oguereko heta miembro, ha opa miembrokuéra pe tete rehegua, hetarõ jepe, ha’e peteĩ tete: upéicha avei Cristo.
“Peteĩ Espiritu rupi opavave ñañemongarai peteĩ tetépe..
“Pe tete ndaha’é avei peteĩ miembro añónte, ha katu heta” (1 Corinthians 12:12–14).
Cada miembro oservi Jesucristo rekove ha hekombo’e testimonio-icha. Ñaime ñorairõguasúpe pe adversario mbaretekuéra ndive, ha ñaikotevẽ opavavégui jaguerekotarõ éxito pe tembiapo ñande Salvador oguerekóva jajapo haĝuame.
Peẽ ikatu pepensa, “Mba’e piko ikatu che ajapo? Che ningo peteĩ yvypórante”
Añetehápe José Smith oñeñandu ha’eño jepi. Ha’e okakuaa tuicha peve, ha katu oñepyrũ peteĩ mitãkaria’ýicha oguerekóva 14 ary ha oguerekóva peteĩ porandu: “Mba’e tupâópepa añe’univa’erã?” (tojehecha Joseph Smith–Historia 1:10). José Smith jerovia ha testimonio pe Salvador-gui okakuaa ñande testimonio okakuaa va´erâ háicha. “ sa’i sa’i, mbo’epy mbo’epy ári, michĩmi ápe ha michĩme amo” ” (2 Nephi 28:30; tojehecha avei D&C 128:21). José oñesũ oñembo’e haĝua, ha heta mba’e hechapyrãva oiko pe ñembo’e ha Primera Visión resultado-icha.
Peteĩva umi Doce Apostol háicha, Ame’ẽ che testimonio Ñandejára Jesucristo-gui. Ha’e oikove. Ha’e ningo ñande Salvador ha ñande Redentor. “Cristo expiasiõ rupive, opavave ikatu ojesalva” (Articulos de Fe 1:3). Ha’e opresidi ko tupâo ári. Ha’e ndaha’ei okaragua isiervokuérape ĝuarã. Jahávo tenonde gotyo confianza reheve Ijespíritu oĩta ñanendive. Ndaipóri paha Ipu’akápe ĝuarã ohovasa ha odiriji haĝua umi ohekáva añetegua ha tekojoja rekove. Ame’ẽ testimonio Chugui Jesucristo rérape. Amén.