Ani [petrata] vevýi umi mba’e isagrádova

Elder Larry S. Kacher rupive

Setentagua

Imágen – Ta’anga

Pe’examina pende desición pejapóvo ko porandu: “ Oĩ piko che desición-kuéra asentado pe Jesucristo evangelio yvy porãme?

Hermano ha hermanakuéra, umi decisión jajapóva ko tekovépe o’afecta tuicha pe ñande vida eterna curso. A’aprende upéva ojapo cinco ary, peteĩ modo ikatúvakuri idevastador.

Aviaja hína che familia ha amigokuéra ndive Oman sur rupi; rodecidi ropytu’úvo peteĩ playape pe Oceano Indico kóstape. Roĝuahẽ riremi, Nellie, che rajy oguerekóva dieciséis año. Oporandu ikatúpa onada pe ha’e opensaba ha’eha peteĩ banco de arena peve. Ahechávo oĩha y pochy ha’e chupe che aharaẽtaha, apensagui oĩtaha corrientes peligrosas.

Un rato porã anada rire, ahenói atã che rembirekópe aikuaa haĝua ahupytypotámapa pe banco de arena; ha’e ombohovái: “ Jarehasapáma”, Añeme’ẽ’ỹre en cuenta, apyta atrapado pe corriente-pe¹ chembotyryýva pya’eterei mar ryepýpe.

Ndaikuaái mba’épa ajapóta. Pe único ikatúva apensa ningo ajere jeývo ha anada jey pe kósta gotyo, ha upéva exactamente ndojejapoiva’erã. Añeñandu impotente. Mbarete noĩriva che control-pe chembotyryry mombyry mar ryepy gotyo, ha peorvéntema, che rembireko ojeroviávo che decisión-re, cheseguíkuri.

Hermano ha hermanakuéra, apensa probablemente ndasobrevivimo’ãiha ha, che decisión rupi che rembireko omanotaha avei. Heta añeha’ã rire ha pe che aimo’ãva intervención divina rupi, ore py opoko pe fondo arenósore ha ikatu rohojey a salvo ore amigokuéra ha ore rajy ndive.

Ko vida terrenal henyhẽ umi corrientegui, oĩ isegúrova ha ambue katu nahániri. Presidente Spencer W. Kimball ombo’e ñande rekovépe oĩ fuerzas poderosas, ojoguáva umi coriente invisible océano guape². Umi fuerza ha’e añetegua ha nañaignoraiva’erã.

Chepermitimina tañe’ẽ ambue corriente-re, peteĩ corriente divina ha’eva’ekue peteĩ tuicha jehovasa che rekovépe. Che ningo konverso ko tupaópe. Che konversion mboyve, pe che rekove ambicion ningo ha’e esquiar, upévare, opa vove pe escuela secundaria, aha Europa-pe akumpli haĝua upe deseo. Unos meses peteĩ vida ideal rire, añandu asẽva’erãha. Upéramo nantendéi moõguipa ou pe impresión, ha katu adecidi cheñe’ẽrendutaha. Ipahape aĝuahẽ Provo, Utah-pe alguno che amigo ndive, cheicha ha’éva miembro ambue religión-gua.

Aĩvo Provo-pe atopa heta persona ogueraháva peteĩ vida idistintoireiva pe che aguerahavagui. Añeñandu atraído hesekuéra, ndaikuaái jepe mba’érepa. Ñepyrũrãme arresisti umi sentimiento, ha katu pya’e atopa peteĩ py’aguapy ha angapyhy araka’eve nañanduiva’ekue. Añepyrũ añañua peteĩ corriente pyahu oguerúva chéve peteĩ entendimiento pe Amoroso Padre Celestial gui ha Jesucristo ita’ýra.

Ajebautiza che amigokuéra ndive 1972-pe. Ko corriente pyahu aiporavova’ekue asegui haĝua, pe Jesucristo evangelio, ome’ẽ dirección ha significado che rekovépe. Ha katu ogueru avei desafio-kuéra. Opamba’e ipyahu chéve ĝuarã. A vece añeñandu perdido ha confundido. Umi porandu ha desafio ou che amigo ha che familiakuéragui.

Ajapova’erã peteĩ decisión. Oĩ iporandukuéra ogueruva chéve duda ha incertidumbre. Ha’ekuri peteĩ decisión importante. ¿Moõpa ahava’erã aheka haĝua mbohovaikuéra? Heta chekonvenseséva ajavyha che rape, umíva “contracorrientes” cheapartaséva pe corriente py’aguapy reheguágui ha’éva peteĩ vy’apavẽ ykua hechapyrãva. A’aprende porã pe principio oĩha”oposición opa mbaépe” ha iñimportanteha ja’actua ñandejehegui ha ndajahejaiva’erã che albedrio ambuéva pópe³.

Añeporandu: ¿ Mba’ere piko ajeapartava’erã pe ogueruva’ekue chévegui tuicha consuelo?” Ñandejára omomandu’ahaicha Oliver Cowdery: “ Nañe’ẽi piko py’aguapy ne apytu’ũme ko asunto-re?⁴Che experiencia ojogua upévape. Upévare ajere, peteĩ kompromiso tuichavéva reheve, peteĩ amoroso Túva Yvagagua, umi escritura ha amigokuéra de confianza gotyo.

Oĩ gueteri heta porandu ndaikatúiva ambohovái. ¿Mba’eicha ambohovakéta pe incertidumbre aguerekóva? Aheja rangue ohundi pe py’aguapy ha vy’a oĝuahẽva’ekue che rekovépe adecidi amboyketa sapy’ami ha ajerovia itiempope Ñandejára orrevelataha opa mba’e. Atopa pytu’u iñe’ẽ profeta Jose Smith-pe: “Peina ápe, pene mitã gueteri ha ndaikatui pegueropu’aka opa mba’e; pekakuaava’erã pe añetegua gracia ha kuaapýpe”⁵. Aiporavo ndaguevimo’ãiha pe aikuaávagui añetegua asegui haĝuante peteĩ corriente desconocida, peteĩ “rremolino” en potencia. N. Eldon Tanner he’iháicha, a’aprende “iñaranduve ha iporãve pe yvypóra to’acepta umi evangelio añetegua isencillova…ha to’acepta jerovia rupive umi mba’e….ndaikatuiva okomprende ”⁶.

¿He’ise piko upéva ndaiporiha tenda peteĩ investigación sincerape ĝuarã? Peporandu pe mitãkaria’ýpe ohekava’ekue refugio peteĩ arboleda sagrada-pe oikuaaserõ guare mba’e tupaopepa ojoajuva’erã.Pejagarra Doctrina y Convenio; heta umi ojerrevelava’ekue pe registro inspiradope ha’e peteĩ añetegua búsqueda humilde resultado. Odeskubri hagueicha Jose Smith “Oĩrõ oikotevẽva arandu tojerure Tupãme, ome’ẽva opavavépe abundantemente…ha oñeme’ẽta chupe”⁷. Jajapórõ porandu añete ha jahekarõ respuesta divina, ña’aprende “línea por línea, precepto por precepto”⁸ jakakuaavévo kuaapy ha arandúpe.

Pe porandu ndaha’éi ¿“ oĩ piko tenda pe investigación honesta ha sincerape ĝuarã?” ha katu “ ¿moõpa ahekáta pe añetegua osurgirõ porandu?” “¿Che arandútapa ajejoko haĝua pe aikuaávare añeteguaha, aguerekorõ jepe porandu?” Atestifika oĩha peteĩ fuente divina, Peteĩ oikuaapáva opa mba’e, ipaháva ñepyrũmby guive. Chupe ĝuarã opa mba’e oĩ presente⁹. Umi escritura otestifika Ha’e “ndoikói tape karẽre…ni nosẽi pe he’iva’ekuégui”¹⁰.

Ko viaje terrenal-pe ndajapensaiva’erã ñande decisión ñande’afectaha ñandeve añónte. Nda aréi ou che rógape peteĩ mitãkaria’y. Oguereko peteĩ espíritu porã ha katu vaicha cheve noĩmbai activo tupaópe. He’i cheve okakuaa hague peteĩ ógape ojevivihápe pe evangelio hasta que ituva ombotavy isýpe, ha ojedivorcia hikuái ha ojapo opa iñermanokuéra oduda pe tupaógui ha ojei hikuái. Che korasõ rasy añe’ẽvo ko túva pyahu ndive, itúva decisión rupi, ko’aĝa ha’e omongakuaa hína umi espíritu hechapyrãvape Jesucristo evangelio jehovasa’ỹre.

Aikuaa ambue kuimba’épe ha’eva’ekue fiel miembro tupaogua. Oguereko porandu cierta doctrina rehegua ha oporandu rangue ñande Ru Yvagaguápe oiporavo ojerovia únicamente umi fuente secular guíare. Ikorasõ ojedesvia ohekávo pe ojoguava yvypóra momba’eguasu. Ikatu ijorgullo opyta satisfecho, sapy’ami, ha katu opyta separado umi yvaga pu’akagui¹¹. Otopa rangue pe añeteguáva, operde itestimonio ha ogueraha heta ifamiliakuérape.

Ko’ã mokõi kuimba’e opyta atrapado umi contracorriente invisibleva ha ogueraha hetápe hapykuerikuéra

Apensa LaRue ha Louise Miller-re, che rembireko tuvakuéra, ndoguerekoirõ jepe heta posesión materialva, oiporavo ombo’e ifamiliakuérape pe evangelio doctrina pura, ha ovivi upeva ára ha ára hekovépe. Ojapóvo upéva, ohovasa iñemoñarépe umi evangelio yva ha vida eterna esperanza reheve.

Ha’ekuéra omoĩ hógape peteĩ modelo oñe’honrahápe pe sacerdocio, oĩháme mborayhu ha armonía, ha umi evangelio principio oguiahápe hekove.Oñondive LaRue ha Louise ohechauka mba’épa he’ise javivi jaguerekóvo modeloicha Jesucristo-pe. Ifamiliakuéra ohecha hesakãporã mávapa umi corriente ko tekovépe oguerutava vy’apavẽ ha py’aguapy chupekuéra, ha upéi oiporavo en consecuencia. Ombo’ehaicha Pte Kimbal “Ikaturõ jajapo…peteĩ corriente mbarete ha permanenteva oho meméva ñande meta peteĩ vida recta rehegua gotyo, tanto ñande como ñande familiakuéra japrogresata oĩrõ jepe umi jehasa’asy, desilusión ha py’ara’ã yvytu contrariova”¹².

¿Oimporta piko ñande decisión? ¿ñande afecta piko ñandéve añonte? ¿ Ñamoĩ piko peteĩ curso firme pe evangelio restaurado corriente eterna-pe?

Sapy’ante aguereko peteĩ imagen. ¿Mba’e piko oikone pe setiembre árape, roimerõ guare pe Oceano Indico playa-pe, ha’érire che rajy Nellie-pe: “ Heẽ, enada pe banco de arena peve? ¿terã ha’e jeseguírire ha ndaikatuvei ojevy? ¿ Ha aviviva’erã ramo aikuaávo che ehemplo ogueraha hague chupe peteĩ contracorriente-pe mar adentro ha nadaikatuvei ojevy?

¿Iñimportante piko umi corriente jaiporavóva jasegui haĝua? ¿ Oimporta piko ñande ehemplo?

Ñande Ru Yvagagua ñanderovasa pe Espiritu Santo don divino reheve ñande guía haĝua ñande decisiones-pe. Opromete ñandéve inspiración ha revelación javivíramo dignos jarrecibi haĝua. Poinvita peiporu haĝua ko don divino ha pe’examina pende decisión pejapovo ko porandu: ¿“Oĩ piko che desición-kuéra asentado pe Jesucristo evangelio yvy porãme?”. Poinvita pejapo haĝua umi ahuste oñeikotevẽva, michĩ terã tuicháva, peje’asegura haĝua umi ñande Ru Yvagagua plan jehovasa apyra’ỹva oguerekóva peẽme ha umi pehayhuvape ĝuara.

Atestifika Jesucristo ha’eha ñande Salvador ha Redentor. Atestifika umi konvénio jajapova hendive isagrado ha marangatu. Ñañehekombo’e ani haĝua jatrata vevýi umi mba’e isagrádova¹³. Tajapyta ñemovã’ỹme, ajerure Jesucristo rérape. Amén.