![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F83%2Fcc%2F83cc4a8b06aafaee1d1095c9f8172b210feacf38%2F83cc4a8b06aafaee1d1095c9f8172b210feacf38.jpeg/full/!250,/0/default)
Jaiko profetakuéra ñe´êrendúpe
Jaiko haḡua tekojoayhúpe tembipota iporâitereíva yvagaguápe ñasostene profeta-pe ha jaiporavo jaiko ñañe`êrendúvo chupe.
Ñande ru yvágapegua ohayhu opavavê ita´yrakuérape, ha oipota ha´ekuéra oikuaa ha oikumby iplan de felicidad. Upévare ohenói profetakuéra, oñehenóiva`ekue pu’aka ha autorida reheve omba´apo haḡua Tupâ rérape ita`yrakuéra salvación rehe. Hikuái ha´e hína maranduhára marangatu, Jesucristo ha ijexpiación pu’aka opave’ỹva Testigo. Ha´ekuéra oguereko llave Tupâ réino rehegua ko yvy ape ári ha oautorisa ojejapo haḡua ordenanzas salvadoras.
Ñandejára Tupâo añetehápe, “araka´eve ndaipóri hetave peteîgui, tekove yvy ape ári oñeme´êvape poder ha llave sacerdocio regua.”1. Ñasostene Presidente Thomas S. Monson-pe ñande profeta, vidente ha revelador ramo. Ha´e oikuaauka Ñandejára ñe´ê omboguata ha oisambyhý haḡua Tupâope. Omohesakâ haguéicha presidente J. Reuben Clark, ta’ýra: “Tupaogua Presidente añónte … oguereko derecho ohupytývo revelación Tupâope ḡuarâ”2.
Profeta oikovéva rehe, Ñandejára omanda itupao miembrokuérape
“Ehendúta opaiñe´ê ha mandamientokuéra ome´êtava peême ohupytyháicha ha´e, oguatávo che renondépe marangatúpe;
“Rehupytýta iñe´ê jerovia ha py´aguapýpe oúrôguáicha che jurúgui.
“Rejapórô ko´â mba´e, añaretâ rokê, ndaipu’akamo´âi pende rehe”3.
Jaiko haḡua tekojoajúpe tembipota iporâitereíva yvágagua ndive ñasostene profeta-pe ha jaiporavo jaiko ñañe`ê rendúvo chupe.
Ñasostene avei presidente Monson consejerokuérape ha Quórum Doce Apóstolesguápe profetas, videntes ha reveladores ramo. Ha´ekuéra oguereko pe derecho, pu’aka ha autoridad omombe´u haḡua Ñandejára rembipota… oautorisárô … Presidente Tupâogua”4. Ha´ekuéra oñe´ê Jesucristo Rérape; Oprofetisa Cristo rérape, ha ojapo opa mba´e Jesucristo Rérape. Iñe´ême ñahendu Ñandejára ñe’ẽ ha ñañandu Salvador mborayhu. “Ha he´iva hikuái inspirado Espíritu Sántore ha´éta Escritura… ha Ñandejára pu’aka ñande salvaciónrâ.5. Ñandejára voi he´íkuri “… che ñe´ê rupi terâ che siervo ñe´ê rupive, ha´e peteîchaite”6.
Roime aguyjépe peteî tupâore “[oñemopu´âva] apóstoles ha profetas pyenda ári, ha’évo Jesucristo voi pe ita tuichavéva”7. Ñandejára róga ha´e peteî óga oĩháme órden, ha araka´eve ndajahejaiva’erã ñañembotavy ha ndajajehesambotavýiva`erâ ha ñamaña ambue hendápe jahekávo ñembohovái ñaneremiandúkuérape terâ ñanepy`amokôime, mba´e ñe´êpa ñamoñáta. Ndajaháiva`erâ oimerâe yvytu ojapihágotyo doctrinare”8. Ñandejára oikuaauka iñe´ê isiervo oñeordenáva rupive, ikatu haḡuaicha oñeperfecciona santokuérape tembiapo ministériope ḡuarâ, cuerpo de Cristo Ñemopu´ârâ, opavavê ñaḡuahe meve peteî jeroviape ha Ñandejára Ra´y jeikuaape.”9. Jaiporavo vove jaikove Profetakuéra ñe´êrendúpe, ñaime hína convenio rapére ogueraháva perfección etérnape.
Peteî sy ha´eñóva, oñeha´âva oikove ára oîháme heta ñembyahýi, ñaikumby mba´épa he´ise ñesostene profétape. Ñandejára ohekombo´e Elias El profétape oho haḡua Sarepta-pe, otopatahápe peteî kuña viuda, Ñandejára omandáva`ekuépe omongaru haḡua chupe. Oḡuahêvo pe tava´ípe, Elias ohecha chupe ombyatýrõ jepe´a hína. Ohenói chupe, ha he´i: “Eguerumi chéve y hay´u haḡua”.10.
“Ha ohóvo ha´e ogueru haḡua chupe, ohenói jey chupe ha heí: Eguerumi avei chéve peteì pan akytâmi.
“Ha ha´e ombohovái: Tupâ Ñandejára oikoveháicha ha´e ndéve, pan niko ndaguerekói: peteì che po renyhe harina ha ñandyry michimínte oìme petei mba`yrúpe, ha ko´aḡa ambyatý kuri hína jepe´a aike haḡua ambojy pan chéve ha che membýpe ĝuarã, ro´u ha upéi, romano haĝua ñembyahýigui.”
Ha Elías he`i chupe: Ani rekyhyje, tereho, ejapo erehaguéicha; ha katu ejapo râe peteì mbujape chéve ḡuarâ ha egueru chéve; ha upéi ejapóta pan pene mba´erâ”11.
Peñeimaginamína mba´eichaitépa hasyne ra´e, pe mba´e proféta ojururéva`ekue ko sy iñembyahýivape. Añetehápe, Tupâ voi ikatúkuri ome´ê tembi´u isiérvope ḡuarâ. Ha katu ojapòvo Ñandejára rérape, Elias el Profeta ojapo oñemandáva chupe, ha´éva ojerure peteî Ñandejára rajýpe osacrífica haḡua pe oguerekomîa omongarû haḡua profétape.
Péina, Elías el Profeta, opromete avei jesovasa iñe´ê rendúre: Peicha he´iva´ekue, Tupâ Isrrael jára niko he´i: ndopamo´âiha ndehegui ne Harina, ha nde ñandyry ”12. Ñandejára ome´ê pe viúdape oportunidad okakuaa haḡua ha oñe`êreudu haḡua profétape.
Peteî yvóra oñeha´ângáva ñembyahýi jeiko porâ ha espirituálre, oñemanda ñandéve ñasostene haḡua profétape. Ñañe´êrendúvo chupe, ñasostene ha ñamosarambi ñe´ê profético. Jatestifica jaguerekoha jerovia ñañemoî haḡua oipotáva ha oikaaàva y ñandejára hi árape.
Jajesareko palabra proféticare, jepe ha´etévaicha vyrorei ndovaléiva ha hasyeteréiva. Mundo jejapoha apytépe, ñamoña profétape ikatu ojehecha vai ha noî porâiva. Hina katu, ñamoñávo profétape, iporâta katuete. “Yvága oìhñaicha yvateve yvýgui, péicha avei che rape ijyvateve pende rapégui, ha che remiandu pene remiandúgui.”12. Ejerovia Ñandejárare nde py´aitéguive, ha ani nderehe añónte.14.
Ñandejára ohecharamô ha oipytyvôta, umi oñangarekóva profeta he´ivare. Pe viuda Sarepta-peguá, iñe´êrendúre o salva hekove ha imemby rekove. Oñe´ême´ ê haguéicha profeta, “ha okaru hikuái arépeve… Ñandejára oñe´ê haguéicha Elías rupive”15.
Ñandejára “omongarúta ojerovíava guive hesépe”16. Profeta ñe´ênguéra ha´e manáicha ñande ângape ḡuarâ. Ñamboajévovê, jajehovasa, ha oñeñangareko ñanderehe temporal ha espiritualpe. Ñanerenyhêvove iñe´ême ñañembokatupyry mba´eichapa ñaḡuahêta Cristope ha jaiko hendive.
Élder Bruce R. McConkie ohaíva`ekue: profetas rupive “Ñandejáara oikuaauka añeteha salvación rehegua… salvación Cristopegua …; ha ohekome´ê… tape ñandegueraháta vida eternape … Opa árape, Ñandejára oguia itávape, ojehechavaîvove hikuái. Oiméne umi ára oútavare, ndaiporimo´âi mba´eve ndaha´eirô Tupâ jekuaapy, oúva yvága gotyo, ha osyrýva profetakuéra jurúgui, ikatúta osalva itáva.17
Chéve, umi profeta ñe´ê cherekombo´eva´ekue che mbo´ehára Laureles-pegua ome´ê cheve tesakâ, mba´eicha va´erâpa ñande jeikove convenio matrimonio ryepýpe. Profetakuéra ñe´ê ome´ê chéve jeguerovía ha ñeha´ârô, Che, ikatuha añembosako´i aguereko haḡua peteî hogar feliz. Ñehesa´ўjo ára ha ára ñehekombo´e profeta pe, yma ha ko´aḡa guáicha, che sostene heta ary hasýva ha ijetu´uetereiva hetave hendápe amogakua´avo ha ahekombo´evo siete mitâme. Profetaskuéra ñe´ê Escrituras-pe ha che rekombo´eva púlpito guive, ha´e ñe´ê de consueloregua, mborayhu, ha ñemombarete, ha avei tekoporâ opavavepe ḡuarâ.
Ñahendúvove profetakuéra ñe´ê, ñamongakuaa ñande rogapy ha ñande rekove peteî pyenda mbarete ári. “Ita redentor rehegua, ha´eva Cristo, Ñandejára ra´y … …aḡa aña omboúvové vove ijyvytu vai, hee, kakuaava yvytu jerépe, hee, opa iñamandáu ha hi ara pochy vai pende havira vovê, upéva ani oguereko pu´aka pendegueraha haḡua [a] yvykua teko´asy ha jehasa asy opave´ўvape.18.
Ikatu jaiporavo: ñanapenái hese, ñahedu vai vai, terâ ñambohovái vai Cristo ñe´ê, oñe´êva`ekue isiervokuéra oñeordenáva`ekue rupive; péina Salvador oporohekombo´e umi ojapóva umi mba´e oñeguenohêtaha itáva conveniogua apytégui.19.
Ñamoñe´êvo espíritu ñembo´epe, ha ñahesa´ўjóvo ñe´êngue profetico isagrádova, jerovia Crístope jepota añetehápe, Espiritu Santo ohechaukáta ñandéve añeteha ñane akâ ha ñane Korasôme. Ta ikatu jaipe´a ñande apysa ñahendu haḡua, ha ñane Korasô ñaikumby haḡua, ha ñane akâ, umi misterio Tupâmba´e osyry haḡua ñande resa renondépe.20.
Atestifica José Smith ha`ehague ha ha`eha profeta oñehenóiva`ekue Tupâre, orestaura haḡua Jesucristo Evangelio ha isacerdocio ko yvy ape ári. Atestifica Presidente Monson ha`eha añetehápe Tupâ profeta ha ñanemboguatátaha ko´â árape. Che rembipota ha´e, jaiporavo haḡua ñemoañete profetakuérape, ha jaiko iñe´êngue rupive, ñañombojoajupa peve jerovíape, jajepurificávo Crístope ha ñanerenyhê tembijekuaa Tupâ ra´y rehe. Jesucristo rérape. Amén.