“Ema’eporã nde py rapére”
Presidente Thomas S. Monson rupive
Ñamañávo Jesús-re ñande ejemplo-icha ha jaseguívo Hapére, ikatu jahajey ñande Ru Yvagaguápe seguridad reheve.
Che hermano ha hermanakuéra ahayhuetéva, añeñandu humilde añembo’ývo penerenondépe ko pyharevépe. Ajerure pende jerovia ha ñembo’e cherehe akomparti aja ko che momarandu.
Opavave ñañepyrũ kuri peteĩ je’ói hechapyrãva ha esencial jahejarõ guare pe mundo de los espiritus ha jaique ko estado hasýva jepi, ñahenóiva mortalidad-pe. Pe ñande jeikove ko yvy ári propósito peteĩha ha’e jaguereko peteĩ tete to’o ha kanguégui, ñagana experiencia jahupytýtava jajesepararõ mante ñande tuvakuéra yvagaguágui, ha jahecha haĝua ñaneñe’ẽrendútapa tembiapoukapykuérare. Abraham capitulo 3-pe ñamoñe’ẽ: “ Ha japrovata chupekuéra kóvape, jahecha haĝua ojapótapa hikuái opa mba’e Ñandejára Itupã omandava chupekuéra”1
Jaju vove yvy ári, jagueru ñanendive pe tuicha Tupã don – ñande Albedrio. Miles de forma-pe ñande jaguereko pe privilegio jaiporavo haĝua ñandejehegui. Ko’ápe ña’aprende pe experienciagui ñanembo’e’asyva. Hahechakuaa iporãva ivaivagui. Ñadiferenciakuaa iróva he’ẽvagui. Ña’aprende umi desición jajapóva omarkaha ñande destino.
Aime seguro jaheja vove ñande Rupe jaguereko kuri peteĩ tuicha deseo jahajeývoHendápe, ikatu haĝua jahupyty pe exaltación, Ha’e oplaneava’ekue ñandeve ĝuarã, ha jaipotaitereíva. Jepe jatopava’erã pe tape ñandeguerahajeýtava ñande Ru Yvagaguápe, Ha’e nañanemondói ko’ape dirección ha guia’ỹre. Ha katu, Ha’e ome’ẽ ñandéve umi tembiporu ñaikotevẽva, ha Ha’e ñanepytyvõta jahekárõ ipytyvõ ha jajaporõ opa oĩva ñande pu’akápe japersevera haĝua ipahaite peve ha jahupyty pe vida eterna.
Ñande guia haĝua jaguereko Tupã ha Ita’ýra ñe’ẽnguéra umi Escritura marangatúpe. Jaguereko Tupã profetakuéra momarandu ha tekombo’e. Ha iñimpotantevéva, jaguereko peteĩ ejemplo perfecto jasegui haĝua – jepe Jesucristo Ñandejára ha Salvador ejemplo – ha ñañemomarandu jaseguiva’erãha upe ejemplo. Pe Salvador-ete he’i“Peju, pechesegui.”2 “Umi tembiapo pehechava’ekue che ajapo, pejapova’erã avei”3. Ha’e oplantea ko porandu, “Mba’eichagua kuimba’e piko ha’eva’erã peẽ? Ha upei ombohovái, “Añetehápe che ha’e peẽme, Cheicha jepeve”4.” Ha’e omarka pe tape ha ñande guía upérupi”5.
Ñamañávo Jesus ejemplo-re ha jaseguívo hapykuere, ikatu jaha jey seguro ñande Ru Yvagaguápe ha jaiko Hendive tapiate peve. Nefi he’i, “Yvypóra noñeha’ãmbaitéiramo ipahaite peve, ojapóvo Tupã Ra’y Oikovéva ojapova’ekue, ndaikatumo’ãi ojesalva.”6
Peteĩ kuña, omombe’u jave iñexperiencia ohasava’ekue ovisita aja pe Tierra Santa, he’i’atã: “Che aguata Jesús oguata haguépe!”
Ha’e oĩ kuri pe tenda Jesús oiko ha ombo’e haguépe. Ikatu ha’e oñembo’y peteĩ ita ári Ha’e oñembo’y haguépe, terã omaña peteĩ yvyty ha’e omaña haguére. Pe experiencia, ijehegui, omomaravilla chupe; ha katu físicamente jaguata Jesús oguatahaguépe naiñimportanteiterei ha katu jaguata Ha’e oguata haguéicha. Jakopia ha’e ojapova’ekue ha jasegui iñehemplo iñimportanteve ñañeha’ãgui jasegui hapykuere ha’e oguata haguerupi ko yvy apére.
Jesús ome’ẽvo kuri peteĩ kuimba’e irríkovape pe invitación“Eju, chesegui,”7 Ha’e ndoipotai pe kuimba’e osegui chupe umi yvyty ha valle rupi.
Nañaikotevẽi jaguata umi Galilea mar costa-re terã umi Judea yvytýre jaguata haĝua Jesús oguata haguére. Opavave ñande ikatu jaguata Hapykuerépe, jaiporavo ramo, iñe’ẽ hyapúvo ñande apysápe, Ijespíritu omyanyhévo ñane korasõ, ha Hekombo’e oguiávo ñande rekove, jaiporavo jasegui Chupe ñande guatápe ko yvy apére. Pe iñehemplo ohesape pe tape. Ha’e he’i, “Che ha’e pe tape, pe añetegua ha pe tekove.”8
Ñamañávo pe tape Jesús oguata haguérupi, jahecháta ha’e ohasa hague heta umi desafio ñandete jahasátava ñande rekovépe.
Por ejemplo, Jesús oguata pe desilución rapére. Jepe Ha’e o’experimenta heta desilusión, peteĩ ojekuaa porãveva ha’e pe ohechaukáva Iñembyasy Jerusalen ári Ha’e ombotykuévo iministerio público. Umi Israel ra’ykuéra orrechaza pe segurida oĩva Ipepo guype Ha’e oikuave’ẽva’ekue chupekuéra. Omañavo pe ciuda ári pya’e ojehejátava iñehundirã, Ha’e oñandu peteĩ ñembyasy pypuku. Iñembyasýpe ha’e he’i’atã, “Oh Jerusale, Jerusalen, rejukava profetakuérape, ha reita’apiva umi oñembouva ndévepe; Mboy jave piko ambyatyse nde ra’ykuérape, ryguasu ombyatyháicha iryguasura’ýpe ipepo guype, ha ndereipotái!”9
Jesús oguata pe py’ara’ã rapére. Lucifer, pe aña, oiporu imbarete tuichavéva, itentadorvéva artimaña, oipy’ara’ãvo Chupe o’ayunáva hína 40 dia ha 40 noche. Jesús noñeme’ẽi, ha katu, orresisti opa py’ara’ã. Ipahápe Ha’e he’i : “Tereho ko’águi, Satanás.”10
Jesús oguata pe jehasa’asy rapére. Ñaconsiderami pe Getsemani, Ha’e oĩ haguépe “agonía-pe…ha hy’ai ha’e kuri tuicha tuvy tykýicha ho’ava yvype.”11 Ha avave ndaikatui hesarai ijehasa’asy pe kurusure.
Opavave jaguatáta pe desilución rapére, ikatu japerde haguere peteĩ oportunidad, jaiporu vai peteĩ pu’aka, peteĩ jahayhuva jeiporavo terã ñandete jaiporavova’ekuére. Pe py’ara’ã rape ha’éta ñande rape avei. D y C seccion 29-pe ñamoñe’ẽ: “Ha tekotevẽ pe aña oipy’ara’ã umi yvypóra ra’ýpe, terã ndaikatumo’ãi ha’e ipropio agente.”12
Upeicha avei jaguatata pe jehasa’asy rapére. Ikatu piko ñande isiervoicha, ñaha’arõ menosve pe Maestro-gui, ohejáva’ekue ko vida mortal ohasa rire tuicha jehasa’asy ha teko’asy.
Jepe jatopáta ñembyasy ñande rapére, upevére, ikatu avei jatopa tuicha vy’apavẽ.
Ñande ikatu, Jesus ndive, jaguata pe ñe’ẽrendu rapére. Ndaha’emo’ãi fácil tapiaite, ha katu umi Samuel ñe’ẽ taha’e ñane lema: “Peina ápe, ñe’ẽrendu iporãve sacrificiogui, ha ñehendu umi kyrakuégui.”13 Ñanemandu’akena pe desobediencia resultado ha’eha cautivida ha ñemano, ha katu obediencia premio ha’e libertad ha vida eterna.
Ñande, Jesúicha, ikatu jaguata pe servicio rapére. Peteĩ tesape omimbivaicha ha’e Jesus rekove oministra aja yvypora apytépe. Ha’e ogueru mbarete umi ikangyvape, jehecha umi ndohechaivape, ñehendu umi nohendúivape.
Jesús oguata pe ñembo’e rapére. Ha’e ñanembo’e mba’eichapa ñañembo’eva’erã ome’ẽvo ñandéve peteĩ ñembo’e iporãitereiva jaikuaava “Padre Nuestro-icha. Ha máva piko ikatu hesarái pe Iñembo’e Getsemani-pe; “Ani ojejapo Che aipotahaicha, ha katu Nde reipotahaicha.”14
Ambue instruccion oñeme’eva ñandéve pe Salvador rehe oĩ umi escritura marangatúpe. Pe Isermon del Monte-pe, Ha’e he’i ñandeve ñane misericordioso, humilde, tekojoja, korasõ potĩ ha pacificador-va’erã. Ha’e ñaneinstrui ñañembo’y mbareteva’erã ñande jeroviare, jepe ojepuka terã ñañemuña hese. Ha’e ojerure ñandeve ñande resape tomimbi abueva ohecha haĝua ha toglorifica ñande Ru Yvagaguápe. Ha’e ñanembo’e ñanepotĩva’erãha moralmente, ñane pensamiento ha tembiapope. Ha’e he’i iñimportantetereive jajapo tesoro Yvagape yvy apere rangue.15
Iparabola ñanembo’e pu’aka ha autorida reheve. Pe buen Samaritano ñemombe’u reheve ha’e ñanembo’e jahayhu ha jaserviva’erãha ñande rapichápe.16 Iparabola de los Talentos-pe ñanembo’e ñamejorava’erã ha jaheka perfección.17 Pe parábola ovecha okañyva’ekuepe, ñaneinstrui jahava’erã jarreskata umi ohejava’ekue pe tape porã ha okañy.18
Ñañeha’ãvo jajapo Cristogui ñande rekove mbyte ña’aprendévo iñe’ẽ, jaseguívo hekombo’e ha jaguatávo hapére, Ha’e opromete okompartitaha ñanendive pe Vida Eterna ha’e omanova’ekuere. Ndaipóri propósito tuichavéva kóvagui, tajaiporavo ja’acepta idiciplina ha jaiko idiscipuloicha ha jajapo hembiapo ñande rekove pukukue. Mba’evete ikatu ojapo ñandehegui pe Ha’e ikatuva ojapo.
Apensavo umi añetehápe oñeha’ãva osegui pe Salvador ehemplo, ha oguatáva Hapére, pya’e ou che akãme Gustav ha Margarete Wacker rera – mokõi yvypóra ojoguavéva Cristo-pe che aikuaava. Ha’ekuéra Alemania-gua o’inmigrava’ekue Canada-pe, ha ajotopa hendivekuéra aservirõ guare pte de msion-icha upepe. Hno Wacker ha’e peluquero. Jepe irrecurso limitado, ha’ekuéra okomparti opamba’e oguerekomíva. Ha’ekuéra ndojehovasái kuri mitã reheve, ha katu ha’ekuéra ohayhu opavave oikevape hógape. Kuimba’e ha Kuñakuéra ijeducado ha isofisticadóva oheka ko’ã humilde Tupã siervo-pe ha oñeñandu afortunado ikaturõ ohasa peteĩ hora hendivekuéra.
Ijaspecto ha’e ordinario, iñingles vai vai ha hasy ñantende, hóga isencillo. Ha’ekuera ndoguerekoi peteĩ auto terã televisión, ni ndojapoi umi mba’e ko mundo usualmente ome’ẽvape atención. Jepe upéicha, heta ohose hógape oñandu haĝua pe espíritu upepe oĩva. Hogakuéra ha’e peteĩ yvága ko yvy ape ári, ha pe espíritu ha’ekuéra o’irradiava ha’e py’aguapy ha bondad memete.
Ñande avei ikatu jaguereko pe espiritu ha ñakomparti pe mundo ndive jaguatávo pe Salvador rapere ha jaseguivo iñehemplo perfecto.
Ñamoñe’ẽ proverbios-pe pe admonicion: “Emañaporã nde py rapére”19 Jajapo ramo upéva, jaguerekota pe jerovia, ha jaguataséta umi tapére Jesus oguata haguére. Ndajaguerekomo’ãi duda ñaimeha pe tape ñande Ru oipotavape jaguata. Pe Salvador ehemplo ome’ẽ peteĩ modelo opamba’e jajapova’erãgui, ha Iñe’ẽ ome’ẽ peteĩ guía ndofallaiva. Hape ñandegueraháta seguro ógape. Ko jehovasa taha’e ñanemba’e, añembo’e; Jesucristo rérape, pe ahayhúva, aservíva ha atestifikávagui. Amen.