Jahayhuva’erã ñande rapichápe ha javivi diferencia-kuéra reheve
Elder Dallin H. Oaks rupive
Quórum Doce Apóstoles-gua
Cristo seguidorkuéraicha javiviva’erã py’aguapýpe ñande rapichakuéra ndive nokompartíriva ñande valores ni ndo’aceptáiva umi tekombo’e oñemopyendáva hi’arikuéra.
I.
Umi iministerio terrenal ára pahápe, Jesus ome’ẽ idiscipulokuérape pe ha’e ohenóiva’ekue “peteĩ tembiapoukapy pyahu” (Juan 13:34). Pe tembiapoukapy, he’i jey jeýva mbohapy jave, isencillo ha katu hasy: “Tapejohayhu peteĩva ambuévape, che pohayhu haguéicha” (Juan 15:12; aveiversículo 17). Pe tekombo’e jajehayhuva’erã peteĩva ambuévape ha’e kuri peteĩ tekombo’e escencial pe Salvador ministerio-pe. Pe segundo tembiapoukapy tuicháva ha’e “Ehayhúta nderapichápe ndeichaitepe” (Mateo 22:39). Jesús avei ombo’e “Pehayhu pende enemigokuérape” (Mateo 5:44). Ha katu pe tembiapoukapy jahayhuva’erãha ñanderapichápe ha’e ohayhuhaguéicha irrebáñope ha’ékuri idiscipulokuérape ĝuarã – ñandeveĝuarãicha – peteĩ desafio tuicháva. Pte Monsoón ñanembo’e kuri pe abril ohasava’ekuépe “Pe mborayhu ha’e pe evangelio escenciaite, ha Jesucristo ha’e ñane ejemplo. Hekove ha’ékuri peteĩ mborayhu legado.”1.
¿Mba’ére piko hasyeterei ñañandu pe mborayhu cristiano peteĩva ambuéva rehe? Hasy javiviva’erãgui umi nokompartíriva ñande creencia, valores ha umi obligacion oúva koveniokuéra reheve ndive. Pe Iñembo’e intercesor-pe, ojapóva icrucificcion mboyvemi, Jesús oñembo’e iseguidorkuéra rehe: “Che ame’ẽ chupekuéra nde ñe’ẽ; ha pe mundo ndohayhúikuri chupekuéra, ndaha’éigui hikuái ko mundo-gui, Che ndaha’eiháicha avei ko mundogui” (Juan 17:14). Ha upéi ojerure’asy Túvape: “Ndajeruréi ndéve reguenohẽ haĝua chupekuéra ko mundogui, ha katu tereñongatu chupekuéra tekovaígui” (versículo 15).
Jaikova’erã niko ko mundo pe ha katu ndaha’éiva’erã upeguigua. Jaikova’erã ko mundo-pe porque, Jesús ombo’eháicha peteĩ parábola-pe, Irreino “ojogua pe levadura-pe”, ifunción oleuda opa pe masa iñinfluencia reheve (tojehecha Lucas 13:21;Mateo 13:33;} tojehecha avei 1 Corintios 5:6–8). Umi oseguíva chupe ndaikatumo’ãi ojapo upéva oikorõ umi okompartíva ijerovia ha ipráctica ndive añónte. Upevére pe Salvador ombo’e jahayhurõ chupe, ñaneñe’erendúta hembiapoukapykuérare (véase Juan 14:15).
II.
Pe evangelio oguereko heta mbo’epy ñaneñ’ẽrenduva’erãha umi tembiapoukapykuérare jaiko aja umi oguerekóva diferente jerovia ha práctica apytépe. Umi mbo’epy oñe’ẽva ñorãirõre ha’e fundamental. Cristo oikovejeýmava otopávove umi nefítape oñorairõvo mba’éichapa oñemongaraiva’erã rehe, ha’e ome’ẽ momarandu hesakãva mba’éichapa ojejapova’erã pe ordenanza. Upéi ombo’e ko tuicha principio:
“…Ha ndaiporimo’ãi ñe’ẽ’api pende apytépe, ko’aĝa peve oĩ haguéicha; ni ndaiporimo’ãi ñe’ẽ’api pende apytépe che doctrina reheguávape, ko’a peve oĩ haguéicha.
“Añetehápe, añetehápe che ha’e peẽme, upe oguerekóva joavy rehegua espíritu ndaha’éi che mba’e, ha katu ha’e aña mba’e, ha’éva joavy túva, ha ha’e omokyre’ỹ pochýpe yvyporakuéra korasõ, oñorairõ haĝua peteĩva ambue ndive.
“Péina ápe…kóva ha’e che doctrina, topa umi mba’e” (3 Nefi 11:28–30; cursiva agregada).
Pe Salvador nolimitai imomarandu ñorãirõ rehegua umi noñongatúivape pe ñemongarai tempiapoukapy peĝuarã. Ha’e ombotove ñorairõ opavavépe ĝuarã. Jepe umi iñe’ẽrendúva hembiapoukapykuérare nomokyre’ỹiva’erã pochýpe yvyporakuéra korasõ, oñorairõ haĝua. Pe “joavy túva” ha’e pe aña; Pe Salvador katu “Principe de Paz”.
Upéicha avei Biblia ñanembo’e “umi iñarandúva ombotove pe pochy” (Proverbios 29:8). Umi Apóstol ymaguare ñanembo’e [jaseguiva’erã] pe ñandegueraháva py’aguapy gotyo” (Romanos 14:19) ha [ñañe’ẽva’erã] pe añeteguáva mborayhúpe” (Efesios 4:15), “pe yvypóra pochy ndojapói Tupã hustícia” (Santiago 1:20). Rrevelacion moderna-pe, Ñandejára he’i umi “buenas nuevas del evangelio restaurado” oñemombe’uva’erã “opavave yvypórare hapichápe, mansedumbre ha humilda reheve” (D. y C. 38:41), “opa humilda reheve…no denigrando a los que denigran” (D. y C. 19:30).
III.
Jepe ñañeha’ãramo ñanehumilde ha ja’evita joavy, ndajahejaiva’erã ni nañamokangýiva’erã ñande kompromiso umi añetegua jaikuaáva ndive. Ndajagueviriva’erã ñande postura ha ñande valores-pe. Pe Jesucristo evangelio ha ñane konveniokuéra ojapo ñandehegui soldado pe eterna batalla-pe oĩva añetegua ha jejavy ndive. Pe ñorairõpe ndaipóri punto medio.
Pe Salvador ohechauka pe tape, ihayhu’ỹhakuéra omoĩrõ guare chupe henondépe pe kuña “ojetopáva’ekue pe acto mismo de adulterio-pe” (Juan 8:4). Oñemotĩ rire ijipocresíare, umi oacusava’ekue chupe oho ha oheja ha’eño Jesús-pe pe kuña ndive. Ha’e oñe’ẽ chupe bondad reheve ha nokondenái chupe uperõ, ha katu he’i porã chupe “anive repeka” (Juan 8:11). Tekotevẽ jaguereko bondad, mborayhu, ha katu Cristo-pe oseguíva – pe Maestro-icha – nomyimo’ãi pe añetévagui.
IV.
Pe Salvador-icha, umi oseguíva chupe ombohovakéta tekovai, ha ko’ã árape sapy’a oñehenói “intolerante” terã “fanático” chupekuéra odefenderõ umi iporãva ivaívagui ontendeháicha hikuái. Heta umi valores ha prácticas ko mundo pegua ha’e peteĩ desafio umi Santos de los Ultimos Dias-pe ĝuarã. Umíva apytépe oĩ pe tendencia ko’aĝagua ojelegaliza haĝua ñemenda entre mismo séxova heta estado ha provincia ko estados unidos, Canada ha heta ambue tetãme ko mundo-pe. Jaiko avei hénte apytépe ndogueroviáiva ñamendava’erãha, terã ñanemembyva’erãha; ambuéva katu ndoipotái oñemoĩ restricción pornografía terã umi droga peligrosape ĝuarã. Ambue desafio ohechakuaátava umi creyente niko ha’e pe jaiko peteĩ conyuge terã familia, terã jajerrelaciona compañero de trabajo ndaha’éiva creyente ndive.
Umi tenda ojededicava’ekuépe, templo, centro de adoración, ha ñande rógape avei, ñambo’eva’erã pe añetéva ha umi tembiapoukapy sencilla ha completamente, ñantendeháicha pe plan de Salvacion-pe, ojerrevelava’ekue pe evangelio rrestauradope. Ñande deber oĩ protegido pe constitución garantíape, libetad de expresión ha libertad religiosa rehegua, ha avei umi ley de privacida ojeiporuva jepe umi tetã ndoguerekóiva constitución garantía formálva.
Público-pe, umi persona religiosa he’íva ha ojapóva oguereko ambue consideración. Pe libre ejercicio religioso oprotege heta acto público-pe, ha katu oĩ restricciones oñeme’ẽ haĝua lugar umi ambuéva creencia ha práctica-pe. Umi ley ikatu oprohibi umi conducta ojehechakuaáva ivaívaicha terã inaceptable, explotación sexual-icha ha violencia terã ambue conducta terrorista, jepe ojejaporõ religión rérape. Umi conducta menos grave, ndaha’éirõ jepe aceptable algunos creyentes-pe ĝuarã, ikatu simplemente ña’aguantava’erã ojelegalizarõ, pe profeta Libro de Mormón ohenoiva’ekue “La voz del pueblo” rupive (Mosíah 29:26).
Umi diálogo público-pe, ñame’ẽveva’erã atención umi evangelio ñehekombo’ére, jahayhuva’erãha ñande rapichápe ha ja’evita ñorairõ. Umi oseguíva Cristo-pe ha’eva’erã ejemplo de civismo. Jahayhuva’erã opa yvypórape, ñahendukuaava’erã, ha jahechaukava’erã interés icreencia añeteguávare. Jepe nañaimei de acuerdo, noĩporãi ñande argel. Ñande postura terã ñe’ẽ umi tema polémico rehe ndaha’eiva’erã ñorairõrã. Ñaneprudenteva’erã jahechaukávo ñande postura ha ja’ehercévo ñande influencia. Jajapóvo upéicha, ñañeha’ã ambuéva noñeofendéi ñande creencia religiosa ha libre ejercicio religioso rehe. Rojerure opavavépe pepractica haĝua pe Salvador regla de oro: “…umi mba’e peipotáva yvypóra ojapo penderehe, upéicha avei pejapo peẽ hendivekuéra” (Mateo 7:12).
Ñande postura ndaha’eirõ convincente pe oposición renondépe, ja’aceptava’erã getileza reheve umi resultado desfavorable ha ñamoĩ en práctica pe cortesía ñande adversario ndive. Oimeraẽ cásope, jaguerekova’erã buena voluntad opavavepe ĝuarã, jarrechazávo opáichagua persecución, rraza, creencia religiosa terã incredulida, ha diferencia terã orientación sexual reheguáva.
V.
Añe’ẽ principios generales-re; ko’aĝa añe’ẽta mba’éichapa ko’ã principio oñemoĩ en práctica heta circunstancia común-pe, umi Salvador tekombo’e ojeseguiva’erãhápe jeroviareko reheve.
Añepyrũ umi ñane mitãnguéra o’aprendéva iñemboharáipe. Py’yĩeterei, umi ndaha’éiva mormón ápe Utah-pe oñeñandu ofendido ñande miembrokuéra oñemomombyrývo chuguikuéra ha ndohejái imembykuéra oñehunta mitã ambue religión gua ndive. Ikatu ñambo’e valores ha normas de komportamiento ñane membykuérape oñemomombyry’ỹre ni ofalta respeto ambuéva idiferéntevape.
Heta mbo’ehára tupaope ha escuela-pe oñelamenta mba’éichapa mitãrusukuéra, jepe Santos de los Ultimos Dias, ojotrata hikuái. Pe tembiapoukapy jajehayhuva’erãha peteĩva ambuévape añetehápe oinclui mborayhu ha respeto umi oguerekóva diferente religión, raza terã cultura ha situación económicape. Rodesafia opa umi jóvenes-pe, to’evita pe acoso, insulto terã lenguaje ha practica deliberadamente ocausava py’arasy hapichápe. Opa umi mba’e ojapyhara pe Salvador rembiapoukapy jajehayhuva’erãha peteĩva ambuévape.
Pe Salvador ombo’e kontensión ha’eha peteĩ aña tembiporu. Upéva añetehápe ñanembo’e pe lenguaje ha política ojeporuvare ko’ã árape. Jevivi diferencia política reheve ha’e esencial políticape ĝuarã, ha katu umi diferencia política natekotevẽi ou ataques personales reheve o’interferiva pe gobierno proceso-pe terã ocastiga umi oparticipávape. Jahejava’erã umi ñe’ẽ henyhẽva odio-gui ha japractica cortesía umi oguerekóva ndive diferente opinión.
Pe tenda iñimportantevehápe ja’evita ñorairõ ha japractika respeto umi diferenciare ha’e ñande róga ha umi ñande relación familiar-pe. Ndaikatúi ja’evita umi diferencia, oĩ tuicháva ha michĩva. Tuicharõ, ñasupone peteĩ familia jaikóva ndive. Upéva he’ise oĩha peteĩ conflicto mokoĩ valor importante mbytépe: ñane mborayhu pe familia-re, ha ñande kompromiso umi tembiapoukapýre. Jaseguívo pe Salvador ejemplo, ikatu jahechauka py’aporã ha katu ñañemova’ỹ gueteri pe añetévagui, ndajajapoirõ umi mba’e ofacilitava terã ojoguáva ja’aaprovaha upe jaikuaáva oĩvaiha.
Ambopaha ambue ejemplo relación familiargui reheve. Peteĩ conferencia de Estaca Medio Oeste Estados Unidos-pe, ojapo 10 años rupi, ajotopa peteĩ hermana omombe’úva cheve iména, ndaha’éiva miembro, ohoha hendive doce año aja tupaópe, ha katu araka’eve ndojoajúi pe tupaóre. ¿Mba’épa ajapova’erã? Oporandu. Ha’e chupe tokontinua ojapóvo opa oĩporãva ha taipaciente ha amable iména ndive.
Un mes rire rupi ohai chéve kóva: “Bueno, che apensa doce año ahechauka hague paciencia ovaléma, ha katu ndaikuaái che amabletépa ra’e. Upévare añeha’ã hatãve peteĩ mes, ha upépe ojebautiza”.
Pe py’aporã tuicha mba’e, especialmente ñane familia jerere. Pe carta-pe he’ive: “Añeha’ãve hína chepy’aporã haĝua hendive roñembosako’ígui hína rojesella haĝua templope ko año-pe”
Seis año rire ohai jey chéve: “Che mena oñehenói ha oje’aparta ramoite ore barrio-pe opispo-icha”2.
VI.
Heta relación ha circunstacia ko tekovépe jaikova’erã diferencia reheve. Umi caso de vital importanciape, nañanegaiva’erã ni ndajahejaiva’rã ñande opinión umi diferencia rehegua, ha katu Cristo seguidorkuéra oviviva’erã py’aguapýpe hapicha ndive nokompartiriva valores ni ndo’aceptai umi tekombo’e ojebasahápe umíva. Pe Tuva Plan de Salvación, ñanemo’ĩ peteĩ situación terrenalpe ñaneñe’ẽrenduva’erãháme hembiapoukapykuérare. Upéva oinclui jahayhuva’erãha ñande rapichápe oguerekóva distinta cultura ha creencia, Ha’e ñanderayhuháicha. Ñanembo’ehaguéicha pe profeta Libro de Mormón-pe, jahava’erã tenonde gotyo, jarekóvo “mborayhu Tupãre ha mayma yvypórare” (2 Nefi 31:20).
Hasyrõ jepe jaiko pe agitación ñanembojerévape, pe Salvador mandato jajehayhuva’erãha peteĩva ambuévape, ha’e ñanderayhuháicha, oĩmene ha’e ñande desafio tuichavéva. Añembo’e tañandente upéva ha javivi opa ñande relación ha actividakuérape. Jesucristo rérape. Amén.