Javivi pe Evangelio vy’a reheve
Presidente Dieter F. Uchtdorf rupive
Segundo Consejero Primera Presidencia-pe
Pejerovia pe Salvador Jesucristo pu’akáre, peñongatu iley ha hembiapoukapykuéra; ambue ñe’ẽme: pevivi pe evangelio vy’a reheve.
Che hermanakuéra ahayhuetéva, che amigakuéra ahayhuetéva ha Jesucristo discipulakuéra pejehovasapyréva, ha’e ningo peteĩ honor chéve ĝuarã aime penendive ko oportunidad-pe ñamoñepyrũvo ambue Conferencia General Iglesia de Jesucristo de los Santos de los Ultimos Dias-gua. Próxima semana, Primera Presidencia ha umi Doce Apóstoles oñerreuníta opa umi Autoridades Generales ha Organizaciones auxiliares liderkuéra ndive, ha umi ambue Conferencia General sesión-kuéra okontinuáta Sábado ha Domingo. Che aguyjeterei ñande profeta, presidente Thomas S. Monson-pe, ojerure haguére chéve arrepresenta haĝua Primera Presidencia-pe añe’ẽvo peẽme che hermanakuéra tupaogua.
Apensávo mba’épa ikatu ha’e peẽme, che pensamiento oho umi kuñanguéra omoldeáva’ekue che rekove ha chepytyvõva’ekue ko tekove py’ara’ã rupive gotyo. Che aguije che jarýire oguerahava’ekue ifamiliape peteĩ reunión Sacramental mormónape ojapóma heta ary. Che aguije hermana Ewing, peteĩ kuñakarai Alemana, nomendáiva’ekue ha ika’arúmava, héra castellano-pe heiséva “Hermana eterna”. Ha’e ningo pe oipysova’ekue che jarýipe pe invitación hechapyrãva. Che aguije che sýre, ogueraháva’ekue irundy imembykuérape umi Segunda Guerra Mundial jehasa’asy rupive. Apensa avei che rajyre, ha che nietakuérare ha umi mitãkuña ijeroviarekóva generación oútava ha’ekuéra rire.
Ha, katuete, aime eternamente agradecido che rembireko Harriet-re, che cautivava’ekue che mitãrusurõ guare; sýicha, oguerahávakuri ore familia carga ipohyivéva, oĩva che ykére che rembirekóicha, ha ohayhúva ha omoangapyhýva imembykuéra, inietokuéra ha bisnietokuérape. Ha’e ningo ha’e ore róga mbaretekue ára porã ha ára vaípe; ha’e ombohesape opa umi oikuaáva chupe rekove.
Ipahápe, aime agradecido penderehe, umi millones hermanakuéra ijeroviarekóva ko mundo apére hetaite ojapova’ekue omopu’ã haĝua Tupã rreino. Che aguije peẽme umi hetaite forma pemokyre’ỹ, peñangareko ha pehovasa haguéicha umi tapicha oĩva pende jerérepe.
Tupã Rajykuéra
Che avy’a aime haguére hetaite Tupã rajykuéra apytépe. Japurahéivo pe purahei “Soy un hijo de Dios”, pe letra oĝuahẽ ñane korasõme. Ñapensávo pe añeteguáre – ñande ha’eha Tuva ha sy Celestial ta’yrakuéra 1—ñanemyanyhẽ peteĩ temiandu he’íva jaguerekoha origen, propósito ha destino.
Iporã penemandu’a tapiate peẽ ha’eha Tupã rajykuéra; pe kuaapy penembojepytasóta oúvove jehasa’asy ko tekovépe ha penemokyre’ỹta pehupyty haĝua mba’e hechapyrãva. Upevére, iñimportante penemandu’a ha’évo Tupã rajy ndaha’eiha peteĩ titulo peganava’ekue ha ikatúva peperde jey; peẽ ha’éta gueteri Tupã rajykuéra, tapiaite ĝuarã. Pende Ru Yvagagua oguereko heta mba’e oipotáva peẽ pehupyty, ha katu pende origen divinoijeheguindogarantizai peẽme peteĩ herencia eterna. Tupã penembou ápe penembosako’i haĝua peteĩ futurorã tuichavéva opa mba’e ikatúvagui peimo’ã.
Umi jehovasa Tupã oprometéva ijeroviarekóvape iglorioso ha iñispirador; ijapytépe oĩ “ Tronos, reinos, principados, potestades ha dominio, opa yvatekue ha opa pypykukue”2; ha pe oñeikotevẽva jahupyty haĝua umi jehovasa ijojaha’ỹva ndaha’éi peteĩ certificado de naciemiento espiritual, terã peteĩ “tarjeta de miembro “ pe “Tupã ta’yrakuéra club”-pegua, ha katu hetave mba’e.
¿Mba’éichapa ikatu jahupyty umíva?
Pe Salvador ombohovái upe porandu ko’ã ñande árape:
“…pekumpli’ỹrõ che ley, ndaikatumo’ãi pehupyty ko gloria.
“Po’ígui pe okẽ ha pe tape ogueraháva exaltación-pe…
“…Perrecibi, katu, che ley”3.
Upévare, ñañe’ẽ jaseguiva’erãha pe discipulado rapére.
Ñañe’ẽ ñaneñe’ẽrenduva’erãha Tupã rembiapoukapykuérare
Ñañe’ẽ javiviva’erãha pe evangelio vy’a reheve, opa ñane korasõ, ánga, apytu’ũ ha mbarete reheve.
Tupã oikuaa peteĩ mba’e ñande ndajaikuaáiva.
Upevére, algunope ĝuarã, ñe’ẽrendu Tupã rembiapoukapykuérare ndaha’ei peteĩ mba’e ombovy’áva. Ñañe’ẽ porãna: ikatu oĩ tembiapoukapykuéra apytépe umi hasyvéva terã nañandegustáiva ha ñama’e hese pe mitã oma’ẽháicha pe plato henyhéva verduragui isaludableva ha katu ha’e ndo’uséiva. Jajopy ñande rãi ha jajeobliga ñaneñe’ẽrendu haĝua ikatu haĝua jahasa ambue activida igustovévape.
Ikatu upéramo ñañeporandu: “ ¿Añéte piko ñaneñe’ẽrenduva’erã opa Tupã rembiapoukapykuérare?”
Che mbohovái upe porandúpe isencillo:
Aguerovia Tupã oikuaaha peteĩ mba’e ñande ndajaikuaáiva; mba’e oĩva mombyryve ñande entendimiento-gui! Ñande Ru Yvagagua ha’e peteĩ ser eterno ha ijexperiencia, arandu ha kuaapy tuichaitereive ñanemba’évagui4. Ha ndaha’éi upeva añónte, ha katu ha’e ningo eternamente ñanderayhu, iporiahuvereko ha oñeconcentra peteĩ meta jehovasapyrévape: Ogueraha a cabo ñande inmortalidad ha vida eterna5.
Ambue ñe’ẽme, ndaha’ei oikuaávante iporãveva peẽme ĝuarã, ha katu ansiosamente oipota peiporavo pe iporãvéva peẽme ĝuarã.
Pegueroviarõ kóva pene korasõme – pegueroviarõ añetehápe ñande Ru Yvagagua misión tuichavéva ha’eha o’exalta ha oglorifica ita’yrakuérape, ha ha’e oikuaa porãveha mba’éichapa ojehupytýta upéva -- ¿ ndojoguáipa peẽme lógico ñaneñe’ereduva’erãha hembiapuokapykuérare, jepe umi hasyvévaicha? ¿ Nañamomba’eiva’erã piko umi tesapeha Ha’e ome’ẽva ñandéve ñandeguia haĝua ko tekove rehegua pitũmby ha py’ara’ã rupive? ¡Umíva ha’e ohechaukáva ñandéve pe tape ñandeguerahajeýva ñande róga yvagaguápe! Peiporavo jave pe ñande Ru Yvagagua rape, pemoĩ peteĩ cimiento divino pende progreso personal-pe ĝuarã Tupã rajýicha, penderovasátava opa pende rekove pukukue.
Che ha’e, ñande desafio ha’eha ñaimo’ãha Tupã oguerekoha Ijehovasakuéra oñeñeñongatúvo peteĩ araípe, ha nome’ẽseiha ñandéve ỹro ñakumpli umi irrequisitokuéra. Ha katu umi tembiapoukapy ndaha’eiete upéicha; añetehápe, ñande Ru Yvagagua oñohẽ meme jehovasa ñande ári, ha katu ñande kyhyje, duda ha pecadokuéra ndohejái, peteĩ paragua-icha, umi jehovasa oĝuahẽ ñandéve.
Hembiapoukapykuéra ha’e mborayhu tekombo’e ha pytyvõ divino omboty haĝua pe paragua ikatu haĝua jahupytymeme pe ama jehovasa celestial rehegua.
Ja’aceptava’erã Tupã rembiapoukapykuéra ndaha’einteha peteĩ lista puku idea porãkuéragui, ndaha’ei umi “truco” internet blog-pe jarresolve haĝua problemakuéra, ni ñe’ẽnguéra ñanemokyre’ỹva Pinterest-pe; ha katu ha’e consejo divino, ojepytasóva añetegua opava’ỹvare, oñeme’ẽva’ekue ogueru haĝua “py’aguapy ko mundo-pe ha vida eterna pe mundo oúvape”6.
Upéicha, jaiporavova’erã: peteĩ hendápe, oĩ ko mundo ñe’ẽ, iteoría reheve, oñemoambuéva manterei ha imotivo ndajaikuaaporãiva; ambue hendápe oĩ Tupã ñe’ẽ ita’yrakuérape: Iñarandu opave’ỹva, Ipromesakuéra isegúrova ha hekombo’e kyrỹi jaha jey haĝua hendápe gloria, mborayhu ha majestad reheve.
¡Peẽ peivoravova’erã!
¡Pe ojapova’ekue umi yguasu, yvyku’i ha mbyjakuéra ojeipapakuaa’ỹva oipyso peẽme ipo ko araitépe! ¡Ome’ẽ peẽme pe receta tuichaitéva pehupyty haĝua vy’apavẽ, py’aguapy ha vida eterna!
Ikatu haĝua pehupyty ko’ã jehovasa igloriosoitéva, peñemotĩndyva’erã, pendejeroviava’erã, pejagarrava’erã pende ári Cristo réra, pehekava’erã chupe ñe’ẽ ha japópe, “ha ha’eva’erã Tupã testigo opa ára, ha opa mba’épe, ha opa tenda peimehápe”7.
Pe mba’érepa ñaneñe’ẽrenduva’erã
Pentende vove Tupã ha Hembiapoukapykuéra naturaleza añetegua, pentende porãvéta avei pendejupe ha pende rekove propósito divino. Upéva reheve, pende kyre’ỹ peneñe’ẽrendu haĝua umi tembiapoukapýre oñemoambue, ha pevivi pe evangelio vy’a reheve ha’e pe pende korasõ oipotáva.
Por ejemplo, umi ohecháva tupaogua rreunion-kuérape jeho ombotuichave haĝua imborayhu Tupãre, otopa haĝua py’aguapy, omopu’ã haĝua hapichakuérape, oguereko haĝua pe Espíritu ha ombopyahu haĝua icompromiso oseguívo Jesucristo-pe, oguerekóta peteĩ experiencia porãve umi ohóvagui oguapy haĝuánte pe banco-pe. Hermanakuéra, iñimportanteiterei jaha ñande rreunión dominical-kuérape, ha katu aime seguro ñande Ru Yvagagua omomba’eguasuveha ñande jerovia ha arrepentimiento, estadística de asistencia rangue.
Ame’ẽ peẽme ambue techapyrã:
Peteĩ sy ha’eñóva, mokõi mitã reheve, hasykatu sarampión-gui. Katuete, pya’e umi mitã hasykatu avei. Tembiapo oñangereko haĝua ijehe ha imembykuérare ipohyieterei pe sy pyahúpe ĝuarã; upévare, pe ógagui ipotĩ’asýva jepi, oiko peteĩ tenda idesordenado ha iky’áva; plato ky’a ijaty, ha ao ojejohei haĝua oñembyaty opárupi.
Oñangarekohápe umi mitã hasẽvare, ha hasẽsévo ha’e avei, oĩ ombotáva pe okẽ. Ha’e imaestra visitante-kuéra, ohechakuaáva pe sy pyahu jepy’apy; ohecha hóga, pe cocina ha ohendu umi mitã rasẽ.
Ko’aĝa, umi hermana ojepy’apyrõ ocompleta haĝua ivisitante, oimene ome’ẽtante pe sýpe peteĩ plato galletita reheve, ha he’íta chupe ohechanga’u hague chupe Sociedad de Socorro-pe pe semana mboyvegua ha he’íne chupe upéicha: “ Ere oréve oĩrõ ikatúva rojapo nderehe! Ha upéi oho hógagui horývo ha ovy’ávo oguereko haguére 100 % pe mes.
Vy’arã, umi hermana ha’ékuri Cristo discipula añetegua; ohechakuaa pe hermana tekotẽve ha oiporu ikatupyry ha ijexperiencia: Omoĩ orden-pe upe tenda, ogueru tesape ha tesakã pe ógape, ha ohenói hikuai peteĩ hapichápe oho haĝua ojogua tembi’u oñeikotevẽtereíva. Ombopaha vove hembiapokuéra ha ojedespedi hikuái, oheja pe sy pyahúpe tesay reheve – mborayhu ha aguije tesay.
Upe guive, pe sy opensáva maestra visitante-kuéragui ocambia; ha’e he’i: “Aikuaa che ndaha’eiha peteĩ mba’énte peteĩ persona lista tembiaporãme.
Heẽ, umi maestras visitantes ijeroviarekóva’erã ojapóvo ivisita mensual, ha katu ndahesaraiva’erã pe mba’érepa ojejapo ko tembiapoukapy : jahayhu haĝua Tupã ha tapichápe.
Jahecharõ Tupã rembiapoukapy ha Irreino ñemopu’ã peteĩ mba’e oĩvaicha peteĩ lista jajapova’erãme, jahasa rei pe discipulado escencia ha ndajahupytýi pe kakuaa oikóva jajavivirõ umi ñande Ru Yvagagua rembiapoukapykuéra.
Pe discipulado rapére jeiko ndaha’eiva’erã peteĩ experiencia iróva; ha katu “he’ẽvéva opa mba’e he’ẽvagui”8; ndaha’éi peteĩ carga ñandepy’ajopýva. Pe discipulado omopu’ã ñande espíritu ha ombovevýi ñane korasõ; ñanemokyre’ỹ jerovia, esperanza ha karida reheve; omyenyhẽ ñande espíritu tesape reheve pytumby árape ha ome’ẽ ñandeve py’aguapy jehasa’asy árape.
Ome’ẽ ñandéve pu’aka divino ha vy’apavẽ oduráva.
Javivi pe Evangelio vy’a reheve
Che hermanakuéra ahayhuetéva ko evangelio-pe, jepe peguerekorõ 8 terã 108 año, oĩ peteĩ mba’e aipotáva pentende ha peikuaa añetehápe:
Peẽ pejehayhu.
Pende Ru ha Sy celestial penderayhu.
¡Pe creador infinito ha eterno tesape ha tekove rehegua pendekuaa! Ha’e pendeguereko presente.
He’ẽ, Tupã penderayhu ko araitépe ha tapiaite.
Ha’e ndoha’arõi hína pesupera pende debilida ha hábito vai penderayhu haĝua; Ha’e pende rayhu ko’aĝaite, ontendepaitévo umi mba’e hasýva peẽme ĝuarã; Ha’e ohechakuaa pejuha Chupe ñembo’e añetépe ha henyhẽva esperanza-gui; Ha’e oikuaa opa umi pejejagarrava’ekue jave pe tesape oñemboguévare ha peguerovia, jepe pe tuicha pytumby mbytépe; Ha’e oikuaa pendejehasa’asýgui; Ha’e oikuaa pendepy’arasýgui pefallarõ terã pefracasarõ; ha katu jepe upéicha, Ha’e penderayhu.
Ha’e oikuaa pende éxito-gui; jepe michĩeterei peẽme ĝuarã, Ha’e ohechakuaa ha omomba’e umíva. Ha’e penderayhu peme’ẽ haguére pendejehegui ambuéva tapichápe; Ha’e penderayhu peipytyvõgui ambuévape ogueraha haĝua icarga pohýi, jepe peẽ avei peguereko hína dificultad penemba’éva reheve.
Ha’e oikuaapaite pendehegui; Ha’e penderecha hesakãmbaite – Ha’e oikuaa mávapa peẽ añetehápe ha Ha’e penderayhu – ¡ko árape ha tapiaite!
¿Peimo’ã piko ñande Ru Yvagaguape oimporta pende maquillaje, ao, akãrague terã pyapẽpa oĩporamba? Pepensa piko pende valor chupe ĝuarã ocambia odependévo mboy seguidorguipa peguereko Instagram terã Pintereste-pe? Pepensa piko Ha’e oipotaha pejepy’apy terã pejedeprimi oĩrõ umi ndaha’esevéimava pende amiga Facebook terã twiter-pe? Pepensa piko pende atractivo exterior, pende talla terã pende popularidad oguerekoha oimeraẽichagua efecto pe valor peguerekóva ári Upe ojapopáva’ekue pe universope ĝuarã?
Ha’e penderayhu ndaha’ei mávapa peẽ ha’e ko’ãga rehe, ha katu pe tekove henyhẽva gloria ha tesape ikatuva ha’e peẽ.
Napeimo’ãiháicha, Ha’e oipota pehupyty pende destino: pehojey pende róga celestial-pe honor reheve.
Atestifica pe tape pehupyty haĝua upéva ha’e pemoĩvo pende deseos egoístas ha ambiciones indignas pe sacrificio ha servicio altar ári. Hermanakuéra, pejerovia pe Salvador Jesucristo pu’akáre, peñongatu iley ha hembiapoukapykuéra. Ambue ñe’ẽme: Pe vivi pe evangelio vy’a reheve.
Añembo’e tapeñandu pende rekovépe heta ha hatãve pe Tupã mborayhu porã; Tapejuhu pe jerovia, determinación ha compromiso pe’aprende haĝua Tupã rembiapoukapykuéra, peñongatu haĝua pene korasõme ha pe vivi haĝua pe evangelio vy’a reheve.
Apromete peẽme, pejaporamo upéicha, pehechakuaáta pe iporãvéva pende pype, mávapa peẽ añetehápe. Pehechakuaáta mba’épa he’ise añetehápe taha’e peteĩ Tupã pe Ñandejára hekojojapáva rajy. Atestifika ko’ã mba’égui ha aheja peẽme che jehovasa Ñandejára Apóstol-icha, Jesucristo rérape. Amén.