José Smith

Neil L. Andersen rupive

Doce Apóstoles Quórum -pegua

Jesucristo oiporavo peteĩ kuimba’e isántova, peteĩ kuimba’e hekojojáva, odirigi haǧua ko Iñevangélio plenitud ñemoĩjey. Oiporavo José Smith-pe.

Ivisita peteĩháme profeta José Smith-pe kóva orekórõguare 17 áño, peteĩ ángel ohenói José-pe héra rupi ha he’i chupe ha’e, Moroni, ha’eha peteĩ mensajero oñemboúva Tupã rovakégui ha Tupã orekoha peteĩ tembiapo Josépe ǧuarã. Peñeimaginamína mba’épa oiméneva opensa José pe ángel he’íjave chupe héra “ojejagarrataha iporãva ha ivaívape ǧuarã opa tetãháre, trívu ha ñe’ẽme” ¹. Oiméne pe ñemondýi José resápe ojapo Moroni he’i jey jey chupe oñeñe’ẽ porã ha oñeñe’ẽ vaitaha hese opavave hénte apytépe¹.

Umi mba’e porã oje’étava José Smith-re oje’ékuri sa’i sa’i; ivaíva katu, oñeñe’ẽvo hese, oñepyrũ pya’ete. José ohai: “Iñextrañoite piko peteĩ mitãkaria’y ojeikuaa’ỹva… toñekonsidera persona iñimportantéva ikatu haǧuáicha … [omoheñói] pe irrenkorosovéva ñemuña”³.

Mborayhu José-re okakuaáramo jepe, upéicha avei pe ñorairõse hendie. 38 áño orekópe ojejuka peteĩ populácho 150 kuimba’e hova oñepintapávare⁴. Proféta rekove opa ramo jepe sapy’a, oñeñepyrũ ramóntekuri upéramo oñeñe’ẽ porã ha oñeñe’ẽ vai hese.

¿Ñane’extrañava’erã piko umi mba’e vai oje’eva’ekue hese? Apóstol Pablo-re niko oje’e itarova ha itavyraieteha⁵. Ñandejára jahayhuetéva, Tupã Ra’y, oje’e hese ikaruha, ho’uha víno ha orekoha aña ipype ⁶.

Ñandejára oñe’ẽ José-pe idestínore:

“Umi yvy apýgui ojehekáta nde réra, umi ivýrova oñembohorýta nderehe ha añaretã ipochýta nendive;

“ha umi ikorasõ potĩva katu, umi iñarandúva … ha umi ivirtuósova katu ohekáta hikuái … tovasapy meme nde pógui”⁷.

¿Mba’ére Ñandejára opermiti toñeñe’ẽ mba’e vai mba’e porãre? Peteĩ razón niko pe oposición umi Tupã mba’évare ogueraha umi ohekávape añetegua toñesũ orresivi haǧua ñembohovái⁸.

José Smith niko pe Restauración Proféta. Hembiapo espiritual oñepyrũ ojehechaukávo chupe Túva ha Ta’ýra, oúvo hapykuéri heta visíta celestial. Ha’ékuri tembiporu Tupã pópe oguenohẽ haǧua umi Escritura sagrada ha doctrina okañyva’ekue, ha orrestaura haǧua sacerdocio. Pe José rembiapo importancia oikotevẽve peteĩ análisis intelectual-guinte; oñeikotevẽ ñandehegui, José ojapohaguéicha, “[jajejerure] Tupãme”⁹. Umi porandu ijespirituálva omerese avei ñembohovái espirituálva Tupãgui.

Heta hénte ndoroviái tembiapo Restauración rehegua ndoroviáiguinte umi seres celestiales oñe’ẽha kuimba’ekuéra ndive yvy ári. He’i hikuái ndaikatuiha peteĩ ángel ome’ẽ umi pláncha óroguigua ha toñembohasa Tupã pu’aka rupive. Upe jerovia’ỹ rupi, pya’e ombotove José testimonio ha, jepe oĩ umi oguejýva odesacredita peve Proféta rekove ha odifama ikarácter.

Ñambyasy asy oimérõ umi ovenera raẽva’ekue José-pe ha upéi ojere ikonviccióngui ha oñe’ẽ vai Profétare¹⁰.

Élder Neal A. Maxwell he’i peteĩ jey: “Pe Tupao je’estudia… umi desertor-kuéra ñemaña rupi ha’e ña’entrevista ramoguáicha Judas-pe ña’entendesévo Jesús-pe. Umi desertor-kuéra akoiete oñe’ẽve ijehe oñe’ẽrãngue umi ojehekýiva’ekuégui”¹¹.

Jesús he’i: “Pehovasa umi pene maldesívape… ha peñembo’e umi pende’ultraháva ha penemuñávare ”¹². Jatrata py’aporã reheve umi okritikávape José Smith-pe jarekokuévo ñane korasõme José ha’ehague peteĩ. Tupã profeta, ha jarresivívo konsuélo Moroni he’ímahague ko’ã mba’e oikotaha ojapóma heta ára.

¿Mba’épa ñambohovaiva’erã umi ojepy’apy añetévape komentário negativo-kuérare ohendu térã omoñe’ẽva proféta José Smith rehe?. Upeichavérõ katu, akoiete ojerresivi porã umi porandu iñonésto ha isinsérova.

Umi porandu oñe’ẽrõ José personalidad-re, ikatu ñakomparti miles umi ñe’ẽ umi oikuaava’ekuégui chupe personalmente ha ome’ẽ’akue hekove pe tembiapo José oipytyvõva’ekue ojestablese haǧua. John Taylor, orresivi’akue irundy disparos populácho ojukava’ekuégui José-pe, he’i upe rire: “Atestifika Tupã renondépe, hi’angelkuéra ha umi kuimba’erenondépe [José] ha’eha peteĩ kuimba’e iguénova, hi’onorable ha ivirtuósova… pe ikarácter, en público privadoháicha avei, iñintacháble, ha oiko ha omanohague peteĩ hombre de Dios-icha”¹³.

Peteĩ persona oikuaase añetévape, ikatu ñamomandu’a información internet-pegua ndorekoiha peteĩ “filtro de la verdad”. Oĩ información, ha’etéramo jepe añeteguaha, na’añetéiva.

Ojapo heta áño alee pe revista Time-pe peteĩ artíkulo oñe’ẽva peteĩ carta jejuhúre, ohaíva’ekue ndaje Martin Harris, okontradesíva José Smith ñemombe’u mba’éichapa ha’e ojuhura’e umi Libro de Mormón pláncha ¹⁴.

Oĩkuri miembro-kuéra osẽva’ekue Tupaógui upe documento rehehápe¹⁵.

Ñambyasy haǧuáicha, ojapuraiterei hikuái. Mése rire, heta experto ohechakuaa ha pe falsificador avei okonfesa- pe carta japu memeteha¹⁶. Oñekomprende niko, ikatu oĩ porandu umi oñehendúvare notisiakuérape, ha katu araka’eve ndajadudáiva’erã umi Tupã profetakuéra testimóniogui.

Ikatu ñamomandu’a upe persona interesádape oĩha información José rehegua, añetéramo jepe, ikatu oñepresentapaite fuera de contexto hi’époka ha isituación-gui.

Élder Russell M. Nelson ohechauka ko mba’e he’ívo: “Che niko peteĩ asesor’akue Centro Nacional de Control de Enfermedades rehegua gobierno de los Estados Unidos, Atlanta, Georgia-pe. Peteĩ jey, aha’arõ jave taxi aha haǧua aeropuerto-pe reunión rire, añeno kapi’ipe ári ajapyhývo kuarahy aha jey mboyve pe klíma ro’ýpe, Utah-pe… Upéi oǧuahẽ chéve correo rupi peteĩ fóto, onohẽ’akue peteĩ fotógrafo teleobjetivo-re, oguenohẽ’akue upe momento de relajación kapi’ipe ári. Fóto guýpe oĩ: “Asesor gubernamental Centro Nacional-pe”. Pe ta’anga niko añetegua, pe foto pypegua niko añete, ha katu ojepuru pe añetegua oñeme’ẽ haǧua peteĩ impresión añetegua’ỹva”¹⁷. Ndajadeskartaiva’erã peteĩ jaikuaáva pe mba’e ña’entende’ỹvare gueteri.

Ikatu ñamomandu’a, upe persona oikuaasévape, ndaha’éi José añónte pe orresiví’akue ángel visita-kuéra.

Umi Libro de Mormón testigokuéra ohaíkuri: “Rodeklara ñe’ẽ solemne-re peteĩ Tupã ángel oguejyha yvágagui, ha… romaña ha rohechaha [umi pláncha]”¹⁸. Avei ikatu ñamombe’u ambue persona-kuéragui¹⁹.

Peteĩ persona oheka añetéva okonsiderava’erã pe Evangelio restaurado difusión Ñandejára rembiapo frúto ramo, Proféta rupive.

Ko’áǧaite oĩ 29.000 rasaite congregaciones ha 88.000 misioneros ombo’éva pe Evangelio ko mundo-re. Millones umi Santos de los Últimos Días oñeha’ã osegívo Jesucristo-pe, orahávo peteĩ tekove potĩ, oñangarekóvo umi imboriahúvare ha ome’ẽvo itiémpo ha italénto-kuéra oipytyvõ haĝua hapichakuérape.

Jesús he’i:

“Ndaikatúi yvyra porã hi’a vai, ni yvyra vai hi’a porã …

“Hi’áre reikuaáta chupekuéra”²⁰.

Ko’ã explicaciones niko ikonvinsénte, ha katu umi persona oikuaase añetéva ndojevasava’erãmo’ãi umívapente osatisfasévo ijeheka añeteguáre.

Káda oroviáva oikotevẽ peteĩ confirmación espiritual profeta José Smith misión divina ha ikaráctergui. Upéva niko añete káda generación-pe ǧuarã. Umi porandu ijespirituálva omerese Tupãgui respuesta espiritual.

Ndahi’aréi, aime jave costa este-pe Estados Unidos-pe peteĩ ex misionero oñe’ẽ chéve peteĩ iñamígore oñedesilusionáva peteĩ información rehe proféta José Smith rehegua. Oñe’ẽ heta jey ha, umi ñemongetágui, pe ex misionero ko’áǧa ha’etévaicha odudáva avei.

Che aha’arõ ramo jepe ha’e omombarete iñamígope, ajepy’apy itestimóniore. hermáno ha hermanakuéra, pepermítimína chéve tajapo peẽme peteĩ advertencia: ndaikatumo’ãi tuicha peipytyvõ ambuépe pene fe personal naimbaretéiramo.

Ojapo heta semana ajupi peteĩ avión-pe Sudamérica gotyo. Pe auxiliar vuelo-pegua odirigi ore atención peteĩ video de seguridad-re ore’advertihápe kóicha: “Káso poco probable ovariáramo ǧuarã cabina presión, pe’abri umi panel oĩva pene akã ári ha osẽta umi máscara de oxígeno. Upéicha oikórõ, pejagarra peteĩ máscara, pemoĩ pene tĩ ha pende juru ári, pemoĩ pe banda elástica pene akãre ha pe’ajusta pe máscara peikotevẽrõ”; ha upe rire y ko avíso: “Pejeasegura pe’ajusta pene máscara pe’ayuda mboyve ambuévape”.

Umi komentario inegatívova profeta José Smith-re hetavéta oñemoaǧuiháicha Ñandejára Segunda Venida. Umi añetegua imbytéva ha umi japu sutil ndopamo’ãi. Oĩta pene pehẽngue ha amígo oikotevẽtava ñepytyvõ. Ko’áǧa hína pe ára pe’ajustávo pene máscara de oxígeno espiritual peime haǧua preparádo peipytyvõ haǧua ambue ohekávape añetegua²¹.

Káda persona ohupytýta peteĩ testimónio profeta José Smith-gui opáicha. Ikatu oǧuahẽ oñesũ jave oñembo’e, ojerurévo Tupãme tokonfirma José ha’eha proféta añete. Ikatu olee pe Primera Visión rehegua ñemombe’u ojapova’ekue Proféta. Pe testimonio ikatúta odestila hi’álma ári olee jey jey háicha upe Libro de Mormón. Ikatu oĝuahẽ okomparti aja itestimónio personal Profétare térã oĩvo témplope oñeme’ẽhápe en cuenta, José Smith rehehápe, ojerrestaurahague pe sánto poder osella haǧua yvy ári²². Fe ha intención añetére, oñemombaretéta pene testimónio proféta José Smith-re. Umi y oñeñohẽ meméva okaguio ikatu penemboykue sapy’a, ha katu araka’eve nombogueichéne pendehegui pende fe ratarendy.

Umi imitãva ohendúva térã oleéva ko’ã ñe’ẽ ára oúvape, amyasãi peteĩ desafío concreto: Pejapyhy peteĩ testimonio personal proféta José Smith-gui. Peheja pe iñe’ẽryapu toipytyvõ oñekumpli umi Moroni ñe’ẽ iprofétikova oñeñe’ẽ porãtaha Profétare. Ko’ápe pereko mokõi idéa: Ñepyrũrã, peheka umi Libro de Mormón pasáhe peñandúvo ha peroviávo mba’e añetetéva, ha upéi pekomparti pene familia-kuéra ha pene amígo ndive noche de hogar-pe, seminario-pe ha pene kláse Hombres Jóvenes ha Mujeres Jóvenes-pegua, pehechakuaa haǧua José ha’ehague peteĩ tembiporu Tupã pópe. Mokõihápe, pelee proféta José Smith testimonio Perla de Gran Precio-pe térã follétope, oĩva ko’áǧa 158 ñe’ẽme. Ikatu pehecha líneape LDS.org-pe térã pejerure misionero-kuérape. Kóva ha’e José testimónio ojehu añeteva’ekuégui. Pelee py’ỹiva’erã. Pehecha pegrava haǧua José Smith testimónio pene ñe’ẽryapu reheve, pehendu memévo ha pekompartívo pene amigokuérandi. Pehendúvo Profeta testimónio pene ñe’ẽryapúpe peneipytyvõta perresivi haǧua testimónio pehekáva.

Ñanera’arõ ára asombróso ha iñextraordináriova. Presidente Thomas S. Monson he’íkuri: “Ko obra tuicháva … ohóta tenonderã, okambiávo ha ohovasávo tekovekuéra. Ndaipóri mba’érepa ni mbarete ko mundo entero-pe ikatútava omombyta Tupã obra. Tou oúva, ko káusa tuicháva ohóta tenonde gotyo”²³.

Aheja peẽme che testimónio Jesús ha’eha pe Cristo, ñande Salvador ha Redentor. Ha’e oiporavoha peteĩ kuimba’e isántova, peteĩ kuimba’e hekojojáva, ogueraha haǧua tenondegotyo pe Iñevangélio plenitud rrestauración. Oiporavo José Smith-pe.

Atestifika José Smith ha’ehague peteĩ kuimba’e iñonrrádo ha ivirtuósova, peteĩ Ñandejára Jesucristo discípulo. Tupã pe Túva ha Ita’ýra, Jesucristo añetehápe oje’aparese chupe; ha ombohasa pe Libro de Mormón Tupã don ha pu’aka rupive.

Jajejuhu jave pe velo de la muerte rire, hesakãta ñandéve pe proféta José Smith llamamiento sagrado ha pe imisión divina. Upe ára namombyryietévape, hermáno José ojekuaáta penderehe, cherehe ha miles-re²⁴. Jesucristo rérape. Amén.

Notas

1. José Smith—Historia 1:33.

2. TojehechaJosé Smith—Historia 1:29–46.

3. José Smith—Historia 1:23.

4. Tojehecha Doctrina y Convenios 135:1.

5. Tojehecha Hechos 26:24.

6. Tojehecha Mateo 11:19; Juan 10:20.

7. Doctrina y Convenios 122:1–2.

8. Presidente Dieter F. Uchtdorf he’i: “Primero duden de sus dudas antes que dudar de su fe. Nunca debemos permitir que la duda nos mantenga prisioneros y nos prive del amor, la paz y los dones divinos que vienen mediante la fe en el Señor Jesucristo” (“Vengan, únanse a nosotros”, Liahona, noviembre de 2013, pág. 23). El élder Jeffrey R. Holland dijo: “Ésta es una obra divina en marcha, y las manifestaciones y bendiciones de ella abundan en todas partes; de modo que por favor no se preocupen demasiado si de vez en cuando surgen problemas que se tienen que analizar, comprender y resolver. Los problemas surgen y se tendrán que resolver. En esta Iglesia lo que sabemos siempre prevalecerá sobre lo que no sabemos” (“Creo”, Liahona, mayo de 2013, pág. 94).

9. Santiago 1:5; véase también José Smith—Historia 1:11–13.

10. Daniel Tyler omombe’u: “Pe ermáno Isaac Behunin ha che [rovisita Profétape] hógape. Pe téma de conversación ho’a umi ipersecucion-re; ha’e he’i jey heta umi declaraciones añetegua’ỹva, opáichagua ha ikontradictóriava ojapova’ekue umi apóstatas… Avei he’i oréve heta umi oficiales apytépe ovy’áne ojuka ramo chupe, o’arresta jave, ojere ifavor-pe [oikuaa porãvo chupe hikuái].“…ermáno Behunin he’i: “Che asẽrõ ko Tupaógui, ndajapoichéne umi kuimba’e ojapoháicha, aháne mombyry avave ohendu’ỹhápe mormonismo-gui, apytáne upépe ha avave ndoikuaaichéne umi che aikuaáva umívare’.“[José] ombohovái pya’ete: ‘Hermano Behunin, nde ndereikuaái mba’épa rejapóne; duda’ỹre niko ko’ã kuimba’e oiméne niko ndéicha avei upéicha opensánera’e. Reñekonverti mboyve Tupaópe, nde reimékuri peteĩ terreno neutral-pe… Reñeunívo Tupaóre, reñembosako’i reservi haǧua Tupãme; ha, rejapóvo, resẽ terreno neutral-gui ha ndaikatumo’ãvéima reike jey upépe. Rehejávo pe Ámo reñembosako’iva’ekue reservi haǧua, reiméta aña poguýpe, ha upéicha resegíta ha’e he’íva ha ha’éta isiervo’” (véase Enseñanzas de los Profetas de la Iglesia: José Smith, 2007, pág. 343).

11. Neal A. Maxwell, “All Hell Is Moved” (devocional de la Universidad Brigham Young, 8 de noviembre  de 1977), pág. 3; speeches.byu.edu.

12. Mateo 5:44.

13. Enseñanzas de los Presidentes de la Iglesia: John Taylor, 2001, pág. 93; véase también Doctrina y Convenios 135:3.

14. Véase Richard N. Ostling, “Religion: Challenging Mormonism’s Roots”, Time, 20 de mayo  de 1985, pág. 44.

15. Tojehecha Ostling, “Religion: Challenging Mormonism’s Roots”, pág. 44; tojehecha también Gordon B. Hinckley, “ Padre, aumenta nuestra fe”, Liahona, enero de 1988, pág. 51; Neil L. Andersen, “La prueba de vuestra fe”, Liahona, noviembre de 2012, pág. 39.

16. Tojehecha Richard E. Turley Jr., Victims: The LDS Church and the Mark Hofmann Case, 1992.

17. Russell M. Nelson, “Truth—and More”, Ensign, enero de 1986, pág. 71.

18. “Mbohapy Testígo Testimónio”, Libro de Mormón.

19. Tojehecha José Smith—Historia 1:71, nota; tojehecha avei Doctrina y Convenios 76:23.

20. Mateo 7:18, 20.

21. Presidente Henry B. Eyring, oñe’ẽkuévo umi idúdavare, he’i: “Pe mborayhu peñandúvare hesekuéra, ikatu peñeha’ã peme’ẽ chupekuéra ojeruréva. Ikatu peĩ tentádo pemoirũvo chupekuéra idúdape, peteĩ esperanza-re ojuhúvo peteĩ prueba térã argumento omyesakãva. Heta jey, umi persona odudáva oipota oñeñe’ẽ hendiekuéra umi mba’e okonsiderávare ha’ekuéra umi oikóva térã argumento oguerúva idúda ha umi hasývare chupekuéra.“Iporãvéva peẽ ha che ikatúva jajapo ha’e nañame’ẽ guasúi tiempo umi ñane alumno-kuéra okonsiderávape idudakuéra reñoiha…Iproblemakuéra noĩri umi oimo’ãvape ohecha, sino umi ndaikatúivape gueteri ohecha …Iporãvéva ikatúva jajapo ha’e ani jatardaite jarahávo pe ñomongeta umi korasõ mba’évape, umi korasõ káambiore oipe’átava tesa espiritual” (“‘And Thus We See’: Helping a Student in a Moment of Doubt” [discurso dirigido a los maestros de religión del Sistema Educativo de la Iglesia, 5 de febrero  de 1993], págs. 3–4; si.lds.org) si.lds.org).

22. Presidente Gordon B. Hinckley he’i: “Ojapo heta áño, añe’ordenaramoguare diácono doce áño arekópe, che ru, uperamoguare presidente ore estakapegua, chegueraha che reunión del sacerdocio ñepyrũháme… (Pe himno ñepyrũ ha’ékuri ‘Loor al Profeta’.) Opurahéi proféta José Smith-re ha, ojapokuévo, henyhẽ che korasõ mborayhúgui ñande Proféta ko dispensación-guáre, ha jeroviágui Hese … Aikuaa upéramo, Espíritu Santo poder rupi, José Smith añetehápe ha’eha Tupã proféta” (“Al gran profeta rindamos honores”, Liahona, mayo de 1984, pág. 1).

23. Thomas S. Monson, “Ñañembyaty jeývo”, Liahona, mayo de 2012, pág. 4.

24. Tojehecha “Loor al Profeta”, Himnos, Nº 15.