Jajeguerahávo a salvo ógape
Presidente Thomas S. Monson rupive
Ñamaña yvágare jahekávo pe sentido de dirección ikatuhaĝuaicha jahai ha jasegui pe rumbo oĩporãva.
Hermanokuéra, ñaime rreunido peteĩ sacerdocio aty ipu’akapávaicha, ápe ko centro de conferencia-pe ha ambue hendápe opa ko mundo jerére. Añeñandu honrado ha avei humilde aguerekóvo pe responsabilida adirigívo peẽme che ñe’ẽ. Añembo’e pe Ñandejára Espiritu toĩ chendive añe’ẽ aja.
Ojapo 75 año, 14 de Febrero de 1939, Hamburgo, Alemania-pe, oiko hague peteĩ celebración; discurso kyre’ỹ, hentekuéra ovy’a joáva ha himno patriótico purahéi apytépe, pe buque de guerra pyahu Bismarck oñepyrũ onavega rrio Elba rupi. Péva, pe ipotentevéva yga, ha’ekuri peteĩ espectáculo hechapyrãva coraza ha maquinaria rehegua. Ojejapo haĝua tekotevẽ Kuri 57.000 planos umi cañon 380 milimetro-pe ĝuarã, torretas triples oñecontrolava radar rupive. Pe Yga oguereko 45.000 km circuito eléctrico rehegua. Ha ipohýi 35.000 tonelada acero blindado-gui ha icoraza ome’ẽ pe máxima protección. Hechapyrã okágotyo, tuichaiterei ituichakuépe, ha asombroso ipotencia de fuego-pe, pe mba´e imbarete ha tuicháva oñekonsidera insumergible
Pe Bismarck ára paha oĝuahẽ mokõi ary tardeve, 24 de mayo de 1941, mokõi buque de guerra Real Armada Británica gua ipotentevévaPrince of Wales ha pe Hood, oñorairõ pe Bismarck ha pe crucero alemánPrinz Eugen ndive. Cinco minuto mboyve pe Bismarckomondo Atlántico ruguápe Hood ha opavave ikuimba’ekuérape, salvo mbohapy, peteĩ tripulación 1.400 gui. Pe ambue acorazado británico Prince of Wales, katu oguereko heta daño ha oñemomombyry.
Mbohapy ára uperiregua aja, pe Bismarck ojotopa jey jey, acorazado ha avión-kuéra británico ndive. Ipahápe, britanicokuéra okoncentra imbarete 5 buque de guerra, 2 portaviones, 11 cruceros ha 21 destructores peteĩ esfuerzo-pe otopa ha omoñapymi haĝua pe potenteBismarck.pe.
Pe batalla aja, proyectil tras proyectil apenami ombyai Bismarck-pe ¿Ha’e piko insumergible ra’e? Upéramo, peteĩ torpedo ojacerta chupe, ohejávo inútil pe timón. Oñeha’ãrei hikuái orrepara haĝua, ha katu ndaikatúi. Umi cañones preparados ha pe tripuación alerta, ha katu pe Bismarckikatu omarcha peteĩ circulo mbegue ha pohýivapente. Pe fuerza aérea alemana mbarete opyta aĝuĩeterei oñeĝuahẽ haĝua chupe ha pe Bismarck ndaikatúi ohupyty pe puerto segurida, ni ndaikatui ome’ẽ chupekuéra pe refugio oikotevẽva, ya que pe Bismarckoperdekuri pe habilida osegui haĝua peteĩ curso ojetrazava. Timon’ỹre, puerto ha pytyvõ’ỹre. Pe ipaha oĝuahẽ ohóvo. Umi cañon británico odispara meme ha umi tripulación alemana okañy ha upéicha ohundi hikuái pe barco ojoguáva’ekue iñindestructibleva. Umi Atlantico ola oinuparaẽ icostado ha upei omokõ pe marina alemana orgullope. Pe Bismarck oñehundi1.
Pe Bismarckicha, ñande ha’e peteĩ milagro de ingeniería. Upevére, pe intelecto humano nomoíri limite ñande creación-pe. Yvypóra ikatu okoncebi umi máquina ikomplejovéva, ha katu ndaikatúi ome’ẽ chupekuéra vida ni, razón pu’aka ni discernimiento. Umíva ha’e don divino Tupã añónte ikatúva ome’ẽ.
Hermanokuéra, pe embarcación timón-cha, oñeme’ẽ ñandéve mba’éichapa ñadetermináta mba’e direcciónpepa javiaháta. Pe Ñandejára faro ñanerenói ñanavega aja umi tekove mar-re. Ñande meta ha’e jaha peteĩ curso constante-re pe meta jaipotava gotyo, heẽ, pe Tupã rreino Celestial gotyo. Pe kuimba’e ndoguerekóiva propósito ha’e pe barco ndoguerekóiva timón-cha, ha ikatu araka’eve noĝuahẽi pe puerto de origen-pe. Ñandéve oñeme’ẽ pe señal: petraza pende rumbo, pemopu’ã umi vela, pemoĩ porã pe timón ha peho tenonde gotyo.
Oikohaguéicha pe Bismarck, ipu’akapáva rehe, upéicha oiko yvypóra ndive. Pe turbina impulso ha umi hélice pu’aka ndovaléi mba’everã peteĩ sentido de dirección’ỹre, pe energía jeipuru, pe modo ojedirigiva’erã pe pu’aka, ome’ẽva pe timón, ndajahecháiva, ha’égui relativamente michĩ, ha katu ha’e absolutamente esencial ifuncion-pe.
Ñande Ru ome’ẽ ñandéve pe kuarahy, pe ñasaindy, umi mbyja ha umi galaxia celestial oguia haĝua umi marinero onavegáva rutas marítimas-re. Ñandeve ĝuarã, jaguatáva ko tekove rapére, Ha’e ome’ẽ peteĩ mapa hesakã porãva ha ohechaukáva pe tape ñande destino jaipotáva gotyo. Ha’e ñanemomarandu: pejecuidake umi desviación, je’a ha ñuhãgui. Ndaikatui ñanembotavy umi ñandeguerahátava tape vaíre, umi astuto flautista de Hamelín pecado rehegua ñanerenóiva ágotyo ha pégotyo. Ha katu, ñañedetene ñañembo’e haĝua; ñahendu pe voz apacible ha dilicada ogueraháva pypuku ñande alma-pe pe Maestro invitación kyrỹi: “Eju, chesegui”2.
Upévere, oĩ umi nohendúiva, naiñe’ẽrendúiva, opreferíva oho umi tape ha’ekuéra añónte ojapóva. Heta umi ocedéva umi py’ara’ã oĩva ñande jerére ha ikatúva oguereko apariencia itentadoraitereíva.
Portadores del Sacerdocio-icha, ñañembou ko yvy apére ára hasývape. Jaiko peteĩ mundo ikomplejova oĩhame conflicto opárupi. Umi intriga política ohundi ume tetã estabilida, umi déspota oheka poder, ha umi sociedad sector ojogua oĩha siempre oprimido, ndoguerekóivo oportunidad, ha opyta peteĩ sentimiento de fracaso reheve. Ñande apysápe orresona umi yvypóra vyrorei, ha pe pekado ñanembojere.
Ha´e ñande responsabilidad ñanerekopotĩvo jahupyty haĝua opa umi jehovasa hechapyrãva oguerekóva ñande Ru Yvagagua ñandéve ĝuarã. Jaha jahahápe ñande sacerdocio ohóta ñanendive. ¿ Pepyta piko tenda marangatúpe? Por favor, peñemoĩ mboyve peẽme ha pende sacerdocio peligro-pe, pejeaventura haguére peikévo tenda terã peparticipa actividakuéra ndaha’éiva digno pendehegui ni pende sacerdocio-gui, pejedetene ha pe analiza umi consecuencia.
Ñande jaje’ordenava’ekue pe Tupã sacerdocio-pe, ikatu ñamarka pe diferencia. Ñamantenévo ñande pureza personal ha ña’honrarõ ñande sacerdocio, ñañekonverti ejemplo-pe ambuéva ikatúva osegui. Apóstol Pablo ombo´e “… ha’e umi creyente ejemplo ñe’ẽ, tembiapo, mborayhu, espíritu, fe ha pureza-pe”3. Avei ohai umi Cristo seguidor ha’eva’erã “tesapéicha ko mundo-pe”4. Ñame’ẽvo peteĩ ejemplo tekojojagui ikatu ome’ẽ tesape ko mundo iñypytũvévape.
Heta penemandu’ane presidente N. Eldon Tanner-re, ha’eva’ekue consejero cuatro tupao presidente-pe. Ha’e ome’ẽ Kuri peteĩ ejemplo constante tekojojágui opa icarrera pukukue, oservi ramo guare Canada Gobierno ha Jesucristo apóstol-icha. Ha’e ome’ẽ ko inspirado consejo: “ Mba’eve ome’ẽta gozo ha exito tuichavéva que javivi umi Evangelio tekombo’e. Taha’e peẽ peteĩ ejemplo; peteĩ influencia porãrã”.
Avei he’i : “Cada uno jajepreordenava’ekue cierto tembiaporã [Tupã] siervo jeiporavopyréicha, oñeme’ẽvape pe sacerdocio ha pu’aka o’actua haĝua Hérape. Pendemandu’a meme hénte ouha peẽme ohekávo dirección, ha peẽ peinflui hína pende rapicha rekovépe, porã terã vairã, ha upe influencia oñeñandukáta umi ñemoñare oútavape”5.
Ñañeñandu fortalecido pe añeteguáre pe mbarete tuichavéva ko mundo-pe ko árape ha’eha pe Tupã pu’aka oñemanifestáva kuimba’e rupive. Ñanavega haĝua a salvo umi yguasu rupi ko yvy apére, ñaikotevẽ pe Marinero Eterno, heẽ, pe gran Jehová guía. Jaipyso ñande jyva yvate gotyo jahupyty haĝua pytyvõ yvagagui.
Peteĩ ejemplo jaikuaáva ndojedirigiriva’ekue yvate gotyo ha’e Caín, Adán ha Eva reñoire. Cain ha’e Kuri podesoro ipotencial-pe ha katu kangy ivoluntad-pe, oheja pe codicia, pe envidia, ha desobediencia, ha jepe jejuka o’ataska pe itimón personal, ikatúva Kuri oguia chupe pe segurida ha exaltación-pe. Pe ñema’ẽ yvy gotyo orreemplaza pe ñema’e yvate gotyo, ha Caín ho’a.
Ambue época-pe, peteĩ rrei ñaña omoĩ a prueba peteĩ Tupã siervo-pe. Yvága pytyvõ reheve, Daniel, David ra’y, o’interpreta pe jehai oĩva tápia ári pe rreipe ĝuarã. Umi recompensa oje’ofreceva’ekuére chupe – jepe investidura real, peteĩ collar oroguigua ha poder político – Daniel he’i: “ Nde regalo topyta ndeve ĝuarã, ha eme’ẽ nde recompensa ambuévape”6. Daniel-pe oje’ofrece tuicha riqueza ha poder, recompensa orrepresentáva ko mundo mba’ekuéra ha ndaha’éi Tupã mba’e. Daniel oñe’abstene ha ijeroviareko.
Tardeve, Daniel o’adorávo Tupãme, jepe oprohibi pe decreto, ojeity chupe umi leõ kuárape. Pe Biblia omombe’u pe pyhareve oúvape, “ oñeguenohẽ Daniel pe kuáragui, ha ni peteĩ herida ndojetopái hese, ojerovia haguére iTupãre”7. Peteĩ momento de necesidape, pe Daniel ñemova’ỹ oho haĝua peteĩ tape constantere ome’ẽ chupe protección divina ha ome’ẽ peteĩ santuario seguridad rehegu. Ñande avei ikatu jaguereko pe proteccio ñamantenévo peteĩ rumbo constante ñande róga eterno gotyo.
Pe historia reloj, umi yvyku’i granuloicha, omarka pe tiempo jehasa. Peteĩ elenco pyahu omyanyhe pe escenario de la vida. Umi problema ko’aĝagua iñamenazante ñandeve ĝuarã. Opa ko mundo historia pukukue jave pe Aña oñeha’ã pytu’u’ỹre ohundi haĝua umi Salvadorpe oseguíva. Ñañeme’ẽrõ ipy’ara’ãme, pe poderoso Bismarckicha japerdeta pe timón ikatúva ñande guía peteĩ tenda segurope. Upéva rangue, jepe ñaime rodeado umi vida moderna atractivokuérare, ñamaña yvága gotyo jahekávo pe sentido de dirección ndojavýiva, ikatu haĝua jatraza ha jasegui pe rumbo oĩporãva. Ñande Ru Yvagagua ndohejamo’ãi ñembohovai’ỹre ñande sincera suplica. Jahekávo ayuda divina, a diferencia pe Bismarckgui, ñande timón ndofallamo’ãi.
Ñañepyrũvo ñande travesía personal, añembo’e tajahasá porã umi yguasu tekove reheguáre. Tajaguereko Daniel mbarete, tajapyta ñemova’ỹme ha jeroviarekópe a pesar umi pekado ha py’ara’ã oĩva ñande jerere; ñande testimonio taimbarete ha ipypuku Jacob, Nefi hermano-icha, oñenfrentávo pe ohundiseva ijerovia ndive, ha’e he’i”…che ndaikatúi añemongu’évo” 8.
Hermanokuéra, pe timón de fe oguiávo ñande rape, ñande avei jatopáta pe tape seguro ñande rógape, pe Tupã róga, jaiko haĝua Hendive eternamente, Añembo’e taha’e upéicha opavavépe ĝuarã, Jesucristo, ñande Salvador ha Redentor réra marangatúpe. Amén.