¡Pepyta vótepe ha pejejoko!
Élder M. Russell Ballard rupive
Quórum de los Doce Apóstoles-pegua
Ñañemantenévo Ñandejaraitépe, oñepromete ñandéve tovasapy ijojaha’ỹva.
Nda’aréi, peteĩ che’amígo ogueraha ita’ýrape peteĩ viáhe río Colorado-pe ohasáva cañón de la Catarata rupi, opytáva Utah sureste gotyo. Pe cañón herakuã orekóre 23 km ysyry pya’e ikatúva ipeligróso.
Oñembosako’ívo pe aventurarã, oheka porã página web Servicio de Parques Nacionales-pegua, orekóva información importante preparación personal rehegua ha umi peligro ikatuvéva ojuhu ikañymbýva.
Oñepyrũvo upe viáhe, peteĩ guía experto ome’ẽ instrucciones de seguridad iñimportánteva, ojapóvo inkapié mbohapy regla o’asegurátava upe viáhe a salvo umi y pya’e rupive. “Regla peteĩha: ¡pepyta vótepe! Regla mokõiha: ¡peraha pendejehe akoiete chaléko salvavida! Regla mbohapyha: ¡tapiaite pejejagarra mokõivéva pende po reheve!”. Upéi he’ijey, mbareteve: “Opa mba’e ári, penemandu’a pe regla peteĩháre: ¡pepyta vótepe!”.
Pe aventura chemomandu’a ñande rape ko yvy árire. Heta ñande apytépe jahasa umi períodos ja’apresiahápe umi tekove y ipy’aguapýva. Ambue jey katu, jatopa y ipya’evéva, sentido figurado-pe, oñembojojáva umi oĩvape pe tramo 23 km orekóvape cañón de la Catarata-pe; umi desafío ryepýpe ikatu oike problema-kuéra tesãi física ha mental rehegua, peteĩ jahayhúva ñemano, kerayvoty ha esperanzas ñembyai ha, alguno-pe ǧuarã, ikatu peteĩ crisis de fe ombohovaikuévo umi problema, porandu ha dúda tekovegua.
Ibondad-pe, Ñandejára ome’ẽ pytyvõ, peteĩ vóte jepe, abastecimiento-kuéra esensiálva peteĩ chaléko salvavida-icha, ha guía experto ome’ẽva orientación ha instrucciones seguridad rehegua ñanepytyvõ haǧua jahávo tenonde pe ñande rekove río rupi ñane destino final peve.
Ñakonsidera pe regla peteĩha: “¡Pepyta vótepe!”.
Presidente Brigham Young he’i jepi “Sión Barco Seguro” Iglesia de Jesucristo de los Santos de los Últimos Días-re, metáfora ramo
Peteĩ jey, ha’e he’i: “Naime altamar-pe. Oǧuahẽ peteĩ tormenta ha marinero-kuéra he’i pe navepe idifícilha oho. ‘che ndapytamo’ãi ko’ápe’, he’i peteĩ ; ‘naimo’ãi kóva ha’éne haǧua “Barco de Sión” ’. ‘Ha katu ñaimeñaína océano mbytépe’, [he’i ambue]. ‘Ndache’importái; ndapytamo’ãi ko’ápe’. Oipe’ávo ijaopohýi, ojeity ýpe. ¿Ndoje’ahogaichéne piko? Añete. Ha upéicha avei umi ohejávandi Tupao. Kóva niko ‘Barco Seguro de Sión’. Japyta ipype”1.
Ambue jey, presidente Young he’i oipy’apyha chupe umi hénte ojeíramo tapégui orresivi jave bendiciones, oho porãmbárõ hína hekovépe: “Pe ára ipy’aguapy vove, pe barco seguro de Sión onavegahápe yvytu vevýi reheve, ha opa mba’e opytárõ upe cubierta-pe, heta ermáno osẽse umi vóte’ípe… ho’yta haǧua; ha oĩ ojahogáva, ambue oĩ ohóva a la deriva, ha ambue katu ojevy pe barco-pe. Japyta barco seguro-pe ñandeguerahátava a salvo puerto peve. Natekotevẽi pejepy’apy”2.
Ipahápe, presidente Young omomandu’a umi santokuérape: “Ñaimeñaína barco seguro de Sión-pe… [Tupã] omyakã, ha opytáta upépe… Opa mba’e oĩporã. Japurahéi aleluya, Ñandejára oĩre ko’ápe. Ha’e odicta, oguía ha odirigi. Umi hénte oreko ramo confianza añete Tupãre, ndapehejáirõ araka’eve pene konveniokuéra ni pende Tupãme, Ha’e ñandegueraha porãta”3.
Oñeme’ẽvo umi desafío ñambohováiva’erã ko árape, ¿mba’éichapa japytáta Barco Seguro de Sión ryepýpe?
¡Péicha!: Ñamongakuaava’erã ñande fe Jesucristo-re ha ñande fidelidad Iñevangélio-re ñande rekove pukukue ña’experimenta haǧua peteĩ conversión meme, ndaha’éi peteĩ jeýnte, sino tapiaite. Alma oporandu: “ha ko’áǧa ha’e peẽme, che [ermána ha] ermanokuéra, peñandu piko pe kámbio pene korasõme, ha pe peñandúramo pepuraheise pe purahéi mborayhu orredimíva, aporanduse peẽme: ¿Ikatu piko peñandu kóva ko’áǧa?”4.
Umi expertos guías río-pegua ko’áǧa ikatu ñambojoja umi apóstoles ha profeta-kuéra ndive, ha umi inspirados líderes locales sacerdocio-gua ndive ha organizaciones auxiliares-pegua. Ha’ekuéra ñanepytyvõ ñaǧuahẽ haǧua a salvo ñane destino final-pe.
Ramoite añe’ẽ peteĩ seminario-pe presidentes de misión pyahúpe ǧuarã ha añemoñe’ẽ umi líderes-pe:
“Pemantene pene misión centrada Tupaogua lídere-kuérape… Ore ndapoguerahamo’ãi tape vaíre… ni ndaikatúi voi rojapo.
“Pembo’ekuévo pene misionero-kuérape osentra haǧua iñatensión orerehe, pembo’e avei chupekuéra araka’eve ndosegíriva’erãha umi opensávape oikuaaveha mba’éichapa o’administráta umi Tupao asunto-kuéra… ñande Ru Yvagagua ha Ñandejára Jesucristo oikuaa ha ojapo líderes del sacerdocio rupive, oguerekóva lláve opresidi haǧua.
“Che ministerio-pe ajuhu umi okañy’akue térã oñekonfundi’akue heta jey ha’e umi sapy’ánte… hesaráiva Primera Presidencia ha Quórum de los Doce oñe’ẽ joja vove, Ha’e upe jave Ñandejára ñe’ẽ. Ñandejára ñanemomandu’a: ‘…taha’e che ñe’ẽryapu rupive térã che siervo-kuéra rupive, peteĩcha’[D. y C. 1:38]”5.
Ambue ñe’ẽme, oheja pe Barco Seguro de Sión, oñemombyry tapégui, o’apostata. Trágicamente, osufri jepi pya’ete konsekuénsia oha’arõ’ỹva, ha upe rire, ndaha’éi ijupe ǧuarãnte, avei ifamiliakuérape ǧuarã.
Ñande líderes locales Tupaogua, umi guías río-pegua experto-icha avei, han aprendido de las experiencias de la vida; han recibido capacitación ha apóstoles, profetas ha ambue oficiales Tupaogua mbo’epy; ha, opa mba’e ári, orresivi instrucción Ñandejaraitégui voi.
Ambue jey katu ko áñope, añe’ẽ umi Tupaogua jóvenes adultos-pe upe transmisión del devocional del SEI mayo-pe oikova’ekue; ha’e chupekuéra:
“Ahéndumi umi hénte he’i umi líderes Tupaogua ndaje oiko peteĩ ‘burbuja’ ryepýpe. Hesarái ñande ha’eha kuimba’e ha kuña eñexperiénsiava ha roikóva’ekue heta hendápe ha romba’apo hénte opa hendápeguandi . Ñane asignacionkuéra ko’aǧagua oregueraha opárupi ko mundo-pe, roikuaahápe umi líderes políticos, religiosos, de negocios ha humanitario-va opa hendápe. Rovisitáramo jepe [umi líderes-pe] Casa Blanca Washington, D.C.-pe ha umi tetãnguéra líder-kuéra [ha religión-kuéra]-pe, avei rovisita [umi familia ha persona-kuéra] iñumildevévape ko yvy ári…
“Ñakonsidera ramo ñande rekove ha ñane ministerio, oiméne peiméta de acuerdo jahechataha ha ña’experimentataha ko mundo sa’i ojapoháicha; peñeme’ẽta en cuenta jaikove’iha ‘burbuja’ ryepýpe heta persona-gui…
“Upeichavérõ, pe arandu personal ha kombináda [umi Tupaogua lídere-kuéra] ome’ẽva’erã confianza. Rohasájepi opa mba’e, avei opáichagua léi ha normas públicas consecuencias, uéicha avei desilusiones, tragedias ha ñemano ore familia-pe. Ro’entende umi peẽ pehasáva hína”6.
Pe regla peteĩhándi, a’aplikahaguéicha, penemandu’a avei umi regla mokõiha ha mbohapyháre: tapiaite pegueraha pendejehe pe chaléko salvavida, ha pejejagarra atã mokõivéva pende po reheve. Umi Ñandejára ñe’ẽ, oĩháicha Escritura-kuérape, ha umi apóstol ha profeta-kuéra mbo’epy, ome’ẽ ñandéve consejo ha dirección, jasegíramo, oikótava chaléko salvavida espiritual-cha ha ñanepytyvõtava jaikuaa haǧua mba’éichapa jajegarra atãta mokõivéva ñande po reheve.
Jaikova’erã Mosíah ra’ykuéraicha, umíva “oñemombarete’akue añetegua jeikuaápe”. Ikatu oiko ñandehegui kuimba’e ha kuña “iñentendimiento resãiva”. Kóva ojehupytykuaa “[ñahesa’ỹijóvo] diligentemente umi Escrituras [jaikuaávo] Tupã ñe’ẽ”7.
Ñahesa’ỹijóvo umi Escrituras ha umi apóstole ha profeta-kuéra ñe’ẽ, ymaguare ha aǧagua, ñañekoncentrava’erã ja’estudiávo, jaiko ha jahayhu Cristo doctrina.
Jakultivávo umi lectura personal de las Escrituras hábito, ha’eva’erã avei Mosíah ra’ykuéraicha ha jajededika “heta ñembo’e ha ajúnope”8.
Ha’etévaicha ko’ã mba’e ikatu’ỹva ñamedínte iñimportanteitereiha. Peheja pene atención ko’ã mba’e isensíllovape, ha ani pejedistrae.
Aikuaáre heta opyta’ỹva’ekue vótepe ha ojejoko’ỹva’ekue mokõivéva ipo reheve umi prueba ha dificultad aja, térã ndopytáiva’ekue vótepe tiémpo py’aguapy aja, ahechaháicha heta umíva apytépe noñesentravéi umi verdades básicas del Evangelio-pe: mba’érehepa oñe’uni Tupaóre ñepyrũrã; mba’érepa opyta hikuái comprometidos ha actívos ovivívo umi Evangelio norma ha ohovasa ambuévape servicio dedicado ha consagrado rupive; ha mba’éichapa Tupao ha’ékuri “peteĩ tenda oĩháme alimento ha progreso espiritual”9.
José Smith ombo’e ko añetegua ivásikova: “Umi principios fundamentales ñane religión-gua umi apóstoles ha profetakuéra testimónio Jesucristo-re: omanoha, oñeñotỹ, opu’ã mbohapyha árape ha ojupiha yvágape; ha opa umi mba’e ñane religión rehegua ha’e ko’ãvape ombojoapývante”10.
Ñañemantenévo centrados Ñandejárape, oñepromete peteĩ bendición ijojaha’ỹva: “Ha upévare, pesegi tenonde gotyo firmeza reheve Cristo-pe, perekóvo peteĩ fulgor perfecto esperanza rehegua ha mborayhúre Tupã rehe ha opa kuimba’ére. Ha upévare, peguatávo tenonde gotyo, pejedeleitávo Cristo ñe’ẽme, ha pepersevera ipaha peve, péina ápe, péicha he’i Túva: Peguerekóta tekove ijapyra’ỹva”11.
Heta jey, Santos de los Últimos Días fieles ha investigador-kuéra isinsérova oñepyrũ oñekonsentra umi “apéndices”-pe umi principios fundamentales rãnguépe; ja’e porãtarõ, Satanás ñanetenta jejedistrae haǧua umi mensaje hesakãva ha isensíllova Evangelio restaurado-gui. Umi ojedistraéva heta jey ndopartisipavéi Santa Cena-gui oñekoncentrágui umi práctica térã umi enseñanzas iñimportate’ivévape, ha ojepy’apýkatu hese.
Ambuéva katu oiméne oñesentra umi porandu ha dúda orekóvape. Upéicha, umi porandu ha dúda naiñincongruénteiri discipulado dedicado ndive. Nda’aréi, pe Consejo Primera Presidencia-gua ha Quórum de los Doce Apóstoles odeclara: “Rokomprende sapy’ánte umi miembros Tupaogua orekoneha porandu doctrina rehegua, historia térã Tupao practikakuérare. Miembro-kuéra niko tapiaite isãso oporandu haǧua ha oñeha’ã añete haǧua hetave jeikuaáre”12.
Penemandu’a José Smith avei oreko porandu omoñepyrũ’akue Restauración. Ha’e oñeha’ã kuri jeikuaáre ha, Abraham-icha, ojuhu umi ñembohovái tekove porandu rehegua iñimportantevéva.
Umi porandu iñimportánteva oñesentra umi mba’e iñimportántevare: Ñande Ru Yvagagua plan ha Ñandejára expiasiõ. Ñande jeheka ojapova’erã ñandehegui discípulo iñamábleva, iguéno, imborayhurekóva, itoleránte, ipasiénsia ha ikyre’ỹva. Pablo ombo’eháicha, ñaĩva’erã dispuestos “…[jaguerahávo] ojupe umi kárga, ha [ñakumpli] péicha Cristo léi” 13.
Jarahakuévo umi kárga ojupe ipype oĩ ñaipytyvõ, ja’apoja ha ñakomprende opavavépe, avei hasývape, ikangývape, imboriahúvape ijespíritu ha hetépe, odudáva ha oiko’asývape, upéicha avei, ambue miembro discípulo-kuérape, umíva apytépe umi Tupaogua lídere-pe oñehenóiva Ñandejárare ome’ẽ haǧua servicio peteĩ tiempo pukukue.
Ermáno ha ermanakuéra, pepyta vótepe, peipuru pende chaléko salvavidas ha pejejoko hatã mokõivéva pende po reheve. ¡Peheja distracción! Ha peteĩva pende apytépe ho’áramo, jahekáta, jajuhúta, ñaministráta ha jaraha jeýta Barco Seguro de Sión peve, omyakãva Tupã ñande Ru ha Ñandejára Jesucristo ha ñandedirigi porãtava; umívagui atestifika Jesucristo rérape. Amén.