Jajuhu py´aguapy hi´aréva ha ñamopu´â familias eternas.

Élder  L. Tom Perry rupive

Quórum Doce Apóstolesgua

Jesucristo Evangelio ome´ê pe pyenda ikatúva ári jajuhu py´aguapy ha ñamopu´â familias eternas.

Ñande jeguata ñande rekovére, oguereko ára pehengue iporâva ha ivaíva, idesafío joavýva opávape. ñañemohenda laja mba´e iñambuévape oguahêva ñandéve odependéta pyenda ñamopu´âva ári. Ñandejára evangelio ha ñande Salvador, ome´ê ñandéve peteî base mbareté ha hatâva oñeconstruíva troso ha troso rehe ñaikumby aja arandu Ñandejára plan eterno-gui oguerekóva ita´yrakuérape ḡuarâ.

Escritúra otestifica hese, ha ome´ê peteî techapyrâ iporâmba jepéva jeiko porâ rehegua, jasegui haḡua chupe. Conferencia ohasáva´ekuépe ha´ékuri miembrokuérape aguerekoha heta kuatiahai, ohaí va´ekuépe che sy, oipurúva ombosako´i haḡua iclase sociedad de Socorrogua. Umi mba´e he´iva pype iñoportunoiterei ko´â árape ha ambue árape. Peteîva ko´â mba´e apytépe oî peteî mba´e ohaiva`ekue Charles Edward Jefferson, 1908pe, Jesucristo rekovére. He´i péicha:

Jeiko Cristiano haicha ha´e jahecha ramo Jesúspe añetehápe, ha py´akyre´ўme, ñande rekove ñame´êvo chupe, ñaguahesévo jaiko ha´eicha.

Ikatúne jaikuaa chupe, i´ne´êkue rupi, hembiapokue rupive, ha avei, ikirirî rupi. Ikatu avei jaikuaa chupe iñangirûnguéra rupive, terâ ija´e´ўvare hese, avei icontemporáneokuéra rupive.

“Peteî mba´e omarkáva tembiasakue siglo véintepe ha´e Py´aro ha [problema-kuéra]...

Yvóra oheka peteî mba´e, Ndajaikuaái mba´épa. Riqueza oî ko´ápe, Yvóra henyhẽ invéntogui ha ikatupurývagui, upéichavérô nañarenyhéi ha ndajaikuaái mba´epa jajapóta. Jaipe´arô Nuevo Testamento, jatopáta pype ko´â ñe´ê: “Ejú chéve… che rombopytu´uta, Che ha´e pan de vida, che ha´e Tesape yvórapegua. Peteîva ijy´uhéirô, tou chéve ha toy´u, Che py´aguapy ame´ê peême, pehupytýta Pu’aka, peguereko… jevy´a.(The Character of Jesus ,1908).

Kuimba´e ha kuñakuérape oñemoldea, sapy´ante umi tapichakuéra oiporavóvandi oikó haḡua, Avei oî umi tapicha ojehecha ramóvape ha ohekora´ãvape. Jesus ha´e peteî techapyrâ tuichavéva, ha jatopáta py´aguapy hi´aréva jahekávo chupe mante ha jaikove.

Mba´e ikuentave ñañemoarandu Jesus rehe?

Umi ohaiva´ekué Nuevo Testamento, ndoikuaaséiva´ekue Jesús nivel social, mba´eichagua aópa oiporu, terâ mba´eichagua ógapepa oiko. Ha´e heñóiva´ekue peteî korápe, omba´apo peteî yvyráre omba´apóva rógape, oporohekombo´e mbohapy ary aja, ha upéi omano Kurusúre. Nuevo Testamento ohaíva´ekue kuimba´ekuéra oipotáva´ekue jajehesareko [hese], (The Character of Jesus, 21–22), ha jareko haḡua seguridad ha`eha añetehápe Tupâ ra`y, pe yvóra Salvador ha Redentor.

Peteî Salvador Parábola - che ha´e - oje aplicaha ñande árape ko´âga.

Jatopa Capítulo 13, Mateo-pe , ñamoñe´ê:

“Péina oke aja umi Kuimba´ekuéra, ou ija´e`ўva hese ha oñotў kapiatî trigo apytépe ha oho.

“Ha heñoi rire kapi´i ha hi´a, osê avei pe kapiatî

Ha ou padre de familia rembijokuaikuéra, ha he´i chupe. Karai, ¿Ne reñotỹi piko ra´e Ta´ўi porâ, nde kokuépe?, ¿moôigui piko osê ko´â kapiatî?

“Ha ha´e he´i chupekuéra: Peteî ndocha´éiva che rehe, ojapo ko mba´e. Ha hembijokuaikuéra he´i chupe: ¿ reipota piko roho ha roipe´a?

“Ha ha´e heí chupekuéra: Nahániri; ani aḡa, peipe´akuévo kapiatĩ, peipe´a avei pe trigo.

“Peheja tokakuaa oñondive aḡa ikatúpeve ñamono´ô; ha oḡuahêvove pe ára, che ha´éta umi omono´ôtavape: Pemono´ô raê umi kapiatî, ha peñapytî ha pehapy; ha katu pembyaty pe trigo che kóga ra´ўi rendápe(versículos 25–30).

Ko oja´e´ўva humanidáre ymaite guive, ojuhu opáicharei oñoty haḡua kapiatî opa rupi rei, ojuhu mba´éichapa oikéta ñande rogapýpe. Umi mba´e vai mundogua isarambieterei, ha´etévaicha ku ndaikatumo´âiva ñasê chuguikuéra. Oike cable ha transmisorkuérare, umi aparato ojejapóva´ekuere ñanembokatupyry haḡua ha ñanembovy´a haḡua. Trigo ha kapiatî okakuaa oñondive ára ha ára. Pe oñangarekóva kokuére, omombaretéva´erâ ikatumiháicha iporâva ha omombarete ha omoporâva´erâ aní haḡua kapiatî ojepota. Tuichaite jesovasa jaguereko ñande miembrokuéra Ñandejára Tupâo-pegua, jaguerekóvo ñande Salvador evangelio, pyendáicha ikatuhaḡua hi´ari ñamopu´â ñande rekove.

Mormón Kuatiañe´ême, 2 Nefi,pe, ñamoñe´ê: “Ha peina ápe, ha’e jey peẽme peikéramo upe tapépe, ha oñeme’ẽ peẽme pe Espíritu Santo, ha’e ohechaukáta peẽme opa mba’e pejapova’erã(2 Nefi 32:5).

Araka´eve ndajahejáiva´erâ mundo ryapu ipu´aka ha omoñapymî ñe´ê vevúi’asy ha itranquílova.

Añetehápe oje´e ñandéve, umi mba’e ñambohovakétava ñande árape. Desafío jaguerekóva, ha´e jaikuaa mba´éichapa ñañembosako´ita umi Ñandejára rembiaporâ he´iva´ekue ou potaha.

Heta tekovekuéra ñande sociedápe, ojepy´apýva oikuaa familia oñehundirô oîtaha Ñembyasy ha desesperanza peteî mundo ojehasa’asývape. Miembro tupâopegúaicha jaguereko responsabilida ñañangarekóvo ñane famíliare unidad básica sociedad ha eternidad-pe guáicha. Profetakuéra he´i ha oikuaauka ñandéve mba´epa oikóta oñehundírô valores familiareskuéra.

Ojesarekokuévo mundo ñande rehe, ñañemoañetéva´erâ, ñane ejemplo oapojaha plan Ñandejára ojapóva´ekue ita´ýrakuérape ḡuarâ ko yvy ape ári. Tekombo´e ijyvatevéva jahupytýva´erâ techaukarâ iporâva rupi. Ñande rógakuéra, ha´eva´erâ lugares santos ikatu haḡuaicha jarresisti pasiones mundopeguápe. Ñanemandu´ava´erâ, jehovasa tuichavéva oḡuahéva Ñandejáragui, ou ñandéve familia recta rupive ha oñeme´ê ko´âvape.

Ja’evaluáva´erâ mbeguekatúpe ñanerembiapo sy ha túvaicha. Tekombo´e iporâveva ñame´êtava mitânguérape oúta sy ha ru hekoporâva ha ojepy´apýva hesekuéra. Jahecha ñepyrû tembiapo ojapova`erâ sykuéra. Pejesareko ko´â ñe´ê ohaíva´ekue presidente Gordon  B. Hinckley:

Kuñakuéra ojapóva ógagui Ogapy, hembiapo tuichaitereíve sociedad-pe ḡuarâ, umi oisambyhývagui ejércitokuéra, terã umi oîva empresa kakuaa renondépe. ¿Mávapa ikatu ombohepy pe influencia ome´êva peteî sy imembykuérape, jarýikuéra iposteridad-pe, terâ tiá ha hermana iparientekuéra apytépe?

Ndaikatúi ñañepyrû ñambojojase kuñakuéra influencia, ha´ekuérante ojapokuaaháicha, omopu´âva peteî familia estable ha oñangareko bien eternorã, generaciónkuéra oútavare. Desición oipyhýva kuñakuéra ko generación gua, oguerekóta consecuencia eterna. Peheja chéve ta´e peême ndaipóriha oportunidad iporâ ha imba´eguasuvéva kuñakuérape ḡuarâ, pe tembiapo ojapóvare omombarete haḡua hogapy-(Standing for Something: 10 Neglected Virtues That Will Heal Our Hearts and Homes, 2000, pág. 152).

Jahecha ko´âga, tembiapo ojapóva´erâ, kuimba´ekuéra ñande rekovépe:

Tuvakuéra ohovasa ha ojapo ordenanzas sagradas ita´yrakuérape ḡuarâ. Ko´â mba´e ha´eta punto culminante espiritual hekopekuéra.

Tuvakuéra oñangarekóva´erâ ha´ekuéravoi, oisambyhývo ñembo´e familiar, escritúra ñemoñe´ê ára ha ára, ha avei noche de hogar semanal-gua.

Tuvakuéra omopu´â tradición familiar oplanificávo pytu´u, terã jeho mombyry ohopatahápe opavave miembro ifamiliagua. Ta´yrakuéra ndahesaraichéne araka´eve umi ára porâ ohasáva´ekue oñondivepa.

Tuvakuéra oñemonḡetava´era py´ўiete opa ita´ýrakuérandive ha ohekombo´eva´erâ chupekuéra principio evangelio regua.

Tuvakuéra ohekombo´eva´erâ ita`ýra ha itajýrakuérape iporâha ñemba´apo, ha oipytyvôva´erâ chupekuéra omoî haḡua jehupytyrâ marangatu hekovépe.

Tuvakuéra ome´ê techapyrâ oservívo fidelidad rehe evangelio-pe.

Hermanokuéra, peñangarekóke pende sagrado llamamientore Tuva Israel-pe guáicha. Pende Llamamiento iñimportantevéva ko ñande rekovépe ha eternidápe- peteî llamamiento araka´eve ndajajerelevamo´ãivagui.

Ojapóma heta ary, conferencia estaca hápe, rohechaukáva´ekue vidoeclip romoha´ânga haḡua Ñemomarandu ro´etáva. Ary jave, roguatávo Tupaôháre, conferencia de estaca roñeasignahápe, roikuaaporâiterei oîva películape. Haimete ikatu ha’e de memoria. Pe Ñemomarandu opyta che akâme opa ko’ã ary jave. Omombe´uva´ekue presidente Harold B. Lee, ohesâ´ўjo hápe ojehúva´ekue itajýra rógape. He’i péicha:

Peteî pyharépe, Sy oñeha´â ombohyrúpa yva. Mitânguéra hasýpeve oñenomba ha opa mba´e itranquilo; upémaro ombosako´i yva. Oñepurûvo oipiro ha ojapyte´o yva, oú mokôi mitâ he´íva chupe oñembo´eseha oñenomboyve.

Ndoipotáigui omyangekói chupe, sy he´i chupekuéra: Mba´ére ndapehói pene añónte peñembo´e, ikatuhaḡuaicha pende sy ombosako´i ko´â yva?

Mitâ tuichavéva, opyta upepete ha oporandu chupe: Mba´e remomaba´eguasuve: ñembo´ê terâ yva? (Tojehecha Ñehekombo´e Presidentes de la Iglesiagua: Harold B. Lee 2000, pág. 159.)

Sapy´ánte jajejuhu situación, jaguerekohápe oportunidad ñahekombo´évo mitâme mba´e opytáva´erâ hekove pukukué javeve. Katuete ningo ñamomba´e guasuvéta ñembo´e yvágui. Peteî ru marangatu, akara´eve nahembiapo hetaitereiri va`erâi, ohekombo´e porâ haḡua mitâme.

Aikuaa añetehápe, opa ary ahasava`ekuépe, araka´eve, ndaiporiha periodo Ñandejára yvagapegua ra´ykuéra, oikotevêveha, itúvakuéra jeroviapýre oguiáva chupekuéra. Jaguereko peteî tuicha ha iporâva legado tuvakuéra orrenuncíava`ekue oguerekomívaguivepe, ojuhu haḡua peteî tenda ikatuhápe omonḡakuaa ifamíliakuéra jerovia ha marangatúpe, ikatuhaḡuaicha ambue generacióngua oguereko oportunidad iporâvéva oguerekóva`ekuegui hikuái. Jajuhúva`erâ ñande ryepýpe upéichagua espíritu, ovencéva`erâ desafíokuéra jaguerohasáva upe espíritu de sacrificio reheve.. Ñañeha´ãva`erâ ñamombarete umi generación futurakuérape confianza imbaretevéva Ñandejára ha Salvador ñehekombo´epe reheve.

Ha ko´agâ, che ra´ykuéra, penemandu´ake,, penemandu´ake pene Redentor ita ári, ha´éva Cristo, Tupâ ra´y, pemoîva`erâha pene pyenda; upéicha pe añâ omondo vove ijyvytu vai, heẽ, hakuáva yvytu jerépe, heẽ, opa iñamandau ha hi’ára pochy vai pende havira vovê, upéva ani oguereko pu´aka pendegueraha haḡua yvykua teko´asy ha jehasa asy opave´ўvape. Pe ita peñemopu´âhague ári rupi, ha´éva peteî pyenda atâ, peteî pyenda yvypórakuéra omopu´âramo hi´ári, ndo´amo´âi. (Helamán 5:12).

Jesucristo Evangelio, ha´e ome´êtáva ñandéve pe pyenda, ikatúva´erâ hi´ari jajuhu py´aguapy hi´aréva ha ñamopu´a familias eternas. Ko´â mba´égui Atestifica, Jesucristo rérape, Amén.