Umi necesidad ñanerenondépe oĩva
Tuichave necesidad ikatúva jajuhu oĩ jepi ñane familia, ñane amigo, ñande bárrio, rráma ha komunidápe.
Nda’aréi jahechahague heta desastre natural Méjico, Estados Unidos, Asia, Caribe ha Africa-pe. Péva rupi jahecha umi tapichapy’aporã ha oipytyvõ hikuái oĩvape en peligro térã oikotevẽva ha umi ihénte manóva. Che py’arory ahechávo umi jovencita Texas ha Florida-pe, heta ambue hapicha ndive, omonde ikamiseta sa’yju “Manos que ayudan” ha oipytyvõ oipe’ahaĝua umi ogakuéra rembyre ho’ava’ekue pe huracán ohasaramóva rupi. Hetaitereive torýpe pehótakuri umi centro oñeikotevẽhápenamombyryetéirire. Péva rangue katu, peme’ẽkurituicha donación pembovevúi haĝua pe jehasa’asy; pojera ha poriahuvereko perekóvañane’inspira ha ikristiano.
Ko ára añe’ẽse peteĩ parte che aroviáva pe servicio imba’eguasuha opavavépe ĝuarã, taha’e ha’e moõpa ñaime. Ñandéve ĝuarã jahechava’ekue noticia umi mba’e ramoite oiko’akue ha ndajaikuaáikuri mba’épa ikatu jajapo, ikatu pe mbohovái oĩ hína ñanerenondeitépe.
Pe Salvador ombo’e:“Oimeraẽ osalvaséva hekove, operdéta; ha oimerãe operdéva hekove cherehehápe, ojesalváta”1. Presidente Thomas S. Monson he’i ko pasáhere:“Arovia pe Salvador he’iha hína ñandéve ndajajeperdéiramo ambue tapicha servicio-pe, sa’i propósito orekoha ñande rekove. Umi ijupe ĝuarãnte ovivía amo ipahápe icha’ĩ ha, sentido figurádope, operde hekove, ha katu umi ojeperdéva ome’ẽvo servicio ambue tapichápe,okakuaa ha oñakãrapu’ã—ha péicha osalva hikuái hekove”2.
Javivi peteĩ cultura ára ha ára ñama’ẽve pe pantalla’imi ñande popeguáre umi tapicha ñande jereregua rangue. Ñama’ẽ rangue tapicha resáre ha japukavy, ñamondo mensaje de texto ha tweets, ha menovéntema ñañemongeta haĝua cara a cara. Py’ỹinte jajepy’apyve mboy “seguidor” ha “me gusta-pa” jareko, ñamoĩ rangue ñande jyva ñane amigo ati’y ári ha jahechauka mborayhu, py’apy, ha interés pe tapicháre. Hechapyrãitéramo jepe tecnología moderna omosarambi haĝua Jesucristo evangelio mensaje ha ñanepytyvõ ñaime haĝua conectado ñane familia ha amigo ndive, ndajajesarekóiramo mba’éichapa jaiporu umi dispositivo personal, ikatu avei ñañepyrũ ñanderehénte jajesareko ha ñanderesarái pe imba’eguasúva javivi haĝua pe Evengelio ha’eha pe servicio.
Tuicha mborayhu ha jerovia aguereko peẽ peimévare adolescencia ha juventud-pe. Ahecha ha añandúkuri deseo perekóva peservi ha pejapo haĝua peteĩ diferencia ko mundo-pe. Arovia hetave miembro okonsideraha pe servicio imba’eguasu ikonvénio ha idiscipuládope, ha katu arovia avei sapy’ante ifacil ndajahechái haĝua umi tuichavéva oportunidad jaservi haĝua ambue tapichape, jajedistraégui térã jahekágui hína manera ambisiosa ñakambia haĝua ko mundo ha ndajahechái umi necesidad iñimportantevéva ikatúva jasatisface oĩha pe ñane familia apytépe, ñane amigo, ñande bárrio ha ñanekomunidápe. Ñambyasyete jahechávo umi mombyryete oĩva jehasa’asy ha tuicha necesidad, ha ikatu ndajahechái oĩha peteĩ tapicha ñande ykére oguapýva oikotevẽva ñane amistad.
Hermana Linda K. Burton omombe’úkuri historia peteĩ presidenta de la Sociedad Socorro, omba’apóvo ambue tapicha ndive,ombyaty hague acolchado tapicha oikotevẽvape ĝuarã 90 dékada aja. “Ha’e…imemby kuña ndive [omanehákuri] peteĩ kamiõ henyhẽva umi acolchádogui Londre guive Kosovo peve. Ohojeývo hógape, orrecibi peteĩ hesakãva impresiõ espiritual oikepaitéva ikorasõme. Ha péicha he’i pe impresiõ: ‘Pe rejapóva ha’e mba’e porãite;ko’ãga eho nde rógape, e’cruza pe calle, ha eservi nde rogaykereguápe’”3.
Mbaupéiko jasalva haĝua pe mundo jahechaguíramo umi ñande ypypegua ha umi jahayhuvéva remitevẽ? Mba’e piko he’ise ñamyatyrõhaĝua pe mundo, umi ñande jereregua oĩvaíramo ha ndajahechakuaái? Túva Yvagagua omoĩnera’e ñande ypýpe umi oikotevẽva ñanderehe, oikuaágui ñande ha’eha pe ikatúva omyenyhẽumi hemikotevẽ.
Opavave ojuhukuaa mba’éicha oikuave’ẽ servicio cristiano. Che consejera, hermana Carol F. McConkie, ramoite omombe’u chéve inieta Sarah, 10 ary orekóva, ohechakuaávo pe isy hasyha, he’i oipytyvõtaha. Omopu’ã ikypy’y michĩvéva, ombyao, ojohéi hãi, omoakãkarãi ha omborambosa chupe isy opytu’u haĝua. Ha’e ojapókuri ko servicio kirirĩmi ojejerure’ỹre chupe, ohechágui pe necesida ha oipytyvõse. Sarah ndahaéi ohovasánteva isýpe, ha katu aime seguro ha’e oñanduhague avei vy’a oikuaávo ombovevúi hague máva ha’e ohayhúva mba’e pohýi, ha péicha avei, omombarete imborayhu hyke’y ndive. Presidente James E. Faust he’i: “Ambue tapicha jeservi oñepyrũkuaa oimerã edádpe…Natekotevẽi tuichaite, ha iporãve ñane familia apytépe”4.
Pehechakuaápa, peẽ mitã, tuichaite mba’e ha’eha pende ru, pende sy ha pene famíliape ĝuarã peheka jave mba’éicha peservikuaa pende rógape? Umi ha’éva adolescentepe, pemombarete ha peservi pende rogayguápe oĩva’erã pende prioridad tuichave apytépe, peheka jave mba’éicha pekambia haĝua pe mundo. Pehechaukávo py’aporã ha jepy’apy pene hermano ha pende ru ha sýre ogueru joaju ha o’invita pe Espíritu pende rogapýpe. Pe mundo ñekambia oñepyrũ pemombarete vove pene familia.
Ambue tenda ñamoĩ haĝua ñande servicio ikatu ha’e pe familia ha’éva ñande barrio. Sapy’ánte pene familia oporandúta: “Mba’éreiko ahava’erã Mutual-pe? Naguenohẽingo chugui mba’eve”.
Túva ha sy háicha arekóramo peteĩ momento inspirado, péicha ha’éta, “Mba’ére piko repensa rehoha Mutual-pe nde renohẽ haĝua peteĩ mba’e?”
Che joven amigo-kuéra, amoañete peẽme akóinte oĩtaha pe máva ha’eñóva Tupao atýpe, ohasáva hína mba’evai ha oikotevẽva peteĩ amigo térã oñandúva nda’ijaiha upépe. Peẽ peguereko peteĩ mba’eguasu pekontribui haĝua opa aty térã actividad-pe, ha Ñandejára oipota pema’ẽ pendejerére,pene kompañérore ha upéi peministra pe Ha’e ojapotaháicha.
Elder D. Todd Christofferson ombo’e: “Peteĩ mba’e guasu Ñandejára ojapo haguére Tupao ha’e ojapo haĝua peteĩ comunidad de santos oñoipytyvõva pe ‘tape po’i opororaháva tekove ijapyra’ỹvape’’’. Ha’e he’ive, “Ko religión-pe ndaha’éi ñande jehénte jajepy’apýva, ha katu, ñañehenói avei jaservi haĝua. Ñande ha’e Cristo resa, ipo, iñakã, ipy,ha ambue hete miembrokuéra”5.
Jaha ningo Topao reunion semanal-pe ja’participa haĝua umi ordenanza-gui, ña’aprende haĝua umi doctrina ha ñañe’inspira haĝua, ha katu ambue mba’eguasu jaha haĝua ha’e, pe ñande barrio ningo familia ha Salvador Jesucristo discípulo háicha, ñañangareko ojuehe ha jaheka mba’éicha jajoservi ha ñañemombarete. Ndaha’éi jarrecibi ha jajagarránteva pe Tupaópe oñeme’ẽva; ha katu oñeikotevẽ ñanderehe ñame’ẽ ha japrovee haĝua. Jovencita ha jovencito-kuéra, peimejey vove Mutual-pe, pejagarra rangue pende teléfono pehecha haĝua mba’épa ojapo hína pene amigo-kuéra, pepyta, pema’ẽ pendejerére ha peporandu pendejupe: “Mávapa oikotevẽ cherehe ko árape?”.Peẽ ikatu ha’e pe oipysóva ipo pemoĩporã haĝua pene kompañero rekove térã peme’ẽ haĝua mokyre’ỹ peteĩ pende rapicha kirirĩme ohasa’asývape.
Pejerure pende Ru Yvagaguápe tohechauka peẽme umi pendejerére oikotevẽva pene pytyvõ ha pene’inspira haĝua mba’éichapa peservi porãkuaave chupekuéra. Penemandu’áke pe Salvador py’ỹinte oministra hague mávape peteĩ teĩ.
Ore nieto Ethan oreko 17 áño. Che py’amovãkuri ko semana he’írõguare chéve, isy o’inspirágui chupe, ára ha ára oñembo’e ojuhu haĝua oportunidad hapichápe oservi haĝua. Ahasávo tiempo ifamilia ndive, ahechakuaa mba’éichapa Ethan oñangareko py’aguapy, mborayhu ha tory reheve iñermano ha hemana-kuérare, ha’e oipytyvõ ituvakuéra ha oheka mba’éicha oipytyvõkuaa ambuépe. Che’impresiona mba’eichaite oikuaa umi hapicha ijeréreguágui ha pe deseo orekóva oipytyvõ haĝua chupekuéra. Ha’e peteĩ ehemplo chéve ĝuarã. Jajapóramo pe Ethan ojapóva — ña’invita Ñandejárape ñanepytyvõ haĝua jahekávo mba’éicha jaservikuaa— ikatúta pe Espíritu ñanderesape’a jahecha haĝua temikotevẽ ñande jereregua, jahecha haĝua pe “máva” oikotevẽva ñanderehe upe ára ha jaikuaa haĝua mba’éicha ñaministra ichupe.
Peservi rire pene familia ha miembro pende barrioguápe, peheka avei oportunidad peservi haĝua pende rogaykepegua ha penekomunida. Sapy’ánte ñañehenóiramo jepe ñaipytyvõ haĝua peteĩ desastre natural rire, ára ha ára ñañemokyre’ỹ jaheka haĝua oportunidad ñande área-pe, ñamopu’ã ha ñaipytyvõ haĝua umi oikotevẽvape. Nda’aréi,peteĩ Presidente de Area oservíva peteĩ tetã oĩháme heta desafio temporal, chembo’ékuri ñaipytyvõ porãve haĝua ambue tetãmegua oikotevẽvape, japagava’erã peteĩ generosa ofrenda de ajuno, ñame’ẽ pe Fondo de Ayuda Humanitaria de la Iglesia-pe ha jaheka mba’éicha jaservikuaa umi ñane komunidagua, jaiko jaikohápe. Peimo’ãmína mba’éichapa ojehovasáta ra’e pe mundo entero, opavave oseguírire upe consejo!
Hermano ha hermana-kuéra, ha especialmente peẽ jóvenes, peñeha’ãvo ha’eve haĝua Salvador Jesucristoicha ha pevivívo ikonveniokuéra, pejehovasáta pembovevuise haĝua ambue tapicha jehasa’asy ha peipytyvõ haĝua umi menove isuértevape. Penemandu’áke pe necesidad tuichavéva ikatuha oĩ penerenondépe. Pemoñepyrũ pende servicio pende rogapýpe ha pene familia apytépe. Umíva ha’e relación ikatúva ha’e eterno. Ha,ikatu especialmente, pene familia situasiõ ndaha’éiramo iperfectopáva, pejuhukuaa mba’éicha peservi, pemopu’ã ha pemombarete. Peñepyrũ peimeháme, pehayhu chupekuéra ha’eháicha hikuái ha pejeprepara pe familia peguerekoséva tenonderãme ĝuarã.
Peñembo’e pytyvõre peikuaa haĝua umi pene família barrio gua, oikotevẽva mborayhu ha aliento. Peho rangue Tupaópe peporandúvo, “Mba’épa aguenohẽta ko reunión-gui?”, peñeporandu:“Mávapa oikotevẽ cherehe ko árape?Mba’épa ikatu ame’ẽ chejehegui?”
Pehovasávo pene familia ha miembro pende barrio gua, peheka avei mba’éicha pehovasa haĝua umi pene komunidagua. Taha’e peguereko heta tiempo peservi haĝua térã mbovymi árante al mes, pende esfuerzo ohovasáta heta tapicha rekove ha penderovasáta avei peẽme peimo’ã’ỹháicha.
Presidente Spencer W. Kimball ombo’e: “Tupã ñanderecha ha oñangareko ñanderehe,ha katu hetave ára, ambue tapicha rupive ha’e oñatende ñaneremikotevẽre”6. Opavavéke tajahechakuaa po’a ha jehovasa jarekóva ja’participa haĝua Túva Yvagagua rembiapópe jahechakuaávo Ita’ýra ha tajyrakuéra remikotevẽ, ha’e che ñembo’e, Jesucristo rérape. Amén