Peteĩ valor ijojaha’ỹva
Ikatu ñañandu meme pe Espiritu Santo ñe’ẽmbegue re’ẽ, omoañetéva ñande valor espiritual.
Avisita aja Sierra Leona, Africa occidental-pe, aparticipa peteĩ reunión-pe odirigíva peteĩ Primaria de Estacapegua Líder. Mariamma odirigi tuicha mborayhu, elegancia ha confianza reheve ndahasýiva ñaimo’ã ha’ehague Tupaogua miembro ymaguaréma. Ha katu Mariamma ha’e peteĩ konverso pyahu.
Iñermana mitãvéva ojoaju tupaóre ha oinvita Mariamma-pe oasisti haĝua peteĩ tupao clase-pe hendive. Mensaje oimpresiona pypuku Mariamma-pe. Upe lección ha’ékuri Ley de Castidad rehe, Ojerure misionerokuéra tombo’eve chupe ha pya’e ohupyty peteĩ testimonio profeta Jose Smith-gui. Ojebautiza 2014-pe ha imembykuña ojebautiza mes ohasávape. Peñe’imaginami mokõi enseñanza fundamental oguerahava’ekue Mariamma-pe ikonversiónpe ha’e pe Ley de Castidad ha profeta Jose Smith, mokõi tema yvóra nomomba’éiva, he’i ohasaháma de moda térã nokonveníri. Upevére, Mariamma otestifika ha’ékuri peteĩ polillaicha ojegueraháva tesape rehe. Ha’e he’i: “Atopávo pe evangelio ajetopa chejupe” Ohechakuaa ha’e ovaléva umi principio divino rupive. Espiritu Santo orrevela chupe ivalor Tupã rajýicha.
Ko’áĝa jaikuaa hermanakuéra Singh, India-gua. Renu, derecha pahápe, ha’éva pe peteĩha umi cinco hermana apytépe ojoajuva’ekue tupaópe, okomparti ko’ã pensamiento:
“Añepyrũ mboyve a’investiga ko tupao, nañandúiañetehápe che há’eha peteĩ persona especial. Che añónteaime hentekuéra apytépe, ha che sociedad ha cultura ndachembo’éi aguerekoha peteĩ valor como persona. Aikuaávo pe Evangelio ha aikuaávo che ha’eha ñande Ru Yvagagua rajy, upéva chemoambue. Añeñandu importante sapy’a; Tupã añetehápe che’apova’ekue ha ocrea che ánga ha che rekove ha’éva mba’e guasuete ha orekóva valor ha peteĩ propósito.
“Aguereko mboyve pe evangelio che rekovépe, tapiaite ahechaukase ambuekuérape che ha’eha especial. Ha katu aikuaávo pe añetegua, che ha’eha peteĩ Tupã rajy, ndaguerekovéima mba’eve ahechauka haĝua avavépe. Che aikuaa che’especialha… Ani Araka’eve pepensa peẽ ndaha’eiha mba’eve.”
Presidente Thomas S. Monson he’i porã he’ívo ko’ã ñe’ẽ : “Pe anga valor ha’e pe capacidad oguerekóva ha’ehaĝua Tupãicha.”1
Nda’aréi aguereko hovasa aikuaávo ambue mitãkuña oikuaáva avei upe añetegua. Héra Taiana. Aikuaa chupe pe Hospital de Niños de la Primaria Salt Lake City-pe. Oĩkuri grado once, secundaria-pe, ojeikuaa vove oguerekoha cancer. Oñorairõ py’aguasu reheve 18 meses aja omano mboyve ojapo pokã semana. Taiana henyhẽ tesape ha mborayhúgui. Ojeikuaa chupe ipuka kyreúgui. Ojeikuaa chupe ipuka kyre’ỹ ha omopu’ãre mokõi ikuãguasu, ilajaitevoi. Ambue oporandurõ “Mba’érepiko ndéve Taiana?” ha’e ombohovái “Mba’érepiko ndachemo’ãi? Taiana oñeha’ã oiko pe Salvador-cha, ohayhu pypykúvape. Ore visita aja ahechakuaa Taiana oikumbyha ivalor divino. Oikuaa ha’eha peteĩ Tupã rajy ha upéva ome’ẽ chupe py’aguapy ha py’aguasu ombohovake haĝua pe prueba hasyetéva positivamente, ojapohaguéicha.
Mariamma, Renu ha Taiana ñanembo’e pe Espiritu okonfirmátaha opavave ñandéve peteĩ teĩ ñande valor divino. Tapeikuaa añetehápe ha’eha Tupã rajy oinfluíta opa pende rekove aspecto-pe ha pendeguiáta servicio peme’ẽtavape ára ha ára. Presidente Kimball o’explikako’ã ñe’ẽ glorioso reheve:
“Tupã ha’e pende Ru ha penderayhu. Ha’e ha pende Sy Celestial pendevalora opa medida mboypyri …Peẽ pende’especial-eterei; peteĩnte pende especie-pe, pejejapo peteĩ inteligencia eterna-gui ome’ẽva peẽme total posibilidad pehupyty haĝua pe tekove opave’ỹva.
“Ndapeguerekóiva’erã ni peteĩ duda pende valor individual-gui. Intención principal oguerekóva pe Evangelio plan ha’e ome’ẽ haĝua opavave peẽme oportunidad pehupyty haĝua pende potencial ijyvatevéva, he’iséva pe progreso eterno ha posibilidad pehupyty haĝua pe divinidad”2.
Pehejami tañe’ẽ peẽme mokõi ñe’ẽ iñimportanteitereiva rehe: valor ha dignidad. Ko’ãva ndaha’éi lo mismo. Valorespiritual he’ise jajevalora ñandejupe Tupã ñande valoraháicha, ndaha’ei ko mundo ñandevaloraháicha. Ñande valor jarekóma kuri jaju mboyve ko yvy’apére. “Tupã’ mborayhu ha’e infinito há oikovéta tapiaite.”3
Por otro lado, dignidad ñaconsegui obediencia rupive. Japekáramo, ñanedigno’ỹve, ¡pero nunca ñande valor michĩve! Ñacontinua ñañearrepentívo ha ñañeha’ãvo jaiko Jesus oiko haguéicha ñande valor oñembyai’ỹre. Presidente Brigham Young ombo’evaekue: “Pe espíritu michĩvéva oĩva ko yvy’ári …ovale mundokuéra.”4 Toiko oikóva, tapiaite javalétañande Ru Yvagagua resa renondepe.
Jepe upe añetegua hechapyrãva ¿mboýpa ñande’apytépe ñañorairõ sapy’a py’a pensamiento ha sentimiento negativo ñandeje reheve? Che ajapo upéva. Ha’e peteĩ trampa hasy’ỹva. Satana ha’e opa mbotavy ru, especialmente ha’erõ ñamalinterpreta haĝua ñande naturaleza ha propósito divino. Ñapensa’i ñandejehe ndojapoporãiete ñandéve, ha katu ñandejoko. Ñañehekombo’ehaguéicha py’ỹi: “Avave ndaikatúi nemoñandu’i nde consentimiento’ỹre”5 Ikatu nañakomparavéi ñande caracteristica vai umi ambuéva caracteristica porã rehe. “Komparasión ha’e pe vy’a mondaha”6.
Contraste-pe, Ñandejára o’asegura ñandéve jaguerekórõ pensamiento virtuoso Ha’e ñanderovasataha confianza reheve, jepe pe confianza jaikuaa haĝua mávapa ñande añetehápe. Ndaiporiva’ekue momento iñimportantevévape ñaneñe’ẽrendu haĝua Iñe’ẽre: “deja que la virtud engalane tus pensamientos incesantemente”.Ha’e he’i: “Upévare, nde confianza imbaretéta ha ojupíta Tupã presencia-pe…Espíritu Santo ha’éta nde compañero constante.”7
Ñandejára orrevela ko añetegua adicional profeta Jose Smith-pe: “Upe ohupytýva Tupãgui, tome’ẽ crédito Tupãme ha tovy’a Tupã ojuhu haguére chupe digno ohupyty haĝua.”8 ÑaÑandúvo Espiritu Santo, he’iháicha ko’ã versículo, jahechakuaa pe ñañandúva ouha ñande Ru Yvagaguágui. Jahechakuaa ha ñamomorã Chupe ñanderovasa haguére. Upévare javy’a jajetopa haguére digno jahupyty haĝua upéva.
Peñe’imaginami pemoñe’ẽha hína escriturakuéra peteĩ pyharevépe ha Espiritu Santo oñe’ẽ mbegue peẽme pe pemoñe’ẽva hína añeteguaha. ¿Ikatu piko pehechakuaa pe Espiritu ha pevy’a peñanduhaguére Imborayhu ha pejejuhu digna pehupyty haĝua upéva?
Sykuéra, ikatu peñesũ hína penemembymi ykére oñembo’e aja oke mboyve. Peteĩ temiandu ou pehendu aja; peñandu haku’asy ha py’aguapy. Upe temiandu mbyky, ha katu pehechakuaa upe momentope pejetopa hague digna pehupyty haĝua. Ikatu sapy’apy’ante, oikorõ, jarreicibi manifestaciones espirirtuales ñande rekovépe; ha katu ikatu jadisfruta meme umi Espiritu Santo ñe’ẽmbegue re’ẽokonfirmáva ñande valor individual añetéva.
Ñandejára omohesa’ỹijo relación oĩva ñande valor ha Isacrifisio expiatorio ndive he’ívo:
“Penemandu’áke ánga valor túichaha Tupa resa renondepe;
“péina ápe, Ñandejára pende Redentor ohasa ñemano tete rupive; upévare ha’e ohasa opavave yvypóra jehasa’asy, opavave yvyporakuéra ikatu haĝuaicha oñe’arrepenti ha ou Hendápe.”9
Che hermankuéra, pe Ha’e ojapova’ekue ñanderehe rupive, “jajoaju Hendive mborayhu sã reheve.”10 Ha’e he’i “Ha Che Ru chemboúkuri añemopu’ã haĝua kurusúre, ha añemopu’ã rire kurusúre, ikatu haĝua agueru cherendápe opa yvypórape.”11
Rey Benjamin ohesa’ỹijo avei upe conección ñanembojoajúva pe Salvador ndive:”Ha péina ápe, Ha’e ohasáta py’ara’ã, ha tete rasy, ñembyahýi, y’uhéi ha kane’õ, tuichavéva yvypora ikatúvagui ohasa, omano’ỹre; ha péina ápe, tuguy osẽta opa ipirekua rupi, tuichaitereíta ijehasa’asy itavayguakuéra rekoñaña ha rembiapovaíre,”12. Upe jehasa’asy ha irresultadokuéra omyanyhẽ mborayhu ha aguyjegui ñane korasõ. Elder Paul E. Koelliker ombo’e: “Jaipe’árõ umi distracción ñandegueraháva yvóra gotyo ha ñamomba’apo ñande albedrio jaheka haĝua Chupe, jaipe’a ñane korasõ peteĩ mbarete celestial-pe ñandegueraháva Ha’e gotyo.”13 Pe mborayhu ñañandúva ñande Salvador rehe ha ojapova’ekue ñanderehe tuichaverõ pe energía ñamoĩva ñande kangykuérape, baja autoestima, térã lajavaípe, upéicharamo Ha’e ñaneipytyvõta jasupera haĝua umi mba’e oguerúva jehasa’asy ñande rekovépe. Ñandesalváta ñandejehegui jepe.
Pehejami ta’e jey: pe yvóra atracción hatãvero pe fe ha mbarete jaguerekóva ñande Salvador rehe, upeicharamo pe yvora atracción oganameméta. Ñañecentrarõ ñande pensamiento negativo-pe ha jaduda ñande valor-gui jajejagarra rangue pe Salvador rehe, hasyvéta ñañandu Espiritu Santo ñe’ẽ.
¡Hermanakuéra! ¡ani ñañekonfundi mávapa ñande! Py’ỹi ndahasyive ñande pasiva espiritualmente jajaporangue pe esfuerzo espiritual ñanemandu’a haĝua ha ñañongatu hagua ñande identidad celestial, ndaikatúi ñame’ẽ ñandejupe upe indulgencia ko’ã arapahápe. Hermánaicha “tañanderekojoja Cristo-pe; … Ha’e tañanemokyre’ỹ, ha ijehasa’asy ha iñemano …ha ha Iporiahuvereko ha Ipy’aporã, ha pe igloria ha vida eterna esperanza topyta [ñane akãme] tapiaite ĝuarã.”14 Pe Salvador ñanderupívo yvy ijyvatevévape, ikatu jahecha hesakãve mávapa ñande ha avei ñane’aĝuiveha Chugui ñañe’imaginávagui araka’eve. Jesucristo réra marangatúpe. Amén.