Añetegua opa mba’e rehegua
Opavave jareko responsabilidad personal jajapova’erã ko’ã mba’e jareko ha ñamantene haĝua peteĩ testimonio imbaretéva.
Ñaime ko’ápe ko pyhare ñeha’arõ ha jerioviápe, ko’ãva ikatu, ñane momamberete ha ñane bendeci Espíritu Santo rupi, ombo’éva pe añetegua.1 Che añe’ẽse umi mba’e añeteguáva ñande jahekávare individualmente.
Che mitãrusúpe, areko heta porandu Tupao rehegua; areko añetehapegua ha oĩ ambuéva ndaha’éiva, ha ojoguáva umi mba’eporandu orekóva ambue tapichakuéra.
Heta vece añemongeta che sýndi che porandukuérare. Che aikuaa ha’e oñanduha che mba’eporandu ha’eha añetegua ha osẽva che py’aite guive. Che aimo’ã ndovy’ái umi che mba’eporandu ndaha’éiva añetehapegua ha ohendu umi mba’e che adiskutíva. Sin embargo, ha’e nunca nachemoanduvaíri areko rupi heta mba’eporandu; ha’e ohendu ha oñeha’ã ombohovái che mba’eporandukuéra. Ha’e oñandúvo he’ipama opa mba’e ikatúva he’i ha che arekóramo mba’eporandu, ha’e he’íta ko’ã mba’e: “David, kóva peteĩ mba’eporandu porã. Nde eheka jave ha elee jave ha eñembo’e jave etopáta la respuesta, mba’ére nde rejapo umi mba’e eikuaa ejapova’erã ha umi mba’e nderejapoiva’erã?” Kóva ha’e tape aheka haĝua pe mba’e añetegua. Estudio, ñembo’e, ha cheñe’ẽrendu tembiapokapykuérare, che atopa oĩha respuesta opa che mba’eporandúpe. Che avei atopa oĩ mba’eporandu, jerovia continúo, paciencia, ha revelación oñeikotevẽva2.
Che sy omoĩ responsabilidad che jeroviáre ha oheja aheka respuesta che jehegui. Ha’e oikuaákuri respuesta importante atopáta ahekávo Tupã oipotaháicha aheka. Ha’e oikuaákuri che ahekava’erã mba’e añeteguáva. Ha’e oikuaákuri che aporandu añetehápe a’actua upe mba’e aikuaámava ha’éva añetegua. Ha’e oikuaákuri astudia ha añembo’erõ ha aikotevẽ arekove paciencia ha aheka respuesta Tupãgui. Mba’e añetegua jahekávo jarekova’erã paciencia kóva ha’égui pe tape Tupã orrevela mba’e añetegua3.
Con el tiempo, che aikuaa che sy chembo’e Tupã rape añetegua jehekapegua. Che jerovia okakuaávo, respuesta oñepyrũ ou, ha a’acepta che llamamiento misional.
Añepyrũ riremi, che misión ou che respuesta, upépe aikuaákuri aikuaava’erãha Tupao ha’eha añetegua ha José Smith ha’eha Tupã profeta añetegua. Añanduva’ekue Presidente Monson he’i claramente pe última conferencia general jave: “Ndapeguerekóiramo peteĩ testimonio seguro ko’ã mba’ére, pejapova’erã opa mba’e peikotevẽva pe consegui haĝua peteĩ testimonio. Ha’e tuicha mba’e peguereko pende testimonio teete ko tiempo ijetu’u jave, ya que ambue testimonio pende pytyvõta sapy’aitemínte”4. Che aikuaa mba’épa aikotevẽ. Aikotevẽ alee Mormón Kuatiañe’ẽ che korasõ añetépe, aipotágui añetehápe, ha aporandu Tupãme ha’épa térã ndaha’éi añetegua.
Pehendu Tupã promesa tuichaitéva Profeta Moroni ohaiva’ekue: “Pehupyty vove ko’ã mba’e, che ha’ese peẽme peporandu haĝua Tupã, pe Túva Ijapyra’ỹvape, Cristo rérape, añeteguápa ko’ã mba’e; ha pejeruréramo korasõ añetépe, peipotáramo añetehápe, peguerekóvo jerovia Cristo rehe, ha’e ohechaukáta peẽme ko’ãva añeteguaha, Espíritu Santo pu’aka rupive”5.
Arrecibi haĝua Mormón Kuatiañe’ẽme oĩva, aleeva’erã. Añepyrũ alee pe libro iñepyrũ guive ha alee cada día. Oĩ pya’e orrecibíva pe testimonio. Ambue peguarã heta ára, hetave ñembo’e ha ikatu avei olee pe libro heta vece. Che alee jepe libro completo ahupyty haĝua pe testimonio oñeprometéva. Upevére, Tupã ohechauka chéve ko’ãva ha’eha añetegua, Espíritu Santo pu’aka rupive.
Che diario misional-pe, ahai che vy’a aikuaávo añeteguaha ha avei amoĩ che compromiso personal ha añetehápe a’actuáta upe mba’e ahaiva’ekuére: “Apromete Tupãndi ha chendive añeha’ãtaha, añeha’ãta cien por ciento aikove aja, opa mba’e ojeruréva chéve, péicha ajapóta, pero ko áĝa areko che misión ha amba’apóta che misión-pe, mba’e ñañeñanduvaimo’ãiva, pero ndacheveguarãi, sino Tupãme guarã. Ahayhu Tupãme, ahayhu ko obra, ha vokói añembo’e ko’ã mba’e añandúva araka’eve ndopái”.
Che aikuaa py’ỹi aikotevẽ amongakuaa ha vokói añeha’ãrõ añembyasy ha ajapysaka mandamiento-kuérare anive haĝua kóva ko sentimiento opa. Presidente Monson he’iva’ekue: “Peteĩ testimonio ñamongoive ha jaikove continuamente jajapo Tupã mandamiento-kuéra he’íva ha ñembo’e ha ñaikũmby escritura-kuéra cada día”6.
Ohasávo heta año, che aporandúva misionero ha mitãrusukuérape mba’éichapa oñepyrũ oñeha’ã oheka haĝua pe añetegua ha ohupyty haĝua peteĩ testimonio. Casi siempe, ha’ekuéra omombe’u oñeha’ã oconsegui testimonio personal oñepyrũvo odecidi olee Mormón Kuatiañe’ẽ ha ojerure Tupãme ha’épa añetehapegua. Péicha ojapóvo, ha’ekuéra oiporavo “o’actúa” ha ndohejái “oje’actúa hesekuéra”7 ambuéva mba’eporandu rupi.
Añetegua ojeikuaa haĝua, ñaikotevẽ jaikove evanhelio ñanembo’eháicha8 ha “ña’experimenta”9 iñe’ẽ teetépe. Jaje’avisa ani ñañorairõ Tupã Espíritundi.10 Arrepentimiento, ojegueraháva determinación jaikove mandamiento-kuéra rupive, ha’e peteĩ parte importante cada persona ohekáva mba’e añetegua peguarã.11 De hecho, ñaikotevẽ “[jahejapaite]” opa pekadokuéra jaikuaa haĝua mba’e añetegua12.
Jareko mandamiento “jaheka aprendizaje, jastudia jeroviápe” ha “jaheka… umi kuatiañe’ẽnguéra iporãvéva apytégui sabiduría”13. Añetegua ha’éva rekávo jaheka “kuatiañe’ẽnguéra iporãvéva” ha fuente oĩporãvagui. Umíva iporãvéva apytépe oĩ escritura-kuéra ha profeta viviente ñe’ẽ.
Presidente Monson ojerure ñandéve “jajapo [opa mba’e] ñaikotevẽva” ña’consegui ha jareko haĝua peteĩ testimonio imbaretéva14. Mba’e peikotevẽ pende testimonio imbarete haĝua? Enterove jareko peteĩ responsabilidad personal jajapo opa mba’e ñaikotevẽva jareko ha ñamantene haĝua peteĩ testimonio imbaretéva.
Ñañangareko con paciencia ñane konveniokuérare “[jajapo] aja opa mba’e tekotevẽva” jarecibi haĝua respuesta Tupã Ñandejáragui ha’e peteĩ tape jaikuaa haĝua mba’e añetegua. Especialmente jahasa’asy jave, ikatu ñaikotevẽ “[ñañeme’ẽ] vy’ápe ha ñeha’arõkuaa reheve opa Ñandejára rembipotápe”15. Ñañangarekóvo konveniokuérare con paciencia omongakuaa humildad, mba’e añetegua jeikuaase tuichave, ha oheja Espíritu Santo-pe “[ñande gueraha] pe tape iñarandúva rehe [jaje]hovasa hağua, ñañe’ãrapu’ã ha ñeñeñongatu hağua”16.
Che rembireko, Maria, ha che roguereko peteĩ rohayhuetereíva nontendéiva heta hekove ára jave algún aspecto Tupaopegua. Ha’e ogusta pe evanhelio, ogusta chupe la Tupao pero aún así oreko mba’eporandukuéra. Ha’e ojesella templo-pe, activa Tupaópe, omba’apo porã illamamientore, ha ha’e peteĩ sy ha tembireko maravillosa. Añokuéra ohasávo, ha’e oñeha’ã ojapo opa mab’e ha’e oikuaáva oĩporãha ha ndojapóiva umi mba’e ha’e oikuaáva oĩvaiha. Ha’e oñangareko ikonveniokuérare ha o’cotinua ojeporekávo. Heta vece ha’e ome’ẽ aguije oñekãrama rupi ambuéva jerioviáre.
Nda’areiete ojapo oporandu chupe obispo oñemongetaseha hendive ha iménandi. Ha’e oporandu chupekuéra o’acepta templo-pegua asignación obra vicariarã umi oikotevẽva ordenanza-kuéra templo-peguáre. Kóva ko llamamiento o’sorprende’imi chupekuéra, pero o’acepta ha oñepyrũ iserviciokuéra Tupã rógape. Imemby imitãrusúva oparticipa ramoite peteĩ búsqueda historia familiar pegua ha otopa peteĩ téra na’ĩragueteri ojejapo hérare ordenanza. Con el tiempo ha’ekuéra ojapo obra vicaria ordenanza templo-pegua ko persona ha ifamilia-kuéra rehe. Ha’ekuéra oñesũvo altar-pe ojapo haĝua pe ordenanza de sellamiento, ko kuña maravillosa ipacientéva, heta árama ohekáva peteĩ experiencia espiritual ikatu haĝua ha’e oikuaa ko templo ha ordenanza-kuéra ojejapóva upépe ha’eha añetegua. Ha’e ohenói isy ha omombe’u chupe upe experiencia ha he’i orekóramo jepe mba’eporandu, ha’e oikuaa templo ha’e añetegua, ha tempo ordenanza-kuéra ha’e añetegua, ha Tupao ha’e añeteguaha. Isy hasẽ ijaguijére, Padre Celestial Oporohayhu ha Ipacienteva ha imemby kuña con paciencia ocontinua oheka.
Ñañangarekóvo ñanekonvéniore con paciencia jaguerúta bendición yvágagui ñande rekovépe17.
Che aĩ conforme Ñandejára promesare pe “Espíritu Santo pu’aka rupive ikatúta peikuaa añetegua opa mba’e rehegua”. 18 Ndajaikuaái rupi opa mba’e, ikatu jaikuaa añetegua. Ikatu jaikuaa Mormón Kuatiañe’ẽ ha’eha añetegua. Ha Presidente Russell M. Nelson ombo’ehaguéicha ko ka’arúpe ikatu “ñañandu ñane korasõ mbytete guive [pehecha Alma 13:27, pe Mormón Kuatiañe’ẽ ha’eha jejavy’ỹme Tupã ñe’ẽ”. Ha ñande ikatu “ñañandu atãitégui araka’eve ndajaikosevéi peteĩ ára jepe hese’ỹ”.19.
Ikatu jaikuaa Tupã ha’eha ñande Ru, ñande rayhúva; ha Ita’yra, Jesucristo, ha’eha ñande Salvador ha Redentor. Ikatu jaikuaa Tupaopegua membresía ojehecharamo ha semanalmente japarticipa de la santa cena ñanepytyvõta ha oprotehéta ñane familia. Ikatu jaikuaa ordennanza templo pegua rupive, familiakuéra ikatuha oiko oñondive eternamente. Ikatu jaikuaa pe Jesucristo expiación ha pe arrepentimiento bendición ha perdón ha’eha añetegua. Ikatu jaikuaa ñande profeta jahayhúva, Presidente Thomas S. Monson, ha’eha Tupã profeta ha umi iconsehéro ha miembro del Quórum de los Doce ha’eha apóstoles, profetas, videntes, ha reveladores.
Opa ko’ã mba’e che aikuaa ha’eha añetegua ha atestifika péicha, Jesucristo rérape. Amén.