Nde gozo oĩmba hağuáicha
Jesucristo ha’e opa ñemonguera, py’aguapy ha progreso eterno fuente.
Hermano ha hermana-kuéra, avy’a aime haguére penendive; ha upévare añe’ẽse peẽme ko pyhareve, jareko peteĩ plenitud de gozo .
Peteĩ titular pyahu he’i: “Desastre-kuéra omboryrýi umi nación [ha] mundo”1. Huracán ha inundación guie mbyry’aivai ha séka peve, ka’aguy jehapy ha yvyryrýi guie ñorairõ ha mba’asy vaiete peve, ha’etévaicha opa “yvy [oĩha] py’atytýipe”2.
Millone tekovekuéra opyta oga’ỹre, ha hetaiterei teko oso ko’ã mba’ére. Ñorairõ umi familia ha komunida apytépe, upéicha avei umi lúcha jaraháva ñandepype kyhyje, jerovia’ỹ, ha umi expectativa jahupyty’ỹva avei ñandereja perturbado. Ikatu hasyeterei ñañandu hağua pe gozo Lehi ombo’éva ko tekove propósito-ha3. Sapy’ánte ñañeporandu: “¿Moõ ajuhúta angapyhy? Moõ ajuhu solaz? moõ, upe alivio … ?”4 Ñañeporandu: “¿Mba’éicha ikatuva’erã ajuhu gozo ahasa’asýramo jepe ko tekove yvy áriguápe?”
Upe respuesta ha’etévaicha ndahasyiete, ha katu ohechauka añetha Adán ára guie. Pe gozo hi’aréva ojejuhu ñañemombytévo Ñandejárape, Jesucristo, ha javivi pe evangelio Ha’e ohechauka ha ombo’e haguéicha. Hetaveña’aprendévo Jesucristo-gui, jareko fe Hese, ha ña’emula, ñağuahẽvéta ña’entende Ha’e opa ñemonguera, py’aguapy ha progreso eterno fuente. Ha’e o’invita peteĩteĩme tou Hendápe5, peteĩ invitación presidente Henry B. Eyring he’iva’ekue ha’eha “la invitación iñimportantevéva oimeraẽ persona ikatúva o’acepta”6.
Jesucristo-gui ñe’aprende
¿Mba’éicha jaju Hendápe? Abril ohasava’ekue, presidente Russell M. Nelson ha élder M. Russell Ballard ñanemokyre’ỹ ja’estudia hağua “El Cristo Viviente”7ikatu hağua jaikuaave Ñandejáragui. Heta oĩ o’aseptáva upe rréto ha ojehovasa. Nda’aréi, peteĩ amiga ahayhuetéva ome’ẽ imembykuéra okakuaámavape peteĩteĩme documento kópia Evangelio ra’angakuérare, ombojegua hağua ñe’ẽ. Omokyre’ỹ chupekuéra oipytyvõ hağua iñetokuérape to’entende ha tomombyta iñakãme. Ära ohasa rire, che amiga ohechauka peteĩ video iñéta sei áño orekóva. Leyna he’i kyre’ỹ ha elegancia reheve. Añeme’ẽ en cuenta peteĩ mitãkuña’i sei áño orekóva ikatúramo, ¡che avei ikatu ajapo!
A’estudiávo ahávo Jesucristo rekove ha imbo’epykuéra hetave atención reheve ha amombytave che akãme “El Cristo Viviente”, omongakuaave che gratitud ha che mborayhu Ñandejárare. Káda frase upe documento inspirado-pe ojejuhu peteĩ sermón ha omongakuaa che comprensión Hembiapo divino ha Imisión yvy ariguáre. Pe a’aprende ha añandúva ko período de estudio pukukue ha jepy’amongeta rupi o-confirma Jesús añete “ha’eha tesape, tekove ha esperanza mundo-gua”8. Umi Escritura ymaguareha profeta-kuéra arapehapegua ñe’ẽ ojehaíva ha oje’éva alabanza ramo Chupe, otestifika pe “Iguata ha’eha upe tape ogueraháva felicidad-pe ko tekovépe ha tekove ijapyra’ỹva mundo oútavape”9.
Fe Jesucristo-re jeguereko
Pe’estudiavévo pehóvo Cristo rekove ha imbo’epykuéra heta jeýicha, pende fe Hese okakuaavéta. Peikuaáta Ha’e penderayhuha peteĩteĩme ha pene’entende porãha. Umi 33 áño orekópe hekove yvy ári, Ha’e osufri rechazo, ñemuña, ñembyahýi, y’uhéi ha kane’õ,10 ha’eño, jeja’o ha ñembyepoti ha, ipahápe, peteĩ ñemano vaiete kuimba’ekuéra pekadorekuéra pópe.11. Getsemaní Jardín-pe ha Calvario kurusúpe, Ha’e oñandu opa ñandéve hasýva, jehasa’asy, tentación, mba’asy ha ñanemokangýva12.
Noñeimportái mba’épa jasufri raka’e, Ha’e hína opa ñemonguerafuente. Umi o’experimentava’ekue oimeháichagua jejahéi, pérdida vaiete, mba’asy vai ha aflicción discapacitante, japu, ñemuña vai térã daño espiritual pekádo térã malentendido rupi, opa umi mba’e ikatu omonguera Redentor del mundo. Ha katu, Ha’e ndoikemo’ãi invitación’ỹre. Jajuva’erã hendápe ha ñapermiti tojapo Imilagrokuéra.
Peteĩ ára primaveral iporãitévape aheja okẽ nandi adisfruta hağua vytu piro’ysã. Peteĩ guyra’i oike pe okẽ nandi rupi ha upéi oñeme’ẽ en cuenta ndaha’eiha tenda oĩsehápe. Oveve taryrýi koty jerére, ohóvo ventana cristal-re oñeha’ãvo osẽ. Añeha’ã agueraha okẽ nandi gotyo, ha katu ñemondýipe oho pya’e chehegui. Ipahápe opyta cortina ári kane’õitereire ha ndoikuaáivo mba’épa ojapóta. Ajapyhy peteĩ typycha ha sa’i sa’ípe amysãi pe cerda apýraoñakãramahápe upe guyranervio reheve. Asostene aja pe typycha akã ipykuéra ykére, pe guyra oguejy vacilante umi cerda ári. Mbeguekatuete, aguata okẽ nandi gotyo, ajapyhy atãvo pe typycha ikatuháicha. Roğuahẽmívonte okẽ nandíme, upe guyra oveve pya’e libertad gotyo.
Pe guyráicha, sapy’ánte jakyhyje jajerovia hağua nahesakãigui ñandéve pe mborayhu ha potapy orekóva Tupã ñanepytyvõ hağua. Ha katu ja’estudiávo peñande Ru Yvagagua plan ha Jesucristo misión, ña’entende objetivo ha’eño orekóva Ha’ekuéra ha’eha ñande felicidad ha progreso eterno13. Ovy’aite ñanepytyvõ jajerure ramo, jaheka ha ahenói14. Ñamomba’apóvo fe ha humildemente ñamoğuahẽ Irrespuesta, jajei umi ñane malentendido ha suposiciones-gui, ha ikatu ojechauka ñandéve mba’e tapérepa jahava’erã.
Jesucristo ha’e avei py’aguapy fuente.Ha’e ñane’invita “ñañemopyenda hağua [I] jyva pyrusúpe”15 ha opromete pe “py’aguapy… ohasáva opa entendimiento”16, peteĩ sentimiento oñemoğuahẽva Ijespíritu “oñe[’ẽvo] py’aguapy ñane ángape”17 o’importa’ỹre umi rréto oĩva ñande jerére.
Snježana Podvinski, ha’e peteĩva umi sa’i sánto apytépe Karlovac, Croacia-pe, oñemopyenda Ñandejárape iména ha isy ha itúva omanóvo séi mésepente áño ohasava’ekuépe. Ñembyasýpe, ha katu peteĩ testimonio-re umi familia ndopamo’ãiha, oipurupa ijaórro oho hağua templo-pe, ojesella iména ha ituakuéra ndive. Ha’e he’i ára templo-pe ha’ehague peteĩ punto culminante hekovépe. Upe Jesucristo-re firme testimonio ha Iñexpiación rupi, oñandu py’aguapy ha o’experimenta ñemonguera ha’éva avei peteĩ ñemombarete umi ijerérepe ğuarãme.
Pe fe Jesucristo-re ome’ẽve katu don ñemonguera ha py’aguapýgui. He’iháicha presidente Henry B. Eyring: “Aime agradecido umi heta jey Ñandejára chevisitahague pe Consolador reheve aikotevẽrõ consuelo. Ha katu, ñande Ru Yvagagua ndojepy’apýinteñane consuelo-re, sino ojepy’apyve ñande progreso-re”18.
Jesucristo expiación rupi, oĩhápe umi don redención ha resurrección rehegua, ikatu ñañearrepenti, ñakambia ha japrogresa eternamente. Upe poder Ha’e ome’ẽva rupi ñaneñe’ẽrendu ramo, ñandekatupyry ñağuahẽ hağua toiko ñandehegui umi ikatútavare ñandejeheguínte. Ndaikatúi ña’entendepa mba’éichapa, ñande peteĩteĩ, oñandúva okakuaave fe Cristo-re, avei omoğuahẽ peteĩ comprensión ñane identidad divina ha ipropósito-re, ñandegueraha jajapyhy decisión ohótava upe jaikuaávare.
Pe mundo oñeha’ãramo jepe ñanemoĩ “simples animales” nivel-pente,19 jaikuaávo Tupã ñande Ruha ñande’asegura jarekoha potencial divino ha promesa realeza rehegua. Pe mundo he’íramo jepe ñandéve ko tekove ha’eha peteĩ kálle guasu isalida’ỹva, jaikuaávo pe Tupã Ra’y Unigénito ohupytykaha ñandéve tañaime redimido ha jaikoikovejey, ome’ẽ ñandéve esperanza progreso eterno-pe ğuarã.
Jesucristo ñe’emula
Ña’aprendevévo jahávo Jesucristo-gui, ñamongakuaa fe tuichavéva Hese ha avei jasegise Iñehémplo. Jajapo Imandamientokuéragui oiko ñande potapy tuichavéva. Ñane Korasõkuéra oipota ambuekuéra ñembyasy ñembovevýi Ha’e ojapoháicha, ha jaipota tohupyty py’aguapy ha vy’apavẽ ñande jajuhuva’ekue.
¿Mba’ére pe ñañeha’ã jajapo Ha’e ojapova’ekue imbarete? Ñamoĩvo ñande fe tomba’apo, pe Espíritu Santo ome’ẽ testimonio verdad eterna-re20. Jesús ombo’e Idisípulokuérape ojapo hağua Imandamientokuéra Ha’e oikuaáre jasegívo Iñehémplo, ñañepyrŭtaha ñañandu gozo, ha jasegívo Hapépe, ñağuahẽta plenitud de gozo-pe. Ha’e omyesakã: “Ko’ã mba’e añe’ẽ peẽme che gozo oĩ hağua pendepype, ha pende gozo toĩmbaite”21.
¿Oĩmépa ñane testimonio okakuaa Jesucristo fundamento básico ha Iñevanhélio ári? Tekove tormenta-kuéra ipohýirõ ñande ári, ¿jaheka kyre’ỹpa peteĩ libro de instrucciones térã peteĩ mensaje internet-pe ñanepytyvõ hağua? Jaheka tiempo ñamongakuaa ha ñamombarete hağua ñane conocimiento ha testimonio Jesucristo rehegua orrendivéta dividendo hepýva umi prueba ha jehasa’asy épokape.Escritura-kuéra jelee ára ha ára ha jajepy’amongeta profeta-kuéra oikovéva ñe’ẽre; jajapo ñembo’e personal ha hi’añetéva; japarticipa conscientemente Santa Cena-gui káda semana; jajapo servicio ojapo ramoguáicha Ñandejára, peteĩteĩ ko’ã mba’e simple oiko chuguikuéra ñemopyenda peteĩ teko gozo orekóvape ğuarã.
Mba’e ogueru peẽme gozo? Pehecha umi pehayhúva ára puku opakuévo? Tembiapo porã apo satisfacción? Pe tesape tapicha resápe okompartívo imba’epohýi? Peteĩ himno ñe’ẽ oğuahẽva pene korasõme? Peteĩ amigo ağui jepopyhy? Pejapyhy peteĩ momento pejepy’amongeta hağua penderovaspýre, ha upéi peheka mba’éichapa pekompartíta. Pemyasãivévo pehóvo pende po peservi ha pe’edifika hağua pene hermano ha hermana-kuéra pende róga jerére térã opa mundo-re, peñandúta tuichavéva py’aguapy, ñemonguera ha progreso.
Eju Hendápe. Atestifika pemombytévo pende rekove Jesucristo-pe, pejuhutaha gozo pene circunstancias-pe, taha’e ha’éva. Añetehápe, “Ñandejára”22 ha’e pe respuesta. Jaikuaavévo jahávo Jesucristo-pe estudio diligente rupi, ñamongakuaávo fe tuichavéva Hese ha ñañeha’ãvo ñağuahẽ jajoguave Chupe. Jajapóvo upéicha, ñande avei ja’eséta, Laynie ndive: “Gracias toñeme’ẽ Tupãme pe Ita’ýra divino dádiva ijojahaha’ỹvare”23 Jesucristo réra sánto ha sagrado-pe. Amén.