![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F14%2Ffd%2F14fd0af3ab483bea13c6c5d1a533b90c4fb0fca2%2F14fd0af3ab483bea13c6c5d1a533b90c4fb0fca2.jpeg/full/!250,/0/default)
Pemopa’ũ tiémpo Ñandejárape ĝuarã
Ajerure’asy peẽme ko árape pembohovái múndo potapy pemopa’ũvo tiémpo pende rekovépe Ñandejárape ĝuarã, ára ha ára opa ára pukukue.
Che hermano ha hermana-kuéra mokõi ára aja ñañehekombo’e porã Ñandejára rembiguaikuérare, ohekava’ekue jesarekópe oikuaa haĝua Ha’e oipotáva he’i hikuái.
Oñeme’ẽ ñandéve ñande kárgo ko’ã seis mése oúvape ĝuarã. Ko’áĝa, upe porandu ha’e, mba’éicha ñañemoambuevéta umi mba’e ñahendu ha ñañanduva’ekue rupive?
Ko pandémia ohechauka ñandéve ikatuha pya’eterei tekove oñemoambue, sapy’ánte umi circunstancia oĩ’ỹvare ñane kontrol-pe. Upevére, oĩ heta mba’e ikatúva ñakontrola. Ñamohenda ñande priorida ha jaiporavo mba’éichapa jaipurúta ñane mbarete, tiempo ha umi jarekóva. Ñande jaiporavo mba’éichapa jajoguereháta ojupe. Jaiporavo mávapepa jaháta jahekávo añetegua ha gía.
Umi múndo ñe’ẽpu ha jejopy niko iñinteresánte ha hetaiterei. Ha katu hetaiterei ñe’ẽ ijapu, ñandepy’ara’ã ha ñaneguenohẽkuaa umi konvenio rapégui. Ja’evita haĝua jehasa’asy ojehekýikuaa’ỹvagui oúva uperire, ajerure’asy peẽme ko árape pembohovái múndo potapy pemopa’ũvo tiémpo pende rekovépe Ñandejárape ĝuarã, ára ha ára opa ára pukukue.
Hetave umi información pehupytýva oúrõ peẽme umi redes sociales ha ambue comunicación médio-gui, pende kapacida pehendu haĝua upe Espiritu ñe’ẽmbegue sa’ivéta. Ndapehekáirõpeína Ñandejárape ñembo’e meme ha evanhélio estudio rupive, pepyta vulnerable umi filosofía-guýpe jepe na’añeteguáiva. Jepeve umi sánto ijeroviarekovéva ikatu ojedeskarrila Babilonia-gua banda pu py’ỹire.
Che hermano ha hermanakuéra, ajerure’asy peẽme pemopa’ũ tiémpo Ñandejárape ĝuarã! Pejapo pende pyenda espiritual taimbarete ha togueropu’aka pe tiémpo prueba pejapóvo umi mba’e ohejáva Espiritu Sánto oĩ tapiaite penendive.
Ani pe’apoʼi pe añetegua pypuku “Espíritu oñe’ẽha … umi mba’égui añete ha’eháicha, ha umi mba’e añete ha’etaháicha”.1 “Ha’e ohechaukáta peẽme opa mbaʼe pejapovaʼerã.”2.
Mba’eve noinvitavéi Espiritu-pe upe pemoĩporã pene enfóke Jesucristo-re. Peñe’ẽ Cristo-gui, pevy’a Cristo-pe, penderory Cristo ñeʼẽme, ha peñemotenonde ñemovãʼỹme Cristo-pe.3 Pejapo pende Reposo áragui peteĩ delicia petupãitũvo Chupe, pepartisipávo Santa Cena-gui ha pesantifika Hi’ára.4
Amoĩ haguéicha énfasis ko pyharevépe, pededikami tiémpo Ñandejárape Hóga marangatúpe. Mba’eve nomombaretemo’ãi pene pyenda espiritual upe templo-pe jeservi ha ñetupãitũgui.
Roaguyjeme’ẽ opavave omba’apóvape hína umi ñane templo pyahúpe. Oñemopu’ãvahína opa ko múndo jerére. Ko árape avy’a po’anunsiávo plan oñemopu’ãve haĝua templo-kuéra ko’ã tendápe: Kaohsiung, Taiwan; Tacloban, Philippines; Monrovia, Liberia; Kananga, Democrática República de Congo; Antananarivo, Madagascar; Culiacán, Mexico; Vitória, Brazil; La Paz, Bolivia; Santiago West, Chile; Fort Worth, Texas; Cody, Wyoming; Rexburg North, Idaho; Heber Valley, Utah; ha Provo Utah Templo ñembopyahu, Orem Utah Temple ojededika rire.
Pohayhu che hermano ha hermana-kuéra. Ñandejára pendekuaa ha penderayhu. Ha’e pende Salvador ha pene Redentor. Ha’e oisãmbyhy ha ogia Itupao. Ha’e peneisãmbyhýta ha pendegiáta pende rekove personal-pe pemopa’ũramo) tiémpo Chupe ĝuarã pende rekovépe ára ha ára.
Tupã toĩ penendive jajuecha jey peve, Ajerure’asy Jesucristo réra sagrádope. Amén.