Kosapw Nuokus: Kopwe chok Nuku!
Poputani ami kutta pwapwa ren ewe watten pwapwa minne sia fen angei seni ewe chon niffangen meinisin niffang mi och.
Mefiei ikenai epwe wenengeni ekkewe onuwon me fopun non ewe Mwichefen, wewen pwe emon me emon tapeten ierin Presiten Nelson ika kukun seni. Mi wor och mettoch ua kan nenengeni, nge use tongeni ai upwe fiu ngeni ne aporousa.
Ei cri de coeur a feito seni chieneiwe wanu-ierin Marin Arnold, a fen mak atun mi chok fisu ierin. Upwe chiakuni ngeni kemi an kapas non fosun Egypt.
Achengicheng Pisop
generle confrins
pwata a echipwang
Kich mi nesopun ngeni?
Fori? ureniei pwata
Sinserlie, Marin
Arnold.1
Meni, Marin, ewe afanafan upwene karan afanafana epwe fokun chok pwan enetipengawok sefan. Nge nupwen kopwe mak ngeni pisop ren met kose tipeew ngeni, a auchea om kopwe ereni itei “Kearon. Elter Patrick Kearon.”
A arapakan ruu ierin nonomun ei waten semwen a chouno non unusen fonufan, me nupwen ena efeiengawen samau efisi kounon arapakan mettoch meinisin non kewe neni, non ew sokkun nikinik a affata pwe ese wato ew kounon ninni, awosukosuk, me kirikiringaw fengen non mokutukutun muun-non ewe kinikinin fonu ika unusen fonu meinisin. Ussun nge ita ese naf, kich mi chok chiwen mesengeni ew nakatamen osukosuken oreni me neniach kewe, a feito seni osupwangen mwoni ne osufonungawei ekkewe neni mi pin me sufon ngeni nonnomun aramas me ekkoch.
Ren pochokunen asapwan me fansoun rochopwak a tongeni etipemwaramwara ekkewe serafo neich, ekkewe sia nengenir ren epinukunuk me mwasangasang fan iten manauach nesor. Mi fen afat pwe “ewe pochokunen sarafo mi wewe ngeni tufichin unusen fonufan. Ekkewe … serafo … ina ach apinukunuk … non fansoun mwach.”2 Soposoponon, nouch kewe semirit ir ekkewe sia apinukunuku ngenir ei Mwichefen pwe repwe tumunu.
Ngenir ach kei fansoun, mi weweoch ika ewe ekiek an ekkewe sarafo epwe wor ekis kapasen moneta. Dr. Laurie Santos, emon sense non Yale University, a keran chok forata eu klas iten Psychology and the Good Life. “Ewe ewin ier a wor ewe klas, me mwen [ew-quarter] ren [unusen] ekkewe chon sukun rese mwo sochingio ra fiti.”3 Napeseni 64 minion aramas ra fiti an we osukun. Makei usun ei amwararen mettoch, emon chon mak a makei usun metekin an kuna chommong ra tipeforea, serafo chon sukun—me wate—ra wesewen mochen “kuta met rese sinei” ika, fen, kuta ochu met ese wor rer.4
Ai tingor ikenai ngeni ekkewe sarafo, me ekkewe sam me in me ekkewe wate rakan peser, oupwe poputani ami kuta pwapwa ren ami kinisou ren met oua fen angei seni ewe chon fangono sakkun nifang meinisin mi murino.5 Non ekkei fansoun napengeni non ei fonufan ra kapas ei chommong fan iten ewe ngun, sia mochen ach sipwe ponuweni ren ewe ”porous mi murino”6 ewe kapas allimen Jises Kraist. Ewe Mwichefenin Jises Kraist ren Aramas mi Pin non Fansoun Soponon, ewe a etekiatai ewe misin me porousen ewe Chon Amanauen fonufan, ewe a awora ewe auchean an ese much ngeni me ruu ne kutta mi och me fori mi och non mettoch meinisin mi namot.
Presetent Russell M. Nelson afen apasa pwe ei tapin aramas ren ekkei serafo a wor ar pochokun ne fori “wate ekesiwin [ren och] won ei fonufan nap seni ekkei tapin aramas ikenai.”7 Kich, meinisin aramas, sipwe “kon[u] ewe konun tongen angasano,”8 nge ena epwe wor kaeo anneasosich—“winiti ussun Kraist,” ika kopwe—emon chon tumunu ekkewe sokkun mokutukut mi ngaw epwe ataieno me atowawa kicheno seni ekkewe ki nupwen sia sotuni ne konu ena konun angasano.
Usun ach sia nom “won ewe epek an mi tin akar,”9 sia tongeni sereni ewe a ekiekin kutta mettoch rese sinei me fatangaw ren mettoch meinisin. Ka sinei manauan: “Mi iteitan epwe chok kirochuno me mwen chok an epwe chonono.” Met me efeiengawen ew nemesepwi, me met ren ei sokkun weiresin manau! Ewer, meni sipwe pwan mochen suseni ianewe sia nonom ie, nge sise tongeni suseni manauach ika kich ion—noun ewe Kot mi manau ewe mi tongei kich, ewe afen chok moneta ngeni an epwe epichikicheno, me ewe ese fokun, tongeni nikitikicheno. En ewe An a fokun aucheani. En ewe Noun semirit, ewe A fen fangoto soufos me ekkewe pwon, nifang non pekin ngun me pwarata, manaman me porous, me chon nang ir me ruwepek ewe eppet.10
A pwan ngenikemi ew Mwichefen ewe a apochokuna famini ren manauer iei me ochufengenir tori feinfeino. A awora nap seni 31,000 wart me pranch ikewe aramas ra chufengen ie me ra kon me ra echikefel me iotek ren emon me emon ir me watiw ar aninis ngeni ekkewe mi osupwang. Ikeia ian meinisin aramas ra fen iteit, ra fen aneanir, me ra fen iamwir ngenir me ikewe ie chiechier kewe me chon oruch ra pusin en me finata ar repwe aninis fengen non kokor seni ewe chon makei angang ngeni ewe chon tumun. Serafo—me chinap pupunu pwan ir —ra angangen misineri ren ngoroun met ra pusin amonata nge rese apasa mwo ekis ren ian repwe angang ia, me chon mwichefen kukun me mei mukono ra feino ngeni tempel ar repwe fori ekkewe angangepin mi auchea ar repwe ochufengeni famini—ew pochokunen mokutukut non ei fonufan mi kinikinitiw nge ew a pwarata pwe ei kinikin ren chok fansoun mochomoch. Ikkei chok ekkoch wewe sia ngeni ren “ewe apinukunuk a nonom non [kich].”11
Ewer mi pung, non ach fansoun iei, wachemuken osukosuk mi fisingeni noun Jises Kraist kewe chon kuno. Ekkewe souemwenin ei Mwichefen ra fangeno manauer ne kuta an ewe Samon emwen non ewe angangen atawei ren ekkena sosot. Ika ekkoch rese atawei ngeni menemenochun meinisin, meni ra forata kinikinin ewe irapenges mine Jises a apasa pwe sipwe mwarei ren ach sipwe tapweno Mwirin.12 Iei ennetin pokiten epwe wor fansoun kiroch me weiresin osukosuk Kot a pwon I epwe, tou seni ew kuchun neran me saramen akkei nepwin, emweni kewe soufos, wato efoch wok macha, suki ew tit mi chokukun mi emwen ngeni ewe an mi wenechar, me nukun ekkei meinisin a ngeni kich ewe manaman ach sipwe awesano ei angang.13
Iwe kose mochen, kose mochen, kopwe nometiw ren unusen ewe kapetip ina mwo ika kose fat usun ewe broccoli. Asoso non An we saram me ngeni noum we kanten epwe nemeni.14 Mi wor me non kinter: wesewesen Jises amen “[mochen en] ren ew saramen akkar.”15
Nupwen Jairus ewe souemwenin Jews a tingorei Jises epwe amanauata noun we nengin 12 ierin, ewe a ma me non imwan, ewe mwichen aramas ra witi ewe Chon Amanau non fansoun nakatam nge emon chon angang a mwitir ne feito me apasa ngeni ei semenap, “Noum ei nengin afen mano; kosapw osukosuka ewe Masta.”
“Nge nupwen Jises a rong, a ponueni i, a apasa, kosapw nuokus: kopwe chok nuku, iwe epwe manau sefan.”16
Me ewe nengin a chikar! Me pwan en. “Kosapw nuokus: kopwe chok nuku.”
Pokiten emon me emon ami non ei mwich oua men unusen auchea ngeni Kot me ei Mwichefen, upwe aspwano ei kapasen pwarata mi murino. Me mwen om kopwe angei ewe nifangen ewe Ngun mi Fel, mi wor remw ewe saramen Kraist mi fot non ngunum,17 ena “ena saram minne ewe a non mettoch meinisin, … a awora manau ngeni mettoch meinisin,”18 me a awora och non netipen aramas meinisin ekkewe ra manau me ekkewe repwe manau. Ewe saram a kawor faniten an epwe tumunuk me aituk. Ew porous amen auchea pwe manauach iei ewe akaewin nifang amen unusen auchea, ew nifang mine ach sipwe ani seni chok ewe Chon Achasefan ewe Samon Jises Kraist. Usun ewe Saram me Manauen ei Fonufan,19ewe Noun Kot Anaemon a feito me ngeni kich manau seni mano.
Sipwe fokkun ennetin epinano manauach ngeni ei nifangen manau me mwiti saa ngnei ekkewe ra ekiekin repwe fangetani ei nifang mi pin. Souemwen, Chon pesepes, chiechiach, famini—nengeni ekkewe esisinen netipengaw, tipemwaramwar, ika mettoch mine mi efeiengawa manauach. Awora omw aninis. Ausening: Fori ekkoch mettoch mine mi tufich
Ngeni emon me emon nouch kewe serafo ir mi mefi weires, mettoch meinisin mine ka wewengaw ngeni ika riafou, mano ren nimanau mi fat pwe esapwina ponuwan. Esap awesi ewe mettek ka mefi ika ren met ka ekieki pwe a sonuk. Non ei fonufan akon auchea me namot epwe wor sokkun saram, kose mochen fori esap kisino ewe saram ese much Kot a wanong non ngunum me mwen ei fonufan. Kapas ngeni ekkoch. Tingor ren Aninis. En kosapw ataieno ew manau mine Kraist a fang ngonuk Manauan epwe moneta. En mi tongeni engino ngnei ewe weiresin ewe manauen inis pun kich sipwe anisuk ne engino ngenir. Ka pochokun nap seni met ka ekieki. Aninis mi wor, seni ekkoch nge naponon seni Kot. En mi tongei me auchea me namwot. Ami mi auchea ngenikem! “Kosapw nuokus: kopwe chok nuku.”
Emon a kuna sokkun waten osukosuk nap seni met en me ngang sipwe kuna a kechiw: “Feino mwom [chienei achengicheng serafo]. Apinukunuk, … me feinno, feinno ngeni ewe fansoun win! Mut ngeni netipemi epwe pwapwa, me unusen meseik”20 Mi chommong sokkun mettoch sipwe pwapwa ren. Kich emon me emon, me I. Kosap tunono ewe fansoun sipwe aea fengen, Uwa tingor, non ewe mi piin me itan mi piin ewe Samol Jises Kraist, ach Masta, amen.