Ach Memefin netip Meinisin

Seni Elter Dieter F. Uchtdorf

Seni ewe Mwichen Engon me Ruemon Aposel

Ika sia mochen ewe Chon Amanau epwe ekikicheta ngeni nang, iwe ach achocho ngeni I me an kapas allim esap ew chok asasar ika fansoun sia mochen.

Ew Fangeno Fan Itan

Me mwen chok An fangono Manauan fan itach, Jises Kraist a fen nom non ewe tempel non Jerusalem, a nenengeni an ekkewe aramas uwatiw ar asoren fangono non ewe sepien tumun moni. “Chommong ra wouoch ra watiw watte,” nge nengeni, mi wor emon fefin mi osupwang ese wor punuwan, “me a watiw ruefou kapa.” Amen fokkun kukun, menip esap kon pwan namot ne makketiw.

Emon fefin ese wor punuwan asor ruefou kapa

Nge nengeni iei me nein ekkewe asoren fangono akon auchea me ren ewe Chon Amanau. Non ennetin, a fokun ku Netipan “A kori neun kewe chon kaeo, me a apasa ngenir, Iei minne ua apasa ngeni kemi, a chomong met ei fefin mei osupwang ese wor punuwan a wanong, nap seni meinisin ekewe ra fangono non ei nenien tumunun moni:

“Meinisin ra fangono watte; nge a fangono met meinisin a wor ren, fengen meinisin me an feioch.”¹

Ren ach sipwe nengenochu, ewe Chon Amanau a aiti ngeni kich usun fangono a kouk non An muu—me a sokoseni met sia fen ouku ngeni mettoch. Ngeni ewe Samon, auchean ewe fangono a kouk esapw seni chok met akon auchea ngeni ewe sepien tumunun moni pwe met akon auchea me non netipen ewe chon fangono.

Non ach mwareiti ei nuku an ewe fefin ese wor punuwan, ewe Chon Amanau a ngeni kich eu anen ach sipwe ouku ach angangen chon kuno non mettoch meinisin mine sia fori. Jises a aiti kich pwe ach fangono enip epwe wate ika kukun, nge meni chok me nein, epwe ennetin seni memefin netipach meinisin.

Ei nongonong mi eniwin me non ewe tingor non ewe Puken Mormon an soufous Amaleki: “Feito ngeni Kraist, i ewe Emon mi fel Re Israel, me angei an manau, me ewe manamanen an ngaseno. Ewe, feito ngeni i, me fangono unusen ngunumi pwe epwe ew asor ngeni i.”²

Nge ifa usun ei epwe tufich? Chommong me neich, ren ew nonom mi fiti meinisin-ngunuch ne fori ussun sise tufich ne tori. Sia fen unusen tawengaw ngeni. Ifa usun ach sipwe anonoi ekkewe sokkun weires sia fofori non manauach ngeni met sia pwapwaiti ach sipwe fangono unusen ngunuch ngeni ewe Samon?

Ewer ekkewe sosot ina met sia ekieki pwe nono wewen inetochu ach fansoun ren ach awesi met sia fori. Nengeni non ei napanap, ach pwon ngeni Jises Kraist epwe ew me nein chommong mettoch mi namwot sipwe okuchanong non ach aosukosuken ran. Nge nengeni mi pwan wor ew anen ach sipwe nengeni.

Anonou: Usun ach wawa efoch Pasiken

Punuwei we, Harriet, me ngang aua kan sani am aupwe wawa pasiken. A ew murinon annen am fokkun feino ngeni am aupwe taiso me nonom fengen. Nupwen aua sa, me use kon mwitir me mwiemwieta, aua pwapwaiti ewe ningochun fonufan unukum me aua pwan tufichin aporousoch. Nono chok mi namot am aupwe pwan tumunufichi koukun ukukum won wam kewe pasiken. Aua fen sa tam won iwe ause pwan chiwen ekieki usun—a ew mettoch aua oreni me sou fori.

Nge nupwen upwe kuna emon epwe keran kaeo an epwe wawa pasiken, a achema ngeni ei pwe ese mecheres ach sipwe taitap kich won ekkewe ruofoch kasi mi weneu. Mi auchea fansoun. A namot Kaeo. A auchea nikitu. Mi pwan wor fansoun turutiw fan ew ika ruu.

Akauchean me nein meinisin, ekkewe a wor ar tufich ne forfichi won efoch pasiken ra kaeo ekkei auchean aninis:

Kosapw nengeni pechem.

Neno mwom.

Neno won ewe an mwom. Ekieki chok ianewe kopwe sano ia. Me kopwe pwuri wom we pasiken. Manauen taitap ei anen om kopwe feino mwom.

Nonofengen nongonong sipwe kaeo ngeni nupwen sipwe kuta taitap non manauach usun chon kuno noun Jises Kraist. Ifa usun kopwe awora om fansoun me pochokun ngeni meinisin met mi auchea ka kan fofori epwe ngeni emon pwan emon me seni ew kinikinin manau pwan ngeni ew. Nge met sia nonofengen won, ngeni kich meinisin sipwe apiru ewe Anen ach we masta, Jises Kraist, me niwin ngeni fan mesan Samach we non Nang mi achengicheng. Ei napanap epwe nonom me sopwosopwono, emon me emon kich me metekan mi fis non manauach.³

Ekieta: Usun Changetan efoch Sepenin

Iei, ngeni ekkewe ramen sani repwe wawa pasiken, ra awewe ngeni chon kuno ren ar sa won pasiken enip epwe ew pisekin kaeo ngenir. Ngeni ekkewe rese, resap pwan noninen. Mi pwan wor ew kapas monomon ua nuku, pwe meinisin mwan, fefin, me semirit repwe tongeni wewe ngeni.

Ekkewe chon kuno, usun och mettoch akon auchea non manauach, a tongeni awewe ngeni usun changetan efoch sepenin.

Ami mi mwo kan ekekieki usun amwararen efoch waten sepenin an a tongeni change seni en puun me changeta? Metena a anisi ekkei mwesin mi chang an tufichin changefetan fan nang, krosini ekkewe konik me ekkewe fonu?

Watiw mecheresin, changetan efoch sepenin nupwen chok en asepwan epwe enifi ekkewe poun. Ena mokutukut a forata sokofesenin mokutun en asepwan a enifi ewe sepenin an epwe changeta. Me ifa usun om kopwe angei nafun asepwan an epwe enifi poun kewe an epwe changeta? Pwonuan pwe ewe pochokunen feino mwan.

Ewe sepenin ese tekia nupwen an nonom won ewe anen sa. Usun chok non fansoun asepwan, nafen an epwe changeta esap fis ika ewe sepenin ese sano mwan, ren an epwe tufichioch ngeni ne komoch metekewe mi ochowatiw.

Usun chok ekkewe kasin mwan an anounou fengeni me awena ewe pasiken, mokut ngeni mwan a anisi effoch sepenin an epwe pochokun seni asapwan esap oturatiw.

Met wewen ei ngeni kich ren noun Jises Kraist chon kuno? Wewen pwe ika sia mochen sipwe kuta taitap non manauach, me ika sia mochen ewe Chon Amanau epwe uweikicheta non nang, iwe sipwe pwon ngeni I me An we kapas allim esapw ew iei chok ika fan ekkoch. Usun ewe ese wor punuwan non Jerusalem, sipwe fangengeni unusen ngunuch. Ach fangono enip epwe kukun, nge a namot epwe seni netipach me ngunuch.

Noun Jises Kraist chon kuno esapw chok ew seni ekkewe chommong mettoch sia fofori. Ewe Chon Amanau a ewe manaman mi pochokun a nom nesokuruch meinisin met sia fori. Ese akouno ach siamu non manauach. Ese ouku anach ika fen ew waten chok esisin. I “ewe an, ewe ennet, me ewe manau: ese wor emon epwe feino ren ewe Sam, nge me ren [Jises Kraist].”⁴ Ena ewe An me ikewe ia sipwe feino ia.

Anonofengeni me ekkieta a fis atun sipwe “nikitu fiti tipepos non Kraist, epwe wor ami unusochun saramen apinukunuk, me ew tongen Kot me aramas meinisin.”⁵

Asoren fangono me Epinano

Me ifa usun ekkewe chommongun angang me wis a osukosuka non manauach? Awora ach fansoun ngeni ekkewe sia tonger, feino ngeni sukun ika ammoneta ngeni angang, angangen tufichin manauach, tumunun famini, angangen muu—ekis meinisin ia a fis ia ekkei? Ewe Chon Amanau a epinukunuku kich:

“Pun Sememi non nang mi sinei pwe mi namot ngenikemi ekkei mettoch meinisin.

“Nge oupwe kutta akkom ewe muun Kot me an wenechar, iwe ekkei mettoch meinisin repwe kawor ngenikemi.”⁶

Nge esapw ita wewen nge mi mecheres.⁷ A auchea me ruu asoren fangono me epinano.

A auchea ach sipwe mut ngeni och mettoch epwe suseni kich me mut ngeni ekkoch mettoch epwe marino.

Asoren fangono me epinano ruu an Kot annuk mine sia pwon ach sipwe oponueta non ewe tempel mi pin. Ekkei ruu annuk mi chok taitap nge mi sokofesen nounoun. Ngeni Asoren fangono wewen pwe fangono och mettoch mine akon auchea seni mettoch. Ekkewe fansoun nomw, noun Kot kewe aramas ra asorano mwen uwan mettoch ren ar pinini ewe niwinsefaniton ewe Messaia. Non uruwo, ekkewe souneng nukuchar ra asorano met ra mochen ngeni, kinamwe, me fen pwan manauer ngeni ewe Chon Amanau.

Kich meinisin a wor ar mettoch, watte me kukun, a namot ach sipwe asorano ren ach sipwe tapweno mwirin Jises Kraist ren unusan.⁸ Ach asoren fangono a pwarata met sia ennetin aucheani. Ach asoren fangono a pin me auchea me ren ewe Samon.⁹

Epinano mi sokono seni asoren fangono non ew napanap mi auchea. Nupwen sia epinano och mettoch, sise nikitano won ewe antare pwe mongo. Nge, sia watiw ach sipwe aea non an ewe Samon we angang. Sia fangoto ngeni I me An we popun.¹⁰ Sia angei ekkewe tufichin tongeni mine Kot a fang ngeni kich me a mochen sipwe anapano, chommong, epwe napono namotan non kinikinin muun ewe Samon.¹¹

Ekkoch me neich sia tingor ach sipwe asorano manauach ngeni ewe Chon Amanau. Nge kich meinisin sia ketiw ach sipwe epinano manauach ngeni I.

Ew Angang, Ew Pwapwa, Ew Popun

Nupwen sipwe kutta ach sipwe epinano manauach me nengeni Kraist non ekiek meinisin,¹² mettoch meinisin repwe poputa ne awenewen. Manauach ese chiwen mefi usun ew nakatamen tetenin keimufesen mi omochukichetiw non apwangapwang.

Ekkoch fansoun, ra winiti ew angang.

Ew pwapwa.

Ew popun mi pin.

Iei ewe angangen tongei me angang ngeni Kot. Iei ach tongei me angang ngeni Noun Kot semirit.¹³

Nupwen sia nengeni manauach me nengeni ipuku mettoch sia fofori, sia mefi weires. Nupwen sia kuna ew mettoch—tongei me angang ngeni Kot me Noun semirit, non ipuku sokofesenin an—iwe sia tongeni angang won ekkei mettoch ren pwapwa.

Iei usun ach sia fangono unusen ngunuch—ren ach asorano mettoch meinisin mine mi omochukich me epinano meinisin ngeni ewe Samon me An kewe popun.

Ew kapasen Pesepes me Pwarata

Pwi me fefinei me chienei achengicheng, mi wor fansoun nupwen ka aneanei om kopwe fori chommong mettoch. Semom won Nang mi tong a sinei netipom. Mi sinei pwe kose tongeni fori mettoch meinisin mine netipom a mochen kopwe fori. Nge ka tongeni tongei me angang ngeni Kot. Ka tongeni fori ukukun om tongeni ne aponueta An kewe annuk. Ka tongeni tongei me angang ngeni Noun semirit. Me om angang a seni ennetin netipom me amonaketa ngeni ew murinon fansoun mwach.

Iei met ewe ese wor punuwan non ewe tempel a nikinikin weweiti. A fen chok sinei pwe met a fangono esapw tongeni ekesiwini ewe muun israel, nge mi tongeni epwe ekesiwini me efeiochu manauan—pokiten, ekis mwo, nge a fen ina unusen met a wor ren.

Iwe, chienei achengicheng me chinei achengicheng chon kuno noun Jises Kraist, mut ngeni kich sisapw “noninen non [sia] fori mi murino, pwe kich sia forata ewe nongonongen angang mi auchea.” Me mettoch meinisin me nein ekkewe akaekis mettoch sia fori “ena akon auchea.”¹⁴

Ua pwarata pwe ei mi ennet, ua pwan pwarata pwe Jises Kraist i ach we Masta, ach Chon Angasano, me i chok ewe ach anen ach sipwe niwinsefan ngeni Samach won Nang mi achengicheng. Non iten Jises Kraist mi pin, amen.

Esinesin

1. Mark 12:41–44.

2. Omni 1:26.

3. Nouch kewe semirit me serafo a or tungoren ketiw ar repwe mamarita non ew anen taitap nupwen rewpe tapweno mwirin Jises Kraist, ewe anuon mwan “a anapano mirit me mwirino, me nefinen Kot me aramas” (Luke 2:52).

4. John 14:6.

5. 2 Nifai 31:20.

6. 3 Nephi 13:32–33; nengeni pwan Matthew 6:32–33. Joseph Smith Translation, Matthew 6:38 a pwan awora ekkoch ekiek: “Kosapw kutta mettochun ei fonufan nge kopwe kutta akom ne ouweta ewe muun Kot, me ouweta an we pungoch” (non Matthew 6:33 footnote a).

7. Ew awewe seni nouch we soufos, Preseten Russell M. Nelson. Nupwen an ewe fansoun non wisan we emon tokterin reirei, a koko ngeni emon presetenin steik. Elders Spencer W. Kimball me LeGrand Richards ra ngeni ewe wis. Esinaochu ewe wis ren wisan we non manauan, ra apasa ngeni i, “ika pwe ke mefi pwe en mi osukosuk me kose tongeni etiwa ei wis, iwe a pusin nonom reom.” A ponuweni pwe an finata usun ina mwo ika a fen koko chok me nom, nupwen ir me punuwan we ra fori ar pwon ngeni ewe Samon me non ewe tempel. “Aua fen fori am pwonn,” a apasa. “epwe ‘kutta … akom ewe muun Kot, me an pungoch’ [Matthew 6:33], an ennetin mefi pwe mettoch meinisin epwe ponuweta ngeni kich, usun ewe Samon a pwon” (Russell Marion Nelson, From Heart to Heart: An Autobiography [1979], 114).

8. President Nelson a keran chok kapas ren “met a auchea ngeni kich sipwe nikitano, ren an ewe Chon Amanu aninis, manauach me nom epwe kisino me non manauach. … Ua tingor kopwe iotek,” a apasa “kopwe esina ewe manauen nom kopwe nikitano me non manauome pwe kopwe tufich” (“Welcome Message,” Liahona, May 2021, 7).

9. Ewe pukefel a apasa, ngeni Kot, ach fangono akon unusen pin nap seni ach awesi mettoch (see Doctrine and Covenants 117:13). Enip epwe iei popun ewe Samon akon aucheani an ewe fefin ese wor punuwan we asor nap seni an ekkewe mi tufich. Ekkewe chon nomw ra asoren fangono, iei ewe esisinen nukuchar ngeni ekkewe chon fangono. Ekkewe aramas, nupwen repwe awesi chommong mettoch, esap ew asoren fangono, me ekkewe chon fangono rese ekesiwin.

10. Ekkoch chok me neich sipwe tingor ach sipwe asorano manauach ngeni ewe Chon Amanau. Nge kich mi ketiw meinisin ach sipwe epinano manauach ngeni I.

11. Nengeni Matthew 25:14–30.

12. Nengeni Doctrine and Covenants 6:36.

13. Non ei wewe, sia kuna non manauach usun unusochunon ekkewe osini an ewe aposel Paul: “Non ewe kinikinin fansoun ren ewe fansoun unusoch[Kot epwe] ochufengeni mettoch meinisin non Kraist, me ruu non nang, me non fonufan: usun non i” (Ephesians 1:10).

14. Doctrine and Covenants 64:33.