Kapasen Nepoputan

Seni Preseten Dallin H. Oaks

Aemonun Chon Aninis non ewe Aewin Presetensi

Sia asamonu ekkewe nengin noun Kot non ei auchean fansoun mwich ren ach sipwe nenengeni ar kewe aurek me an chon ar kewe mwich.

Fefinei achengicheng, nupwen sia poputa ne suki ei sokonon fansoun mwichen fefin non mwichenapen mwichefen, uwa pwapwaiti ai upwe wau ekkei kapasen nepoputan seni ewe Aewin Prestensi.

Ach kewe fansoun mwichen Ammon mi sokono non makken uruo ren ekkewe popun me pwan sokono chon fiti. Nekunionei sia sopwei ngeni ena uruo ren ach poputani eu minafon popun me fofforun ren ewe fansoun mwach. Ewe kapas allimen Jises Kraist ese sisiwin. Nongonongun ewe kapas allim ese sisiwin. Ach pwon mi pin pwisin ese sisiwin. Nge non ekkewe ier, ekkewe mwich sia fori ne awora ach poraus mi siwin me meni repwe pwan soposopono ne siwin non ekkan ier.

Ren iei, ei mwichen nekunionun Ammon a eu fansoun mwichen ewe mwichenapen mwichefen, esap eu fansoun mwichen och kinikinitiw. Usun chok meinisin fansoun ekkewe kinikinin mwichenapen mwichefen, ewe kokkotun, chon afanafan, me kon ra kefin seni ewe Aewin Presetensi.

Sia fen tingor ngeni Preseten Jean B. Bingham, presetenin ewe Fin Anisi Unus, epwe wisen atteteni ei mwich. Mwichen nekunionun Ammon non fansoun mwach a tongeni atteten seni emon nein ekkewe Chon Wiis seni ewe Mwichefen, usun ren emon nein chon ekkewe presetensin Fin Anisi Unus, Mwichen Fopun, me Kinter, a fin me ren ewe Aewin Prestensi.

Nepwinei ei fansoun mwichen nekunionun Ammon non mwichenapen mwichefen epwe nongonong won aurekin ekkewe fefin ren Aramas mi Pin non Fansoun Soponon. Ei epwe fiti ewe nongonongun Ewe Mwichefenin Jises Kraist ren Aramas mi Pin non Fansoun Soponon, ekkewe annukun Mwichefen minne ra auchea ososen ngeni fefin, me ekkewe wiis me angangen ekkewe mwich mi pachenong ekkewe fefin me nengin non Mwichefen. Inamo ei kinikinin mwich a kawor ren satellite ngeni fonufan unus ren meinisin aramas usun chok ren ekkewe fansoun mwichenapen mwichefen, ekkewe sia tungor repwe fiti ei mwich non ewe Conference Center fan iten ei fansoun ir ekkewe fefin me nengin seni ier 12 me feita. Sia pwan apachanong ekkoch ekkewe chon pristut chon emwen kewe ir ra wisen emweni ekkewe sokopaten kinikin non mwichefen.

Met sia poputani iei a fiis pokiten met sia rongorong seni sokopaten mettoch mi tufich ngeni an ewe Samon Mwichefen won fonufan unus me ekkewe chon emwen me memper. Ewe nongonongun ewe kapas allimen Jises Kraist a fan iten aramas meinisin, iwe ina ach aewin popun me ne achocho ne awora ei poraus. Sia asamonu ekkewe nengin noun Kot kewe non ei auchean fansoun mwich ren ach sipwe nenengeni ar kewe riaffou me ekkewe chon pekin ar kewe mwich.

Sia kinisou ren tufichin technology a atufichi chon emweni Mwichefen ne awora kapasen tichikin kaeo ren poraus ngeni ekkewe kinikinin chon fiti non ewe fonufan. Sia pwan etiwa ewe ennetin pwe ekkewe tufichin sai iei a napeno iei. Ena a atufichi kich ne tinano chon emwenin Mwichefen ne atteteni mwich mi auchea ngeni emon me emon pwisin ren pekin kaeo an chon emwen non ekkewe neni meinisin.

Iei ewe angangen ewe Samon Jises Kraist. Kich noun chon angang, sia emwen me ren Noun Ngun mi Fel. Sia tingor kewe feiochun ewe Samon won ekkewe chon emwenin ekkewe kinikinin mwichefen me won ekkewe fefin me nengin mi nukuchar ekkewe ra angang ngeni ewe Samon non ekkei kinikinin mwich me non manauer pwisin. Non iten Jises Kraist, amen.